خليك مصحصح يا عارف و خلى ايديك ع الكى بورد

.
..
...
....
.....
......
................

السادة المشرفين ابقوا 10
ما يلقى طريقة

دخلت كذا منتدى وجدت ضعاف النفوس يبثون سمومهم
ويقومون بتخريب وإتلاف كل ما هو جميل
والمصيبة بيكون داخل كعضو فى المنتدى
نرجو الحرص حتى لا تطالنا روائحهم النتنه وتزكم إنوفنا
وحتى لا يمس المنتدى ذو الثوب الجميل ويدنسونه
الله يغطى لينا منتدانا

المشاركة الأصلية كتبت بواسطة ابو صديق ود صديق صديق

دخلت كذا منتدى وجدت ضعاف النفوس يبثون سمومهم
ويقومون بتخريب وإتلاف كل ما هو جميل
والمصيبة بيكون داخل كعضو فى المنتدى
نرجو الحرص حتى لا تطالنا روائحهم النتنه وتزكم إنوفنا
وحتى لا يمس المنتدى ذو الثوب الجميل ويدنسونه
الله يغطى لينا منتدانا

والله كلامك صاح يا خوي . نؤيد ونازر ونؤكد .
و نحن نثق جداً في الاداره والله يخليهم لينا ويعينهم
وبرضو كمان نحن ما بنعفي نفسنا من المسؤوليه فكلنا في الهم شرق
ولا مش كده ؟

المشاركة الأصلية كتبت بواسطة الطيب عبدو

والله كلامك صاح يا خوي . نؤيد ونازر ونؤكد .
و نحن نثق جداً في الاداره والله يخليهم لينا ويعينهم
وبرضو كمان نحن ما بنعفي نفسنا من المسؤوليه فكلنا في الهم شرق
ولا مش كده ؟

تعرف يا الطيب عبدو لو فى طريقة يكون فى خط زى ما بيقولوا عليه الخط الساخن مجرد ما اى واحد من الأعضاء شاف ما يضر يتصل مباشرة على ال 3 تسعات بتاع المشرف عشان يديهو استيكة من النوع العندها ريحه حلوه ديك وكنا بناكله زمان.
لانو سبحان الله مرات المشرف ما بيكون مداوم 24 ساعة ممكن يكون كاتل ليه حفلة ولامعزوم عشوة كاربة عشان كدى ابقوا صاحين

وعشان الناس تكون عارفاهم مع انى ما قدرت اجيب صور و معلومات عنهم لكنهم صورة وطباع طبق الأصل من ديل

ابو صديق ازيك

والله الشمار حرقني الحاصل شنو

بس عايز قولي المنتدى لا بتهموا الخنازير ولا الانفلونزا بتاعتا الحمد لله محصن

المشاركة الأصلية كتبت بواسطة ابو صديق ود صديق صديق

دخلت كذا منتدى وجدت ضعاف النفوس يبثون سمومهم
ويقومون بتخريب وإتلاف كل ما هو جميل
والمصيبة بيكون داخل كعضو فى المنتدى
نرجو الحرص حتى لا تطالنا روائحهم النتنه وتزكم إنوفنا
وحتى لا يمس المنتدى ذو الثوب الجميل ويدنسونه
الله يغطى لينا منتدانا

الأخ أبو صديق ودصديق
لك التحية والتقدير
لقد ظلت مشاركاتك دائماً تمتاز بالجمال وأنت أحد أجمل الأقلام.
لكن حقيقة عندما قرأت هذا الموضوع أشك حتى اللحظة أن هذا هو أبوصديق ؟؟؟؟
هذا الموضوع فيه شيء من الهمز واللمز لأحد الأعضاء كما ذكرت - وهي سمة لم تكن موجودة في موضوعاتك - لو كنت ترى وجود خطر من عضو أو أي خطر أخر يمكنك القول صراحة أو في رسالة خاصة للإدارة.

لكن وجود موضوع يمكن أن يفسر بأشكال مختلفة هو نفسه خطر على المنتدى ويتسبب في الروائح الغير مألوفة التي ذكرتها.

