و الله عيب ( بصـــــــــــــــــــــــــــــــراحه )

بصراحه شديده يا من تهمو مصلحة الحصاحيصا
واول شئ و قبل كل شئ اشهد الله العظيم على كل كلمه بقولها ليكم صحيحة و ما عارف ابدا من وين ابدا من سوق الحصاحيصا الوسخان ولا ابدا من مستشفي الحصاحيصا الكهربتها قاطعة و عملية الولادة شغاله و لا ابدا من سفاحين المرور السريع ولا ولا و لا ولا ..
كدى نبدا واحده واحده من سوق الحصاحيصا يا جماعة اول شئ اول مره في حياتي اشوف و اسمع لي سوف بتبيعو المحلية لاشخاص بالقروش و طبعا البشتري السوق ده بس بخلص آخر اليوم مبلغ 4 الف جنية عن كل دكان و على كل بائع ببيع اي شئ في السوف ولا بهتموا بنظافة السوق ولا ترتيب السوق اقسم بالله كمية الاوساخ و كمية اكياس البلاستيك و الكراتين و المخلفات مبالغ فيها لا في صحة بيئة و لا صحة عامه و لا اي شئ صاح لا خدمات صحية و لا خدمات تنفع المواطن بس اعرفوا اجوك دايرين قروش المويه و قروش العوائد و الضرائب و الزكاة الله يستر يا جماعة..
نتكلم شوية عن مستشفي الحصاحيصا اقصد جزارة الحصاحيصا التعليمي . مشيت المستشفي مع احدى الاخوات و هي في حاله وضوع وتم نقلها الي العمبر اقصد ( الكشك) الي حين نقلها الي العملية وفي الساعه 8 مساء قطعت الكهرباء اتخيلوا قطعت الكهرباء و العملية شغالة و دام 45 دقيقة اتخيلوا 45 دقيقة كهربه مافي لا في العملية لا في العنابر يعني كل المستشفي قاطعة سبحان . المهم لا مولد كهرباء لا جننيتر (ما مجنون طبعا ) ولا ولا ولا . المهم اتصلت بناس الكهرباء من تلفوني الخاص لانو لا يوجد تلفون في مستشفي الحصاحيصا نهائيا و لا استعلامات قلت ليهم المستشفي قاطعة قال لي من متين قلت ليه ليها 45 دقيقة قال لي مافي اي زول اتصل علينا من المستشفي . يعني في اكتر من كده استهبال و عدم مسئولية يا جماعة و لا انا غلطان و لهم العافيه الي كل من دخل مستشفي الحصاحيصا التعليمي ...
عاوز اتكلم عن رجال في ايدهم سلامتنا ولكن العكس في ايديهم ايصالاتنا بالبي 30 الف والي 200الف جنية يا جماعة حرام كفاية مذله كفاية سكات كفاية كفاية كفاية ..
وآسف جدا علي طوله كلامي ..
و دمتــــــــــــــــــــــــــــتم يا صحـــــــــــــــــــــــــــــــــــاب

العزيز / معز امريكي ..... تحياتي واشواقي ..... بصراحة فعلا الحال لاتسر صديق ولاعدو واصبح حال المستشفي فعلا يدعو للتخوف علي اهلنا البسيطين ونعرف بان العيادات الخاصة
اجورها مرتفعة جدا ولايقدر الاغلبية من سكان المنطقة وما جاورها من زيارتها وعليه لابد
علي الحكومة ممثلة بمحلية المدينة بالتحرك السريع للاهتمام بهذا المرفق الحيوي بل هو من
اهم مايحتاجه انسان المنطقة..... ولااعرف ماذا تفعل المحلية باموال المدينة.... واهم مافي المدينة وصل الي هذه الحالة من التردي.... واين تصرف عائدات المحلية اذا كان المستشفي والطرق والسوق وانارة المدينة كلها تعاني وتئن تحت بند الاهمال المفتعل...واعرف ان صحة البيئة بلا ميزانية وبلا كوادر مؤهلة حتي تنهض بهذا المرفق الهام.. وهذه كلها تودي الي صحة انسان المنطقة المغلوب علي امره.... اخي العزيز ... اقترح الاخ العزيز/ ود الشايب اقتراح لابد ان يطبق علي ارض الواقع حتي نساهم ولو بشئ رمزي كل علي حسب استطاعته وارجو ان يحذو ابناء الحصاحيصا بالامارات وجميع ابناء الحصاحيصا في دول المهجر علي نفس المنوال ويساهمو في حل مشكلة المدينة واولها المستشفي................... اتمني من الله العلي القدير
ان يحفظ اهل الحصاحيصا ويديم عليهم رحمته ........ومابعد ضيق الا فرج .....ودمتم:2_83::2_83::2_83:

