التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم 
قريبا

بقلم :
قريبا
آخر 10 مواضيع
أسفل نصف المدينة (الكاتـب : - مشاركات : 0 - المشاهدات : 480 - الوقت: 09:42 PM - التاريخ: 06-23-2020)           »          ترتيب البيت قبل السفر الطويل (الكاتـب : - مشاركات : 0 - المشاهدات : 419 - الوقت: 11:25 AM - التاريخ: 06-23-2020)           »          طرق التخلص من الحشرات (الكاتـب : - مشاركات : 0 - المشاهدات : 396 - الوقت: 11:24 AM - التاريخ: 06-23-2020)           »          فوائد ومميزات عزل الفوم (الكاتـب : - مشاركات : 0 - المشاهدات : 422 - الوقت: 10:56 AM - التاريخ: 06-23-2020)           »          طريقة ترتيب المنزل ونقل عفش بالرياض (الكاتـب : - مشاركات : 0 - المشاهدات : 442 - الوقت: 10:56 AM - التاريخ: 06-23-2020)           »          أفضل النصائح لمشكلة تسرب المياه من السطح (الكاتـب : - مشاركات : 0 - المشاهدات : 420 - الوقت: 10:54 AM - التاريخ: 06-23-2020)           »          شركة تنظيف منازل فلل بالرياض والدمام شعاع كلين (الكاتـب : - مشاركات : 0 - المشاهدات : 423 - الوقت: 05:14 PM - التاريخ: 06-20-2020)           »          شركة تنظيف بالدمام شعاع كلين (الكاتـب : - مشاركات : 0 - المشاهدات : 498 - الوقت: 05:07 PM - التاريخ: 06-20-2020)           »          كلم قليبي (الكاتـب : - مشاركات : 0 - المشاهدات : 596 - الوقت: 02:23 PM - التاريخ: 06-04-2020)           »          الشيخ الشعراوي؛؛ (الكاتـب : - مشاركات : 0 - المشاهدات : 956 - الوقت: 11:20 AM - التاريخ: 05-08-2020)


الإهداءات


العودة   منتديات الحصاحيصا نت alhasahisa > «۩۞۩-المنتديات العامه-۩۞۩» > ۩ﺴ ﺴ۩راكوبة الحصاحيصا۩ﺴ ﺴ۩ > «۩۞۩- قٌسًمَ أٌلِضٌحًڳّ وًأُلُنُڳٌأُتَ أُلّمٌصًوًرَة -۩۞&#

إنشاء موضوع جديد  إضافة رد
المنتدى المشاركات الجديدة ردود اليوم شاهدة المشاركات المشاركة التالية
 
أدوات الموضوع انواع عرض الموضوع
#1  
قديم 01-08-2011, 04:42 PM
لطفي حبيب محمد الحسن غير متواجد حالياً
لوني المفضل Brown
 رقم العضوية : 3278
 تاريخ التسجيل : Jul 2009
 فترة الأقامة : 4022 يوم
 أخر زيارة : 12-01-2011 (11:45 AM)
 المشاركات : 139 [ + ]
 التقييم : 10
 معدل التقييم : لطفي حبيب محمد الحسن is on a distinguished road
بيانات اضافيه [ + ]
افتراضي حركات بعاعيت سااااااااااااكت ...!!!!




حركات بعاعيت ساااااااكت !!!


