عشان نقرب من ربنا ..

اليوم ..

جلست مع نفسى ..

ولاول مره اقعد واتفرجخ فى الواطه مع نفسى ...

يعنى براى ..

وكنت بفكر فى حالى .. كنت وين وبقيت وين !!

وفجأة ..

واقسم بالله يا احباب سألت نفسى سؤال :

انا ليه بعصى ربنا فى اوقات ؟؟

ليه ما بشعر بى لذة الطاعه البسمع عنها فى الخطب بالمساجد ؟؟

وليه ساعات بكذب عشان مصلحه ماديه فى شغلى ؟؟

مع انى عارف انو ربنا ح يحاسبنى .. وبالرغم من ده برضو بكذب


وبعد تفكير .. وتدبير

اتوصلت لى نتيجه واحده ..

( انا ما بعرف ربنا )

..

ايوة ما بعرف ربنا !!

وما حاولت اسعى لمعرفته ..

برغم انى بصلّى .. وبصوم ... وبتصدق ..

واكيد فى ناس غيرى لو فكروا ح يتوصلوا للنتيجة دى ..

لانو .. بحسب ظنى ..

اذا كنا بنعرف ربنا تمام المعرفة ..

اكيد ما ح نفكر فى معصيتو !!

ومن هنا .. ابتديت احاول اقرب من ربنا ..

ورمضان على الابواب . .

ودى فرصة تتيح لينا نقرب من ربنا اكتر واكتر ,,

..

بس انتوا ابقو قراب ..

عشان نقرّب من ربنـــا ..

لازم بالاول ... نوطد معرفتنا بيهو ..

لانو كلما عرفناه اكتر .. ح نكون قرّبنا ليهو اكتر ..

وبالتالى .. ح نحبو اكتر واكتر ..

...

والبحب انسان باخلاص اكيد ما بعمل شى يزّعل حبيبو ..

فما بالك لما يكون حبيبك ربنا ..

7

7

اهلنا الطيبين :

.. تعالوا نشحن قلوبنا بكلام الله

عشان نوصل فى حبه لدرجة العباده

..

شكراً للتذكير حبيبنا الخمجان
و ما احلى خمجك هنا
فالنفس الامارة بالسوء
و الدنيا و مفاتنها
كثيراً ما يتغلبن علينا فى معركة
مجاهدة النفس
نسأل الله
ان يوفقنا لما يحب و يرضى
وان لا يجعل الدنيا اكبر همنا ولا مبلغ علمنا و ان لا يجعل النار مصيرنا و نساله تعالى أن يجعل الجنة هي دارنا وقرارنا
اللهم إنا نعوذ بك من زوال نعمتك وتحول عافيتك ومن فجائة نقمتك ومن جميع سخطك يارب العالمين اللهم اغفر لنا وارحمنا وعافنا واعف عنا
واكرمنا ولا تهنا اللهم اتنا في الدنيا حسنه وفي الاخره حسنه وقنا عذاب النار

الرايع دوما .. ابو امجد ..

ادعو الله عز وجل ان ينجينا وكافة المسلمين

من شرور الدنيا .. ومفاتنها المهلكة ..

....

اسعد دائما بتواجدك حبيبنا الغالى ابو امجد ..

واسعد اكتر واكتر .

لتواجدنا سويا فى رحاب التقرب من الله ..

دمت بحب الله ..

عشان نقرب من ربنا اكتر

لما نحب نتعرف على شخص ما .. احببناه

فاول شى نسأل عنه .. هو اسمه وصفاته ..

فكيف اذا كان من احببناه و نريد التعرف عليه هو الله سبحانه وتعالى جلّ جلاله !!

لذلك ..

سافرد المساحه التاليه للتعرف على بعض من اسماء الله الحسنى


من خلال اسمائه المذكوره بـ ( القران الكريم )

ونحاول معرفة صفاته من خلال استنباط الدلالات من اسمائه .. ( بالاجتهاد )

مع الاعتماد على المراجع الفقهية .. وصحيح السنة النبوية ..