والله يا معز الحال امكن يكون اسوأ من ما تتصور
الحصاحيصا انتهت وانتشرت بها الاوساخ بعد ان
كنا نتباهى بعدم وجود الكوش فى الحصاحيصا
وانتظام عربات جمع القمامة حتى مريخ الحصاحيصا
وهلال الحصاحيصا اصبحو ذكريات والبركة فى فريق
النيل, والظلام بقى هو عنوان المدينة وتردى الخدمات
وانقطاع الماء ليلاً وانقطاع الكهرباء بعد ان كانت
الحصاحيصا اكثر مدن السودان استمتاعاً بالكهرباء
واستقرارها , ولكن القاعدة العامة والشعور العام
بان الجميع قد بلغ مرحلة متقدمة من الياس من
المسئولين الذين تعاقبو على الحصاحيصا ونتمنى ان
يكون المعتمد الاخير احسن من من سبقوه ,
ومن البشريات ايضاً تولى ابن الحصاحيصا البار د. كمال
عبد القادر لمنصب وكيل وزارة الصحة الاتحادية والذى
ننتظر منه الكثير ,,,
ولكن مع ذلك يجب الا نقف مكتوفى الايدى ويجب ان نعمل
من اجل ان ينصلح الحال وهذا ليس بمستحيل فقط المطلوب
هو التحرك فى حدود الامكانيات وما طرحه الاخ الصادق الشايب
هو نقطة البداية لتنفيذ كل المشاريع المتعلقة بتطوير الحصاحيصا
فنرجو ان يوفقنا الله وان نقدم شيئاً للحصاحيصا ولابناء الحصاحيصا
والله الموفق

مشكور الاخ / عارف على مرورك
بس الواحد يقول انشاء الله يصلح الحال في الحصاحيصا

إنشاء الله ينصلح الحال في الحصاحيصا
لكن للأسف الناس أسي مهتمه بالحرب الفي المنتدى
في مشكله في المنتدى البتنطرح فيه المشاكل عشان تتعالج !!
و مشتاقييييين طولت الغيبه , أنشاء الله ما تتكرر