بعد ان قرأت كتاب رحلة ابن بطوطة.. وقفت محتار ومتمحن.. عند الحتة بتاعت انو زار أرض السودان.. وزار مكان فيهو ناس بياكلو لحم الناس.. بعاعيت يعني.. سحاحير.. والبعاعيت ديل قال بيحبو ياكلو لحم النسوان..!! وفي لحم النسوان اكتر حاجة بيحبوها هي الكفين والثديين.. ما عارف حكمتهم في كدي شنو؟ بعد قراءة الكتاب وتمعن فينا نحن معشر السودانيين .. قربت اصل الى انو نحن احفاد هؤلاء البعاعيت ما فيها اتنين تلاتة.. لقيت اننا ربما نكون الشعب الأوحد على وجه الارض بياكل لحم نئ
« المرارة ـ الكبدة ـ ام فتفت ـ الكرشة »..
وبعض البعاعيت مننا ياكلو سن البرك.. وهي منطقة تلاقي الضلوع عند الصدر.. الحقيقة الحتًة دي مغرية للاكل نيًة.. وتستاهل مني كل ثناء واحترام. الكرشة خلقها ربنا عشان تهرس الاكل وتهضمو نجي نحن ناكلها نية ونهضمها كمان..!!
اهااا في بعوتية اكتر من كدا؟؟
تنتابني مشاعر بعوتية.. عندما اقف عند جزار وهو يقطع في اللحمة بدون ما اشعر ألاقي ريقي جرى وبطني كوركت.. ولولا الخوف من شيل الحال اشيل لي حتة لحم نية واكلها.. اما حكاية اكل الكفين عند بعاعيت ابن بطوطة.. وجدت اننا استعضنا عنها باكل الكوارع.. فقلما نجد سوداني لا يحب الكوارع مما يثير لدينا رغبة قديمة وموروثة وهي اكل مزمزة الكفين.. خصوصا كوارع الضان.. وشوفو المتعة في وش اي زول بياكل في العضام الصغيرة الفي كوارع الضان.. متعة بعاتي ما فيها شك.. تلقاهو ياكل العضم ويمصو ويملصو من خشمو في الصينية او الطربيزة بكل متعة.. وينف.. ثم يتناول الذي بعده يسوي فيهو ما سواهو في اخوهو.. في اللحظة ديك لو سألتو من اسمو ما حيتذكرو ليك. اكل الثدي يتضح جليا.. عند اطفالنا الرضع.. تلقى الشافع وهو يرضع وفجأة وبدون مقدمات يعضي امو.. وهو سلوك بعاتي موجود في اطفالنا.. يدحض فرضية نظرية فرويد.. الشافع يعضي امو.. والام عشان تكبح جماح هذه الرغبة البعاتية.. ترصع الشافع في ضهرو وتقول ليهو
«احي.. الله يازاك »
بالمناسبة.. كلمة احي دي.. هي كلمة بعاتية من صميم قاموس البعاعيت.. على حسب ما ورد في الاحاجي.. لكي اتأكد من ان كل رضع الدنيا بيعضو اثداء امهاتهم.. وهروبا من فكرة اننا بعاعيت.. سألت بعض الاخوة العرب.. ذكروا انه ليس لدى اطفالهم هذه الحركة البعاتية.. وحتى انو في واحد مصري قال لي.. وهو مطير عيونو:
«ايه يا زول.. اوعى يكون اطفالكم بسووا كدي؟؟
« نهرته وزجرته وانا استشيط غضبا وقلت ليهو
« افو.... انت قايلنا نحن بعاعيت واللا شنو؟»
وبيني وبين نفسي اتأكدت انو نحن بعاعيت اولاد بعاعيت احفاد بعاعيت..؟؟ وقاعدين نلد بعاعيت.. ؟؟
الله يجازيك يا ابن بطوطة كان داير تشككني في نفسنا.. وتجنني وتركبني القصبة. اما اكل البني آدم وعلاقتو بثقافتنا وسلوكنا.. البنحاول نهذبو.. خدو مثلا.. اتحدى اي واحد او واحدة.. يشوف ليهو واللا تشوف ليها شافع صغير وسمين ومبغبغ وعندو جضوم.. بطنو ما تفور عليهو؟.. ويكون عاوز يجضمو.. او يعضيهو في جضومو.. واعتقد ان اسلافنا البعاعيت كانوا بيستعملوا الجضيم في الجس.. ويعرفوا مدى سمن هذا الزول.. زي ما نحن حسي بنجس الخروف من ضهرو.. وما الجضيم للشفع الا هو جس مبطن.. واحيانا الواحد يلقى نفسو بطنو فارت على زول كبير وعاوز يجضمو علا خايف بس.. وخجلان.. اما في النضم تلقى جملة زي «اكل لحمي» او «اكلت لحمو».. و«ايدي اكلتني» و«قلبي اكلني»
في الاغاني.. غنية «يوم طلعت القمرا».. يتضح الاكل والبلع للزول جد جد.. في المقطع «يبلع جب وجب في خصيمو.. جيت ليا»..شفتو البلع دا ؟!..
اما اغنية زيدان « لو الاماني بايدي كنت اهديك عيوني واسقيك من وريدي» ..
انا لا اشك ان حبيبة الشاعر دا بعاتية.. ومتعودة على الاكل وشراب الدم.. اها لو ما كدي عاد البيخلي الشاعر يهدي ليها عيون ويسقيها دمو شنو؟.. بعاتية وكمان بتحب راس النيفا بتاع الزول.. وفي النيفا بتحب العيون.. الغريبة انو انا لما اسمع المقطع دا في الغنية دي.. احس برومانسية شديدة.. اتاريها ما رومانسية..؟؟؟
اتاريها حركات بعاعيت ساااااكت..!!
لله الامر من قبل ومن بعد

