التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
۩ﺴ ﺴ۩راكوبة الحصاحيصا۩ﺴ ﺴ۩ مساحة للونسة والضحك ونسيان بعض الهموم فيها |
|
أدوات الموضوع | انواع عرض الموضوع |
#1
|
|||||||
|
|||||||
الشوايقه وماادراك ما الشوايقه
الشوايقة
( تخريمه الشوايقه المقصودين في المشاركه دي ماشوايقة الحصاحيصا ) ادروب سألو تمش الجنة والا النار قال ليهم الشوايقة ماشين وين ؟؟ قالو ليهو ماشين النار قال خلاس بامش معاهم النار يا ادروب الكلام ده كيييف بس؟؟ قال ليهم: الشوايقة ديل ما بمشو حتة الا يكون فيها كّدة ولا منفعة *********************** شايقي لقو بدق في اولاده الاتنين - سالو مااالك - قال لقيتهم فاتحين ا لمروحة في تلاتة وهم كلهم اتنين بسسس **************** شايقي دخل مع ابليس في جمعية .. . . شال الصرفة الاولى وقال بسم الله ******************************* شايقية عجوز في محو الأمية.... سألتها المدرسة: قولي لي جملة فيها إدغام بغنة ؟ ..قالت ليها : عمن يعميك ************************************** شايقي قال لابوه : ابوي عايز اكمل دراستي بره . . ابوه قال ليهو مافي مشكلة خلي امك تفرش ليك السرير في الحوش بس اوعى البرد ما يطقك ******************************* واحد شايقي جاتو ليلة القدر قالو ليه اي حاجة دايرة بتتحقق ليك بشرط انه الجعلي جارك تتحقق ليه نفس الحاجة مرتين قال ليهم قدو لي عيني ********************************* قالو ليكم شايقي قاعد قدام قبر ويبكي بكاء شديد الجماعة شافو ليك وقالو الشايقي ده مجنون ، ما عارف القبر ده حق الجعلي .. قامو قالو ليهو هاااااااااااا زول نعل ما في عوجة انت ما عارف القبر ده قبر الجعلي قال ليهم :آي بالحيل عارفوا قبر الجعلي ... لكن أنتوا ما سمعتوا البكاء بعذب الميت ... عشان كده أنا ببكي عشان الجعلي أتعذب أكثر وأكثر ************************ كان في شايقي راكب في مركب في النيل ومعاهو ابوهو وامو وناس تانيين غيرم وما كان في زول بيعرف يعوم غير الشايقي دا اها قامت المركب غرقت في نص البحر والشايقي ما عندو طريقة يمرق معاهو غير زول واحد بس اها قام الشايقي مرق معاهو واحد غير ابوهو وامو لما جا مارق في القيف الناس سالوهو انت كيف تخلي ابوك وامك وتمرق الزول الغريب ؟؟ رد عليهم: نان ماني طالبو!!! ************************ شايقي لقوه بمسح صدره بي ورقة فئة 5جنيه سألوه ليه قال ليهم الدكتور قال لي اشتري زيت سمسم اشربه واتمسح بالباقي ************************ شايقي نذر لو جاله ولد يصوم خمسة ايام شكر لله ، بعد ايام الولد مات ، صاحبنا راح خاصمهم من رمضان ************************ تمساح خاتي ليهو كوم ليمون جنبه يقشر ويأكل . . . جاء تمساح سأله مالك يا تماسيحو ان شاء الله خير . . قال ليهو والله اتغديت لي بي شايقي عامل لي طُمام . . . قال ليهو اجيب ليك دواء استفراغ . . قال ليهو المشكلة لا معدتي دايرة تهضمه لا الدنيا راضية ارجعه ليها تاني ******************************* شايقي داير ينزل نعي في الجريدة .. كتب : الشايقي ينعي ابوه ... ويوجد تمر للبيع *********************** Bmwواحد شايقي ابوه مات قالو ليه.....