نكات انقاذيه .......... بحته

الشعب السودانى الفضل تفنن فى التنفيس عن نفسه وضيقه
من فساد الانقاذ بتاليف النكات وتداولها والضحك . ربما بفهم
ان شر البليه ما يضحك .
هذه النافذه افتتحها لتدوين اخر ما جادت به عبقرية السودانين
فى الضحك على ما اصابهم وما ابتلو به.
نبداء البوست

هذه النكته حكاها الرئيس البشير بنفسه(عشان ما يجى ابوعمر
ويسحب البوست خوفاً من الهواء )
يحكى ان الرئيس كان يصلى باحد المساجد بالصف الاول
وعقب الصلاة رقع الامام يديه بالدعاء قائلاً:-
اللهم لا تسلط علينا من لا يخافك ولا يرحمنا...
فقاطعه احد المصلين قائلاً :- هو سلط وانتهى .. اساله اللطف
اساله اللطف .....اساله اللطف يا شيخ !!!



يقال ان عمر البشير كان يجنب شوية قروش كل مره وبعد فتره
جمع المبلغ فكان حوالى اربعه مليار .. فقصد احد الشيوخ
يساله عن ماذا يفعل ليكفر عن ذنبه .. فنصحه الشيخ
بالطواف حول الكعبه اربعة اشواط ...
فذهب البشير ليطوف حول الكعبه ووجد على عثمان وهو يطوف
وانتظره البشير بعد ان اكمل اشواطه الاربعه .
وسال على عثمان
شنو يا على انا جيت وانتهيت وانت لسه بتطوف
فرد على :- انا يا ريس على اربعين شوط
البشير :- يا رااااااجل
على :- انا خلينى شوف هداك المتعافى ماجر ليهو جماعه
طايفين بيهو ليهم اسبوع ...............

المشاركة الأصلية كتبت بواسطة الشايقي

يقال ان عمر البشير كان يجنب شوية قروش كل مره وبعد فتره
جمع المبلغ فكان حوالى اربعه مليار .. فقصد احد الشيوخ
يساله عن ماذا يفعل ليكفر عن ذنبه .. فنصحه الشيخ
بالطواف حول الكعبه اربعة اشواط ...
فذهب البشير ليطوف حول الكعبه ووجد على عثمان وهو يطوف
وانتظره البشير بعد ان اكمل اشواطه الاربعه .
وسال على عثمان
شنو يا على انا جيت وانتهيت وانت لسه بتطوف
فرد على :- انا يا ريس على اربعين شوط
البشير :- يا رااااااجل
على :- انا خلينى شوف هداك المتعافى ماجر ليهو جماعه
طايفين بيهو ليهم اسبوع ...............

هههههههههههههههههه
حلوه حلوه بجد ده نكات برضو عن الفساد ولاشنو ؟

قال البشير مشى يحلق ما تبقى له من شعر
والحلاق لمن شافو انبسط وفتح معاه موضوع المحكمة الجنائية
وشغال لي للبشير اوكامبو دا سافل وابن سافلة ومش حا يقدر يعمل حاجة نحن معاك واوكامبو دا
واوكامبو ما عارف
البشير زهج من الحلاق وقال ليهو :- يا اخي فكنا من اوكامبو دا وكمل الحلاقة خلينا نمشي
قام الحلاق قال ليه والله كل ما اجيب سيرة اوكامبو شعرك بقوم لي فوق وبريحني في الحلاقة

المشاركة الأصلية كتبت بواسطة ابوعمر

هههههههههههههههههه
حلوه حلوه بجد ده نكات برضو عن الفساد ولاشنو ؟

ابو عمر
مالك علينا ياخى ما كان تخلينا فى الهمبريب البره داك
والله فتشت تفتش حتن لقيت بوستى ده

المشاركة الأصلية كتبت بواسطة الشايقي

قال البشير مشى يحلق ما تبقى له من شعر
والحلاق لمن شافو انبسط وفتح معاه موضوع المحكمة الجنائية
وشغال لي للبشير اوكامبو دا سافل وابن سافلة ومش حا يقدر يعمل حاجة نحن معاك واوكامبو دا
واوكامبو ما عارف
البشير زهج من الحلاق وقال ليهو :- يا اخي فكنا من اوكامبو دا وكمل الحلاقة خلينا نمشي
قام الحلاق قال ليه والله كل ما اجيب سيرة اوكامبو شعرك بقوم لي فوق وبريحني في الحلاقة

قويييييييييييييييييييييييييييييييييييييييية يا شايقى ...
اسمح لنا بنقلها اكثر واكثر .....

المشاركة الأصلية كتبت بواسطة راشد محمد الجاك

قويييييييييييييييييييييييييييييييييييييييية يا شايقى ...
اسمح لنا بنقلها اكثر واكثر .....

