التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الادب والثقافة-۩۞۩» يهتم بالأدب و المواضيع الثقافية و الفنية |
|
أدوات الموضوع | انواع عرض الموضوع |
09-28-2006, 11:49 AM | #31 |
سيد نفسك من اسيادك
|
الاخت وضاحه
بعد السلام والاحترام انتي مبالغه انتي راقيه مش بس انتي زوله عسل عديل والله نقول شنو ماعارفين غير نقول نحنا صغار جنبك |
Don't shut love out of your life by saying it's impossible to find
|
10-13-2006, 01:28 PM | #33 |
|
[center:5b3ac29c19][table=width:70%;:5b3ac29c19][cell=filter:;:5b3ac29c19]
عينيك مدن صلاح حاج سعيد عينيك مدن منسية فى كتب التواريخ والزمن عينيك وطن مشدود على وتر التباريح والشجن مشدود على حروف الكتابة مكدود عَنا .. ومكتول صبابة وفيهو حطّ النيل .. سكنْ *********** عينيك سفر مكتوب أعيش فى غربتو وأعشق عذابو .. وحُرقَتو وليلو الطويل وأتخيـّلك يا حلوة زى نسمة سحر جيتى ومعاك .. حلمى المطوِّل منتظر .. وعدو الجميل عشقك زمان .. جوّاى رحل وإتناهى فى الأعماق .. أمل ضمخ رؤاى .. إحساس نبيل أذهل طيوف خاطرى القبيل .. جاشت ملامحك روعتو وضجّ السكون .. فى وحشتو والكان أمل فى عيونى .. لاح ذوب مدارات فرحة الوهج النضير المزدهر .. بالإرتياح .. فجأة إنحصد قبضة رياح وسكت الكلام يا حلوة .. فى القول المباح وغام الصباح .. بعدِك رحل ********** والكان أمل فى غيم سماك .. أيقنت إنـّو عدم بلاك وإنـِّك قدر وإنـّو البيحلم بى عُلاكْ بختار ظروف أحلاها .. مُر عينيكى لو تصدق معايا الأمنية عينيكى .. لو أعرف خِتام الأغنية بدء الكلام .. والمنتهى .. المستطاب والمشتهى كل المباهج الفى المواويل .. والغنا والعاشقيك قلبى .. وأنا هزتنا فى عينيك تصاوير المنى يا أمنيات من كم سنة يا أغنيات كل الأماسى .. المستحيلة .. وممكنة المستحيل عينيك تهون البستحيل قلبك .. يخون ما الغدر ما طبع الوفا والصدق ما شرط .. إنتفى وأنا حالى فى بعدك .. كفى وأنا حالى من بعدك كفاهو .. المغنى والحب .. والشجن والوحشة والشوق للوطن ما العمر قبلك ضاع سدىً والعمر بعدك أيه يكون ... لو يبقى بى حساب الزمن |
|
10-13-2006, 01:38 PM | #34 |
|
[center:40cf83b9f4][table=width:70%;:40cf83b9f4][cell=filter:;:40cf83b9f4]
ما معنى أن نحيا .. ولا ندرى بأن العشق قد يبقى سجيناً فى الخلايا ما معنى أن نشهد موات الأغنيات ما معنى هذا الصمت الذى لا ينتهى وبرغم حوجتنا الصراخ *********** هل يختفى الظل الذى لا ينتمى إلا لمعرفتى وجهلى وهل نودع بعضنا ونذهب فى سراب الذكريات كيف تبدو الذكريات كيف يبدو طعم أيام الشجن من يعلم ذكريات كل أشكال التداعى .. والرحيل المر دوماً حين يختلط المدى بالمآسى .. والمخاوف وأحتراق الأمنيات *********** تعِبٌ هو البرق الذى لا يضيءُ أقبية الخبايا لا ينتمى للسحبِ .. والعشبُ الذى لا يرتوى إلاّ بطعمك يا عصيراً من خليط الدهشةِ الأولي وأحتراق الأغنيات -------------------------------------------------------------------------------- أظـنـــــكِ عِـرفتــــــي : جمال حسن سعيد أظنك عرفتى عواصفك مهبـّى أبارى فى خيالك .. يسوقنى ويودّى