الأخ عارف حسب إعتقادي لا يحتاج للتنبيه فهو دائماً يعالج الأمور بحكمة نادرة قل وجودها في المنتديات وحسب إعتقادي الشخصي أن وجوده أحد أسباب نجاح المنتدى نسأل الله أن لاتغيره الظروف.

ما دفعني لهذه السطور هو خالص مودتي وتقديري واحترامي لك.

السلام عليكم يا أحبة ومعزتكم غالية ، أخي أبو صديق عداك العيب وأنا أفهمك تماما و
الأخ الحبيب الطيب عبدو أيضا عارف قصدك ، ويا أختي ست البنات لاتذهبي بعيدا
الموضوع خارج منتدانا ونادينا والحمد لله . ويمكنك والأخوة بقرأة موضوعي اليوم بعنوان
( تخيلوا المنتدي بدون ادارة ) سوف تفهموا الموضوع وأرجو أن أكون قد أصبت يا أخي
صديق تكعيب حفظك الله . ودعونا ندعوا الله ونقول ( الحمدلله الذي أذهب عنا الأذي )
وعافنا ونحتسب الله علي ما أصابنا سابقا من سوء وخلونا بعيد لأن هنالك من يصتاد في
الماء العكر ؟؟ ونشكر الله علي كرمه علينا بادارتنا الرشيدة والحكيمة وفقهم الله وسدد
خطاهم وتقبلوا بفائق الشكر والأمتنان والأحترام ودمتم .......

المشاركة الأصلية كتبت بواسطة sit_albanat

ابو صديق ازيك

والله الشمار حرقني الحاصل شنو

بس عايز قولي المنتدى لا بتهموا الخنازير ولا الانفلونزا بتاعتا الحمد لله محصن

ست البنات كيفنك حمد لله على السلامة
والله شماراً خلاك تلفحى توبك فى راسك وتجى جاريه الله يكتر منو
الجميل فى منتدانا انو الناس فيه اسرة واحدة والتسجيل فيه بإنضباط ما طلقيبه ساكت عشان كدى ما بنخاف من فيل زاتو.

كعبرة:

الله يكتر من الشمارات عشان تتاوقى بالحيطة.

المشاركة الأصلية كتبت بواسطة محمد يوسف

الأخ أبو صديق ودصديق
لك التحية والتقدير
لقد ظلت مشاركاتك دائماً تمتاز بالجمال وأنت أحد أجمل الأقلام.
لكن حقيقة عندما قرأت هذا الموضوع أشك حتى اللحظة أن هذا هو أبوصديق ؟؟؟؟
هذا الموضوع فيه شيء من الهمز واللمز لأحد الأعضاء كما ذكرت - وهي سمة لم تكن موجودة في موضوعاتك - لو كنت ترى وجود خطر من عضو أو أي خطر أخر يمكنك القول صراحة أو في رسالة خاصة للإدارة.

لكن وجود موضوع يمكن أن يفسر بأشكال مختلفة هو نفسه خطر على المنتدى ويتسبب في الروائح الغير مألوفة التي ذكرتها.

الأخ عارف حسب إعتقادي لا يحتاج للتنبيه فهو دائماً يعالج الأمور بحكمة نادرة قل وجودها في المنتديات وحسب إعتقادي الشخصي أن وجوده أحد أسباب نجاح المنتدى نسأل الله أن لاتغيره الظروف.

ما دفعني لهذه السطور هو خالص مودتي وتقديري واحترامي لك.

