التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم 

كلم قليبي
بقلم : عبدالماجد موسى
قريبا
آخر 10 مواضيع
كلم قليبي (الكاتـب : - مشاركات : 0 - المشاهدات : 25 - الوقت: 02:23 PM - التاريخ: 06-04-2020)           »          الشيخ الشعراوي؛؛ (الكاتـب : - مشاركات : 0 - المشاهدات : 221 - الوقت: 11:20 AM - التاريخ: 05-08-2020)           »          شركة تنظيف بالدمام شعاع كلين (الكاتـب : - مشاركات : 0 - المشاهدات : 245 - الوقت: 06:37 PM - التاريخ: 05-02-2020)           »          شركة تنظيف فرشات بالرياض شعاع كلين 0567194962 (الكاتـب : - مشاركات : 0 - المشاهدات : 258 - الوقت: 06:34 PM - التاريخ: 05-02-2020)           »          رمضان مبارك على الجميع؛؛ (الكاتـب : - مشاركات : 0 - المشاهدات : 247 - الوقت: 01:45 PM - التاريخ: 04-25-2020)           »          حبوبة؛؛ (الكاتـب : - مشاركات : 0 - المشاهدات : 342 - الوقت: 04:42 PM - التاريخ: 04-16-2020)           »          العذاب ليس له طبقة؛؛ (الكاتـب : - مشاركات : 0 - المشاهدات : 349 - الوقت: 12:27 PM - التاريخ: 04-11-2020)           »          التغيير قادم لا محالة؛ بإذن الله؛؛ (الكاتـب : - مشاركات : 0 - المشاهدات : 510 - الوقت: 10:28 AM - التاريخ: 04-10-2020)           »          الصيام والطب؛؛ (الكاتـب : - مشاركات : 0 - المشاهدات : 349 - الوقت: 07:49 AM - التاريخ: 04-10-2020)           »          المسامح كريم؛؛؛ (الكاتـب : - مشاركات : 0 - المشاهدات : 519 - الوقت: 02:13 PM - التاريخ: 04-03-2020)


الإهداءات


العودة   منتديات الحصاحيصا نت alhasahisa > «۩۞۩-المنتديات العامه-۩۞۩» > «۩۞۩-منتدى الادب والثقافة-۩۞۩» > «۩۞۩- شهد الحروف -۩۞۩

إنشاء موضوع جديد  إضافة رد
المنتدى المشاركات الجديدة ردود اليوم شاهدة المشاركات المشاركة التالية
 
أدوات الموضوع انواع عرض الموضوع
#1  
قديم 10-12-2011, 01:53 PM
ود العمده
ازهرى محمد على غير متواجد حالياً
لوني المفضل Blue
 رقم العضوية : 2141
 تاريخ التسجيل : Oct 2008
 فترة الأقامة : 4249 يوم
 أخر زيارة : 02-14-2016 (09:33 AM)
 الإقامة : السودان
 المشاركات : 281 [ + ]
 التقييم : 10
 معدل التقييم : ازهرى محمد على is on a distinguished road
بيانات اضافيه [ + ]
افتراضي تفاصيل