ونهرك يعدى ويجهل مصبّى هواجسى البتزرع وظنـّى البربى **** لقيتك خواطر بتصحى .. وتساور وطيفك يزاور وروحك تحاور وروحك تحاور موشـّح أساور أقول بس نسيتك وجرحك .. يتاوِر **** أظنك عرفتى عذاب المغنى وطبلو المجدّع شظايا التمنى حروفو البتجزع فى لحظة تجنى خطاهو البتهرع متين تطمئنى **** مسرِّج خيالك .. حصانى القبيل معربد غبارو وخلّى الصهيل مسافر .. مسافر .. وفاقِد دليل أظنـِّك عرفتى .. أظنـِّك عرفتى .. |
|
10-30-2006, 11:09 PM | #36 |
|
العزيزة وضاحه
جميل جداً هذا العرض الجميل, ياريت لو اضفت عليه ان تكون هذه الروائع مغناه، انى واثق انك لاتعدمى هذه الامكانيه لانك دائمة الاشراق.. ولك الشكر |
|
11-09-2006, 07:09 PM | #37 |
algen alkalake
|
:wink: أنا بقول وضاحة زوله عسل
والله أحلى من العسل زاتو حاجه فيك مابتنتهي ولا بتبتدي وضاحه هاك دي غدار دموعك لاتنبش الماضي البعيد ألم تكن يوما لقلبي واقعا مجهولا لاتنكأالجرح القديم فإنني ودعت ليلا مظلما وثقيلا وحملت روحي في فوادي نازفا مازال يحمل نصفه مشلولا وخلعت أثواب الحداد أما كفى إذا صار قلبك في الهوى ضليلا والباقي عليك ياعسل |
اللهم مازويت عني مما احب
فجعله قوة لي فيما تحب وجعلني لك كما تحب |
11-12-2006, 06:35 PM | #38 |
|
رحـّـال / د.طلال دفع الله عبد العزيز
رحـّـال د.طلال دفع الله عبد العزيز ............... وصاحت جذوة الترحال نضح بالشوق مسام صدرك فيا رحال.. فتح زمن الخرافة عليك بكاء الأوتار ..... وغلب قمرك شقا الأحزان من شجو الكلام المر فتلت حبال شمس غابت وغنيت آه .. على وجع الوتر تبريح غنا الأشجان سالت الريح :- علام الضل صبح مغلول يصارع صبرو فى الأحزان ؟ ويا ضل الفضاء المشلول إلام الخوف يشتت كل شعاعاً بان فيا ريتك تفردى رضاك على آفاق معاك تحلم ظلامة يزول وترجع روعة الأزمان عى ولداً بريدك إنتى يا الطوفان على بلداً وراك فى الليل صبح غرقان ويا شمس الغد الفاتح لأحضانك حضن أشواق ترك كحمامة فى صدرك بعد ما فاض هلام الليل مسك فجرك سألنا عليك عيون الموج قبل ما تروح حواجب الدهشة فتحت قوس وكنت لينا غير ما تبوح ( بحر الريد ملآن أسرار وخطواتك كتب قدرك عليها الحيرة يا انسان) قفلنا القوس ويا فارس المدى المجروح وراها ركبت متن الريح تفتش فى الهوى الضايع هوى الوجدان تشوفو ظلال يلوّح فى الأفق كفك يسابق فى أصابع اللهفة ليها حنان ... وواقع الحال ينهنه صبرك الجواك وتصرخ جذوة الترحال |
رحل صوت المغني حزين
|
11-12-2006, 06:46 PM | #39 |
|
صابرين / محمد مريخة
صابرين محمد مريخة ......... صابرين على الزمن البجيب الفاتة من ضرع الكفاف صابرين على الطقم البتسخر من عناوين الهتاف صابرين على الالم المرابط جوة اعشاش الضعاف صابرين على النيل الختم تاريخو بى صفحة جفاف ************** والله ما كان الصبر فجة مصير ولا اعتراف لولا الامل مرسوم هناك راسمنو فى المدن العجاف والمزنة خاوية على العروش ولهانة بى ولع الضفاف شرقانة بى نفسا معكر نسمتو السمم الزعاف لولا الحليوة الفى البلد متوجهة القبل المتكلة بالخلاف سرحانة فى مقل النجوم متوسدة الضلع الرهاف راجية البخارى الفى المداين نامو بى مضغ اللهاف راجيا المحزم بالعشم راجياهو بى توب الزفاف |
