كلام الريد دسو علي

كثيرة هي التعابير التي ترادف كلمة (أود أو أريد)
في اللهجات العامية العربية في الوطن العربي
ونبدأها بأم الدنيا مصر المحروسة حيث يقولون
(عايز إيه وأنا عايز كدة) أما في سوداننا الحبيب يقولون
(داير شنو أو أنا داير كدة أو بدور) كما قال شاعر رائعة وردي أبو قطاطي
(بدور أطوي المسافات طي)
أما في بلاد الشام وتحديداً في لبنان وسوريا يقولون
(شو بدك وأنا بدي) وفي فلسطين والأردن يقولون
(إيش إتريد) أما في اليمن السعيد فيقولون
" إيش تشتهي" غير أنهم في الخليج يقولون
(إيش تبغى) أو (إيش تبي) وهكذا غير أنني أجهل العامية المغاربية فلا أدري كيف يعبرون عن هذه اللفظة
أما ما ساقني إلى هذا المنعطف هو كلمة الريد السودانية وهي تعني الحب
ولا أدري أية درجة من درجات الحب تعني كلمة ريد التي طالما تردد ذكرها
وترديدها في الأغنيات السودانية على مر مراحل مسيرتها الطويلة
وقد إتخذت كلمات أغنية جمال فرفور الشهيرة عنواناً للمقال
لأن شاعرها يطلب من الناس كتمان كلام الريد عنه خشية أن يساهر الليل طويل
ولا يعرف النوم طريقاً إلى عينيه وإليكم كلماتها:
" كلام الريد
كلام الريد دِسوه عليّ
وما تدو السهر عينيّ
خلوا قليبي في حالو
مالي الريد أنا ومالو
وما تجيب ليّا موّالو
وما ترموني في حبالو
كلام الريد صعب قالو
كم عاشق شغل بالو
زمان العشقوا إيه نالوا
آتوه في دروبو وأهوالو
كلام الريد وأسرارو
كُتار الدخلو في نارو "
ولكن مطربنا الشاب مصطفى فرفور
يناقض نفسه بنفسه في أغنية أخرى
ويبدو أنها من كلمات القامة إسحق الحلنقي
حين يصر على أن الريدة لازم تستمر
في كل الأحوال والظروف...
حين يقول:
" لو حتي نبدا من الصفر الريدة لازم تستمر
ارجع تعال ما تنتظر حبيبي لازم ننتصر
لاقلبي لاقلبك قِدر لا قلبي لا قلبك قِدر
للُفرقة بعد الشوق كِتر الريدة لازم تستمر
بس تاني ما تبعد شبر انا قلبي من بعدك وِدر
حاذر تفكر تعتذر صدقني مافي الحب وزر
الريدة لازم تستمر
يا شاغل البال والفكر يا للمحاسن محتكر
البينا لو صفا او عكر انا اهوي غيرك تفتكر؟
الريدة لازم تستمر "
عجيب أمر فرفور وهو يتنقل في كلام الريد
من حالة إلى حالة أخرى زئبقية وها هو يردد:
" جيت تقول الريده خوة
بعد ما خلخلت قلبي وفيني ما خليت مُرُوَه
خوه ايه بتبكي سيدها وخوة بتسهر ليالي
الاّ دي الخوة الجديدة
بي دموع الشوق كتبتوا
و الكلام القلناه سوا
و الزمن شن فينا سوى ؟؟
انت ما زولي العرفتو و الوداد
ما بدورلو قوة
و البفوز بي هواك بختو
جيت تقول الريده خوة!!!! آه
وهنالك ضرب من الريد يفوت حده ويبقى مصير المحب في يده
كما وردت في رائعة ابراهيم حسين:
" لما الريد يفوت حده
يبقى مصيرنا في يدو
والبينا يذوب مع الهمسة
ويصبح ذي فرح أمسى
أفتش للحزن مرسى
أسيب الكان عشان أنسى"
وهو الذي ردد في رائعة أخرى للحلنقي يقول فيها:
" الريدة الكتيرة يا حنين شقاوة
كلما نزيد حنان إنت تزيد غلاوة إلخ الأغنية"
شاركوني أيها الأحبة في مواويل الريد
والبفوت ريدتنا يمشي برضو نفرح بي جديدو
هيا معي وتاني زيدو الريدة حبة

الجميل جداً
حسن ( ساااااااى )
هههههههه
........
( إت ) داير
تجننا بسيرة
الريــــــــــــد
اظنك ..
......
ياحبيب
مرات ننسى
و
مرااااااااااااات
نتناسى ..
و
مراااااااات
نجلى ..
وإنت تجيب
فى السيرة
من اول .....
لكن حقيقة
بوست حـ يكون
روعه ..
بدورى أُحول
السطور لرائعنا
محمد عوض
السيد ......
ابو الحسن
شكرا
لهذا الآلق
الحميم ...

