التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم 
قريبا

بقلم :
قريبا
آخر 10 مواضيع
أسفل نصف المدينة (الكاتـب : - مشاركات : 0 - المشاهدات : 475 - الوقت: 09:42 PM - التاريخ: 06-23-2020)           »          ترتيب البيت قبل السفر الطويل (الكاتـب : - مشاركات : 0 - المشاهدات : 417 - الوقت: 11:25 AM - التاريخ: 06-23-2020)           »          طرق التخلص من الحشرات (الكاتـب : - مشاركات : 0 - المشاهدات : 392 - الوقت: 11:24 AM - التاريخ: 06-23-2020)           »          فوائد ومميزات عزل الفوم (الكاتـب : - مشاركات : 0 - المشاهدات : 417 - الوقت: 10:56 AM - التاريخ: 06-23-2020)           »          طريقة ترتيب المنزل ونقل عفش بالرياض (الكاتـب : - مشاركات : 0 - المشاهدات : 439 - الوقت: 10:56 AM - التاريخ: 06-23-2020)           »          أفضل النصائح لمشكلة تسرب المياه من السطح (الكاتـب : - مشاركات : 0 - المشاهدات : 419 - الوقت: 10:54 AM - التاريخ: 06-23-2020)           »          شركة تنظيف منازل فلل بالرياض والدمام شعاع كلين (الكاتـب : - مشاركات : 0 - المشاهدات : 419 - الوقت: 05:14 PM - التاريخ: 06-20-2020)           »          شركة تنظيف بالدمام شعاع كلين (الكاتـب : - مشاركات : 0 - المشاهدات : 498 - الوقت: 05:07 PM - التاريخ: 06-20-2020)           »          كلم قليبي (الكاتـب : - مشاركات : 0 - المشاهدات : 594 - الوقت: 02:23 PM - التاريخ: 06-04-2020)           »          الشيخ الشعراوي؛؛ (الكاتـب : - مشاركات : 0 - المشاهدات : 955 - الوقت: 11:20 AM - التاريخ: 05-08-2020)


الإهداءات


العودة   منتديات الحصاحيصا نت alhasahisa > «۩۞۩-المنتديات العامه-۩۞۩» > «۩۞۩-منتدى الحصاحيصا الحر-۩۞۩»

«۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة

إنشاء موضوع جديد  إضافة رد
المنتدى المشاركات الجديدة ردود اليوم شاهدة المشاركات المشاركة التالية
 
أدوات الموضوع انواع عرض الموضوع
#1  
قديم 05-09-2010, 11:25 AM


جعفر يوسف ابراهيم غير متواجد حالياً
لوني المفضل Brown
 رقم العضوية : 2209
 تاريخ التسجيل : Oct 2008
 فترة الأقامة : 4273 يوم
 أخر زيارة : 11-12-2015 (03:52 AM)
 المشاركات : 831 [ + ]
 التقييم : 10
 معدل التقييم : جعفر يوسف ابراهيم is on a distinguished road
بيانات اضافيه [ + ]
افتراضي حركات بعاعيت



*******************



بعد ان قرأت كتاب رحلة ابن بطوطة.. وقفت محتار ومتمحن.. عند الحتة بتاعت انو زار ارض السودان.. وزار مكان فيهو ناس بياكلو لحم الناس.. بعاعيت يعني.. سحاحير.. والبعاعيت ديل قال بيحبو ياكلو لحم النسوان.. وفي لحم النسوان اكتر حاجة بيحبوها هي الكفين والثديين.. ما عارف حكمتهم في كدي شنو؟

بعد قراءة الكتاب وتمعن فينا نحن معشر السودانيين.. قربت اصل الى انو نحن أحفاد هؤلاء البعاعيت ما فيها اتنين تلاتة.. لقيت اننا ربما نكون الشعب الأوحد على وجه الأرض بياكل لحم ني «المرارة» ـ الكبدة ـ ام فتفت ـ الكرشة».. وبعض البعاعيت مننا ياكلو سن البرك.. وهي منطقة تلاقي الضلوع عند الصدر.. الحقيقة الحتة دي مغرية للاكل نية.. وتستاهل مني كل ثناء واحترام.

