منتديات الحصاحيصا نت alhasahisa

منتديات الحصاحيصا نت alhasahisa (http://www.alhasahisa.net/vb/index.php)
-   «۩۞۩-منتدى الأسرة والصحة-۩۞۩» (http://www.alhasahisa.net/vb/forumdisplay.php?f=13)
-   -   مصير كليات الطب في السودان (http://www.alhasahisa.net/vb/showthread.php?t=6835)

شادي كمال محمد 05-28-2009 10:36 AM

مصير كليات الطب في السودان
 

محمد يوسف 05-28-2009 04:08 PM

ياريت وكنت أتمنى ما يعترفوا بي أي شهادة طب من أي جامعة سودانية لانو يا شباب الدكاترة بتاعيننا بقوا غيلان ومصاصين دماء وأخطر على المرضى من السل والبلهارسيا والملاريا الغالباهم دي.

والله يا ناس نحن شعب طيب وبنتعامل معاهم بي احترام بس هم ماديين وما بستاهلوا أي إحترام وكل واحد عاوز يبني عمارة من الآم الناس من غير حتى ما يعالجها.

الشهر الفات أنا خسران قرابة المليون وكل طلعت بدون علاج تغير الدكتور وما تلقى نتيجة وتمشي لي الثالث وما تلقى نتيجة والرابع وكل واحد يلطشك في التبادي 50 جنية قبل أي تبعيات تاني.

تصدقوا واحد دكتور كبير وصاحب تخصص مهم بيدخلو الناس بدل واحد واحد بيدخلوا مجموعة الغرفة ويقعدوا في الكنبة ويكشف عليك قدام الباقين ويسالك ويوصف ليك الدواء وقبل ما تقوم من الكرسي يقبل على التاني.

الفكرة طبعاً علشان ما يدي الناس البيتكلموا كتير فرصة يعني طلعت من الغرفة ما طلعت وأقتنعت بالعلاج ما أقتنعت بعد الكشف ينتهي هو يقبل على التاني وكمان في ناحية إقتصادية بتوفر زمن خروج العيان الأول ونتظار دخول العيان الي بعدوا علشان يدخل أكبر كمية.

بالله دا لو فرش ليهو سفنجات مش كان باع لي الناس بي مهلة أكتر من كدا؟؟؟

ما عافي ليهم قروشي واللهلا كسبهم واحد واحد.


الساعة الآن 07:48 PM.

Powered by vBulletin Version 3.8.7
Copyright ©2000 - 2021, Jelsoft Enterprises Ltd
HêĽм √ 3.1 BY: ! ωαнαм ! © 2010

vEhdaa 1.1 by NLP ©2009