الى معتصم الطاهر


يارفيق الخطوة لو عزا الرفيق
يابشوش العشرة والحس الرشيق
ضيق المتاهات اتسع
ماخلا لا عدو لاصديق
وشوف كل حاجة مشت معاك
ودخلنا ياداب فى الغريق
كل الحواس عاديتا بالضحك المعافى
بالطيبة والحس الانيق
اخضر وريف الفطرة
فانوس النفوس
تصبح صباح النجمة
والطير الطليق
وتمر مرور النسمة
ببيوت الفريق
تدى العصافير وجهة
وتفتح طلاسم الكلمة
للشعراء الصعاليق
وتدفق بشارة خير
وضل ممدود وفكة ريق
ولى وصديق وصادق
والزمن زنديق
الليل كفيف يفتح
منافى الاغنيات
والبيت خفيف
علقنا فى النضم السكات
ودخلنا من باب النزيف
بشرنا فى الحزن العتيق
ومرقنا من شرف الرهان
شرينا فى التعب العراريق
ساقونا فى الليل للبطان
وركزنا جلابة ورقيق
وصنقرنا فى ضل الدخان
نتسلى بورق الحريق
هبشنا مالقينا البنات
مرقن بنات الواطة
والوجع المطاليق
مرقن وراك
مرقن ينقن من خطاك
وجع الطريق
ضجر المكان والحيرة
فى صمت الستاير والشبابيك
والمقعد الفاضى وملان
والدنيا يوم توسع تضيق
وانا فى انتظار وش الصباح
يمرق خيوط الضو
من الفج العميق
اطراك يشرقنى الاسف
تخنقنى بالعبرة التفاصيل
كل الهواجس والظنون
تترصا فى دمى وتقيف
باب الحكايات ينفتح
تتدخل زقاق الكتمة
زخات الخريف
فى حسى احسك حس طشت
يجرح سكون الحلة
فى الليل الكفيف
اشتاق ويضربنى اللرو
جواى تلكلك باب حراز
وفى دمى تتشرقط دلو
تكبر دوايرك وتكتمل
سرفتا كاسات النعاس
وانا لسه فى صحوك ثمل
بنده على ولاد الشتات
نتحجى بيك ماالليل كمل
وغنينا غنوات البنات
على قدر ماالشوق يحتمل
ادخل على الهم من سكات
وانساهو جرحك يندمل
ونقط براااك عسل الكلام
بنجيك ذى صف النمل
انا بيكا حمدنى الزمن
ودصرة فى ختت ودع
وغالطنى فى جيتك غلاط
وذمانى فى ذلة لسان
يوم ذلا خطوك فى السراط
علقتا ضلك فى الضلمة
ولجتا من سم الخياط
ماتشمت بنات اللهفة فيك
لوجيتنا خسران الشراط
اركز على هوس
الدلاليك والسياط
وامرق من الخدر اللذيذ
فى الحضرة اخر انبساط
وادبا فى جلد النميمة الطاعمة
سلطان مجالس الونسة
قعدات المشاط
يبدنو الكلام بى كر
يشيلنك بشارة خير من العين العنية دقر
يامتخبى فى سر السريرة بريق
وكامن فى المعانى مغر
منوالهباكا فى عصب الاغانى حريق
وشالك فى القصيدة نضر
وعبد لى دروبك تانى
اعود والقاكا فى سر الغنا وتلقانى
فى الدم السرب فى عروقك
دخلت عليك من باب السماء الورانى
حويت ضرع السحابة
حلبتها الغيمة التنقنق فوقك
وكتفت البحر بجنو
من جنو البموت بشوقك
وحفيان فى الطلاق سارقتا
فى طرف الحنين بنوقك
صحيت النحل هشيتو
من عسلو الحلاتو تضوقك
وفجيت العطش نقعتا
نادانى التراب حلوووقك
سرت الاحاسيس سلسبيل
عطشان بشوفك فى النهارات والرمض
واقف على طرف الاصابع منفلت
تاوقت لى من حافة الزير فى السبيل
تاوقت من نفسك على نفس الفراغ
فى القاع انا كنت ذى عابر سبيل
لوحت ليك وانا ذاتى غرقان فى شبر
تضحك معاى اضحك عليك
قاينى نبى الله الخضر
ادينى ياصاحب ايديك
مانحن اتنين فى العدم
نحن امتداد الذكرى
والشوق والندم
ونحن اكتمال المتعة
بطعم الالم
ذى شوكة فى راحة القدم
تقعد تنقبا بالصبر
تكريها بعسل الاضان
والنشوة تتحتحت برم
بيناتنا هم من كيف وكم
بينا الاغانى الهابطة والصوت النشاذ
مفطومة من لبن النغم
بينا انجذاب الغنوة للحن الخلود
وانفتاح الذات على الذات والشهود
وجع المسافة الواقعة بين نون والقلم
والبينا ياصاحب نعم
احراش وغابات من حريق
بينا المتاهات تنفتح
وتنصرا ذى شهقة غريق
بيناتنا شبق الوردة لركة فراش
يمتصا من روحها الرحيق
القاااك وافيق وانده عليك
يارفيق الخطوة لو عزا الرفيق
يابشوش العشرة والحس الرشيق
ضيق المتاهات اتسع
ماخلا لا عدو لا صديق
وشوف كل حاجة مشت معاك
ودخلنا ياداب فى الغريق