الكرشة خلقها ربنا عشان تهرس الأكل وتهضمو نجي نحن ناكلها نية ونهضمها كمان.. اها في بعوتية اكتر من كدا؟!

تنتابني مشاعر بعوتية.. عندما اقف عند جزار وهو يقطع في اللحمة بدون ما اشعر ألاقي ريقي جرى وبطني كوركت.. ولولا الخوف من شيل الحال اشيل لي حتة لحمة نية واكلها..

اما حكاية اكل الكفين عند بعاعيت ابن بطوطة.. وجدت اننا استعضنا عنها باكل الكوارع.. فقلما نجد سوداني لا يحب الكوارع مما يثير لدينا رغبة قديمة وموروثة وهي اكل مزمزة الكفين.. خصوصا كوارع الضان.. وشوفو المتعة في وش اي زول بياكل في العضام الصغيرة الفي كوارع الضان.. متعة بعاتي ما فيها شك.. تلقاهو ياكل العضم ويمصو ويملصو من خشمو في الصينية او الطربيزة بكل متعة.. وينف.. ثم يتناول الذي بعده يسوي فيهو ما سواهو في اخوهو.. في اللحظة ديك لو سألتو من اسمو ما حيتذكرو ليك.



أكل الثدي يتضح جليا.. عند اطفالنا الرضع.. تلقى الشافع وهو يرضع وفجأة وبدون مقدمات يعضي امو.. وهو سلوك بعاتي موجود في اطفالنا.. يدحض فرضية نظرية فرويد.. الشافع يعضي امو.. والام عشان تكبح جماح هذه الرغبة البعاتية.. ترصع الشافع في ضهرو وتقول ليهو «احي.. الله يازاك» بالمناسبة.. كلمة احي دي.. هي كلمة بعاتية من صميم قاموس البعاعيت.. على حسب ما ورد في الاحاجي..



لكي اتأكد من ان كل رضع الدنيا بيعضو اثداء امهاتهم.. وهروبا من فكرة اننا بعاعيت.. سألت بعض الاخوة العرب.. ذكروا انه ليس لدى اطفالهم هذه الحركة البعاتية.. وحتى انو في واحد مصري قال لي.. وهو مطير عيونو: «ايه يا زول.. اوعى يكون اطفالكم بسووا كدي؟.. « نهرته وزجرته وانا استشيط غضبا وقلت ليهو «افو.... انت قايلنا نحن بعاعيت واللا شنو؟» وبيني وبين نفسي اتأكد انو نحن بعاعيت اولاد بعاعيت احفاد بعاعيت.. وقاعدين نلد بعاعيت.. الله يجازيك يا ابن بطوطة كان داير تشككني في نفسنا.. وتجنني وتركبني القصبة.



اما اكل البني آدم وعلاقتو بثقافتنا وسلوكنا.. البنحاول نهذبو.. خدو مثلا.. اتحدى اي واحد او واحدة.. يشوف ليهو واللا تشوف ليها شافع صغير وسمين ومبغبغ وعندو جضوم.. بطنو ما تفور عليهو؟.. ويكون عاوز يجضمو.. او يعضيهو في جضومو..

واعتقد ان اسلافنا البعاعيت كانوا بيستعملوا الجضيم في الجس.. ويعرفوا مدى سمن هذا الزول.. زي ما نحن حسي بنجس الخروف من ضهرو.. وما الجضيم للشفع الا هو جس مبطن.. واحيانا الواحد يلقى نفسو بطنو فارت على زول كبير وعاوز يجضمو علا خايف بس.. وخجلان..



اما في النضم تلقى جملة زي «اكل لحمي» او «اكلت لحمو».. و«ايدي اكلتني» و«قلبي اكلني» في الاغاني.. اغنية «يوم طلعت القمرا».. يتضح الاكل والبلع للزول جد جد.. في المقطع « يبلع جب وجب في خصيمو.. جيت ليا »..شفتو البلع دا؟!..