ود يوسف خبرك تمام
شنو يا عمك هجمتنى قطعت قلبى موضوعى ما عندو اى علاقة بمنتدانا ولا بحبايبنا البورداب وحقيقة ما مجاملة من اكثر المنتديات الفة وترابط وذوق واخلاق منتدى الدرة الحصاحيصا وكل الأعضاء مشتركين فى اكثر من منتدى وبتكون المقارنة واضحة بين المنتديات من ناحية المداخلات والمشاركات الجميلة والهادفة والمميزة بدون إسفاف وخروج بره النص كما فى السواد الأعظم فى المنتديات الأخرى.
وكفة ميزان المقارنة بتتقل لصالح منتدانا
لك ودى وتقديرى واعرف تماماً انك تكن لى معزة شوالات المحالج ما بتكفيها
كعبرة:
فى بعض المنتديات لو فى طريقة تدخل بعكاز وسكين فى الضراع

المشاركة الأصلية كتبت بواسطة alshareef2008

السلام عليكم يا أحبة ومعزتكم غالية ، أخي أبو صديق عداك العيب وأنا أفهمك تماما و
الأخ الحبيب الطيب عبدو أيضا عارف قصدك ، ويا أختي ست البنات لاتذهبي بعيدا
الموضوع خارج منتدانا ونادينا والحمد لله . ويمكنك والأخوة بقرأة موضوعي اليوم بعنوان
( تخيلوا المنتدي بدون ادارة ) سوف تفهموا الموضوع وأرجو أن أكون قد أصبت يا أخي
صديق تكعيب حفظك الله . ودعونا ندعوا الله ونقول ( الحمدلله الذي أذهب عنا الأذي )
وعافنا ونحتسب الله علي ما أصابنا سابقا من سوء وخلونا بعيد لأن هنالك من يصتاد في
الماء العكر ؟؟ ونشكر الله علي كرمه علينا بادارتنا الرشيدة والحكيمة وفقهم الله وسدد
خطاهم وتقبلوا بفائق الشكر والأمتنان والأحترام ودمتم .......

الشريف الفين وتمانية اصبت فى ان الموضوع خارج منتدانا
رجعت لبوستك ( تخيلوا المنتدى بدون إدارة ) وعجبنى سردك واحييك لإشادتك بالأعضاء والإدارة وربنا يعينهم.

كعبرة:

إن شاء الله العيب يختاك ويبقالك معاك زى قضيب سكة حديد

مقصدى من إنزال البوست عند دخولى إحد المنتديات الشهيرة وجدت احد المخربين قام بإنزال بعض الصورة المشوهة لكل ما هو جميل وبعض المواقع.
وللأسف ظلت اكثر من 24 ساعة رغم مناشدة الأعضاء للمشرفين والإدارة فى الخاص والعام بان يعملوا ليها ( Delete) ولكن زى كانك بتنادى زول بالشرق وانت بالغرب عوك عوك وما فى رد صوتك شايلو البحر.
وهذا ان دل انما يدل على غياب الإدارة وعدم متابعة المشاركات والمداخلات.
عكس ما نجده عندنا من برستيج وذوق عالى.
مودتى للجميع

كعبرة:

عشان كدى بقول ليكم منتدانا غير!!!!!!!!

تسلم يا صديق
واكيد الادارة صاحية طوالي
كل الود والاحترام
وهي ملاحظة قيمة
محبتي

ود صديق الله يديك العافية
والله كلامك بسطنى بالحيل يا اخوى وفاهماك كويس على خوفك على المنتدى..
تسلم وكلنا مفتحين عيونا على منتدانا الرائع بكم دوما ..

المشاركة الأصلية كتبت بواسطة ابو صديق ود صديق صديق

ود يوسف خبرك تمام
شنو يا عمك هجمتنى قطعت قلبى موضوعى ما عندو اى علاقة بمنتدانا ولا بحبايبنا البورداب وحقيقة ما مجاملة من اكثر المنتديات الفة وترابط وذوق واخلاق منتدى الدرة الحصاحيصا وكل الأعضاء مشتركين فى اكثر من منتدى وبتكون المقارنة واضحة بين المنتديات من ناحية المداخلات والمشاركات الجميلة والهادفة والمميزة بدون إسفاف وخروج بره النص كما فى السواد الأعظم فى المنتديات الأخرى.
وكفة ميزان المقارنة بتتقل لصالح منتدانا
لك ودى وتقديرى واعرف تماماً انك تكن لى معزة شوالات المحالج ما بتكفيها
كعبرة:
فى بعض المنتديات لو فى طريقة تدخل بعكاز وسكين فى الضراع

العزيز ودصديق أبو صديق
لك العتبى حتى ترضى لو هجمتك بس تصدق أنا كنت بفكر دا زول سرق إسمك ودخل بيهو - لانو الكلام العائم بيتفهم بعدة وجوه.