رحل صوت المغني حزين
|
11-12-2006, 06:50 PM | #40 |
|
كيف أنساك / محمد مريخة
كيف أنساك محمد مريخة ......... كيف انساك وانت الجرح النازف منو خريف العتة خريف المحل الما بتدارك نجم الطالع شيل وختّة رحل الديرة وهج وديرة فرع الحنة النور حتة جرحك نيلة وسيرة طويلة وشافى البلسم ابى يتختة *************** سبر العاشق كتر الليمة ولم الشمل الروح شتة سبر الروح الكلمة الزينة ونفساً طيب مالى الجتة غلب الراوى تملى حكاوى غلباً زى ما اتعودت آهة حزينة وأنة دفينة تخفف عنى لماماً حتى ************* كيف انساكِ وليل الشارع رمى ستايرو وقفل الحتة برج التالى إنشر بدالى وحوش ليك ايامى الستة يوم الليلة يمر بى صبرو احلام باكر كيف تـتأتى يامغلوبة وغالبة زمانك كيف أنساك محال البتة |
رحل صوت المغني حزين
|
11-22-2006, 06:51 PM | #41 |
|
بين مريم الاخرى والمجدليه / محمد إبراهيم شمو
بين مريم الاخرى والمجدليه محمد إبراهيم شمو ................ هاهى الأرض تغطت بالتعب البحار إتخذت شكل الفراغ وأنا مقياس رسم للتواصل والرحيل وأنا الآن الترقب .. وإنتظار المستحيل أنجبتنى مريم الأخرى قطاراً وحقيبة أرضعتنى مريم الأخرى قوافى ثم أهدتنى المنافى هكذا قد خبرونى .. ثم قالوا لى ترجـّل *********** ثم أنتِ .. أنت ياكل المحاور .. والدوائر يا حكايات الصبا تحفظين السر والمجد الذى مابين نهديك .. إختبا ليس يعنيك الذى قد ضاع من عمرى هباء وأنا .. لست أدرى ما الذى يدفعنى دفعاً .. إليك ما الذى يجعلنى أبدو حزيناً حين أرتاد التسكع .. فى مرايا وجنتيك لا علي ... لا عليك فعلى هذى السفوح .. المطمئنة نحن قاتلنا سنيناً .. وأقتتلنا نحن سجلنا التآلف .. فى إنفعالات الأجنة وأحتوانا البحر .. والمد اليقاوم .. والشراع يا هذه البنت التى تمتد فى دنيايا سهلاً .. وربوعاً .. وبقاع ما الذى قد صبّ فى عينيك شيئاً من تراجيديا الصراع والمدى يمتد وجداً عابراً هذى المدينة خبرينى هل أنا أبدو حزينا؟ هل أنا القاتل .. والمقتول حيناً .. والرهينة؟ هل أنا البحر الذى لا يأمن الآن السفينة ؟ خبئينى بين جدران المسام قبلينى مرةً فى كل عام فأنا أشتاق أن أولد فى عينيك..طفلا من جديد . ارتدى اللون البنفسج اعتلى شكل الهوية آه لو تأتين اه وأتجاه من عميق الموج من صلب المياه كالرحيل .. كالترقب .. وإنتظار المستحيل |
رحل صوت المغني حزين
|
11-22-2006, 06:56 PM | #42 |
|
الرحيل فى الليل / عبد الرحيم ابوذكري
الرحيل فى الليل عبد الرحيم ابوذكري ............ أيها الراحل فى الليل وحيدا ضائعاً منفردا أمس زارتنى بواكير الخريف غسلتنى فى الثلوج وفى شراق البروج ايهاالراحل فى الليل وحيدا موغلاً منفردا حين زارتنى بواكير الخريف كان طيفى جامدا وجبينى باردا و سكوتى رابضا خلف البيوت الخشبية مخفياً حيرته فى الشجر وغروب الأنهر .. وانحسار البصر لوحت لى ساعة حين انصرفنا ثم عادت لى بواكير الخريف حين عادت وثب الريح على أشرعتى المنفعلة سطعت شمس الفراديس على اروقتى المنعزلة ومضت تحضننى شمس ندية والتى ما حضنتنى فى الزمان الأول فى الزمان الغائب المرتحل أيها الراحل فى الليل وحيدا ضائعاً منفردا إنتظرنى ..إنتظرنى فأنا أرحل فى الليل وحيدا موغلا .. منفردا فى الدهاليز القصيات إنتظرنى فى العتامير وفى البحر إنتظزنى .. أنتظرنى انتظرنى فى حفيف الأجنحة و سماوات الطيور النازحة حين تنهد المدارات و تسود سماء البارحة إنتظرنى..إنتظرنى |