اما اغنية زيدان «لو الاماني بايدي كنت اهديك عيوني واسقيك من وريدي» .. انا لا اشك ان حبيبة الشاعر دا بعاتية.. ومتعودة على الاكل وشراب الدم.. اها لو ما كدي عاد البيخلي الشاعر يهدي ليها عيون ويسقيها دم شنو؟.. بعاتية وكمان بتحب راس النيفا بتاع الزول.. وفي النيفا بتحب العيون.. الغريبة انو انا لما اسمع المقطع دا في الغنية دي.. احس برومانسية شديدة.. اتاريها ما رومانسية.. اتاريها حركات بعاعيت ساكت..

لله الامر من قبل ومن بعد قفل الباب:-

هواي يعجز فكرتك

و جمالك يعجز فكرتي

في الصد تزيد في خبرتك

و في الحب ازيد في خبرتي

المصدر:( غير معروف ولكن يبدو أنه أحد بعاعيتنا المقيمين فى الخليج )





والموضوع معروض للتداول والبحث




 توقيع : جعفر يوسف ابراهيم

اللهم إليك أشكو ضعف قوتي وقلة حيلتي وهواني على الناس يا أرحم الراحمين أنت رب المستضعفين وأنت ربي إلى من تكلني إلى بعيد يتجهمني أم إلى عدو ملكته أمري إن لم يكن بك غضب عليّ فلا أبالي ولكن عافيتك هي أوسع لي أعوذ بنور وجهك الذي أشرقت له الظلمات وصلح عليه أمر الدنيا والآخرة من أن تنزل بي غضبك أو تحل عليّ سخطك لك العتبى حتى ترضى ولا حول ولاقوة الا بالله

رد مع اقتباس
قديم 05-09-2010, 04:38 PM   #2


ابوعبدالرحمن غير متواجد حالياً

بيانات اضافيه [ + ]
 رقم العضوية : 5243
 تاريخ التسجيل :  Apr 2010
 أخر زيارة : 01-27-2012 (04:59 AM)
 المشاركات : 518 [ + ]
 التقييم :  10
لوني المفضل : Brown
افتراضي



الاخ جعفر يوسف حقيقة نحن كسودانين لم نسمع بالبعاتى الا عند حبوباتنا زمان فى حكاويهم والان امسك اى ولد من الشرع وقول ليه البعاتى جاك ماظن يقدر يعرف شىء والله اعلم
ابوعبدالرحمن


 
 توقيع : ابوعبدالرحمن

سبحان الله وبحمده .... سبحان الله العظيم




رد مع اقتباس
قديم 05-09-2010, 05:49 PM   #3


الصورة الرمزية sit_albanat
sit_albanat غير متواجد حالياً

بيانات اضافيه [ + ]
 رقم العضوية : 2658
 تاريخ التسجيل :  Feb 2009
 أخر زيارة : 01-05-2012 (06:32 PM)
 المشاركات : 4,999 [ + ]
 التقييم :  14
لوني المفضل : Brown
افتراضي



ههههههههههههه

والله يا جعفر حكاية تحير

غايتو انا ما اشوف لي شافع سمين ومربر الا اكضم ليك جضموا

وبقولوا لي بطنك بتفور الا الظاهر فوران البطن دا من عقاب البعايت




وتسلم يا غالي


 

رد مع اقتباس
قديم 05-11-2010, 05:53 PM   #4


صديق العطا غير متواجد حالياً

بيانات اضافيه [ + ]
 رقم العضوية : 3112
 تاريخ التسجيل :  Jun 2009
 أخر زيارة : 06-18-2012 (10:10 PM)
 المشاركات : 278 [ + ]
 التقييم :  10
لوني المفضل : Brown
افتراضي



في زمان دخول الاتراك السودان نكته تحكي احد الجنود المصريين مع الجيش التركي دق باب بيت طلعت ليهو واحدة شينة شنة مرة اخونا رجع خلف بخوف --قلت ليهو كفتة قال لها لا محشي


 

رد مع اقتباس
قديم 05-11-2010, 08:12 PM   #5
ضيف



بيانات اضافيه [ + ]
 رقم العضوية :
 أخر زيارة : 01-01-1970 (12:00 AM)
 المشاركات : n/a [ + ]
لوني المفضل : Brown
افتراضي



