التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة |
|
أدوات الموضوع | انواع عرض الموضوع |
#1
|
|||||||
|
|||||||
حديث الأنسام
نسائم الليل روحى كلمى وللبريد روحى سلمى وكأنما الانسام تختار رفقتها بعد ان تزدان بكل ما تملك من حلى ومن محسنات وتزدهى بأحلى حللها وتتجمل أحلى ما لديها من مبهرات تبرز جمالها الفتان وحسنها وسحرها الآخاذ فتختار سكون الليل حيث لا ضوضاء ولا ضجيج ولا شغب ومع تلك الرفقة الحالمة يتم اختيار من يكون زائرهم المنتقى بعناية وهو دائما ما يكون محباً أو عاشقاً صباً او متأمل فى روعة الليل وجمال الدنيا ....
ولعل تلك الرفقة تحلو فى القرى الوادعة الهادئة حينما تميل الشمس للغروب ملونة صفحة السماء الغربية بألوان لها دلالاتها لدى النخبة فقط ولها معانيها لدى المحبين وحتى يأتى القمر الجميل ليكسى الرمال الناعمة الوادعة بروعته ويجعلها متكأ يحلو للانسام المرور به لمنح من يختاروا الأنس الجميل نفحة زكية تتغلغل الى أعماقهم فتنعشها وتجعلهم أكثر فألاً وأكثر حباً وأكثر إقبالاً على الحياة وغير أولئك ممن يجلسوا على الحدائق الغناءه وعلى شواطئ النيل الجميل فيكون أصدقاء النسائم نفر من العشاق تبعثروا هنا وهناك واخلوا دواخلهم من شواغل الحياة ليتفرغوا لحديث الروح وشجي القلب فتهبهم النسائم أروع ما لديها فتجعلهم الأكثر تلقياً لها فتزداد سعادتها بسعادتهم وتزداد رقتها بشفيف قلوبهم وصدق مشاعرهم وأكيد ولههم فمن كان فى رفقة مستحبة يزداد حباً ومتعة ومن كان وحيداً هائما يحملها صبه ووجده لتوصله الى من يحب ولو كان بعيداً وهو على يقين انه ما أن يستقبل النسائم حتى تهيج فيه الذكرى الجميلة ويحتويه ذِكر المحب البعيد ... هل استمتعت يوما عزيزى بتلك النسائم الرقيقة الحانية التى لا تحرم احد ولا تبخل على أحد ولكنها تأبى ان تزور الأشرار والحاقدين والبخلاء فهى خير محض تحب الخيرين وهى حب أسمى تحب المحبين وهى دفق من رم تعطى بلا انتهاء ...
آخر تعديل إسماعيل ميرغني يوم
06-08-2009 في 07:14 AM.
|
08-29-2007, 02:47 PM | #2 |
|
مصائب الليل
و الله يا سمعة مشكور و طبعا النسيم و القمر و السماء .. يعنى الحاجات البشوفوها كل الناس فى لحظة واحدة دائما بتهيج الشوق لانك بتكون متاكد ان الطرف الثانى يراها ...
قصتى مع النسايم معكوسة .. اولا : لما تكون جوه البيت و يجى نسيم مارى بيعمل صوت كده .. يعنى كانه صفير و الحاجة دى واضحة شديد فى الشتاء .. انا يا صاحبى مما اسمع الصوت ده يا ليل جاك زول و الله الساعة ثلاثة صباحا ما تحلنى .. تلقانى واقف فى البلكونة براى و الناس كلها نايمة .. الجابرنى شنو ما عارف ..مرة قلت الكلام ده لواحد صاحبى .. قال لى انت فاقد حنان .. قلت ليه يا ساتر .. دى جديدة و الله .. مشكور سمعة و عليك الله الحاجات البتساهر بالناس دى قلل منها .. اليوم ما مكفى و الله .. |
مهما صعب درب الوصول... انا لازم ..لازم..لازم اصل
|
08-30-2007, 09:12 AM | #3 |
|
أولاً يا مجاهد أنت الوحيد الذى تتابع جميع موضوعات البورد وهذا يدل على إهتمامك الشخصي بالمنتدي رغم المشغوليات الكثيرة التى تواجهنا في يوم العمل الوطويل والممل . أما بصوص ليل الشتاء وصفير الرياح ، يا ما وقفنا ويا ما بكينا وتذكرنا الحبيب أصلو أخوك بعد عنك كان بكاي وقاعد على الهبشة ، والظاهر يا أخوي مجاهد بكاي ..
لك اسمي أيات الشكر والله رجعتنا كم سنة لي وري الله يذكرك بالخير .. |
|
08-30-2007, 09:36 AM | #4 |
|
ما هو المبدع الزيك كده لازم يكون بكاى يا سمعة .. و مال ايه ..