ايش فيك يا رجل

االروح تروح ما مشكلة ..

تزيد جروحى علي جروح ما مشكلة ..
ينسى الفراش عطر الربيع ما مشكلة ..
ينسى الوديع صوت الوديع ما مشكلة ..
الشاري لو فكر يبيع لو ضاعت الاعمار تضيع ما مشكلة ..

لاتبين شمس لايهل قمر ما مشكلة ..
يبقى السحاب من غير مطر ما مشكلة ..
يرموني في نص البحر تجيبو لي الناس خبر ما مشكلة ..

لو هز صمت الليل برق ما مشكلة ..
والقاش رحل خلا الشرق ما مشكلة ..
لو عمري بالشوق يحترق لو رحت ما جبت الفرق ما مشكلة ..

الدنيا تبقى بدون جليس ما مشكلة ..
تبقى الليالي بدون ونيس ما مشكلة ..
وتنسى ليلى حبيبا قيس ما مشكلة ..
وتنسى العروس اسم العريس ما مشكلة ..
المشكلة ريدتك بقت هي المشكلة

وريني حل للمشكلة

وريني حل المشكلة

سلامات عوافي ..

الشوق والريد ..

نحن السودانيين درجنا علي ان تكون لنا لغه مختلفه ومعبرة في مضامير الحب .. وقد اخرجها الشارع السوداني بذه الحلة .. الريد .. ولكن انا اراها اكبر درجه من الحب وذلك لتعميق الكلمه ومدلولها واكثر حميميه ..


طالبابي ..
مافي طريقه تذوق .. مطلوب رائك !!!


ولك ..
ودي ..
واحترامي ..

وأهوى كلام العشق بكل لغاته ...

تخريمة :p
وانا كنت اعتقد أن {الريد} هو إرادة الشيء ...!!
حسناً وها أنا تعلمت معناً جديداً لطعم الخفقات
متابعةُ ...

الريد وماأدراك ماالريد ....أعلى درجات الحب يحمل في طياته كل الهيام والوله والعشق والحب
وعندما يقول الانسان بريدك تعني بالعامية بدورك أي تصبحي مملكة تحوي كل شيء ....
تغنى كثيرا من الفنانين الرائعين بالريدة ...مثلا
زيدان إبراهيم ..
ماأصلو ريدة أصبح حياتي من يوم فؤادي لهواي إنهدى
وأنا عايش أقاوم بالظروف راجيها تعطف وتحن للنداء
ماكان محال أهديها الغرام أو أبقى راهب ليها وأعبده


وكمان ....
باب الريد وإنسده نقول ياربي إيه جد
تمر أيام وتتعدى ونقعد نحسب في المدة

ياقصر الشوق لو هداك حبيبك ومرة ليك صدا
ببنيك بغلاوة الريد محال أنا قصري يتهدا


وتغنى الفنان الكبير الرائع محمد الامين ..

.....
خمسة سنين ودرب الريد معاك أخضر
خمسة سنين بريدك كل يوم أكتر
أحاول بس أنساك عشان ياغالي أتذكر .....


وتغنن البلابل ....
نحييـك وما بتحـيينـا ونرضيـك مـرة ارضـينـا ....

احكـم فـينا بالدايـرو .. ده ريـدك وانقـسم ليـنا ....



والريدة فينا مدفونة والريدة أصلها مقسومة
والريدة نعمة إلا مامردومة عشان كدي لو وجدت لازم نصونة .....سبنة

الريد مفرده حنينه
و ذات خاصيه
و طعم سودانى
و تناولها ود الامين فى عدد من اغانيه


وحياة ابتسامتك ياحبيبى وحياة عينيك
قلبى حاذرك ومن زمان سائل عليــك
كلو لمسه فى خيالى عن جمالك هى فيك
قبل ماشوفك كنت فاكر الريد مستحيل
كنت هايم فى طريق خالى طوييل
لليلى دون الناس كللو ااهات ولويل


عذابي معاك بريدك قبل ما اعرفك

ولو بقدر اشيل من الزمن وقتي

بموت في لحظه واوهب ليك عقاب عمري

انتقل الى جور ربه صاحب البوست عمنا حسن سادة له الرحمة والمغفرة