ماشاءالله أخوناجعفرقلم محترف وتسلسل ايقاعي للفكرةمميزواسلوب به لطف وطرافةوعموماالموضوع طريف وطبعاوماعايزانظرواصلاماباعرف انظر طيب اول القبليةاكلت لحوم البشرهي في منطقةثقافيةوجغرافيةبعيدةجداعن الوسط الجغرافي والثقافي تحدث عنها الزبيرباشارحمةفي مذكراته المنشورةوالمتداولة حتي نعوم شقيرنشرهاكانت هذه القبليةتاكل المحكومين بالاعدام واغلبهم طبعارجال لكن الرحالةالمتحدث عنه في اسطرك طبعاتاريخياقديم جداصراحةاناماقريت ليهواوعنه انابااقول احتمال هويتحدث عن السودان الاقليم اوقبليةصغيرةاناماعارفهااما موضوع اكل اللحوم النيةهي اصلاثقافةغذايةعاديةومتدواله دول تاكل الاسماك نيةودول تاكل الثعابين وبعض العرب ياكلون الفسيخ ني اماحتةانهاكمون لموروث ثقافي بدائي متوحش هذاخطألانه اصلاهذه المناطق لوكانت متوحشةماسكنهاالاعراب قبل الاف السنين ولاالاغاريق ولاالمغاربه ولاالهنودولا الأقباط ولاغيرهاطيب السحاراوالبعاتي اوالسعلوةاوالغول تشخيص للمخاوف من المجهول المتوحش توجدرسومات لهاعلي شكل تمساح اوشكل اسداوتجسيدلليل اوغيرهاولكن تحورت هذه الشخصيات لتصبح قصص واحاجي شعبيةالهدف منهاتربوي مثل فيهاالشرعلي انه غول اوسعلاةاوسحاراوبعاتي لينتصرعليه الخيرفي شكل محمدالشاطراوفاطمةالسمحةوفي نفس الوقت انسان الخيروالشجاعةيكون الطفل اوالطفله المحكي له القصة استخدمت هذه الاساطيرلمحاربة المستعمربنشرشايعات عن هذه الوحوش الاسطورية بانهاداخل النيل اوفي الجزروالمناطق الزراعيةوذلك لاخافةالمستعرمن جمع الضرايب والله موضوع جميل اتمني يضاف له الكثيراناباحب الادب السوداني لانه السودان لناوطن ولكنه ليس الاول طبعااسف مامركز اليومين ونلتقي علي خير
د/إيهاب علي الصادق أختصاصي جراحه عامة


 

رد مع اقتباس
قديم 05-12-2010, 02:25 AM   #6




حبوبه غير متواجد حالياً

بيانات اضافيه [ + ]
 رقم العضوية : 3794
 تاريخ التسجيل :  Aug 2009
 أخر زيارة : 06-07-2018 (10:38 PM)
 المشاركات : 3,525 [ + ]
 التقييم :  23
 الدولهـ
Sudan
 الجنس ~
Female
لوني المفضل : Orchid
افتراضي



قريت قصص بعض السفاحين عبر التاريخ ودي واحده من القصص

تقول لي نحن بعاعيت برضو كدي شوف ديل...........

السفاح الأمريكي

Richard Trenton Chase(Vampire)

سفاح ومصاص دماء "ساكرامنتو" بولاية كاليفورنيا .

كان يهاجم النساء في بيوتهن ويقتلهن ، ثم يغتصب الواحدة منهن ويشق بطنها ويشرب من دمها ،

ويأخذ قطعًا من لحمها ويخلطها بالدم في الخلاط الكهربائي ليشربها ، ثم يأخذ قطعاً أخرى ليأكلها .