عموما البكى ده فترته الزول احسن ما يطول فيها و يلحق نفسه .. لانه شغلة صعبة خلاص .. شاكريين يا صاحبى |
مهما صعب درب الوصول... انا لازم ..لازم..لازم اصل
|
08-30-2007, 10:21 AM | #6 |
|
الغنية جميلة وخطيرة .. و الدنيا نهار يا بتنا هسى نبكى قدام البشر دى كلها .. لك الود
|
مهما صعب درب الوصول... انا لازم ..لازم..لازم اصل
|
08-30-2007, 10:39 AM | #7 |
|
ما ح أقدر أقول أكثر مما قاله الأخ / مجاهد وليس لدي أي تعليق سوي أن أقول لك ياغيمة أنت دائماً الرائعة ذو الزوق الرائع حتي في اختيارك للإلحان بالجد الأغنية جات في وقتها ، وبالله عليك يا غيمة ما تخلينا نبكي قدام البورداب نحنا اللي فينا مكفينا ، والله تاني تسوي زي شيتك دا كان أبكي قدامكم ، مالم البكايين طردوهم برة البلد ..
لك التحية ولأهلي الكرام .. |
|
08-30-2007, 10:47 AM | #8 | |
|
اقتباس:
ياكا وليد الحصيحيصا تعالى ابكى فوق صدرى يانى اخيتك سترك وضراك قالو والقول اطير البكا بريح القلب وبنضف العيون فيشان كدا قطع البصل وابكى |
|
|
08-30-2007, 10:48 AM | #9 | |
|
اقتباس:
انا بدور الوليد البكاااااااااي فيشان كدا ابكى يا وليد البلال واتفشا |
|
|
08-30-2007, 10:58 AM | #10 | |
|
اقتباس:
البكا خليناه يا غيمة .. اتعلمنا الصبر
|
|
مهما صعب درب الوصول... انا لازم ..لازم..لازم اصل
|
09-01-2007, 09:42 AM | #13 |
|
العزيزة غيمة لك الشكر والتقدير وأشكر مرورك ومساهماتك التي تضيء الشاشة وبصراحة تخليني في غاية الفرحة والبهجة وتسلميلي أيتها الأخت الزكية ذو السريرة الصافية النقية وهذا عهدنا بك لك حبي وتقديري وجزيل شكري ..
|
|
09-01-2007, 11:54 AM | #14 | |
|
اقتباس:
كلما اسمع نضميك بحس بالزمن السمح واقول ياحليلنا فيها الزايله وياحليل ايامنا وسط اهلينا ويحليلها موديانا وين مانى خابره |
|
|
09-02-2007, 10:13 AM | #15 |
|
الله عليك ياغيمة كلو ما الواحد يذكر أو يذكروه بالزمن الجميل بيتعب نفسياً لأنو بدور في خاطره الأهل السودان الحصاحيصا أهلي الحنان الزيكم كدا والناس الطيبين وفعلاً يا حليلو ومافي أبلغ من كلمة يا حليلو وفي الحقيقة يا حليلكم انتو أيها الأعزاء وأرجو الله أن يجمعنا بكم في ساعة خير ويا حلينا منها أم بناياً قش . لك تحياتي ،،
|
|
09-02-2007, 10:38 AM | #17 |
|
اسماعيل - كيفك - مشتاقووووون - لسع القعده
فى يوم الخميس مع العوايل ناس الحصاحيصا فى جده ( الحته نسيت اسمها) جيتكم مرتين وكان فى طارق قوليب وحسين شاويش ( حلم الاماسى) ان شاء الله سوف نتواصل من خلال المنتدى - الاخ مجاهد اشكرك للاستضافه فى خاص - الاخت غيمه كان بتدورى الوليد البكاى انا خليت البكاء من خليت الحصاحيصا 1990 - لكن والله كت بكايا بالحيل ونفسى ارجع ابكى تانى |
|
09-02-2007, 10:42 AM | #18 | |
|
اقتباس:
وغيمه بتعمل فيشنو غيرما تحضن البدور ابكي تعالى وابكى فوق صديري مايانى اخيتك واكان دميعاتك ما نزلت قشرلك بصله وتعالى |
|
|
09-02-2007, 11:23 AM | #20 | |
|
اقتباس:
ههههههههههههه حزاراك من الترتحه وقريص الحريم |
|
|
09-02-2007, 12:18 PM | #22 | |
|
اقتباس:
الا خايفاك تعملها فوق التلاجه عملت المساطيل ههههههههههههه |
|
|
09-02-2007, 04:00 PM | #23 |
|
العزيز الرائع والمحبوب مبارك محمد عثمان لك أسمي أيات المعزة والتقدير كم اشتقنا لكلامك الساخر مع حلم الأماسي وطارق قوليب وكان قلبك برفك كل يوم خميس وبالذات بعد الساعة منتصف الليل ديل نحن بنذكر في محنك ومصايبك ايام الثانوي (وفي قلبي طوالي ولي الثانوي العالي وعليك الله يا الفراش خليني انشوف زولي) حقيقة الكلام معاك ذو شجون والونسة ما يتكمل وان شاء الله نتواصل عبر المنتدي ، أما عن مكان القعدة في حديقة السبعين .