ادي الشيخ الغسل ابوك 10 الف قال ليهم ....ليه هو غسل *********************** عسكري شايقي لقي جعلي مقتول ما عرف القتله منوسجل القضيه علي فاعل خير *********************** قالو ليك فى شايقى مشى دار الايتام شغل ليهم اغنية بابا فين *********************** امام شايقي في الركعة الاخيرة سمع واحد جاي يحصل الركعة ، سلم واقف *********************** شايق مشى يسجل ولده في المدرسة قالوا ليهو : المدرسة بي خمسمائة الف والبص بثلاثين الف ، قال ليهم خلاص سجلوهو لي في البص *********************** شايقي كتب في وصيتو ادفنوني جنب الجعلي . لمن سالوه ليه قلت كدا ؟ قال عشان يوم القيامة الجعلي بيقول حرَم الحساب علي *********************** شايقية فتحت جواز راجلها لقت مكتوب مهنته رجل اعمال ، قامت مسحت اعمال وكتبت عوضية *********************** داير تعذب شايقى قطع قروش قداموا *********************** شايقي دخل الجنه وفجاه اختفي ...! لما فتشوه لقوه بكب في بنزين لي ناس النار *********************** شـايـقى واقـــف في بص شـاف بنت قـاعـــدة قـام عاين ليها . عــاينت ليه أبتـــسم ليها أبتســمت ليه غمـــز ليها . غمــزت ليه. أشـــــر ليها علي المحطة نزلت . . . قعـد محلــــــــــــــها !!! *********************** فى اتنين شـــايقى وجعــلى حكمــوهــــم بالأعـــــدام . بعــين يـوم الأعــــــدام سالوهم آخر أمنية ليكم قبال ما نعدمكم ؟؟؟ شنو . الشايقى حنين نط قدام الجعلى قاليهم انا عاوز أشـــوف أمى . وأنت يا الجعلى داير شنو ؟؟ قاليهم الشــايقى دا ما يشوف أمــــو *********************** شايقي قالو ليهو ناس البلد رسل لينا التبرع بتاعك عاوزين نعمل حوش للمقابر قال ليهم تبرع شنو عمركم شوفتو ليكم ميت شرد ؟ *********************** شايقي الحريقه قامت فى بيتو عمل مس كول للمطافى *********************** سته شوايقة غاطسين فى البحر قالو البطلع أول على سطح المويه الغداء عليهو وحاتكم لى يومى ويومكم ده ماطلعو ******************************* إتنين شوايقه زهجانين من نسوانُن واحِد قال للتاني:نِحنا لمن نموت ونتزوج الحور العِين نِسوانا ديل بودُوهُم وِين؟ التاني قال ليهُو بعزِبو بيهُم الكُفار ********************** شايقي دخل البيت زعلان شديد .. مَرَتُو سألتو مالك يا راجِل قال ليها تخيلي الصيدليه عامله تخفيض كبير في الدواء وما عندنا زول عيان ********************** قالو واحد شايقي لاقا قريبو اسمو محمداحمد , قام قاليهو آ موحمداحمد بتفهم في الكهربى شى , قالو اي بفهم , قام قاليهو كان كدي تعال علينا صلحلنا جرس الباب الليلنا باقي عطلان, قالو سمح بجي. اها صاحبنا ما جا قام لاقاهو بعد تلاته يوم قالو محومد احمد مالك ما جيتنا فشان تصلح الجرس, قام محمداحمد قليهو والله جيت تلاته مرات دقيتلكن الجرس مافي زول فتحلى . ********************** قال ليك واحد شايقي قال لي ابليس نزرع سوا قامو زرعو قمح الشايقي قل لي ابليس انت شيل ال 4/3 التحت وانا الربع الفوق ابليس وافق قال الندقسو