المهم زي ما قلت منتداكم جميل كتير بي أعضاء المنتدى وذوق ناس الحصاحيصا الراقي. علشان كدا أنا بقدم ليك دعو تنضم لي منتدى ودمدني نت

يا أخي تخريمة كدا برا:
المنتدى التاني دا لو كان بيمثل تفرقة ومنتدى ضرار زي ما بقولوا ليه أكثر من 200 عضو مشوا سجلوا فيهو ويجوا يتكلموا عن لم الشمل وهم بيساهموا في التفرقة لما يسجلوا في منتدى ضرار؟؟ طبعاً دا لو كان المنتدى التاني بيمثل تفرقة ومنتدى ضرار.

أما لوكان ما بيمثل تفرقة وما منتدى ضرار ودا رأي الشخصي لاني أجهل الكثير -ليه الحديث عن وجود فرقة والسعي للم الشمل؟؟؟؟

ولو زول الإدارة فصلتوا لانو خالف قوانين المنتدى ، المفروض تطبق على الكبير قبل الصغير لانو الكبير كبير بي تصرفاتو - والفصل القصد منو عقوبة يتحرم من المنبر وملاقاة الأصحاب والهدف علشان يرجع ويتعهد بالإلتزام بالقوانين طيب لو لقى منتدى تاني يمثل منبر والأصحاب كلهم مشوا هناك - وبي كدا العقوبة أثرها راح - يجي يعتذر ويعمل بالمنتدى القديم شنو ونحن كلنا السودانيين بنركب راسنا وما بنعتذر إلا نبقى مجبورين ؟؟

أرى أن الأمر خلاف شخصي وما يبقى الحديث عن كوم ونت يبقى الحديث عن خلاف شخصي الناس ممكن تحلوا بالأجاويد برا المنتدى لو كان الطرفين راغبين في الصلح أما لو بخلاف ذلك فالزمن كفيل بإزالة أي مشكلة.

المشاركة الأصلية كتبت بواسطة بابكر عبد الرازق بخيت

تسلم يا صديق
واكيد الادارة صاحية طوالي
كل الود والاحترام
وهي ملاحظة قيمة
محبتي

ما هو ده الخالينا ننوم قفى يا بابكر
تسلم يا رائع

المشاركة الأصلية كتبت بواسطة اخت الحزين

ود صديق الله يديك العافية
والله كلامك بسطنى بالحيل يا اخوى وفاهماك كويس على خوفك على المنتدى..
تسلم وكلنا مفتحين عيونا على منتدانا الرائع بكم دوما ..

بكم ومعكم يزدان المنتدى رونق ولمعان
عارفكم شيالين تقيله يا اخت الحزين

المشاركة الأصلية كتبت بواسطة محمد يوسف

العزيز ودصديق أبو صديق
لك العتبى حتى ترضى لو هجمتك بس تصدق أنا كنت بفكر دا زول سرق إسمك ودخل بيهو - لانو الكلام العائم بيتفهم بعدة وجوه.

المهم زي ما قلت منتداكم جميل كتير بي أعضاء المنتدى وذوق ناس الحصاحيصا الراقي. علشان كدا أنا بقدم ليك دعو تنضم لي منتدى ودمدني نت

.