اذنك معاك يا ابومنويه

كان فى اشاعة بانو فى تعديل وزارى وعبدالرحيم احمد حسين كان وزير الداخليه وكان متوعك وراقد فى البيت

اتصل عليه البشير وقال ليه يا عبد الرحيم الصحة كيف معاك( قصده صحتك كيف)

قام عبد الرحيم قال ليه:- لالالا يا ريس خلينى فى الداخليه دى احسن لى

نافع على نافع قال للبشير امس مشيت السوق لقيت نقد فاتح ليهو بقالة
وقال طلق السياسة خلالص واداني كمان كرتونة صابون حمام هدية
البشير قال يمشي يتاكد مشى لقي نقد في البقالة وقال ليهو طلقت السياسة وهاك صابونة الحمام دي هدية
البشير زعل قال ليهو ليه تدي نافع كرتونة وانا الرئيس تديني صابونة واحده بس
نقد قال ليهو لانو نافع وسخااااان شديد

هدندوي لقى دفار البوليس

مالينو طالبات جميلات معتقلات،

قام سأل بتاع الدكان:

بنات هلوين ديل مالو؟

بتاع الدكان قال ليهو
كانن في مظاهرة بتاعت شيوعيين وقبضوهن.

الهدندوي مشى جنب الدفار

والعسكري الحارسو كان دنقلاوى

وهتف: آاش نِدال التبقه الآمِله
(عاش نضال الطبقة العاملة)

...العسكري طنشو

آاش كفاح الشعب السوداني
آاش الحزب الشيوئي السوداني

العسكري ما اشتغل بيهو شغلة

يعيش مهمد ابراهيم نوكد.

العسكري عاين ليهو وقال :

والله الليله كان بقيت لينين

ما تركب في الدفار ده !!

المشاركة الأصلية كتبت بواسطة الشايقي

ابو عمر
مالك علينا ياخى ما كان تخلينا فى الهمبريب البره داك
والله فتشت تفتش حتن لقيت بوستى ده

الحبيب الشايقي القصد هو وضع كل بوست في المنتدي المخصص له
ولكن انا اسف وبعتذر وارجو السماح انشغلت فقط والله كان من المفترض ان ارسل لك واخبرك بمكان البوست لك العتبي ياغالي حتي ترضي

المشاركة الأصلية كتبت بواسطة الشايقي

نافع على نافع قال للبشير امس مشيت السوق لقيت نقد فاتح ليهو بقالة
وقال طلق السياسة خلالص واداني كمان كرتونة صابون حمام هدية
البشير قال يمشي يتاكد مشى لقي نقد في البقالة وقال ليهو طلقت السياسة وهاك صابونة الحمام دي هدية
البشير زعل قال ليهو ليه تدي نافع كرتونة وانا الرئيس تديني صابونة واحده بس
نقد قال ليهو لانو نافع وسخااااان شديد

هههههههههههههههه
ربنا يكون في العون

تحكي النكتة أن رجلاً شرب حتى الثمالة ووقف أمام دار المؤتمر الوطني في الخرطوم،
فخرج إليه بعض الحراس يريدون القبض عليه، فراح الرجل
يهتف للمؤتمر الوطني والرئيس، فسمعه بعض أهل الحزب
ممن كانوا في طريقهم خارج الدار، فمنحوه بعض النقود
وطلبوا من الحراس تركه لحال سبيله، فما كان من
الرجل إلا أن رفع يده ليوقف سيارة تاكسي
ويهتف بسائقها: (على دار المؤتمر الوطني في بحري طوالي يا ريس).

كمسنجى راح ينادى في أحد مواقف البصات، بعد
وقوع مفاصلة الإسلاميين: شعبي..شعبي...(شعبي يا)،
فمرت قربه إحدى دوريات شرطة النجدة والعمليات،
فأخذ يصيح: وطني..وطني.. (وطني يا).

تحكى احدى نكات الانتخابات أن رجلاً طاعناً في السن
كفيف البصر قدم إلى مركز التصويت وهو يصيح من
بعيد: (الشجرة وينا، وروني ليها، أنا داير الشجرة بس،
حتى دخل إلى غرفة التصويت فطلب من الموظف أن يضع له
إصبعه على موقع الشجرة في بطاقة التصويت، ففعل الموظف،
فقال له الرجل المسن: (بعد ده اشخت أي حاجة تاني غير الشجرة دي)..!

واحد سكران بيسأل من بيت جماعة...واحد قاعد يوصف ليهوا:
تمشى بى شارع كبسولة بسط الامن الشامل دييييك .
. تخش على شارع المحكمة .. تخلى مركز الشرطة على يمينك ..
البيت الفاتح على مكاتب الامن طوالى دا البيت...
رد عليهو السكران:
فى ذمتك اسى شارعك الوصفتو لى ده اكان شارب كركدى بمشى بيهو ؟!!!