اها لما ابليس اكتشف الحكاية زعل وشاكل الشايقي ، قام الشايقي قال لي ابليس ما مشكلة نزرع تاني وانت شيل ال 4/3 الفوق وانا الربع التحت ، قام الشايقي زرع بصل ********************** جعلي سألُوهو عن الغُربه كيف قال والله الغربه شِدة ما حاره تلاقي الشايقي في الشارِع تسلِم عليهو ********************** شايقى إتصل فيه جورج قرداحي قاليهوا : صديقك ميرغنى يبي مساعدتك رد عليه الشايقى وقال قوله .. أني نايم ********************** واحد غرق فى النيل مافى جنبو الا شايقى . قال للشايقى عليك الله انقذنى : الشايقى قال ليه يازول ما تستغفر الله ... ده ما يومك ..... ********************** شايقيه قالت لي امها : راجلي اتاخر خايفه يكون عرس علي قال ليها يابت اتفائلي خير يمكن طقشتو عربيه ********************** شايقى قروشو وقعت منو بالبلكونه وقت نزل لقاها عارفين ليه لانو وصل قبلها ********************** شايقى عندو فرن جاهو شحات قال ليهو لى تلاته يوم ما ضقت طعم الرغيف قال ليهو ياهو زاتو ما اتغير ********************** شايقي بخيييييييييييل , حب يضرب باب البيت بهيه, طرب ضلفه وكتب علي التانيه ( نفس اللون) ********************** شايقي وجعلي ومحسي اصحاب اتفقوا اول واحد يموت منهم يختو ليه قروش جنب قبرو المحسي اتوفى اول واحد الجعلي خت 200 الف ومشى جا الرباطابي خت 200 الف ومشى جا الشايقي اخد ال 400الف وخت ليه شيك ب 600 الف وقال ليه لمن تقوم امشي اصرفو
لو كان الرذق يأتي بقوة ما اكل العصفور شئ مع النسر
|
08-15-2009, 12:13 PM | #2 |
|
يا جماعه شايفه عباس السر منزل نفس الموضوع
يا عباس الناس ديل عصرنا عليهم شديد وانا والله ما شفته موضوعك الا بغد نزلته مشاركتي لكن الحمد لله انا استسمحته شوايقة بلدنا ففي بلدنا كتير من الشوايقه الذين لا يشق لهم غبار وبالمناسبة دي احكي ليكم قصة حصلت في داخلية بنات الحصاحيصا في المهندسين في امدرمان طبعا نحنا جعلين ودباسين وقامت الشكله بينا وبين بنات الشوايقه وتعال شوف وانا وبنات اهلي من يسكنون الحي الشرقي استلمناهم ليك الحصاحيصا حقتنا وهم اقولو لينا الحصاحيصا حقتنا نحنا والشكله دورت .... علي العموم انتهي الموضوع علي اننا كلنا بنات الحصاحيصا ومدينتنا تعد اكتر مدن السودان تحضرا ورقي ( تخريمه ... وكل بنات الحصاحيصا سمحات وراقيات ) طبعا لطعنا من الموضوع لكن لا اعتبر ذلك مادام الحديث علي درة عيننا ( الحصاحيصا ) ولكم جل حبي واحترامي |
لو كان الرذق يأتي بقوة ما اكل العصفور شئ مع النسر
|
08-15-2009, 03:50 PM | #3 |
|
هههههههههههههههههههههههههههههههههههههههههههههههههه ه بت اهلي والله عجبتيني بالحيل الشوايقة ديل انا ما كايس فيهم يوم مع انه اصحابي اغلبهم شوايقة بس التريقة عليهم حلوة وليها طعم لذيذ عباس السر ده شايقي متدبس علي شكل متسعود اديك العافية بت ملوك النيل وللشوايقة حبايبنا العتبي حتي لا يرضوا تحيات كيمان كيمان للشوايقة |
التعديل الأخير تم بواسطة عارف مصطفي ; 08-15-2009 الساعة 03:53 PM
|
08-15-2009, 03:59 PM | #4 |
|
والله أنا مبسوط لدرجة الثمالة.