عتبى ايه ياراااااااااااجل البينه عامره
تعرف قصة ادخل باسم عضو واشيل واكتب دى ورادة كتير وياما خربت بيوت وعملت حاجات النجار فى الخشب ما عمله
لكن دائماً بتحدث فى المنتديات ذات الطابع النقاشى الحاد الذى يوجد فيه كثير من التفلتات يعنى نظام نضرك عشان نتخارج منك

يشرفنى ومن دواعى سرورى ان اشارك فى منتدى ود مدنى لكى انهل واتعلم من اخوتى فى ارض الجمال والفن وحتى تتفتق آفاقى وازداد معرفة بما تجود به اقلامهم النيرة وبتلقانى قدامك باقى البيت بيتى
شوف يا محمد يا اخوى دائماً يُكتب للمنتديات الجميلة الهادفة ذات الطابع المتناقم المتناسق اعضاء وإدارة يكتب لها النجاح اما نظام الشلليات والعنترة لا تفيد.
لك فى القلب معزة

تحية طيبة اخ صديق تكعيب ويا اخى ارقد قفا وما تشيل هم
والادارة صاحية وحافظة للعهود والقوانين التى تنظم المشاركات
فى هذا المنبر والتى تحفظ للاعضاء حقوقهم كاملة وسوف لن
نتردد فى تطبيق القوانين واللوائح متى ما تمت مخالفتها ورغم
المشغوليات نحاول بقدر المستطاع ان لا نغيب عن المنتدى
الذى نفخر بانه يضم عضوية مميزة واعية تحترم الراى الآخر
وتتناول الامور بموضوعية وحكمة ,,,,
لك التحية اخ صديق ولكل الاخوة المتداخلين وتحية خاصة للاخ
محمد يوسف وشكراً للاطراء الذى لا استحقه وكل الامنيات
بان نساهم جميعاً للارتقاء بهذا الصرح الذى جمعنا بكم ,,,

المرض ده لما ظهر ...
كتبت فيه على طول ..
ولا زال يجر في رجليه داخل المنتدى بوسائل شتي.
وهو كان متربي في الحصاحيصا .. كان عرف منو نحنا ... نحن قبلية الحصاحيصا العصبية والمتعنصرة إلى شيء أسمه الحصاحيصا لكن بمزاجنا وتحت لواء السودان الوطن الغالي... بنحب ونريد كل هميم ورجل وغيور وذو مروءة وبنحب عشا البايتات وأخوان الأخوات وأخو البنات والدغري العديل ما عوج. مش ذي واحد دخل يبلبل بحجة الرأي والرأي الأخر... وليه هذا المسح .. أيوه نمسح كل كلام شين ومعيب وليس في مكانه... هناك منتديات وسخانة وعفنة أذهب لها... لكن نحنا نظيفين نظافة نيلنا الأزرق الشاب القوي.. نظيفين لأننا بنحب بعض وبنخاف على بعضنا ... الحصاحيصا مهما تمدنت فهي في النهاية قرية يدخل من في اركويت أجعص عرس في الامتداد العزاء عبر ميكرفون الجامع الكبير.. وبرغم أنها مبتلية برموز غير شريفة من الخارج ... لكن كلهم يفشلوا في أن يجعلوا أبناء الحصاحيصا متحاربين ... بل هم في الشدة بأس على قلب رجل واحد ... هل فهمتني ..
أما بالنسبة لعارف والطيب عبدو وبابكر عبد الرازق وود الصديق والشريف بجدة فأنهم نعم الأخوان الغيورين على منتدى الحصاحيصا ... ويزداد العقد زينة بست ستتتتتتتتتتتتتتتتتت البنات.

أخواني الأعزاء:
أسف لاستخدام كلمات العنصرة والقبيلة لكن الواحد طفشان من مرض موجود بالمنتدى ما عايز يغادر ...... والله لو أنه أعتذر ورجع لصوابه لقبلنا ... لكن وهو في غيه يمرح.

المشاركة الأصلية كتبت بواسطة ابو صديق ود صديق صديق

ست البنات كيفنك حمد لله على السلامة
والله شماراً خلاك تلفحى توبك فى راسك وتجى جاريه الله يكتر منو
الجميل فى منتدانا انو الناس فيه اسرة واحدة والتسجيل فيه بإنضباط ما طلقيبه ساكت عشان كدى ما بنخاف من فيل زاتو.

كعبرة:

الله يكتر من الشمارات عشان تتاوقى بالحيطة.

