القرد فى عين أمو غزال

ناس الراكوبة مساكم زين واريبا وسودانى إنتو عارفين انا الراكوبة دى مكيفانى ليك كيف عشان بجى بتكلم كدا بى مزاج واى موضوع بجى فى راسى طوالى بنزلوا ليك هنا من غير رتوش ومقدمات .
اها خلونا نرجع لى عنوانا عشان مانطش شبكة والمقولة دى عاملة لى وجع راس هلى صحى انو الجمال نسبي ؟ وهل القرد فى عين امو غزال ؟ مقياس الجمال شنو ؟ كلمة نسبى ووصف القرد حسب رايى الشخصى انو (مكنه) بس و (ودراب) بس اللى بقول عن الجمال نسبى دا زول داقس وعاوز الناس تدقس معاهو يعنى شنو الواحد يكون شين ولا تكون حبيبتو او خطيبتو شينه ووشها يقطع الخميرة من البيت ويقوم يتفلسف لما يسالوهو عن جمالوا أو جمال حبيبتو ويقول الجمال نسبى ويقوم يعمل فيها دمو خفيف ويقول القرد فى عين امو غزال . اغرب شى (بل هى حقيقه) انو القرد فى عين امو وعين الناس كلها وعين القرود قرد وبس ولا غزال ولا ويكه يعنى فلسفة من الناس يقول القرد فى عين امو غزال !!!؟؟ الله يعين القرد مع البنات الشينات والشينين ويعين الغزال مع القرد والله يعين الخميره مع قطعة الوش والله يعين النسبه مع الجمال والجميلات والباحثات عن الجمال بواسطة الميك اب. نشوفكم تانى .

صراحة يا البرنس حيرتنا معاك في الموضوع ده

ملحوظة:
(بيني و بينك القرد قرد و الغزال غزال ولا يوجد وجه للشبه)

أخوك الدقدوق

المشاركة الأصلية كتبت بواسطة الدقدوق

صراحة يا البرنس حيرتنا معاك في الموضوع ده

ملحوظة:
(بيني و بينك القرد قرد و الغزال غزال ولا يوجد وجه للشبه)

أخوك الدقدوق

الدقدوق اخوى
والله انا من شفتك اتكيفتا
لأنك زول حركى وبنلقاك فى كل مكان بالمنتدى
وياربى ماتغيب عننا تانى ومشتاقين لمن بى هناك
اها الكلام الفوق دا انا زاتى محيرنى
رايك شنو
موش القرد دا قرد بس ماغزال ولا حاجة
مرور رائع الدقدوق

الأخوان البرنس ،،، الدقدوق
مداخلة بعد الإستئذان
أنا إقترح على كل قرد أن يكون غزال فى روحه ونسميه غزال الروح ، وبعد غزللة روحه فليتغزل فى الغزلان كما شاء

المشاركة الأصلية كتبت بواسطة صلاح عمر أحمد عمر

الأخوان البرنس ،،، الدقدوق
مداخلة بعد الإستئذان
أنا إقترح على كل قرد أن يكون غزال فى روحه ونسميه غزال الروح ، وبعد غزللة روحه فليتغزل فى الغزلان كما شاء

أها شفت كيف ياصلاح غزال في روحه دا نحنا الدايرنوا الواحد يقول ليك داجميل جمال الروح كدا عسل لكن حكاية الجمال نسبى وماعارف كيف .
بعدين نحنا سمعنا
ياغزال الحي
وغزال البري
وقرد دى كان سمعنا اسمو بس
تسلم على المداخلة التى ترد الروح فى القرد وتخليهو يغازل الغزال
مرور رائع صلاح
كن قريبا

البرنس تحيااتى

والله موضوعة البرنس شرط عديل كدا وكيفنى وانا بشوف الغزال فى قلب كل انسان ، يعنى الجمال فى الاخلاق لافى جمال النفوس وياريت كلنا نعترف بهذا الشى الجميل وتقبل مرورى البرنس ولك فايق شكرى وتقديرى


وهيب احمد

يا برنس


وهو فعلا القرد قرد
والغزال غزال
ما في اي وجه شبه بينهم

لكن مرات الواحد بشوف القرد جواهو غزال
والمهتمين بالجوه بشوفوا الغزال وينسوا القرد
لحدي ما يجي زول ماشي ويقول ليك الزول ده
العاجبة في القرد(القردة) ده /دي شنو؟؟

تبقي المشكلة في النظرة
وهسع انتا جبتا الكلام ده لي روحك وانا بسألك عدييييييييييييل كده :
اها انتا ياتو فيهم .. البشوق البرة واللا الجوة

البرنس
انا غايتو شايف انو الغزال ما جميل ( شرط )
ولا القرد شين شنة مرة !!!!!
والله رايك شنو؟؟؟؟؟؟
( امكن نظري ضعيف ومحتاج لي نظارة؟)