رحل صوت المغني حزين
|
11-22-2006, 07:02 PM | #43 |
|
متخبية والناس عارفنك / بشري الفاضل
متخبية والناس عارفنك بشري الفاضل ............ متخبية والناس شايفنك باباى ونخيل متخفية والناس عارفنك قرآن وإنجيل وشقانا معاكى هو إنـّك طاويك الليل لكن واردنك .. ورويانة لا عيون تحزن .. لا دموع بتسيل ********* يوم بكرة جميل ضوّاى .. ووسيم يوم بكرة جميل باكر .. دافـِر يوم بكرة جميل ابيض نورو يوم بكرة جميل باكر داكر أبداً لا أتغرّب .. لا مسافر باكر ضوّاى وجميلتو الليل الما سوّاى كان حاول يطمس أقمارو ابيض ريحو يوم بكرة جميل من فالو النيل يطمح طوفان وتخاف من موجو تماسيحو باكر ضوّاى كلمات وأناشيد .. وقيامة باكر ضوّاى وغناهو الحادى .. الهدّاى يوم بكرة جميل |
رحل صوت المغني حزين
|
11-22-2006, 07:07 PM | #44 |
|
الجبال قالت غروب(تلكع تسافر) / بشري الفاضل
الجبال قالت غروب(تلكع تسافر) بشري الفاضل ............... الجبال قالت غروب لا المزامير راح تغنى لا الهجايع راح تذوب الحزن غطى المسارق والدروب مافى غير تلكع تسافر شيل حقايبك... وامشى بينات الشعوب ................ وينك الوحشة التزازيك يا صباح مسخو الليل بى مزازيك النباح مافى غر ترضى وتسافر شيل حقايبك... وامشى بينات الشعوب ............... وينك الصحرة التحجيك بى ام بعلو الشجر فارد يباسو وضامى ضلو والسموم تتحمى تشويك والعقارب .. حتى لو غطيت وشيك ايدك الممدودة ما بتكفيهو كلو مافى غر تسرع تسافر شيل حقايبك ... وامشى بينات الشعوب ................... الظلام حيران وحيد من غير جناح غنت القمرية فى قلب الخلا قوقى .. قوقى وايش تقول ؟؟ يا ليل صباح؟؟ الظلام حيران وحيد من غير جناح قتّ نان كيفن نسوى؟؟ جات نسايم هابة من جهة الجنوب صرخّت فيك يا مسيكين شيل سلاحك أرضى أرضى .. جوى جوى .. اللهب من غير جمر كيفن نسـّوى؟؟ أبقى حالم ولم كلامك لى زمن من غيرعيوب ولا سافر.. أمشى فى درب السحابة وجيبة لى أماتنا زى حطب الفزع وأرفع الفاس كسرة ينزل مطر ... ........... مافى غير ترضى وتسافر شيل حقايبك... وأمشى بينات الشعوب |
رحل صوت المغني حزين
|
11-22-2006, 07:14 PM | #45 |
|
زهرة الصبار(فى طريق الليل) مظفر النواب ......... فى طريق الليل ضاع الحادث الثانى وضاعت زهرة الصبار لا تسل عنى .. لماذا جنتى فى النار فالهوى اسرار والذى يقضى على جمر القضى اسرار والذى يخفى الهوى بالصبر يا ..بالله كيف النارتخفى النار؟ *********** يا غريب الدار انها اقدار كل ما فى الكون ايام له الا الهوى .. ما يومه يوم ولا مقداره مقدار ********* لم نجد فيما قطار العمر يدنو من بقايا الدرب من ضوء على شئ وقد ضج الاسى اسرار كنت تدعونا فاسرعنا وجدنا هذه الدنيا محطات بلاركاب ثم سافرنا على ايامنا أغراب لم يودعنا بها الا الصدى او نخلة تبكى على الاحباب يا غريباً يطرق الابواب نحن من باب الشجى والزخرف الرمزى والالغاز والمغزى وما غنى على ازمانه زرياب كم طرقنا بابك السرى فى وجد وفى خوف لم تجبنا فابتعدنا فرسخا هجراً فالفيناك سكرانا جوابات فلم تغفر ولم نغفر كلانا مدع ٍ كذاب كل غىٍ غاب انما غيى وغىٌ منك قد غاب وراء النرجس المكتوب للاحباب لا تسل عن عادة .. ان تكثرالاقوال فيمن زاق خمر الخمر فى المحراب لم يقع فى الشك الا انه من لسعة الاوساخ تنمو خمرة الاعناب كل مافى الكون اصحاب وايام له الا الهوى .. ما يومه يوم ولا اصحابه اصحاب *********** نبه العشاق نبه العشاق مذنب اودى بلا هجر ولا وصل بباب الطاق .. نبه العشاق ... مرهق من خرقة الدنيا على اكتافه لم تستر الاشجان والاشراق والاشواق مرهق مشتاق كله اشواق نبه العشاق... موغل فى السر مندس بنار الوجد فى الاعماق نبه العشاق .. لم يفق يوما ولم يابه بمن قد فاق مشفق مشتاق كله اطراق قد ملته الخمر صحوا فانبرى يبكى واطفال الزمان الغر لجو حوله سخرية فى عالم الاسواق قل لاهل الحى هل فى الدور من عشق لهذا المبتلى ترياق مشفق مشتاق نهمة فى العشق تبقى نبضة تكفى .. فلا تكثر عليك الحبر والاوراق كل ما فى الكون تنقيط له الا الهوى فاحذر ففى التنقيط نهوى واسال العشاق .. كان يأتى العمر يقضى صبوة فيها ويصغى للأقاصيص التى فى آخر الدنيا وفى عمر وفى أحباب ... هاهنا ينهال فى صمت رماد الموت يخفى ملعب الأتراب لاتسل لماذا ألف مفتاح ومفتاح لهذا الباب |
رحل صوت المغني حزين
|
11-22-2006, 07:30 PM | #46 |
|
رعــــشة الشـــوق / محجوب الحاج
رعــــشة الشـــوق محجوب الحاج .......... مرة بقصد احكى عنك وقولى من طابعو البشارة شوفو ديك القمرة بانت والنجوم حاطت مدارة غيبو اتلاشو فى عيونة وغوصو فى اعماق مدارة وابقو اعرفو من صفاها كيف صبحت اسيرة هواها وراسى فى ابعاد قرارة *********** الا لو مرات سرحت وقمت لمحت وقرونى وعرفو كل البينا عامر اصلو باين فى عيونى اعرف انو بحسن نية باحت الاعين شوية افشو سرى وغافلونى واتعرف ريدك متاعى وانو فكرى واقتناعى والسعداة الضالة كونى وبسالك يا زارتى عنك والبراءة الفى عيونك الرزانة الفى انفعالك والضجيج الفى سكونك انت ابعد من خيالى ورعشة الشوق فى سؤالى بتحكى عن ابداع محاسنك وعفة الطبع البصونك |
رحل صوت المغني حزين
|
11-22-2006, 07:34 PM | #47 |
|
والله ايام يا زمان / التجاني حاج موسي
والله ايام يا زمان التجاني حاج موسي .............. والله أيام يا زمان ببكى واتحسر عليك وما بقول العشنا كان وأرمى حبة لوم يجيك ******* لسه راجيك يازمان بحبه الذكرى المعاى عايشة فى وجدانى جوة ولسه بتدغدغ حشاى يمكن الحبيتو مرة يلقى فى كلمات غناى فاصلة بتصحى المشاعر ويمكن الطول سهادو تغشى ليلاتو البشائر .. ويمكن الفرح الزمان .. لسه أجراسو بترن . غنوة حاضناها الضفاير ******** جايز الأيام.. الأيام تحن وتصحى فيك نبل المشاعر ويمكن المجروح يئن وتشفى ليلاتو البشائر ويمكن الفرح الزمان لسه أصداهو بترن غنوة حاضناها الضفاير والله أيام زمان ببكى واتحسر عليك |
رحل صوت المغني حزين
|
12-31-2006, 06:31 PM | #50 |
|
115- لو بريدك يعني مالو !