أدين بقتل ست ضحايا ،

وحكم عليه بالإعدام عام 1978

ومات منتحرًا في السجن عام 1980 قبل تنفيذ حكم الإعدام فيه


 
 توقيع : حبوبه





واعمل لدار رضوان خازنها والجار احمد والرحمن بانيها
قصوروها ذهب والمسك طينتها والزعفران حشيش نابت فيها
.* .* .* .* .* .* .* .*
http://www.quranflash.com/quranflash.html


رد مع اقتباس
قديم 05-12-2010, 06:49 AM   #7


الصورة الرمزية د. احمد الطيب الماحي
د. احمد الطيب الماحي غير متواجد حالياً

بيانات اضافيه [ + ]
 رقم العضوية : 2246
 تاريخ التسجيل :  Nov 2008
 أخر زيارة : 06-09-2014 (12:10 PM)
 المشاركات : 1,278 [ + ]
 التقييم :  16
 الدولهـ
Sudan
 الجنس ~
Male
 MMS ~
MMS ~
لوني المفضل : Brown
افتراضي



اقتباس:
المشاركة الأصلية كتبت بواسطة حبوبه مشاهدة المشاركة
قريت قصص بعض السفاحين عبر التاريخ ودي واحده من القصص

تقول لي نحن بعاعيت برضو كدي شوف ديل...........

السفاح الأمريكي

richard trenton chase(vampire)

سفاح ومصاص دماء "ساكرامنتو" بولاية كاليفورنيا .

كان يهاجم النساء في بيوتهن ويقتلهن ، ثم يغتصب الواحدة منهن ويشق بطنها ويشرب من دمها ،

ويأخذ قطعًا من لحمها ويخلطها بالدم في الخلاط الكهربائي ليشربها ، ثم يأخذ قطعاً أخرى ليأكلها .

أدين بقتل ست ضحايا ،

وحكم عليه بالإعدام عام 1978

ومات منتحرًا في السجن عام 1980 قبل تنفيذ حكم الإعدام فيه
يا حبوبة يا بتي نحن كلام جعفر دة طمم بطنا كمان جاية بي خلاط وشنو ما عارف (والله الحمد لله وبركة اني الليلة ما فطرت) . لكن بيني وبينك في نسوان في الدنيا دي (ان شاء الله ست البنات دي ما تسمعني) يستاهلن....... والسفاح دة اكيد ما اتخسس في النسوان ديل الا لأنه ضايق منهن المرة.
تخريمة
كملتي قرايتك ولا لسة والتخرج متين ولا مزازية لي في النت تفتشي في السفاحين وناسية قرايتك تحياتي لكم جميعا


 
 توقيع : د. احمد الطيب الماحي





رد مع اقتباس
قديم 05-12-2010, 03:47 PM   #8
ضيف



بيانات اضافيه [ + ]
 رقم العضوية :
 أخر زيارة : 01-01-1970 (12:00 AM)
 المشاركات : n/a [ + ]
لوني المفضل : Brown
افتراضي



مثل هذاالسفاح هوبالتاكيدمريض يحتاج لعلاج قبل ذلك ولكن التعامل الأعمي والغيرواعي من اجهزةالاعلام يصنع منه بطل تروي عنه قصص مكتوبه وافلام مشاهدةوصوروملصقات ونحن لانتعامل معه في دراسةالظواهرالثقافيةولكن نتعامل معه كدراسةحالةلطلاب الطب موضوع جعفرموضوع جميل ورايع اطلب منه اضافةووجدت موضوع لابوعبدالرحمن بذات الكيفيةومن هناأناشدادارةالمنتدي والاعضاءبالاهتمام بهذاالتراث الشفاهي واسهل حاجةفي الدنياجمعه ودراسته لانه اصلاعلي السنتناواتوقع المذيدالطيب واعتذرعن لبني وهي مازالت تتعاطاجلسات العلاج واسف كنت عليكم ضيف ثقيل وشكرا
إيهاب علي الصادق
طبيب جراح


 

رد مع اقتباس
قديم 05-12-2010, 10:40 PM   #9




حبوبه غير متواجد حالياً

بيانات اضافيه [ + ]
 رقم العضوية : 3794
 تاريخ التسجيل :  Aug 2009
 أخر زيارة : 06-07-2018 (10:38 PM)
 المشاركات : 3,525 [ + ]
 التقييم :  23
 الدولهـ
Sudan
 الجنس ~
Female
لوني المفضل : Orchid
افتراضي