ابو صديق ازيك يا حبيب

الله يسلمك ويسلم ليك كل غالي

اللفحني توبي وحياتك شوقي ليكم ........ز لكن بيني وبينك الشمار حار وخالتك عندها شمشرة الكبر

بقولوا القمم مستهدفه والحسد ما بمشي الا للشي الزين وطول ما المنتدى جميل خايكون في ناس بتحاول تشوه الجمال دا وشكرا لاخوانا في الادارة على التعب البوفروا علينا ماهم عاملين زي جيش الحدود

الله يستر علينا وعليكم وعلي امة محمد وعلى الحته الحلوة المتنا دي

أبقي عشرة على المبادئ.
أخونا الغالي جددددددددددددددددددددددددددددددددددددددا عارف
والعقد الفريد من إدارة المنتدي.

بسم الله الرحمن الرحيم
الأخ الكريم صاحب القلم الفخيم ...أبو صديق
أخوتى المتداخلون بطيب الكلام ومهذب العبارات ......
تحية قلبية من الاعماق مرسلة.....
اخى تاخرى فى مداخلتك وانا المتابع لموضوعك الهام ...كى يتداخل الاخرون باثراء النقاش وفهم الموضوع جيدأ لما لة من مألات ...
أخى أبوصديق طرقت على موضوع فى غاية الاهمية....
وهو موضوع يحتاج إلى مجهود جبار ...لوضع الامور في نصابها ....فى وقت يريد فية البعض عدم ذلك...وجعل الباب متاكا...للدخول والخروج وقت مايشاؤن لفعل الافعال... و لايريدون قفل هذا الباب ...ظانين عدم تميز الناس لهذه الاشياء .....رامين لتحقيق مكاسب محدودة غير عابئين بما تحدثة هذه الافعال من فرقة وشتات ومن شرخ أجتماعى كبير فى نهاية الامر لايعنيهم كثيرآ إن أحدثوا ذلك أم لا....
أخى أبوصديق .....
عندما يكون الانسان ناقصآ ...من حلاوة الايمان ...وسحر أيات المنان....وعدم التصاقه بحديث أحسن الانسان ...منجرفآ ومتعجرفآ إلى فكر لايصلح لاى زمان أو مكان ...
يكون واجبنأ أولآ الدعوة له بالهداية ...غير متناسين قولة جلا وعلا (إنك لاتهدى من أحببت ولكن الله يهدى من يشاء)..
هذا إن أحببت وكيف يكون الحال مع من لاتحب؟؟؟؟؟؟؟
والكارثة أخى ........أدعاء الفهم الراشد والحديث الذى لايٌراجع كما وانة منزل من رب العالمين والعياذ بالله ...وأى فهم... فهم مريض بادعاء بطولات لم يتحقق منها شى وفعل مستحيلات لم ولن يفعلها حد ... والنتيجة على أرض الواقع صفرآ كبير كِبر الافكار الهادمة المفرقة بين الاخوة والاهل والأحباب
لذلك اخى أبو صديق ليس مستغربآ أن يتجمع من يحملون ذات الصفات والافكار الهدامة والذين يحبون رؤية القبيح فقط فى مكان ما فالطيور على أشكالها تقع .....سقت هذه المقدمة الطويلة لحديث أت فى مثل هذه المواضيع أعود له إن طلبت منى ذلك....واختم حديثى بان ندعو الله جميعنا أن يجنبنا الفتن ماظهر منها وما بطن وان يجعل الله منتدانا هذا مبرأ معافى من المرض والوهم يحتكم إلى مايرضى الله سبحانة وتعالى وأن يجعلنا على قلب رجل واحد فى حب مدينتا الاولى نقدم لها الغالى والنفيس ونسعى لرفعتها ونهضتها وتنميتها واضعين أيدينا مع أيد الخير والبذل والعطاء لكل ماهو جميل فى مدينتنا ....والله من وراء الفصد

المشاركة الأصلية كتبت بواسطة احمد سعيد

بان ندعو الله جميعنا أن يجنبنا الفتن ماظهر منها وما بطن وان يجعل الله منتدانا هذا مبرأ معافى من المرض والوهم يحتكم إلى مايرضى الله سبحانة وتعالى وأن يجعلنا على قلب رجل واحد فى حب مدينتا الاولى نقدم لها الغالى والنفيس ونسعى لرفعتها ونهضتها وتنميتها واضعين أيدينا مع أيد الخير والبذل والعطاء لكل ماهو جميل فى مدينتنا ....

