طلاق بائن ام طلاق رجعي ؟

ومساءءات 00000
000000000000

نقلا عن صحيفة التيار الصادرة اليوم الجمعة

بقلم : الصفر البارد

الانفصال : - طلاق بائن أم طلاق رجعي
قامت مضاربة وشكله ,, شلاليت وضرب وعفار غبار كوني الكتروني تناثر في أرجاء فضاء الانترنيت بين مجموعة الصفر البارد ( آوت لاين ) ومجموعة ( الواقع البشع ) بقيادة العضو ( الفقراوي )
واختلفنا في الانفصال , هل هو طلاق بائن أم رجعي ,, وبمجرد دخول هذه العبارة ( الطلاق ) في النقاش ظهر خلاف أخر اشد عمق ,, قالوا لو كان الأمر طلاق أذن هنالك زواج قد تم من قبل ,, ولو تم زواج بكل تأكيد هنالك رجل وامرأة ,, وتحول الجدل والنقاش في أثبات نظرية أخرى وهي :- من كان منهم الرجل ومن هو المرأة ,, غضب الجنوبيين من هذا التشبيه واستنكروا هذا التشبيه من أصله ,, ورغم الاستنكار في ثورة الغضب وسط النقاش ,, وقالوا هم كانوا الرجل ,, وان الشمال هو المرأة ,, قلنا لهم موافقين وبما أن الشمال طلع هو المرة ,, وانتم الرجل وقمت بعملية الطلاق يترتب عليكم التالي :-
1- استلام كل أطفالكم المولودين بالشمال
2- دفع مؤخر الصداق وحسب أعرافكم ( بقر )
3- دفع النفقة في حال الطلاق الرجعي وطول فترة العددة
فجأة اعترضوا الجنوبيين و قالوا لالالا لن تقبل وطالبوا أن يكونوا هم المرة والشمال هو الراجل ,, قلنا مافي مشكلة تعالوا نحاسب على أساس انتو المرة والشمال هو الراجل - بما انه الراجل ( الشمال ) ما عايز يطلق فتصبح القضية هي خلع وليس طلاق ويطلع حسابكم كما يلي :-
1 - استرجاع المهر ودفع تعويض في حال الخلع
2 الرجل يملي شروطه على الزوجة وعليها أن توافق مثل أن يطلب تعويضا من المرأة مالي أو عقاري إذا وجد ,,
وتتتيب الزواج دا في الأصل كان متين ,, كان قبل ألف وأربعمائة عام ,, منذ دخول العرب للسودان ,, وعشان نرجع المهر لازم نشوف الراجل دفع في الزمن داااك كم ,, ونعمل ليها تعديل بموجب أسعار الصرف اليوم ,, عشان نرجع ليه ( قروش بتاعوا ) ,, لقينا الزواج تم بعدد 50 تور كبير و30 دينار عربي ,, بس تور بتاع زمان ما زي ( جلافيط ) تور اليوم ,, والتور بتاع زمان بساوي حسب علم الرياضيات الحديثة ,, مليون تور ( جلافيط ) ودينار عربي بتاع زمان بساوي ممكن مليار دولار ,, لأنه الدينار بتاع زمان لو استلموا " شايقي " بعمل ليه تنمية يبقى يعادل اليوم مليار دولار عديل بعد 1400 سنة ,, قالوا الكلام دا ما ممكن دا أكيد خدعة وسرقة عايزين تسرقوا بيها قروش بتاع بترول بتاع الجنوب ,, قلنا ليهم خلاص تعالوا نجرب هاتوا 30 مليار دولار اليوم ونديكم ليها بعد 1400 سنة شوف بتطلع كم ,, فجأة الجماعة اختفوا من الشبكة وطلعوا خارج الشبكة ,, فتشنا عنهم ,, قالوا قفلوا الأجهزة واتخارجوا ,, تركوا رسالة في "السيرفر" تفيد أنهم دخلوا الغابة ,, ياااا ربي السبب شنو ! !
خارج النص :-
يداوي كل ذي غصة بالماء غصته فكيف حال الذي قد غص بالماء