حكايةالعروس المقلب

عبدالله شاب لطيف وظريف خلص الجامعةوكاس شغل مالقي خلص الماجستير(بكتبوهاكده صاح)برضومالقي شغل اشتغل في رقشة الامورظبت معاهو اشتري رقشته براه امه زنت ليه في راسه اشتغل بشهاداتك باع الرقشة وسافر بره البلدلقي شغل تمام في زمن قياسي بقي حاجةتانية من اكابرالقوم رسل لامه اناعايزاعرس واهم حاجةتكون جميلةجدايعني شرررط الناس هناعايز المظهرعروسهاتوزع الابتسامات تسلم بطرف اصابعهاتلبس انيق وكده المهم امه واخواته لم صوربنات العايلة مع السيرالذاتية ورسلوهاليه نظرفي الامرومع كل صورةوسيرة زاتيةرسل تعليق سخيف يعني دي خشمهاكبيردي تشبه القرد دي عيونهادقاق دي عيونهاكباردي شكلهاضارباهامجاعةدي مخلوعةدي وشهامظلت المهم الام وبناتهاارسل الصوروهواطول في لسانه ياخي بالغلط علق علي صورامه واخته واحدة قال تشبه داريكولاوالتانيةقال السمينةدي ح تسبب في مجاعةامه واخواتهازعلن ورفعن يدهن من الموضوع عنده خالته لفيفة وخفيفةرسلت صورةواحدةشرررط وحليوونه رفع السماعةوقال دي اعقدوالي عليهافوراخالته قالت لي البنت دي مافيهاعيب بس عندهاشويةعوارةقال ليهامامهم المهم الشكل والعوارةعاديةماعيب تمواليهوالعرس ورسلواليهوالعروسةومشي فرحان المطارومعاهواصحابه وهواتبجح عليهو اقول لواحدانت مرتك قرويةوللثاني مرتك برايةوللتالت مرتك دي عايش معاهاكيف وصلت العروسةوفعلاكانت حليوونه وشرررط ومن اول كلمةقالتهااتضح انهافعلاعندهاعوارةلكن ماشوية وبعدالكلمةالتانيةاتضح انهاغبيةوبعدهااتضح انهادلاهةوبعدهااتضح انهامتخلفةوبعدهامنعهامن الكلام ومشواالبيت والعروسةالهبلةفرتقت ليه الحفلةبعوارتهاصاحبنااتعقدوقعد ابكي ولازم بيته طلع دفتراحسب فيه مزاياعروسته كتب الاتي عوارةوغباءوهبالةولتاخةوتخلف وعباطةوسجم ورمادوخفةورشاقة وعاش في عذاب المشكلةبعدشهراتضح انه ح استقبل مولوده الاول قال امكن الحال اتصلح صبرجاءالمولودصفاته عوارةوغباءوهبالةولتاخةوتخلف وعباطةوخفةورشاقةوسجم ورماداتضح ان العروس تملك صفةحسنةوهي ولودوليس ودوداصبحت تنجب كل عام مولوديحمل صفاتهاعوارةوغباءوهبالةولتاخةوتخلف وعباطةوخفةورشاقةوسجم ورمادواصبح صاحبنايملك هذه الصفات عوارةوغباءوهبالةولتاخةوتخلف وعباطةوخفةورشاقةوسجم ورمادوسكري وضغط وجنون وخرف مبكروالله اكون في عونه المسكين لوقال عايزذات الدين ماكان اكون ده حاله.
بعدالنقطةالاخيرةمافي حاجةلاني اصلافتران وزعجان ومتهرب عشان كده كتبت دارجي
بعدالنقطةالبعدالنقطةالاخيرةمع السلامة

حكايتك دي زكرتني النكته بتاعة الراجل الضربو التمساح جنب البحر وفي النهايه قال اريتو كان اكلني زاتو هههههههه

و تاني كمان واصل يا فنان

شكراياظريفة

شكرا يامبدع قصتك بالجد حلوة وظريفة وفيها موعظة

قدورة لك التحية

قصتك ياقدورة يمكن أن تؤسس لنقاش كبير عنوانه ( المظاهر ايجابيات وسلبيات )

لأن صاحبنا التزم جانب واحد من شروط اختيار شريكة الحياة وهو جانب مهم لا ننكر

ذلك ولكنه اغفل الأهم ( اظفر بذات الدين تربت يداك ) ولأن نفوسنا تتوق الي الجمال

فأعتقد أن جمال النفوس هو الأبقي .... شكرآ يارائع ونتمني أن تواصل

الكلام الاخلاق ياقدورة.....

الحبايب
متاب
محمد المنصورى
رانيا خضر
مشكورين
واسف شديد للتاخير
مشاغل الدنيا والله

القصة لزيزة يا قدورة صاحبنا بقى زي من عاشر قوما صار مثلهم عوارة ولتاخه وو ههههههه

اشكرك اخي ودالفقراءانك ومن خلال هذاالنص صنعت نافذةطيبةللحوارعن موسسةالاسرةوهي تعني بفردين زوج وزوج علي اتفاق بغض النظرعن اسلوب التعارف بينهمانقطةالنص اعلاه مع الاسف كل الوقائع به حقيقيةاضفت اليهابعض المفردات والاكسسواربغض الحبكة الدرامية والكوميدية واعلم ان وضع بطل القصةالان قديكون اقرب كثيرامماقرأت في النص بعدالنقطةالبعدالاخيرةاحتفظ باسماءالشخوص والاماكن لان لايجوزالافصاح عنهااشكرك لانك جعلتني احس باني هدفي من كتاباتي قدتحقق ولك وللجميع كل ودي النقطةالبعدالبعدالاخيرةمشكورين