اقتباس:
المشاركة الأصلية كتبت بواسطة د. احمد الطيب الماحي مشاهدة المشاركة
يا حبوبة يا بتي نحن كلام جعفر دة طمم بطنا كمان جاية بي خلاط وشنو ما عارف (والله الحمد لله وبركة اني الليلة ما فطرت) . لكن بيني وبينك في نسوان في الدنيا دي (ان شاء الله ست البنات دي ما تسمعني) يستاهلن....... والسفاح دة اكيد ما اتخسس في النسوان ديل الا لأنه ضايق منهن المرة.
تخريمة
كملتي قرايتك ولا لسة والتخرج متين ولا مزازية لي في النت تفتشي في السفاحين وناسية قرايتك تحياتي لكم جميعا
سلام د. احمد يعني انت تصحي الصباح وتشرب الشاي بي بسكويت ولا كيك ولا دونت الساعة 9 وبعدين في الشغل الساعة 12 عندك وجبة وتقول لي برضو ما فطرت لا بالله تعال اكلني انا

والله يا د. احمد انا اتخرجت من الشهرالفات ونزلت بوست بي كده شكلك مشغول عشان كده ماشفتو بعدين هسه انا حتي كان دايرة ازازي بالنت ناس الجامعة ما بخلوني السنه كلها قرايه بس الحمد لله خلاص اتخارجت

هسه انا كنت عايزه افتح بوست بي عنوان سفاحين العالم لكن مع طمام البطن خليتو بعد شويه بعد البطون تتصلح

بيني وبينك بصراحة منو الضايق من النسوان المره ياهو سفاح كلفورنيا ولا زول تاني انت بتعرفو

سلام شديد لي ناس البيت


 
 توقيع : حبوبه





واعمل لدار رضوان خازنها والجار احمد والرحمن بانيها
قصوروها ذهب والمسك طينتها والزعفران حشيش نابت فيها
.* .* .* .* .* .* .* .*
http://www.quranflash.com/quranflash.html

التعديل الأخير تم بواسطة حبوبه ; 05-19-2010 الساعة 01:46 AM

رد مع اقتباس
قديم 05-13-2010, 09:57 AM   #10




الصورة الرمزية جعفر يوسف ابراهيم
جعفر يوسف ابراهيم غير متواجد حالياً

بيانات اضافيه [ + ]
 رقم العضوية : 2209
 تاريخ التسجيل :  Oct 2008
 أخر زيارة : 11-12-2015 (03:52 AM)
 المشاركات : 831 [ + ]
 التقييم :  10
لوني المفضل : Brown
افتراضي



الاخوان الغالين جدا
ابو عبدالرحيم
ست الحبايب
صديق العطا
حبوبه
والدكتور احمد الطيب
قد اعجبني تعليقكم الظريف علي هذا المقال بس نحنا بطنه دي بتفور لي عشان الجضيم والعض ده
بعاعيت يعني واللحمه النيه دي لما ينضبح الخروف ده اول حاجه نفكر في الكبده من جوه بطن الخروف نا خذ لينا منها قرمه
اها غايتو عرفنا حكايتنا ودي طرائف مطبوخه بطعم اهلنا الحلوين وناسنا الطيبين وما هنت ياسوداننا يوما علينا
التقي جيل البطولات بجيل التضحيات


 
 توقيع : جعفر يوسف ابراهيم

اللهم إليك أشكو ضعف قوتي وقلة حيلتي وهواني على الناس يا أرحم الراحمين أنت رب المستضعفين وأنت ربي إلى من تكلني إلى بعيد يتجهمني أم إلى عدو ملكته أمري إن لم يكن بك غضب عليّ فلا أبالي ولكن عافيتك هي أوسع لي أعوذ بنور وجهك الذي أشرقت له الظلمات وصلح عليه أمر الدنيا والآخرة من أن تنزل بي غضبك أو تحل عليّ سخطك لك العتبى حتى ترضى ولا حول ولاقوة الا بالله


رد مع اقتباس
قديم 05-13-2010, 10:01 AM   #11




الصورة الرمزية جعفر يوسف ابراهيم
جعفر يوسف ابراهيم غير متواجد حالياً

بيانات اضافيه [ + ]
 رقم العضوية : 2209
 تاريخ التسجيل :  Oct 2008
 أخر زيارة : 11-12-2015 (03:52 AM)
 المشاركات : 831 [ + ]
 التقييم :  10
لوني المفضل : Brown
افتراضي