لك التحية ابن عمي.. ولا يسعني الإتفاق والتأييد لكلماتك أكثر..

حفظ الله بلادنا ومنتدانا وعقولنا وفكرنا من الإنحطاط والإنحلال والسفاسف من الأمور والعقول والسواقط من الناس.

تحياتى للجميع
واؤكد حرصنا فى الادارة على الحفاظ على هذا الصرح والذى لولاكم لما كان
فنحن منكم وبكم ولكم وسنعمل بكل ما نملك من اجل المحافظة على هذا
الصرح ولن نسمح ابداً باستغلال المنبر للاساءات الشخصية, فنحن لا تهمنا
الا المصلحة العامة للحصاحيصا فقط ,, وندرك تماماً ان هذا الصرح يمكن ان يساهم
بصورة مباشرة فى التكاتف والتوادد بين ابناء المدينة الواحدة التى انهكتها
الصراعات والمشاكل فنحن الذين تقع على عاتقهم مسئولية اعادة
سيرتها الاولى وعكس الوجه المشرق للحصاحيصا ولابناءها المميزين وبحمد لله
المنتدى يضم عضوية مميزة واعية وحكيمة الامر الذى يخفف عنا الهم الكبير
فى المتابعة,,,,
وختاماً كلمة اخيرة للاخ احمد سعيد العوض عذراً ان تطاول عليك البعض واستغلوا
المنابر المفتوحة التى لا تحترم القوانين والتى تغض الطرف عن الاساءات الواضحة التى
لاتحتاج لاستفتاء او مشورة للبت فيها والمنابر التى تطرد المظلوم وتترك الظالم ,
ولكن فلتعلم انه لا يرمى بالحجر الا الشجر المثمر وللامانة والتاريخ لم نسمع
منك وعنك الا كل خير وامتدت اياديك البيضاء لهذا الصرح بالدعم المعنوى
والمادى فى كثير من المناسبات دون من او اذى ,,,,
وحتى ان راينا انك قد اخطأت (ولا يوجد انسان معصوم من الخطأ )سننصحك وندلك
على ما قد يكون خافياً عليك بكل احترام وتهذيب وتقدير لما بذلته ولتاريخك الناصع فى
العمل العام وفى اعمال الخير ومساعدة اليتامى والفقراء والمحتاجين ويكفى تمثيلك
للحصاحيصا فى المجلس التشريعى بين ثلاثون عضواً تصارع وحيداً بينهم من اجل
المدينة ,,,, فسر مع امنياتنا لك بالتوفيق والسداد ,,,,

اخوتى شكراً لكم جميعاً على تشجيعكم والذى يزيدنا قوةً وحماساً واصراراً على المزيد
من البذل والعطاء ,,,, وشكراً لكم وانتم تزينون هذه الساحات بالآراء السديدة والنصح
والارشاد والذى يعيننا كثيراً فى تطور هذا الصرح ,,,, ولكم كل الود والتقدير والاحترام
ومعاً جميعاً للارتقاء بهذا الصرح ولعكس وجه الحصاحيصا المشرق,,,,

سعادة المشرف العام / أخي عارف أحييكــــــــــ من الأعماق وانت تعزف هذه الكلمات
الجميلة في حق أخونا أحمد سعيد العوض وفي الحقيقة لقد أصبت والحمدلله >>>>
وشهادتك تمثلنا جميعا .. ووفقكم الله لقول الحق ونصركم لأخاكم ظالما أومظلوما >>
وسدد خطاكم ولكم جزيل الشكر والتقدير ، والله يحفظكم ودمتم .......