التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة |
|
أدوات الموضوع | انواع عرض الموضوع |
#1
|
|||||||
|
|||||||
بلد ما ليها وجيع
ما يحدث لطلاب الصف الثالث الثانوي هذه الايام .......... ماساة حقيقية قد لا يستشفها الا من له طالب ابتلاه الله بالجلوس في صفوف الصف الثالث الثانوي للتقدم لامتحان الشهادة لهذه السنة ان شاء الله فما يحدث للطلبه مع لعبة المناهج هذه السنه يخليك تسال ........... البلد دي ما فيها زول علي راسا ولا شنو والناس تشكي لمنو غايتو شكيناهم لرب العالمين ناس التعليم العالي اشتكو من مستوى الطلبه الجايين الجامعة قالو تعبانيين يا ناس الوزارة شوفوا الحاصل شنو ناس الوزارة العباقرة طوالي رجعوا السبب للمناهج .... لا المدارس البتقع فصولا لا الاساتذه ا لما بقبضوا رواتبم ....علشان كدا هجوا سابوا المدرس علشان يدرسوا خصوصي .... لا ولا ولا ........ اها شالو حقيرتم خدوها في بقيرتم الهي المناهج وفي طرف شهر تم اقرار وتنفيذ وتغيير ووضع وطبع المناهج الجديدة .......... في مقوله قالو ناس الكيمياء ما تعبوا نفسم مشوا غوعل طلعوا ليهم كم شيت ترجموها وطبعوها لكن ولخيبتم التقيله حتى الشف ما عارفين يشفوا صاح ترجموا الشيت في موقع بتاع اغاني ما تعرف الاسم مركب كيميائي ولا اغنية لمايكل جاكسون ..... تصوروا كتاب الكيمياء بقا 76 الف وسوق اسود يعني قرب يبقا شوال سكر .... شكرا للوزارة الخلت الكيمياء زي السكر تماما اها الاخطاء بقت كتيرة بعد الناس ما اسنخلفوا الله في كورسات الاجازة الدفعوا فيها دم قلب اهاليهم .... وبدوا يقروا قصدي يصححوا المنهج الجديد علشان يقروا جوا قالوا لا الناس ترجع تقرا المنهج القديم الناس رجعت للمنهج القديم والاساتذة استخلفوا الله في التصحيح الملح الصححوا للاخطاء الوزارة او بالاصح لشف ناس الوزارة جوا تاني رجعوا قالوا ارجعوا للمنهج الجديد .... ولما ما لقوا حل قالو اقروهم الاتنين مع بعض اتخيلوا الاساتذه بتدخل الفصل بطقول للطلبه ماعارفين ندرسكم شنو ويقعدوا يتونسوا في الحصة ويطلعوا غيروا طعا منهج جميع الفصول الثانويه وكتير من المنهج الجديد معتمد على الفصول الدراسية السابقة الاصلا ناس تالته ما درسوها وفي كل مرة تجد فقرة كما درست سابقا في الصف الاول او الثاني لاهم اصلا قروه بالمنهج القديم .. كتب اطبعت .... قروش اتصرفت مخصصات بالهبل اتشالت في منهج ضارب ولا حسيب ولا رقيب دي بلد في راسا زول عليكم الله والاسوا اولادنا المستقبلم على كف عفريت ولا ياعم سنه وتفوت ولا حد يموت القروا عملوا شنو حسبنا الله ونعم الوكيل في ديل بشر ماسكين امور المسلمين ونايمين في العسل
آخر تعديل sit_albanat يوم
08-06-2010 في 09:30 AM.