الاخت لبني لكي كل التحايا وقد اوفيتي في ردك واشكر مرورك وتعليقك الجميل


 
 توقيع : جعفر يوسف ابراهيم

اللهم إليك أشكو ضعف قوتي وقلة حيلتي وهواني على الناس يا أرحم الراحمين أنت رب المستضعفين وأنت ربي إلى من تكلني إلى بعيد يتجهمني أم إلى عدو ملكته أمري إن لم يكن بك غضب عليّ فلا أبالي ولكن عافيتك هي أوسع لي أعوذ بنور وجهك الذي أشرقت له الظلمات وصلح عليه أمر الدنيا والآخرة من أن تنزل بي غضبك أو تحل عليّ سخطك لك العتبى حتى ترضى ولا حول ولاقوة الا بالله


رد مع اقتباس
قديم 05-14-2010, 04:58 PM   #12


فوتون غير متواجد حالياً

بيانات اضافيه [ + ]
 رقم العضوية : 1837
 تاريخ التسجيل :  Mar 2007
 أخر زيارة : 10-24-2014 (08:58 PM)
 المشاركات : 203 [ + ]
 التقييم :  16
لوني المفضل : Brown
افتراضي



السلام عليكم
مشكور يا جعفر على الموضوع الظريف.

اقتباس:
المشاركة الأصلية كتبت بواسطة جعفر يوسف ابراهيم مشاهدة المشاركة

بعد ان قرأت كتاب رحلة ابن بطوطة.. وقفت محتار ومتمحن.. عند الحتة بتاعت انو زار ارض السودان.. وزار مكان فيهو ناس بياكلو لحم الناس..

انا برضو مرة كنت قريت عن الموضوع ده في الانترنت نقلا عن كتاب.

اقتباس:
المشاركة الأصلية كتبت بواسطة جعفر يوسف ابراهيم مشاهدة المشاركة

. والبعاعيت ديل قال بيحبو ياكلو لحم النسوان

الحتة دي انا اشك فيها بقوة, لانو اجدادنا ديل ولو كانوا بعاعيت فبالتاكيد كانوا اخوان بنات مافي شك.


اقتباس:
المشاركة الأصلية كتبت بواسطة جعفر يوسف ابراهيم مشاهدة المشاركة

. قربت اصل الى انو نحن أحفاد هؤلاء البعاعيت ما فيها اتنين تلاتة.. لقيت اننا ربما نكون الشعب الأوحد على وجه الأرض بياكل لحم ني «المرارة» ـ الكبدة ـ ام فتفت ـ الكرشة

المعلومة دي انا برضو كنت غلطان فيها, اللبنانيين برضو بياكلوا لحم نئ, وكذلك السوريين, لحم عديييل ما العدة الداخلية.


اقتباس:
المشاركة الأصلية كتبت بواسطة جعفر يوسف ابراهيم مشاهدة المشاركة

. فقلما نجد سوداني لا يحب الكوارع

ايضا لسنا الوحيدين في ذلك.

اقتباس:
المشاركة الأصلية كتبت بواسطة جعفر يوسف ابراهيم مشاهدة المشاركة


اما في النضم تلقى جملة زي «اكل لحمي» او «اكلت لحمو
دي عندها شاهد يدل على فصاحتها: "أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوه"


قالليك الناس ديل كانوا الزول لمن يشوفوه عجز وخلاس بقى على الموت بقوموا يفاوضوا اهلو ويشتروه منهم حي. ديل طبعا بكونوا ناس الفريق التاني في الحلة, اما اهل الزول زاتو فما بياكلوا فيو ¦ منو.
غايتو اجدادنا ما بنقدر نتبرأ منهم, بس ببالغوا.


