والله احترنا فيك يا منتدانا

سلام للجميع
خلونا نتكلم بالدارجي كده ونعرف الحاصل شنو ؟
يا جماعة والله المنتدي جد بقي يحير مرة متاح ومرة غير متاح
لا في رسالة تجيك توريك الحاصل او السبب شنو القفل المنتدي
بقي ضربة حظ يا صابت يا خابت .
ارجو من الادارة التوضيح .

ودمتم

هههههههههههههههههههههههههه
راجع النت عندك يا معز

هههههههه النت عندي ما بقيف يا حبيب بس انتو ما بتقيمو الاعضاء والتقصر حاصل
اعترف ولا داعي للانكار .
اديني دليل انو جاتني رسالة من المنتدي او اي واحد من الاعضاء
يا حبيب المنتدي اساسا ما عندو شغلة بالغايب او الحاضر ودي معروفة سلفا
بس كمان الوقفات الكتيرة بقت مملة

هههههههههههه يا عارف مش قلت ليك في عدم اهتمام والتقصير حاصل
وين بقية الادارين لانهم فعلا حاسين بالتقصير وما عندهم كلام يقولو
علي العموم يديك العافية يا عارف وكتر خيرك كتير .
واقول ليك ربنا يسدد خطاكم تحياتي واحترامي لكل اعضاء المنتدي فرد فرد
فتكم عافية ولو حين بنتلاقة

وين الناس ؟؟؟؟؟؟؟؟؟؟؟؟؟؟؟؟؟؟

المشاركة الأصلية كتبت بواسطة ود الحصاحيصا

التحيه لكم اخوتى الاعضاء ورمضان كريم
حقيقه تقوم ادارة المنتدى هذه الايام بعمل كبير يهدف الى اجراء العديد من الترتيبات والتعديلات فى المنتدى ،وذلك من اجل تيسير عملية التصفح وتحريك المنتديات،وبعد مشاورات استمرت لفتره ليست بالقصيره بين اعضاء الاداره والمشرفين والمراقبين تم الاتفاق على دمج بعض اقسام المنتدى مع بعضها البعض،وهذا الدمج من شأنه ان يقلل عناء التصفح على الاخوه الاعضاء،ويحرك الكثير من المشاركات لان المنتديات المتشابهه تم دمجها مع بعضها وبالتالى فان زيارة احد الاقسام يتيح للعضو مشاهدة اكثر للمواضيع،وبالتالى مشاركات اكثر فى المنتديات،بدلا من الخروج من منتدى والدخول الى اخر،وعملية الدمج تمت بطريقة مدروسه للمنتديات المتشابهه بصوره كبيرة،والاخوه الاعضاء يمكنهم متابعة موضوعاتهم التى كتبوها سابقا والتى سيجدونها فى المنتديات الجديده وفقا للتقسيم التالى :
1/ المنبر الحر + منتديات الحصاحيصا ... = المنبر الحر
2/ المنتدي الاجتماعي + صيوان الحصاحيصا ... = صيوان الحصاحيصا الاجتماعي
3/ منتدي الطب والصحة + منتدي الاسرة ... = منتدي الصحة والاسرة

وهذه الخطوه هى واحده من خطوات عديده ومقترحات تم تجميعها من الادارة والاعضاء وسيتم تنفيذها تباعا باذن الله،فى الختام لا يفوتنا ان نحىى الادارة الفنية والتى قامت بعملية الدمج بنجاح،فالتحية لهم والتحية لكل المشرفين ولكم اخوتى الاعضاء ومزيدا من الحضور والتواصل،ونسال الله السداد والتوفيق للجميع وان يجعل هذه الخطوة في مصلحة المنتدي لتسهيل عملية تصفح الاقسام المختلفه.

مع الامنيات بالتوفيق لنا جميعا

الدعم الفنى كتب على شريط الاهداء:
الاخوة الاعضاء نتمني ان لا تنزعجو توجد بعض المواضيع فيها مشاكل ولدينا مشكلة في قاعدة البيانات وجاري معالجتها اطمئنوا ولكم التحايا...

لك العتبى اخى معز وحقيقة اليومين الماضيين كنا مشغولين جدا بموضوع دمج المنتديات وكل المشرفين عملوا على نقل وترتيب الموضوعات..
هذا سبب عدم الرد اخى معز عموما لك العتبى حتى ترضى وكل الود والمنى وحمدا لله على سلامة دخولك المنتدى..ومره اخرى لك العتبى حتى ترضى...
ورمضان كريم..

اخي ود الحصاحيصا لك ولكل اعضاء المنتدي احترامي وتقديري .
ولكن عندما كتبت هذا الموضوع ليس للتقليل من شأن الادارة
ولكن للفت الانتباه .
ومجهوداتهم مقدرة وعلي العين والراس . عموما ارجو من الجميع
ان يتقبلو اعتزاري وان يفهمو انني همي الاكبر هذا المنتدي وهذا هو ما
دفعني للكتابة .
محبتي ودمتم