قفل الباب:-
هواي يعجز فكرتك و جمالك يعجز فكرتي
في الصد تزيد في خبرتك
و في الحب ازيد في خبرتي ..





الكاتب
بروفسير نبيل بشير
أستاذ بجامعة الجزيرة



 توقيع : لطفي حبيب محمد الحسن

اللهم أشفي والدي .. حبيب محمد الحسن
اللهم أشفي والدتي . فوزية ميرغني
اللهم أشفي مرضي المسلمين في كل مكان يارب العالمين
اللهم آميين .. اللهم آميين ..اللهم آميين

رد مع اقتباس
قديم 01-08-2011, 08:43 PM   #2
أبو إسراء


الصورة الرمزية البرنس
البرنس غير متواجد حالياً

بيانات اضافيه [ + ]
 رقم العضوية : 1127
 تاريخ التسجيل :  Aug 2007
 أخر زيارة : 12-10-2014 (10:37 AM)
 المشاركات : 4,957 [ + ]
 التقييم :  31
 الدولهـ
Sudan
 MMS ~
MMS ~
لوني المفضل : Blue
افتراضي



انتا عارف يالطفي البروفيسر دا فيهو شي كبير من البعتنة ولا البعوتية ايهما تحب بعدين زولك دا صدق في حتت اكل كف اليدين وخصوصا الاصابع وفي الاصابع محل المزة عند المفاصل هسي شعب السودان دا كلوا بحب الحته دي وفي اقل حاجة يقول ليك أحييييييييييينا انا منك ويمسك ليك السبابة ومفصل السبابة الوسطاني وين ياعمك طوالي في السنون وياتو سنون السنون القدام الاسمهن القواطع اي قواطع بيقطعن عديل كدا وكان مافشي غبينتوا والسن لاقت العضم مابطلع الاصبع دا سنة لي الحول لمن الواحد عرقوا يخر اها زولك دا يالحبيب مامحتاج يمشي الي مرجع ابن بطوطة الموضوع دا ممكن يحلوا من البيت ويثبت انو نحنا بعاعيت ومصاصين دماء كمان


 
 توقيع : البرنس

مواضيع : البرنس



رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
حركات الصلاه تكون اسم احمد رانيا خضر «۩۞۩-المنتدى الاسلامى-۩۞۩» 0 08-27-2010 02:07 PM
حركات بعاعيت جعفر يوسف ابراهيم «۩۞۩-منتدى الحصاحيصا الحر-۩۞۩» 13 05-20-2010 08:25 AM
خمس حركات تحبها المرأه,,قد لايعرفها كل الرجال,,,, كريم صلاح «۩۞۩-المنتدي الاجتماعى-۩۞۩» 14 03-11-2010 06:31 AM


الساعة الآن 04:06 PM.


Powered by vBulletin Version 3.8.7
Copyright ©2000 - 2020, Jelsoft Enterprises Ltd
HêĽм √ 3.1 BY: ! ωαнαм ! © 2010
vEhdaa 1.1 by NLP ©2009