 

رد مع اقتباس
قديم 05-14-2010, 06:10 PM   #13


فوتون غير متواجد حالياً

بيانات اضافيه [ + ]
 رقم العضوية : 1837
 تاريخ التسجيل :  Mar 2007
 أخر زيارة : 10-24-2014 (08:58 PM)
 المشاركات : 203 [ + ]
 التقييم :  16
لوني المفضل : Brown
افتراضي عن جقلبة الخيل



اشكرك يا د.ايهاب, نزلت ردي حتين قريت كلامك الجميل.

بس ما بوافقك في مسالة انو تدوين الشفاهي ده اسهل حاجة, الناس دي كلها بتتكلم عن انو نحن ناس شفاهيين ما بنقدر على الكتابة, مشكلة جد.
يا د.ايهاب ياخ ما تجي بالباب , رجاءا اعمل ليك حساب حتى لو تكتب بيو 3 مداخلات وتختو بعدها في التلاجة, برضو ما خسارة.
وياريت لو يكون واحدة من التلاتة مداخلات ديل تفاصيل لمعلومة:
اقتباس:
المشاركة الأصلية كتبت بواسطة د/إيهاب علي الصادق مشاهدة المشاركة
اصلاهذه المناطق لوكانت متوحشةماسكنهاالاعراب قبل الاف السنين
ولك الشكر في الاولى والآخرة.

بعدين يا دكتور انت الكيبورد ما فيو space ولّ كيف؟ جريت ردك كلو بي نفس واحد*؟
اخيرا -وان كان قبل كل شئ- كفارة لي لبنى وسلامتها ان شاء الله.

يا جعفر حبيت انبهك انو الكاتب الكلام د.ايهاب وليس لبنى, الخيل تجقلب زي الشرا في القندول.

----------------------
* مرة قريت انو العرب الاقدمون كانوا بكتبوا على طريقة د.ايهاب, وذلك انو ما كان عندهم زمن ولا ورق عشان يضيعوه في الفراغات (وربما كيبورداتهم ما كان فيها space), الكلام تلقاهو زي الشعيرية. اها انا كنت بتمنى انو تتاح لي الفرصة اجرب المسالة دي, د.ايهاب -الله يديهو العافية- ما قصّر ادّانا بيان بالعمل.


 
التعديل الأخير تم بواسطة فوتون ; 05-14-2010 الساعة 06:15 PM

رد مع اقتباس
قديم 05-20-2010, 08:25 AM   #14




الصورة الرمزية جعفر يوسف ابراهيم
جعفر يوسف ابراهيم غير متواجد حالياً

بيانات اضافيه [ + ]
 رقم العضوية : 2209
 تاريخ التسجيل :  Oct 2008
 أخر زيارة : 11-12-2015 (03:52 AM)
 المشاركات : 831 [ + ]
 التقييم :  10
لوني المفضل : Brown
افتراضي



الغالي فتح الرحمن البحيري لك التحيه واشكر لك مداخلتك الجميله اللبنانين والسورين ديل كان اكلو اللحمه كلها نيه مابقولو عليهم بعاعيت انت عارف ليه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
واهو العارف عزو مستريح ونحنا الفينا مشهوده عارفانا المكارم الحاره بنخوضها


 
 توقيع : جعفر يوسف ابراهيم

اللهم إليك أشكو ضعف قوتي وقلة حيلتي وهواني على الناس يا أرحم الراحمين أنت رب المستضعفين وأنت ربي إلى من تكلني إلى بعيد يتجهمني أم إلى عدو ملكته أمري إن لم يكن بك غضب عليّ فلا أبالي ولكن عافيتك هي أوسع لي أعوذ بنور وجهك الذي أشرقت له الظلمات وصلح عليه أمر الدنيا والآخرة من أن تنزل بي غضبك أو تحل عليّ سخطك لك العتبى حتى ترضى ولا حول ولاقوة الا بالله


رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
خمس حركات تحبها المرأه,,قد لايعرفها كل الرجال,,,, كريم صلاح «۩۞۩-المنتدي الاجتماعى-۩۞۩» 14 03-11-2010 06:31 AM


الساعة الآن 02:50 PM.


Powered by vBulletin Version 3.8.7
Copyright ©2000 - 2020, Jelsoft Enterprises Ltd
HêĽм √ 3.1 BY: ! ωαнαм ! © 2010
vEhdaa 1.1 by NLP ©2009