|
08-07-2010, 08:17 PM | #2 |
|
بت يا ستهم
عليك الله بلاش تفورى دمك الشئ الواضح وما داير درس عصر ولا دروس خصوصيه هو التخبط فى السياسه التعليميه ودى افتكر بتوضح شديد فى حكاية المناهج يعنى كل يوم منهج جديد والمساله كلها مجرد قرارات فوقيه لا دراسه ولا بحوث ولا غيره . يعنى نظام (اخنق فطس) وزد على ذلك المكابره والعناد والاعتداد بالراى حتى لو كان غلط وافتكر الابقاء على نظام 3/8 (وجود اطفال مع مراهقين فى فناء واحد) اكبر دليل . والابقاء على منهج التعليم الكلى يؤكد ذلك(الغاء ابجد هوز) بالمناسبه التعليم ده فيهو شعارات عجيبه مثلاً سياسة القبول المطلق وده بيعنى مجرد احرازالتلميذ نسبة 50% من المجموع الكلى لامتحان الاساس يقبل فى المرحله الثانويه سياسة التركيز بدون تميز وهذه تعنى انشاء المدارس ثانويه واساس فى اى رقعه جغرافيه دون دراسه . فقط لمجرد رغبة اهالى المنطقه و الاستعانه بالخدمه الالزاميه ككادر تعليمى لسد الفرقه والنتيجه الطبيعيه طلاب ثانوى وجامعات ومعلمين لا يجيدون القراءة ولا الكتابه مستقبل مظلم ومهبب للتعليم وللبلد عموماً فقدان الجامعات السودانيه لسمعتها الاكاديميه والعلميه وعييك |
|
08-08-2010, 04:05 AM | #3 | |
|
اقتباس:
مايو الله يطراها بالخير كان عندها شعار ( الثوره تراجع لا تتراجع ) والشعار ده معناها كل القرارات ( بما فيها المناهج ) قبل تعميمها تخضع لفترات اختبار وتجريب وتمحيص من أهل الاختصاص و بعد كده تعمم جزئياً ثم كلياً بعد اجتياز المرحلة التجريبيه الاخيره . لكن تلاحظ العكس تماماً في الزمن ده ويمكن يكون ده سبب الاخفاقات الكتيره اللي صاحبت الوزاره وسياساتها الارتجاليه . انا بعتقد يا ستهم ان الوزارة لابد ان تخضع لمراجعه و تمحيص علي مستوى الخبراء ولجان المناهج المختلفه . ماليذيا و كوريا وغيرها من الدول الاسيويه كان اهتمامهم بالتعليم سبب اساسي في التقدم الاقتصادي والعلمي الكيبر الاحرزوه في فتره وجيذه. اتمنى ان تقوم الوزاره بعمل ورش عمل لمناقشة اوجه القصور العام في الاداء للتنصل من العار التاريخي الذي سيلتصق بسيرة القائمين على امرها اليوم . |
|
|
08-08-2010, 07:29 AM | #4 |
|
والله ياست البنات كلامك كلو في محلو
وحقيقه بالرغم من انو البلد دي اتطورت كتيييره بس الشعب ماحاسي بالتطور ده عارفه ليه ؟؟؟ عشان البلد دي فيها مشكلة تعليم حقيقيه بالجد وانا ذكرته الكلام ده في ايام الانتخابات انو ياناس الانقاذ نحنا ماعندنا معاكم مشكله وعارفينكم مفيدين بس اتلفتوا للتعليم ثم التعليم وماذال المشكله قايمه موش منهج بس وغلاء كمان . |
لو كان الرذق يأتي بقوة ما اكل العصفور شئ مع النسر
|
08-08-2010, 09:39 AM | #5 | |
|
اقتباس:
والله ما قلت الا الحق وللاسف قبل ما يتاكدوا من فعاليه نظام الاساس قفلوا كل المدارس المتوسطة وسرحوا الاساتذة ووزعهوهم على الاساس وما سابوا اي خط للرجعة واهدي النتيجة .......... عدم اعتراف بالخطأ والمزيد من الوجع وياريت تقيف في حدود مشاكل التعليم هينه شكرا علي تعقيبك القيم يا امير |
|
|
08-08-2010, 09:44 AM | #6 | |
|
اقتباس:
العزيز الطيب ازيك وكل سنة وانت طيب الله يطرا مايو بالخير صحي على قول المثل التاباه ببلاش الليلة تدوروا بقرة بقروش دا واقع مايوا معانا قلنا نخلص من هم جانا هم اكبر منو زمان كان الضحية نحنا الشقاوة والغلا اولادنا بيتعلموا وبتعالجوا بالمجان هسي الضحية نحنا واولادنا ربنا يعين وتسلم يا غالي |
|
|
08-08-2010, 09:48 AM | #7 | |
|
اقتباس:
ازيك يا غالية كل سنه وانتي يالف الف خير ياريت تقيف علي التعليم يا حبييبة وزي ماقال ابو امجد المشكلة التخبط بقا بضرب في عصب اشياء اكثر قيمة واهم بكتير من مجرد تعليم وبس عارفة المشكلة انو الحكومة اهتمت بكل شي في السودان الا المواطن السوداني وربنا يعين وتسلمي يا غالية |
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
شكلة ليها ضل في بنك هاوس | safwan | «۩۞۩-منتدى الحصاحيصا الحر-۩۞۩» | 10 | 05-13-2008 12:59 PM |
يابلد ماعندك وجيع | خالد السر الجراوى | «۩۞۩-منتدى الحصاحيصا الحر-۩۞۩» | 11 | 11-27-2007 12:41 PM |
من أنت أيها الحب؟ | ابواريج | «۩۞۩-منتدى الحصاحيصا الحر-۩۞۩» | 2 | 08-05-2007 06:27 AM |
قلت ليها | الطيب عبد القادر | «۩۞۩-منتدى الادب والثقافة-۩۞۩» | 0 | 05-26-2007 03:08 AM |
أيها الحزن كفاك | lord | «۩۞۩-منتدى الحصاحيصا الحر-۩۞۩» | 3 | 01-20-2007 09:25 AM |