مشكلة حقيقة يا امريكى وربنا يصلح الحال وتحياتى

المشاركة الأصلية كتبت بواسطة امريكي معز

بصراحه شديده يا من تهمو مصلحة الحصاحيصا
واول شئ و قبل كل شئ اشهد الله العظيم على كل كلمه بقولها ليكم صحيحة و ما عارف ابدا من وين ابدا من سوق الحصاحيصا الوسخان ولا ابدا من مستشفي الحصاحيصا الكهربتها قاطعة و عملية الولادة شغاله و لا ابدا من سفاحين المرور السريع ولا ولا و لا ولا ..
كدى نبدا واحده واحده من سوق الحصاحيصا يا جماعة اول شئ اول مره في حياتي اشوف و اسمع لي سوف بتبيعو المحلية لاشخاص بالقروش و طبعا البشتري السوق ده بس بخلص آخر اليوم مبلغ 4 الف جنية عن كل دكان و على كل بائع ببيع اي شئ في السوف ولا بهتموا بنظافة السوق ولا ترتيب السوق اقسم بالله كمية الاوساخ و كمية اكياس البلاستيك و الكراتين و المخلفات مبالغ فيها لا في صحة بيئة و لا صحة عامه و لا اي شئ صاح لا خدمات صحية و لا خدمات تنفع المواطن بس اعرفوا اجوك دايرين قروش المويه و قروش العوائد و الضرائب و الزكاة الله يستر يا جماعة..
نتكلم شوية عن مستشفي الحصاحيصا اقصد جزارة الحصاحيصا التعليمي . مشيت المستشفي مع احدى الاخوات و هي في حاله وضوع وتم نقلها الي العمبر اقصد ( الكشك) الي حين نقلها الي العملية وفي الساعه 8 مساء قطعت الكهرباء اتخيلوا قطعت الكهرباء و العملية شغالة و دام 45 دقيقة اتخيلوا 45 دقيقة كهربه مافي لا في العملية لا في العنابر يعني كل المستشفي قاطعة سبحان . المهم لا مولد كهرباء لا جننيتر (ما مجنون طبعا ) ولا ولا ولا . المهم اتصلت بناس الكهرباء من تلفوني الخاص لانو لا يوجد تلفون في مستشفي الحصاحيصا نهائيا و لا استعلامات قلت ليهم المستشفي قاطعة قال لي من متين قلت ليه ليها 45 دقيقة قال لي مافي اي زول اتصل علينا من المستشفي . يعني في اكتر من كده استهبال و عدم مسئولية يا جماعة و لا انا غلطان و لهم العافيه الي كل من دخل مستشفي الحصاحيصا التعليمي ...
عاوز اتكلم عن رجال في ايدهم سلامتنا ولكن العكس في ايديهم ايصالاتنا بالبي 30 الف والي 200الف جنية يا جماعة حرام كفاية مذله كفاية سكات كفاية كفاية كفاية ..
وآسف جدا علي طوله كلامي ..
و دمتــــــــــــــــــــــــــــتم يا صحـــــــــــــــــــــــــــــــــــاب

فى الماضى وفى السبعينات والثمانينات وحتى مطلع التسعينات كنا نشاهد كثير من المواقف التى يؤيدها البعض ويستنكرها البعض الاخر
ولم نعرف قدرها وعظمتها الا بعد ان فقدناها واولها ماكان يقوم به مفتش الصحه صاحب الشخصيه القويه
العم رحمه الله عليه محمد الازرق(ودالازرق)من اباده فوريه لجميع الادوات والمواد والسلع الاستهلاكيه
والخضروات لمخالفتها للصحه والمتابعه اللصيقه و المباشره لعمال النظافه و الصحه فى اداء واجبهم فى نظافه المدينه واصحاحا للبيئه
حتى كانت مضرب مثل فى النظافه فاين نحن الان من ذلك---------
جانا عهد (عطاءات النظافه) ولم نذداد الا اتسااااااااااااااااااااخا-------------
والاغرب فى الامر انه لم تكن هنالك رسوم منفايات او غيرههههههههههها
ياجماعه لمتين نحن حانكتب ...؟
ومتين حااااااا نجد اذن صاغيه من المسؤولين .؟
ومتين حا نعمل باخلاص وامانه وضمير ويبقي الهم العام هو همنا .؟
وياريت كماقلت واسلفت في الموضوع السابق انو حب الحصاحيصا يتحول لعمل شعبي
لان (الجمره بتحرق الواطيها) ونحنا اولاد الحصاحيصا يا امريكي عشان كده الجمره حارجانا
وياريت المسؤولين يستفيدوا من سيرت ماقبلهم