الاخ العزيز البرنس سلامي
يا اخي عندما نقول القرد في عين امو غزال هذا اقرار منا بشنات القرد ولكن ( القرد في عين امو غزال ) هذا يعني ان اي شخص في عين والديه ومهما كان دميما وانه يشبه القرد في نظر اي انسان اخر لكنه في عين والديه يكون جميل
واذكر ايام الدراسة بالثانوي كان لنا صديق من القري التي حول الحصاحيصا وكان شين ولونه اسود شديد ونحن دايما ننادية بالشين ويوم خميس ذهب الي اهله وعندما عاد يوم السبت حكي لنا ان الفنان /عماد احمد الطيب احيا لهم حفل عرس في حلتهم وقال حبيبته قالت له انت بتشبه عماد ولكن عماد مشنياه الصفورية ( القرد في عين امو غزال )

المشاركة الأصلية كتبت بواسطة بنت أمها

يا برنس


وهو فعلا القرد قرد
والغزال غزال
ما في اي وجه شبه بينهم

لكن مرات الواحد بشوف القرد جواهو غزال
والمهتمين بالجوه بشوفوا الغزال وينسوا القرد
لحدي ما يجي زول ماشي ويقول ليك الزول ده
العاجبة في القرد(القردة) ده /دي شنو؟؟

تبقي المشكلة في النظرة
وهسع انتا جبتا الكلام ده لي روحك وانا بسألك عدييييييييييييل كده :
اها انتا ياتو فيهم .. البشوق البرة واللا الجوة

كلامك جميل وسؤالك اجمل وكلام الناس العلقوا كلو حلو بس كلامي انا دا ( ديك العدة ) بختلف معاك شوية يا بنت امها طال ما الواحد بكون شايف حبيبتو غزال مش لو كلموهو انها قرد برضو بشوفها غزال لانو اكيد عاجبو فيها شي معين وهذا الشي هو المخليهو اشوفها جميلة وانيقة وما شينة لكن لما يزول سبب الإعجاب بتظهر الحقيقة الكانت ما ظاهرة ليهو وبشوفها الوقت داك ههههه اريتو كان ماشافها؟ انتو اكيد عرفتو كيف شافها هههه

المشاركة الأصلية كتبت بواسطة وهيب احمد

البرنس تحيااتى

والله موضوعة البرنس شرط عديل كدا وكيفنى وانا بشوف الغزال فى قلب كل انسان ، يعنى الجمال فى الاخلاق لافى جمال النفوس وياريت كلنا نعترف بهذا الشى الجميل وتقبل مرورى البرنس ولك فايق شكرى وتقديرى


وهيب احمد

وهيب مرورك جميل ورائع لكن برضوا ما أفيتنا فى المقولة دى
يعنى هل القرد في عين امو غزال ولا لا
جمال الاخلاق والجات التانية دى خليهوا
نحنا دايرين جواب عديل كدا

المشاركة الأصلية كتبت بواسطة بنت أمها

يا برنس


وهو فعلا القرد قرد
والغزال غزال
ما في اي وجه شبه بينهم

لكن مرات الواحد بشوف القرد جواهو غزال
والمهتمين بالجوه بشوفوا الغزال وينسوا القرد
لحدي ما يجي زول ماشي ويقول ليك الزول ده
العاجبة في القرد(القردة) ده /دي شنو؟؟

تبقي المشكلة في النظرة
وهسع انتا جبتا الكلام ده لي روحك وانا بسألك عدييييييييييييل كده :
اها انتا ياتو فيهم .. البشوق البرة واللا الجوة

إنتى بديتي كويس يابنت امها
تاني خربتيها بي لكن دى
يعني كيف اشوف القرد جواه غزال
نحنا جنس الفلسفة دى خلتنا نشك فى المثل دا ودى الجابتنا الراكوبة دى عشان نتكلم بى مزاج
يعني خلونا من لكن وربما دى دايرين اجابات من غير لكن
يعنى كيف اشوف القرد جواه غزال يعنى زي الزجاج الشفاف ولا موجات صوتية
خليتى المشكلة فى النظرة طيب اوكى
اسى زول ماشى فى الشارع اعرفوا كيف قرد ولا غزال
يعنى بي اختصار انا اول مرة اشوفوا حااشوف جواه كيف
ولا حا احكم بالظاهر يا اقول قرد ياغزال
يعنى مافى حاجة اسمها القرد فى عين امو غزال

المشاركة الأصلية كتبت بواسطة ابوعبيدة عباس حريبات

البرنس
انا غايتو شايف انو الغزال ما جميل ( شرط )
ولا القرد شين شنة مرة !!!!!
والله رايك شنو؟؟؟؟؟؟
( امكن نظري ضعيف ومحتاج لي نظارة؟)

اوكي ياحريبات دا كلام واقعى
يعنى الغزال شرط ولا ماشرط بس غزال
والقرد شين ولا ماشين لكن قرد
نظرك حلو يعنى القرد لاغزال ولا الغزال قرد

