(في الفؤاد ترعاه العناية.. بين ضلوعي) هلالنا العزيز

(في الفؤاد ترعاه العناية).
(بين ضلوعي) هلالنا العزيز..
الهلال ديمه بيشرف..
لأنو في الجولات بيعرف..
كيف يجيب النصر البشرف..
لي مقام وطنو العزيز..
الهلال خاض كم من معارك..
في كؤوس إفريقيا بيشارك..
للنصر خاض كم من مهالك..
في سبيل وطنو العزيز..
سيد بلدنا خاتي في عيونو..
الوطن حالف يصونو..
واصلوا ما فكر يخونو..
شان بشرف وطنو العزيز..
الهلال تب ما خلى حاجه..
ما يعرف الخوف والسذاجة..
للنصر كم بقضالوا حاجة..
وتفرح الوطن العزيز..
يا هلال العز المثالي..
ديمه ساطع وكم تلالي..
وتنثر الدرر الغوالي..
في ربا الوطن العزيز..
يا الله ترعاهو بعناية..
غير سموهو ما ليا غاية..
أملي ياخد الكاس في النهاية..
ويسعد الوطن العزيز..
هكذا جاراها شاعرنا الراقي المرهف الإحساس : حسين حمزة الأمين

مبروك لكل الهلالاب