بسم الله الرحمن الرحيم
السلام عليكم ورحمة الله وبركاته
انت عارف الوليه قالت لى بتضحك مالك جنيت . والله يا شاقى لى فترة ما ضحكة كدة البقراء ليك فى المنبر الحر زوال مسلط على الحكومه بجد وهنا زول مستهر بهيا اعمل حسلبك ما يركبوك الدفار

المشاركة الأصلية كتبت بواسطة ايوب

بسم الله الرحمن الرحيم
السلام عليكم ورحمة الله وبركاته
انت عارف الوليه قالت لى بتضحك مالك جنيت . والله يا شاقى لى فترة ما ضحكة كدة البقراء ليك فى المنبر الحر زوال مسلط على الحكومه بجد وهنا زول مستهر بهيا اعمل حسلبك ما يركبوك الدفار

شيخ ايوب
اشكرك على المرور يا زول يا بركه

واحد ممغوس لقى الجماعه بتكلموا
عن ناس القصر
فقال ليهم
لا نافع نافع
ولا نافع على

البشير كان بتكلم عن غلاء الاسعار
وحاول يسوق المبررات
وغلبو
فقال بزعل شديد
والله والله
لوما حكومتنا
كنا قلبناها

الاخ الشايقى تحية طيبة ههههههه امتعتنا كثيرا وخاصة نكتة لو شارب كركدى متابعين واصل من فضلك

الاخ الشايقي
لو سمحت
اشوت معاك شويه

قالو مرة البشير ركب تاكسي لقا بتاع التاكسي معلق تلاتة صور الازهري والمهدي والمتعافي
البشير سالو : ديل مالهم
قال ليهو المهدي قاتل الحكم التركي
والازهري رفع علم الاستقلال
وسكت ........
البشير سألو: والتالت
قال لي : اهه المتعافي ده شريكي في التكسي

في مراة ولدها بريل مشت ليه الي الدكاتره والشيوخ ما عالجوه
في مسطول قال ليه انا بعالج ليك الولد دا
المراة قالت خير قام سوا ليه حجاب وربطه للولد فى
رقبته الولد وقف رياله ..
( المراة قالت والله اكان افتح الحجاب دا اشوف فيهو شنو ؟ )
لقت مكتوب فيه .. علي عثمان محمد طه
مشت قالت ليهو دا شنو الكاتبهو دا ؟
قال ليها :دا نشف ريق البلد دي كلها ما بنشف ريق ولدك ده

قالو مرة البشير ماشي في زقاق ضيق بالليل
قام فجأة طلع ليهو شيطان
قال بسم الله الرحمن الرحيم
الشيطان قال ليهو:والله ختفتها من خشمي

الاخ الشايقي
لو سمحت
اشوت معاك شويه

الحبيب اللورد
مشكور على الشوت

جابو خرفان وقالو لى اى كوز
يضبح خروفى على حسب سياستو
نافع مسك فيهو عض بى سنونو
عبدالرحيم محمد حسين بقى يتف (بكسر الياء وتشديد وضم التاء )
فيهو لحدى الخروف ما غرق
على عثمان اقنع الخروف انو مات فالخروف
مات
قوش شغال كفيت فيهو قول انا ميت
البشير قال ليهم جيبو السكين قام مسك ليك
الخروف من كرعينو وشغال يقطع فيهم الناس
شبكو ياريس ده شنو قال ليهم عشان ما يفرفر

كلب امريكى لقى كلب
سودانى قاليهو انا جايكم السودان لانو هناك قالو بالجد
بتحس انك كلب
السودانى قاليهو القال ليك صدق بس فى مشكلة
واحدة
الامريكى قاليهو شنو ؟
قاليهو فى السودان ممنوع تهوهو

عسكرى فى الحرس الجمهورى قايدو قال
ليهو الريس اول ما يجى تضرب 21 طلقة العسكرى قال
والله يا سعادتك المغسة الفينى من اول طلقة بجيبو
ليك

الاستاذ : إذا علمنا أن النمل مخلوقات كادحة
تعمل منذ طلوع الشمس إلى غروبها وبلا مقابل إلا ما
يكاد يسد جوعها وبلا شكوى..وإذا علمنا أن النمل
يحمل فوق ظهره أحمالا تفوق أضعاف وزنه وبلا شكوى..
وإذا علمنا أن النمل له ملكة وحيدة طوال عمرها لاتتنازل
عن عرشها إلا بموتها..فماذا نستنتج من هذا؟
رد أحد التلاميذ يعنى يا
استاذ النمل الفى العالم كلو سودانى

مدرس حساب سأل ود نافع
لو كان علي أبوك ادين 1000جنيه و مطلوب انه يسدده
علي 10 أقساط حيدفع كم في كل قسط؟ رد الولد ما حيدفع
ولا مليم ... فقال المدرس : اقعد يابني انت ما فاهم الدرس
كويس... رد الولد : انت إلما فاهم بابا كويس يا أستاذ

تمساح لقى اخوهو قاعد جمب
البحر بيمص فى ليمونة سالو الحاصل شنو قاليهو
اكلت لى كوز لا الدنيا راضيا انى ارجعو ليها
والمصارين حالفا فى حتة واحدة ما تقعد معاهو

واحد سكران سالوه رايك شنو في ادعاءات
اوكامبو . ونسلم عمر البشير لي لاهاي ولا لا؟
قال ليهم : أيوه نسلمو طوالي ولازم يتحاكم
المذيع قال ليهو : لكن دا رئيس البلد ورمز السياده .
. وبعدين نحن ما موقعين علي قانون المحكمه الدوليه دي .
قال ليهو : ونحن كنا موقعين علي قانون النظام العام ده