عمّا قريب.. لمحجوب شريف

عمّا قريب..

الهمبريب

يفتح شبابيك الحبيب

والحال يطيب

يا محمد أحمد تستجِمْ

والبيت يتمْ

تتلم تلمْ

تفرح فرح

تحلم حِلِم

كم تطمئن

حقك يجيك لافيهو شك..

يمكن واظن

ويفوتو همْ

والعدل يعمْ

وتغني أمْ

كادت تجن

كبر الولد جُوّا السجن

فاقداهو هى

دا كلو كلو ينتهى

دا كلو كلو ينتهي

زولاً تريدو وتَشْتهِى

تلقاهو فى

لا فى السِّجِن..

لا مختفى

لا يقولو ليك ما تمشي لى

دا كلّو كلّو ينتهى

دا كلّو كلّو ينتهى

دا كلّو كلّو ينتهى
_________________

هذه أول مشاركة لشخصي الضعيف أتمنى أن تنال الإستحسان

شكرا ود الملقة انك احضرت هذا الشريف هنا
انه ( محجوب ) لانه ( شريف )
واهلا بك بيننا
وتسلم
خطوتك جميلة

محجوب شريف هذا الرائع الذي أحب فيه مربط الشعر وصعوبة الكلمة شراسة السرد وعبقرية الفكرة وسهولة الوصول الي القلب عبر المفردة،،،
شكراً كثيراً ود الملقة،،،

والله ياود الملقه زينت الصفحات بهؤلاء ,,,, وجعلت لهم علينا غطاءاً من جمال ,,,
وزرعت لهم فينا شجراً من الأعجاب لهــــــــم ,,,,,,,,,,,, دمت يا كبير ولا عدمناك ,,

ــــــــــــــــــــــــــــــــــــــــــــــــــ
بـــدور أسالــك بتحت تحت ,,, الملقه دى شنــــــــــها ,,,,,,,,,,
دمــــــــــــــــــت

ود - المقله والله اهل بيك وبالاستاذ محجوب شريف - طبعا اخوك قديم هنا - يعنى من الرواد
كان نفسى اجيب محجوب شريف هنا لكن خفت الجماعه يقولو مبارك (.............) بركة الجيت
وجبت الراجل البركه محجوب شريف - ومشاركتك قوية

شكراً لكم ايها الأعزاء كعزة أهلنا على هذا المرور الأنيق...ويا الطالبابي الملقة دي وطني وحنيني قرية ريفي أبوقوتة..جئت من رحمها وبما أني لا أقطن فيها الآن إلا أنني أكن لها كل الود وهأنذا أتشبث بكل شئ يقربنا إليها ودخولي لمنتداكم العامر لإيصال صوتها لمنطقتكم العامرة....إنها تنتمي إليكم؟؟؟؟؟