 توقيع : ازهرى محمد على

راجيك مترامى الاشواق فى ضل الشاتى الرماى
نتناجى مناجاة العشاق ونشد اوتار الغناى
فى دقة قلبى الملتاع بين جاى الليله وماجاى
حاسيك ذى ريحة النعناع فى المغرب قنانة شاى

رد مع اقتباس
قديم 10-24-2011, 12:24 AM   #2




الصورة الرمزية الغريب
الغريب غير متواجد حالياً

بيانات اضافيه [ + ]
 رقم العضوية : 5
 تاريخ التسجيل :  Jun 2005
 أخر زيارة : 05-22-2019 (05:09 AM)
 المشاركات : 2,497 [ + ]
 التقييم :  57
لوني المفضل : Blue
افتراضي



كما عودتنا دائما
تتشبع حروفك بالاصالة
استاذنا الانيق ازهرى
وحفظ الود اصعب الاشياء
كل الود


 
 توقيع : الغريب

ليـل الغمه هوّد والبروق اتّــــــــــــــالن


دموع الوجعه جن زي السحابات شـــالن


ملن قرب العيون لكنهن ماســــــــــــالـن


مومن قلهن بس في العيون ماخــــــــالن



رد مع اقتباس
قديم 11-15-2011, 12:32 PM   #3


الصورة الرمزية محمد عوض السيد
محمد عوض السيد غير متواجد حالياً

بيانات اضافيه [ + ]
 رقم العضوية : 7563
 تاريخ التسجيل :  Nov 2010
 أخر زيارة : 02-27-2014 (10:00 PM)
 المشاركات : 1,858 [ + ]
 التقييم :  41
 الدولهـ
Sudan
 الجنس ~
Male
لوني المفضل : Royalblue
افتراضي




شاعرنا الانيق .. ازهري ..

وسلامات عوافي .. التي اصبحت مبتداء حديثي بكل شئ ..

امطرنا بمزيد من الاشعار عليها تسقي مابنا من جفاف للكلمة الوريفه و :


يارفيق الخطوة لو عزا الرفيق ..




مع ودي
واشواقي


 
 توقيع : محمد عوض السيد



نضــج الحــــــــلم
ولكــــن الزمـــــــــــن
هو الذي لم يســــــــتو بعد
فما جدوى أن يبلغ القـــــــلب
رشـــــــــــــــــداً ســــــــــــــريعاً
(احلام مستغانمي )
مواضيع : محمد عوض السيد



رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تفاصيل ماحدث (في ندوة لندن) منتصر تاج الدين «۩۞۩-منتدى الحصاحيصا الحر-۩۞۩» 0 07-08-2011 05:24 AM
تفاصيل حلقة كل الألوان إيهاب الأمين «۩۞۩-منتدى الحصاحيصا الحر-۩۞۩» 14 12-03-2008 01:10 PM


الساعة الآن 07:39 AM.


Powered by vBulletin Version 3.8.7
Copyright ©2000 - 2020, Jelsoft Enterprises Ltd
HêĽм √ 3.1 BY: ! ωαнαм ! © 2010
vEhdaa 1.1 by NLP ©2009