أكثر ناس عاشرتهم وأحبهم هم الشوايقة ... لكنني أموت في نكته فيهم . الله يديك الصحة واعافية بنت القوز . |
اللهم أنني أسالك بأسمك الأعظم أن تجعل قبر أبي روضة من رياض الجنة وتدخل أبي جنة الفردوس الأعلى مع الصديقين والشهداء وحسن أولئك رفيقا.
|
08-16-2009, 09:12 AM | #7 |
|
ود اهلي تسلم علي المرور
وكنته عارفه الكلام بعجبك حيثو الجعليه والدباسين واشي علينا عنصريتنا عمنلها ظاهرة |
لو كان الرذق يأتي بقوة ما اكل العصفور شئ مع النسر
|
08-16-2009, 09:14 AM | #8 |
|
حافظ الله ابسطك دنيا واخره يا رائع ودايما منورني شديييييييييييييييد بالمرور والصحه والعافيه ماتفوتك انشالله |
لو كان الرذق يأتي بقوة ما اكل العصفور شئ مع النسر
|
08-16-2009, 09:16 AM | #9 |
|
ام سعيد عصرتي علي الجماعه شديد لكن الظاهر عليك ممكونه منهم شديييييييييييييييييد وتسلمي شرفتيني بمرورك |
لو كان الرذق يأتي بقوة ما اكل العصفور شئ مع النسر
|
08-16-2009, 09:17 AM | #10 |
|
اسراء الرائعه
شكرا كتييييييييير علي المرور وبيني وبينك كان قبلو علينا ووب علينا امانه ما لسانهم طويل ودمتي |
لو كان الرذق يأتي بقوة ما اكل العصفور شئ مع النسر
|
08-16-2009, 11:03 AM | #11 |
|
قال المهدي في وثيقتة الشهيرة
اللهم اعني علي الاتراك والشايقية ولكن لا ادري ما سبب هذا الدعوة ولا ادري اهي حقيقة ام ملفقة من قبل جعلي والله اعلم صديقي الشايقي كل ما اتصل عليهو اقول ليهو خليتلك بلد بحالا وقمت رحلت بي جاااي يقول لي اقول ليهو عشان ودابذيد كل يوم برحل من بلدنا جدي يقول ......... امسك حبل الصبر وماتخلي قلبك ني اسكت واغلق الخط تحياتي اختي الكريمة حقيقة الاخوان الشوايقة لهم لولب اقوي من اللولب اليهودي ولكن يختلف في كل المسميات لهم مني فايق الاحترام والتقدير ودمتي |
كيف اللحاق بركب نعيك والشوامخ لا تطال
|
08-16-2009, 11:57 AM | #12 |
أبو إسراء
|
نكت رائعة بنت القوز
تسلمي لكن الحكاية شنو الواحد يلم ليك جزر نضيف وبعد ينتهي يقول ليك ديل حبايبنا وأهلنا ولهم كل محبة يعني دي لزوم التخدير ولا كيف لي عودة بي رواقة |
|
08-16-2009, 03:25 PM | #13 |
|
غايتو الله يسامحكم في حق الشوايقة بس عندي مصلحة اقضيها واجيكم ارد عليكم تدفعوا كم ؟؟؟؟؟
|
إذا سمعت الرجل يقول فيك من الخير ما ليس فيك ... فلا تأمن أن يقول فيك من الشر ما ليس فيك ...
