يا درة والنيل حاضنه - اهداء الى الجميع

[fot:1e1a502ffb]سوسنة النيل صاغ كلماتها الدكتور المبدع طلال دفع الله عبد العزيز
واجاد تلحينها الاستاذ سيف حاج احمد واختتم اللوحة باداء رائع
ومميز الاستاذ الشيخ الطيب ,,,,,
مهداة الى كل اعضاء المنتدى وقريباً ان شاء الله سيتم ادراجها
كمادة صوتية , اتمنى ان تنال اعجابكم[/fot:1e1a502ffb][twh:1e1a502ffb]

سوسنة النيل

يا روعة زهرة سوسنة
يا درة والنيل حاضنه
حصاحيصا يا وعد المنى
سكنك هَنا وحبك هٍنا
جوة القلوب نوّر سنا
***************
يا نغمة الشعر الجميل
واحتنا يا سر الغٌنا
جيناك نحن نغنى ليك
الحان موسيقى ودندنة
ونهديك يا غالية الدعا
ايمان قلوبنا المؤمنة
***************
فيك الجمال فاق الخيال
دايماً ديارك ساكنة
يتجلى فى كبارك جلال
آيتو فى صغارك باينة
ارضك وعد هٍبة الإله
نيمك شمخ نيلك حنا
***************
زاهيات مزارعك فاتنات
سحر الطبيعة الملهمة
شامخات مصانعك شاهدات
فخر الحضارة ومعلمه
صوت المآذن زان سماك
وايمانا بيك زايد سنا

[/twh:1e1a502ffb]

:P اخى وحبيبى عارف ما اروع ان يكون الانسان منتمى الى هذه الابيات الجميله جدا واتمنى من العلى القدير ان يجعل من الحصاحيصا واحه يستظل بها جميع اهلنا فى السودان بنفس الشموخ والعزة والكرام او كما يقول صاحبى المبدع دوما خلف الله سعد البجى الحصلحيصا تانى ما بيرجع لى اهلو واسالو اكان فىزول جاء الحصاحيصا ورجع منها تانى

المشاركة الأصلية كتبت بواسطة زكى

:P او كما يقول صاحبى المبدع دوما خلف الله سعد البجى الحصلحيصا تانى ما بيرجع لى اهلو واسالو اكان فىزول جاء الحصاحيصا ورجع منها تانى

شكرا الاخ عارف على القصيدة الجميلة،ومرحبتين زكى،وبالمناسبة دى بحىى الاخ خلف الله،وكلامك صاح وبرضو واحد من اصحابنا بيقول:(الحصاحيصا ما بتنفات فيها احلى..............
وحقيقة كل من وطئت قدماه ارض الحصاحيصا فانه يستقر فيها،وان لم يستقر فانه يعتزم العوده.
احبكم جميعا..........واحبها.
يار روعة عطر السوسنة
يادره والنيل حاضنة
حصاحيصا يا وعد المنى