116- من بعيد لبعيد . 117- أيامنا " يا النسيت أيامنا " . 118- الأماني السندسية . |
|
12-31-2006, 07:04 PM | #51 |
|
[center:0b19fa4113][table=width:70%;:0b19fa4113][cell=filter:;:0b19fa4113]
hassan ali [/cell:0b19fa4113][/table:0b19fa4113][/center:0b19fa4113]
ود الحصاحيصا ام أريج MEM80 عمر ابراهيم الذبيدى ابوعبيدة عباس حريبات عاطف اسماعيل سبنة قمر الزمان شكرا ليك على المرور استاذنا عاطف اسماعيل اى خدمه يا سيدى وياريت اكون وفيت الاخ ابوعبيدة عباس حريبات والغالى ود الحصاحيصا شكرا ليكم على الاضافه الجميله دى مشكووووووووووورين وكل عام وانتم بخير وربنا يحقق الامانى |
|
01-07-2007, 05:55 AM | #54 |
|
العزيزة/ وضاحه
لك الشكر على المجهود، وايضا على عيديتك، معذرة لانى تاخرت فى الرد، بالمناسبه افتقد من اغانى الراحل مصطفى اغنية، الرحيل فى الليل ، لراحل عبدالرحيم ابوذكرى، فامل ان تتحفينى بها، مع جزيل شكرى. |
|
01-08-2007, 06:13 PM | #55 |
|
[twh:cffd8e2564]الاخت الكريمه وضاحه :-
نشكرك على هذا العمل الرايع وربنا يديك الصحه والعافيه . ومع اقتراب الذكرى الحاديه عشر لرحيل الرائع مصطفى سيد احمد ماذا اعدتى لنا؟ ( تغنى من التعب لامن كلاك دمن @@@@@لا شكرا رجيت لامن) [/twh:cffd8e2564] |
|
01-12-2007, 06:48 AM | #57 |
|
كتب الأخ العزيز والصديق الوفي للراحل : الأستاذ بدر الدين الأمير
في موقع سودانيز أون لاين : حى بن محمود الدوحة شقة فى الطابق الاول الساعة حوالى العاشرة مساء يوم الاربعاء 17/1/1996م غافلتنا ورحلت فى الليل وحيدا احد عشرة عاما على رحيلك يا مصطفانا السيد واحمد ومقبول ولم يزل صوتك يشنف الامكنة والازمنة باخضرار الامل أتكئ معكم هنا على جانب من تلك الذكريات تنهدات: يناير شهر المواجع السودانية استقلال كسيح وشموع تنطفئ منها المحمود ومنها المصطفى |
|
01-12-2007, 07:06 AM | #60 |
|
حفل فندق رمادا 1994 ـ تحت رعاية الخطوط الجوية القطرية
الفرقة الموسيقية من اليمين : عازف الايقاع : عبد المنعم الفكي ـ عازف الطبل : كمال كومي عازف الدنب : المرحوم حسن بحري ـ عازف الباص جيتار : عبد الماجد مكي عازف اللد جيتار : محمد بلاش ـ عازف الأكورديون : معتز القريش من اليمين : عازف الأكورديون : معتز القريش ـ عازف الطرمبيت : الأستاذ دفع الله بشير عازف الأورغ : ياسر قصاص جانب من الحفل |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
احلي احلي نكات (المجموعه الاولي ) | sara | «۩۞۩- قٌسًمَ أٌلِضٌحًڳّ وًأُلُنُڳٌأُتَ أُلّمٌصًوًرَة -۩۞ | 6 | 01-14-2009 12:35 PM |
احلي احلي نكات (المجموعه الثانيه ) | sara | «۩۞۩- قٌسًمَ أٌلِضٌحًڳّ وًأُلُنُڳٌأُتَ أُلّمٌصًوًرَة -۩۞ | 6 | 11-05-2008 10:49 AM |
مصطفى سيد احمد المقبول مختار | ود الحصاحيصا | «۩۞۩-منتدى الادب والثقافة-۩۞۩» | 22 | 05-10-2008 11:15 AM |
عطاء الراحل المقيم الاستاذ مبارك ابو تكة يتواصل | العشي | «۩۞۩-المنتدى الرياضى-۩۞۩» | 2 | 04-01-2007 03:48 AM |
الى مصطفي سيد احمد | ود الصداقة | «۩۞۩-منتدى الحصاحيصا الحر-۩۞۩» | 1 | 01-17-2007 10:21 PM |