|
08-17-2009, 05:39 PM | #14 |
|
شايقي دخل مع ابليس في جمعية .. . . شال الصرفة الاولى وقال بسم الله
هههههههههه بت القوز ازيك ياغاليه الشوايقه نصيحين وبعرفوا من اين تاكل الكتف بس لكن لقيت المنتدى كلو دار جعل |
|
08-24-2009, 12:54 PM | #16 | |
|
اقتباس:
والله يابرنس ذكرتنى واحد صاحبنا يلم ليك فى الزول ينتفه نتف شديد خلاص وفى اخركلامه يقول ليك لاكن والله راجل طيب لكم خالص ودى |
|
الى كل من وهبنى جرحا وتجربه عصيبه شكرا جزيلا
|
08-24-2009, 04:25 PM | #17 |
|
يابنت القوز نكاتك حلوة والحلاوة الفيها لانها في ناس رائعين وطيبين ويتمتعون بالاحساس المرهف وناس حنينين و ناس كرم وجود
وهم مثل نخيلهم وكلما ترمي فيهم حجرا يرمون ثمرا ويا اختي بت القوز انا شائقي ولقد ضحكت في هذه النكات و كاني لم اضحك من قبل ومتعك الله بالصحة والعافية |
رحمة الله والدنا الحاج/ حسن عبدالرحيم الجمل ووالدتنا الحاجة /فاطمة بشير محمد وادخلهما فسيح جناته ورحم موتي المسلمين جميعا
|
08-24-2009, 06:21 PM | #18 |
|
يا بت القوز عليك الله امشى لى منتدى الشعر والادب فى موضوع اسمو روائع الشايقيه بتاع روعه
وانشاء الله ما حا تصيبك لعنة الشوايقه ( هناك بعملو ليك حجاب من الشعر ) الاخ راشد شايفك مبسوط شديد الاخ كمال الجمل انت ما معنا ولا شنو شكراً على النكات |
انا سودانى انا
|
08-27-2009, 10:51 AM | #19 |
|
امجد الشيخ لا والله حاشاك يا ابو احمد
ما بتاع مصلحة بس قلنا نقرق حبة تخريمة : بعدين ما قلنا شوايقتنا ما مقصودين شنو جرستنا |
لو كان الرذق يأتي بقوة ما اكل العصفور شئ مع النسر
|
08-27-2009, 10:59 AM | #21 |
|
كمال الجمل تسلم والله
انت ضحكته لانو عارف الكلام مافي القلب بل من اجل الدعابه فقط ونحنو نعلم اني جنس بشري فيه المساوي لكن الواحد دايما لو فيدو القلم مابكتب شقي . تخريمة يعني مابنشوف عوجة رقبتنا ولك العتبي يا امجد ويا كمال ويا كل بني شايقست لك ودي |
لو كان الرذق يأتي بقوة ما اكل العصفور شئ مع النسر
|
08-27-2009, 11:48 AM | #22 |
|
جعلى مربى ليو غنمايه من سخله أحدى ماكبرت أهن قامت رفستو
قال أنا الجعلى ترفسنى غنمايه !! وزعل زعله شديده خلاص مسك حلب لبنا كلو عدما النقطه وشالو كباهو فوق راسا قال ليها : قالولك محتاجلو !! |
|
08-28-2009, 06:55 PM | #23 | |
|
اقتباس:
واحد من الشوايقه ظهر تعرف لو كان شايقي كان باعا بالقطاعي وتسلم يا امير |
|
|
09-02-2009, 09:08 AM | #25 |
|
ستهم والله لقيتك حماسة نيران وبعدين الجماعه ديل عندك معاهم تار ولا شنو دمتي |
لو كان الرذق يأتي بقوة ما اكل العصفور شئ مع النسر
|
09-02-2009, 10:11 AM | #26 |
|
استغرب جدا جدا كيف الانسان يحمل هزا الحقد لاخيه الواحد فينا ينكت ويهين في قبيله هي جزءمن هزا الوطن الجميل وبعد ده يقول ليك الشوايقه ديل اصحابي كيف يكون صاحبك وانت شغال ليه بالعربي والافرنجي في النتامام ملاييييييين البشريه سامحكم الله وعليه توكلت واليه المصير
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الشوايقه بدون زعليشن !!!!!!!! | عباس السر سلمان | ۩ﺴ ﺴ۩راكوبة الحصاحيصا۩ﺴ ﺴ۩ | 0 | 05-30-2009 05:51 AM |
الغربه وماادراك ماالغربة | الجعلية | «۩۞۩-منتدى الحصاحيصا الحر-۩۞۩» | 0 | 11-28-2008 05:42 AM |