ولو فتحنا صفحة البكي دا ياما ح تطلع فضائح أحسن نخلي حمدو في بطنو ؟؟؟ أما بإجابتكم للعزيزة غيمة والله ياغيمة وماك طالباني حليفة شدت الولد ما بكاي (مبارك) كلنا بنجيب ليهو كيس المخدة عشان نقش بيه دموعوا وكان جيتي للحقية ياغيمة ناس الحصاحيصا كلهم بكايين انت عارف ليه ؟؟؟؟ مش ح أقول علشان مبارك مايزعل ؟؟؟ههههههههههههههه . مبارك لك التحية والتجلة وكم منينا النفس بشوفتك في هذا الصيف ولكن ؟؟ ابدا اخوك الذبيح كما يحلو لك أن تسميني والإسم دا أوع تسمعو غيمة لأنو والله والله تطلع بكانا من سنة أسكت في الحصاحيصا وما جاورها ؟؟؟ لكم الحب والمودة ووفاؤنا دائما لكم .. |
التعديل الأخير تم بواسطة إسماعيل ميرغني ; 09-02-2007 الساعة 04:03 PM
|
09-02-2007, 07:27 PM | #24 |
|
:21_181:الذبـــــــيح
انا كنت متصور انك تدخل بهذا الاسم ( الرايع ) والمحبب لنفسى ولنفس كثير من الزملاء الذين تذكرهم ويذكروك كثيرا - والله انت فى نفسى لجد غالى وعزيز - ولى عندك طلب بسيط واعلم انك قدر ان تلبيه ارجو منك كل الرجاء ان تحرض العزيز الغالى طارق قوليب على الانضمام والمشاركه فى المنتدى اسوة بصديقنا (شوشو) حتى يكتمل العقد وتزدهى المنظومه القا بوجودكم ( كلى امل فى ذلك) لك حبى |
|
09-03-2007, 08:19 AM | #25 |
|
اسماعين والمبارك
اعلم الله بريدكم من قليبي جوه وبدور اصنقر حداكم واتزكر معاكم فيشان اضحك وفيشان الببكى اضمو فوق صدرى وازيدو بكا تعالولى ياجنيات صنقرو واتزكروا ماتخافو البكا فيشان بقشو ليكم |
|
09-03-2007, 08:53 AM | #26 |
|
يلا اخوى الذبيح انا مرحب بدعوة اختنا غيمه
تعال بى جاى ( هو مكانك) بعدين ماتخاف ابكى قدر الله ما يديك( وفوق صدير غيمه)ياخى ذى ماقالتلك غيمه - مل تخاف البكاء - الدموع هى ( بتقشها) |
|
09-03-2007, 09:05 AM | #27 |
|
العزيز والرائع مبارك محمد عثمان
لك التحية والتقدير والله وكما قلت كل الذين يعرفوا اسماعيل ميرغني زعلانين لعدم اختياري اسم الذبيح للمشاركة قي المنتدي ولكن يعلم الله في المرة الأولي دخلت المنتدي بهذا الاسم ولكن بعد فترة حصل عطل تقني وماكان في اي طريقة نتخل بنفس الاسم لك العتبي حتي ترضي . أم خصوص طلبك التحريض للأخ العزيز / طارق قوليب فطلباتك أوامر وليد محمد عثمان كما يحلو للعزيزة غيمة تسميتك ، قمنا بالإتصال بطارق قوليب وفاجأني عندما عرفت أنه مشترك في المنتدي باسم طارق وآخر مشاركة له كان الرد على شريان الحصاحبصا يمكنكم الرجوع ومشاهدةالمشاركة وهو فعلا مشنرك ونسبة لإنشغاله وظروف عمله مشاركاته محدودة ولكنه وعد بالمشاركة الفاعلة . لك كل الحب .. |
التعديل الأخير تم بواسطة إسماعيل ميرغني ; 09-03-2007 الساعة 09:07 AM
|
09-03-2007, 09:21 AM | #28 |
|
شكرا الغالى العزيز ( الذبيح) انا وغيمه منتظرنك
تعال لينا زول بكاء عديل - اليوم لمحت اسم طارق مسجل حضور وعملت (بوست) ترحيب به عشان اول مره اشوفو |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
فرصة جيدة يا مغتربينا | قيس جمال الدين | «۩۞۩-منتدى الحصاحيصا الحر-۩۞۩» | 14 | 06-08-2009 07:50 PM |
حديث عنان عن السودان في حضرة مانديلا | waleed aljabri | «۩۞۩-منتدى الحصاحيصا الحر-۩۞۩» | 0 | 07-23-2007 05:01 PM |
ماذا يحدث بمستشفى الاطفال بالحصاحيصا | ayuob | «۩۞۩-منتدى الحصاحيصا الحر-۩۞۩» | 31 | 07-04-2007 01:44 PM |
سكرتير مريخ الحصاحيصا فى حديث الصراحة | العشي | «۩۞۩-المنتدى الرياضى-۩۞۩» | 4 | 06-28-2007 05:51 AM |
امرأة تلد اثناء شنقها ، سبحان الله كيف يحدث هذا | lord | «۩۞۩-منتدى الحصاحيصا الحر-۩۞۩» | 0 | 05-03-2007 11:36 AM |