المشاركة الأصلية كتبت بواسطة كمال الجمل

الاخ العزيز البرنس سلامي
يا اخي عندما نقول القرد في عين امو غزال هذا اقرار منا بشنات القرد ولكن ( القرد في عين امو غزال ) هذا يعني ان اي شخص في عين والديه ومهما كان دميما وانه يشبه القرد في نظر اي انسان اخر لكنه في عين والديه يكون جميل
واذكر ايام الدراسة بالثانوي كان لنا صديق من القري التي حول الحصاحيصا وكان شين ولونه اسود شديد ونحن دايما ننادية بالشين ويوم خميس ذهب الي اهله وعندما عاد يوم السبت حكي لنا ان الفنان /عماد احمد الطيب احيا لهم حفل عرس في حلتهم وقال حبيبته قالت له انت بتشبه عماد ولكن عماد مشنياه الصفورية ( القرد في عين امو غزال )

اسى ياكمال كلامك دا ما بحير المابتحير يعنى لما تقول القرد فى عين امو غزال يعني دا اقرار بي شنات القرود حسب كلامك اوكي طيب مدخلين الغزال الحلو دا هنا ليه ماتقولو القرد شين وشين شنه مرة وخلاص من غير فلسفة وبس نحنا تفسير المثل دا عارفنوا مظبوط لكن عارف المشكلة وين نحن بنشكك فى المثل دا زاتوا لانو مامنطقى دى فلسفة ساى القرد دا في عين امو وعيون الناس قرد بس ولا غزال ولا حاجة .وانا عندى مثل تانى ممكن يقرب وجهات النظر . تعال بي هناك

اسمع يا برنس
المسالة جابت ليها فلسفه ومجاملات لكن انا يشوف انو حرام
نمثل القرد بالغزال واخوانا المصريين عندهم مثل بقول ليك
لبس البوصه تبقي عروسه والله القرد دا موش عان لبستو
لو وديتو لوزة الحميراء واشتغلوا فيهو سنه كامله برضو بطلع قرد
انت عارف كان عندي حبوبتي الله يرحمها ويغفر ليها كانت في
النسوان عندها كلام كان لمن واحد من الاسرة يتزوج تجيب
العروسه وتقعدها جنبها وتمسح علي راسها كان شعرها طوال
تقول ليك عروس السرور الغزاله وكان شعرها قصار تقول
عروس اليابا الشينه القرده ( طبعاً حبوبتي الله يرحمه كانت
ضريره ) اخيراً القرد قرد وشين والغزال غزال وزين

المشاركة الأصلية كتبت بواسطة ابوسفيان ابراهيم احمد

اسمع يا برنس
المسالة جابت ليها فلسفه ومجاملات لكن انا يشوف انو حرام
نمثل القرد بالغزال واخوانا المصريين عندهم مثل بقول ليك
لبس البوصه تبقي عروسه والله القرد دا موش عان لبستو
لو وديتو لوزة الحميراء واشتغلوا فيهو سنه كامله برضو بطلع قرد
انت عارف كان عندي حبوبتي الله يرحمها ويغفر ليها كانت في
النسوان عندها كلام كان لمن واحد من الاسرة يتزوج تجيب
العروسه وتقعدها جنبها وتمسح علي راسها كان شعرها طوال
تقول ليك عروس السرور الغزاله وكان شعرها قصار تقول
عروس اليابا الشينه القرده ( طبعاً حبوبتي الله يرحمه كانت
ضريره ) اخيراً القرد قرد وشين والغزال غزال وزين

موش عليك الله ياابوسفيان الناس دى بتفلسف في الفاضى ساى
قالوا القرد غزال ولا جنو على القزال وبشعوا بيه

أنا المثل دا لي اسي حارقني
الناس دا كان اقتنعت ولا ما اقتنعت انا البقنعني شنو بى القرد البشبه الغزال
عالم عجيبة أسي الغزال دا مابزعل من الكلام البوجع دا

نتوجه الي المثل التاني

غايتو يا برنس انا في رأي القرد قرد والغزال غزال

ومافي اصلا وجه شبه بيناتهم يعني اسي كان ما ساي الجاب القرد للغزال شنو

المشاركة الأصلية كتبت بواسطة hanoya

غايتو يا برنس انا في رأي القرد قرد والغزال غزال

ومافي اصلا وجه شبه بيناتهم يعني اسي كان ما ساي الجاب القرد للغزال شنو

موش كدا قرد شين وكريه البجيبوا لي الغزال شنو
دا ماكلامي ياهنوية لكن البقنع الديك منو
هسي الديك زنبوا شنو

ههههههههههههههههه
الله يجازي محنك يا أبو عمر
شفت كيف شين ودشن وفي نفسوا ماقادر يستحمل
قال غزال قال
هههههههههههههههه
والله موتني من الضحك

الله يضحك كمان وكمان
ويفرحك إنشاءالله

البرنس بتجيب في المشاكل ماااااااااااااااااااااااااااالك
خلي القرود والغزلان في حالها

المشاركة الأصلية كتبت بواسطة ريري

البرنس بتجيب في المشاكل ماااااااااااااااااااااااااااالك
خلي القرود والغزلان في حالها

سمح ياملكة الغابة

المشاركة الأصلية كتبت بواسطة البرنس

سمح ياملكة الغابة

يعني اجمل من الغزال....... ولا القرد اسمح مني