التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
۩ﺴ ﺴ۩راكوبة الحصاحيصا۩ﺴ ﺴ۩ مساحة للونسة والضحك ونسيان بعض الهموم فيها |
|
أدوات الموضوع | انواع عرض الموضوع |
#1
|
|||||||
|
|||||||
طبخة للعزابة
أكيد كل عازب او عزابي بيعاني من مسألة الطبيخ و دائما ما تكون الحيره ترتسم على ملامحه و تجيب ليه الزهج و يسب و يسخط انو لسه ما لقى بت الحلال لمن يجي مواعيد الوجبه و يكون ما عارف ياكل شنو !!!
و نسبة لتجربتي الطويله مع هذا الامر فقد اخترعت وجبه جميله شهية و سريعه و خفيفه على البطن سميتها ( الوهمة) و نسبة تسميتها الوهمه لأنها لا أصل لها في تاريخ الطبخ فهي من تأليفي و إخراجي بمعاونة الحيره التي تنتابني كل جاء موعد الوجبة. ما اطيل عليكم و اديكم المواصفات : طبعا تكون جيت من الشغل او قاعد يوم الجمعه و انت في امان الله و بتعاين في التلفزيون و لا بتقرا ليك في جريده و خالف رجل في رجل زي كأنك عندك مره جوه بتعد ليك في صينية الغدا الما خمج . و فجأة تقرصك بطنك و تواجه واقعك انك قاعد براك وحداني و ما عارف تاكل شنو ؟؟!!! تتجاذبك الافكار و الاطروحات ، يا ربي اقوم امشي المطعم الفلاني ؟ ياخ دا ذاتو اكلو ما سمح و بعدين انا زهجت من نوعية الاكل البيقدمها ياخ انا تاني ما حا امشي المطعم دا . و يمر قدامك شريط طويل من سلسلة مطاعم و كافتريات و بوفيهات تقدم الوجبات السريعه دونما فائدة و دون الوصول الى قرار فتارة يثني قرارك بعد المشوار و تكسل من بعده و يتبادر الى زهنك السؤال اها و العمل شنو ؟ و تقرصك بطنك و تحس بالجوع . تلبس جلابيتك و لا بنطلونك و تنزل ؟ تمشي وين ؟ تقودك قدماك الى البقاله ، تقعد تتلفت يا ربي اشيل شنو ؟ و من هنا جاءت فكرة الوهمه الخفيفه اللذيذه الشهيه تقوم يا سيدي تشتري الاتي : 1- بيض اقل كمية 3 بيضات 2-علبة مشروم (اساسية) 3- علبة تونة (اساسية) 4- طماطم - فلفل اخضر - ليمون 5 - علبة زيتون اخضر (ان وجد) تشيل الحاجات دي و فللي تمشي البيت تطلع الجلابيه او البنطلون و تقعد بالرمودا و تجيب الطوه تكب شوية زيت و تخليهو يسخن شويه تفتح علبة التونه و تفضي منها الزيت حقها و تكبها في الطوة تقلبها لمدة دقيقتين تفتح علبة المشروم و تضيفها الى التونه تخليهم الاتنين لمدة 5 دقايق اخرى تقطع الطماطم و الفلفل و تكبهم ليهم و تكسر البيض بعد ما تطعمه طعام عادي و تكبو مع بقية الخلطة و تبدا تقلب (الوهمة) لمدة خمس دقايق تنزلها من النار تفتح علبة الزيتون المبشور اذا وجدت فاذا كبيتها في الصحن خير و بركه و اذا حبيت تتناولها في الطوه بكون احسن عشان ما تاخد زمن كتير و توسخ عده كتيره بعدين تكون عايز ه ليها غسيل . و تكب الزيتون من فوق و تلخبطو بالملعقه ممكن تاكل بي رغيف و ممكن تاكل ساي الميزه انو الوجبه دي ممكن تاكلها فتره من الزمن و ما تزهج منها مع خالص تحياتي حقوق الطبع و الاختراع محفوظه أمي و الليل و أشياء أخرى.... ..سِرٌ أبدي ...... نسيج في بحر الأشياء اللا مرئية ......... تبقى أمي جزوة نورِ يسطع في ظُلمات الكون .......... و حي رباني هامس........... |
06-24-2009, 10:11 AM | #2 |
بيتحقق |
سركيس
سلامات يارايع طبعاً اخوك كان عذابى وفى العذابى شيخ عذابة الا والله حكايتك دى حكاية أولا : الوهمة بتاعتك دى تنفع لاى نوع من العذابة ثانياً بكونو ساكنين وين ثالثاً : المدى الزمنى ما محدد رجاء ترجمة الكلمات الصعبة زى مشروم دى مثلاً بالطريقى دى بتخلى العذابة يعرسو |
|
06-30-2009, 09:15 AM | #3 |
|
في واحد عزابي رافع يده بوقفني قال لي أم تكشوا دي شنو ؟؟؟؟؟؟.
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
احن طبيب في العالم !!!!!!!!!!! | عباس السر سلمان | ۩ﺴ ﺴ۩راكوبة الحصاحيصا۩ﺴ ﺴ۩ | 5 | 06-07-2009 12:35 PM |
عصير الليمون بالنعناع للعزابة | النرجسية | ♨ψقسم مطبخ الحصاحيصا♨ψ | 8 | 05-23-2009 12:05 PM |
نصائح طبية غريبة ومضحكة..!! | الدقدوق | «۩۞۩-منتدى الأسرة والصحة-۩۞۩» | 0 | 10-25-2008 03:26 PM |
طبيب وخروف وحمار | mikey2002 | «۩۞۩-منتدى الحصاحيصا الحر-۩۞۩» | 0 | 04-20-2008 11:33 AM |
اكلات .. للعزابة سهلة التحضير | وضاحة | ♨ψقسم مطبخ الحصاحيصا♨ψ | 22 | 05-22-2007 08:40 AM |