لكم التحية يااخوانى وانتم تطرقون باقلامكم على اهم مواضيع النقاش نحن وبصراحة متأخرين عن العالم اكتر من خمسين سنة وياربي متين ح نلحقهم ونبقى احسن منهم (العلم عند الله) بس مشاكل النظافة والكهرباء والمياه دي مشاكل نص العالم تخطاها ونحن لسة في انتظار المياه وبلدنا بها اطول نهر واعذب نهر في العالم . في انتظار الكهرباء ولدينا كمية سدود وخزانات تكفينا وتكفى بلد تاني معانا . اما مشكلة المستشفيات فحدث ولا حرج ابتداءا من رسوم الدخول على بوابة المستشفي ومرورا بالزوار (الراكدون) تحت اشجار العنابر ومعهم (عواميد) الاكل وترامس الشاي والقهوة (والكتشينة والليدو) عند البعض في انتظار المريض انتظار يثقلون به كاهل اهل المريض قبل ان يضيعوا به ذمنهم ويتركوا اشغالهم . حتى تصل الى جيبوا حقن للمريض وجيبوا دربات عشان صيدلية المستشفى ما فيها !!!! هذا وناهيك عن كمية الاوساخ داخل العنابر وتكدس المرضي في العنبر (اتنين في سرير) والطامة الكبرى وهى كيفية تعامل الدكاترة والممرضات واضع خطا تحت الممرضات ملائكة الرحمة وكيف يتعاملن مع المرضى ؟؟؟؟؟؟؟ مر هذا الشريط اخوتي في زهنى عندما دخلت الى المستشفى هنا في بيروت لوضع ابنتي (لمى) .... تزكرت مستشفي الحصاحيصا وكيف تقف على بوابة الدخول ولا تدخل الا بي تزكرة ( كأنك داخل سينما او مدينة ملاهي ) وكانو انت جاى ترفه مش جاي تعود مريض اوتستشفى انت .تزكرت هذا المنظر وانا اري موظف الاستقبال في مستشفى ( العناية بالام والطفل - بيروت ) وهو يستقبلنى بوجه بشوش وبابتسامة غطت نصف وجههة وهو يقول لى :( انشاء الله بالسلامة يامدام) ويرشدنا الى الطابق المقصود . تذكرت الاطباء الذين نبحث عنهم في مستشفى الحصاحيصا وننتظرهم بالساعات الطوال وانا ارى طبيبة النساء والتوليد وهي تجلس الى جانبي لمدة ذادت عن الثمانية ساعات !!! مر ببالى منظر الممضرضات وهن يشتمن وينهرن كل من يريد دخول العنابر وانا اري (ملائكة الرحمة ) نعم بجد ملائكة الرحمة وكيف يتعاملن معنا نحن المريضات بالمستشفي وكيف يساعدننا في كل صغيرة وكبيرة ترى الواحدة وهى تحمل الطفل وتقوم بكل مستلزماته كانه ابنها وهذه الخدمات طوال الليل والنهار يعنى مافي ممرضة في الليل بتنوم وتترك المريضات واخيرا مافي طلبات جيبو دربات للمريضة او جيبو دواء او جيبوا حقن كلو موجود في المستشفي ..... متى سنصل الى هذا المستوى من النظافة والتعامل والرقي . معلومة صغيرة لبنان بلد فقير لا فيه بترول ولا فيه اكبرثروة حيوانية ولا فيه زراعة تغطى عين الشمس وكمان ما عندهم رسوم رسومعلى بوابات المستشفيات اسألوا المسئولين عندنا عن الصحة والكهرباء والمياه ؟؟؟؟؟؟؟؟؟؟؟؟؟؟؟؟؟؟؟ وين؟؟؟؟؟؟؟؟؟؟؟؟؟ فريال

اخي امري معز لك مني كل التحايا العطرة موضوع المستشفي موضوع قديم وعدم الاهتمام بصحة المواطن قاسم مشترك في كل مدن السودان ماعدا الفاشر والجنينة ونيالا وبورتسودان وجوبا وملكال والموضوع موضوع خطير ولايمكن حله بالخطب الرنانة الحصاحيصا هي ام المدن بالسودان وكل الناس تعشق الحصاحيصا ان كان منها او من اي مدينة ثانية تجده يتكلم عن الحصاحيصا ولكن للاسف الشديد لم تجد الحصاحيصا الاهتمام الذي تستحقه من الجهات المسئولة ان كانت مركزية او ولائية كل شي يمكن الناس تغض الطرف عنه لكن المستشفي وما دق به اخي امري معز شي خطير واين محافظ الحصاحيصا ورئيس المحلية ورؤساء البلديات وناس اللجان الشعبية وكل ابناء الحصاحيصا الذين يتقلدون مناصب في الدولة اين هم من الوضع في هذه المدينة الطيب اهلها انها صرخة اطلقها امري معز وله كل الشكر والتقدير