التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة |
|
أدوات الموضوع | انواع عرض الموضوع |
#1
|
||||||
|
||||||
فزت بجائزة 150 ألف ريال
بحسب ما أخبرني الهندي الذي اتصل بي من الرقم 0537476608
وهو بحسب كلامه مكلف من قبل الحكومة السعودية لتبليغي بنبأ الفوز بالجائزة النقدية سألني عن جنسيتي فقلت له : انت هندي ومتصل من رقم عادي نيابة عن الحكومة السعودية وبتسألني عن جنسيتي ؟! ما أكيد لازم أكون هندي بعد ما قفل الخط اتذكرت إني ما هندي الهندي فيكم اليتصل بالرقم دة الجوائز بالهبل ومالية النت لكن الحرقني في الموضوع إنه كل الناس الحكوا عن الموضوع دة في الانترنت فوزوهم بي 200 ألف اشمعنى أنا يفوزوني بي 150 ألف بس ؟ |
02-04-2014, 10:00 AM | #2 |
|
يا دكتور
السلام عليكم ورحمه الله ياخى انا حالتى داخل نظام ابوقاسم و كدا القى القصة ما ياها وبعدين من امس انا حاسى بيك ما براك قلت لى فيلم و ترشيح اوسكار حاشية لمان تصدق اخوك ابوالقاسم التقيك لو بعمرنا بقية باذن الله |
|
02-04-2014, 10:22 AM | #3 |
|
أبو القاسم ليه ؟
علي الحلال تشيل كلها براك .. عندنا كم وهبة نحن ! كل الفكرة بحسب ما قريتو عن تجارب الشباب بيقولوا ليك عشان تتأكد إنك الفائز فعلاً طلع الشرحة بتاعتك بتلقى الرقم الفلاني مكتوب على ظهرها ودي أول ستة أرقام منه .. طبعاً الستة أرقام الأوائل موحدة في كل الشرائح السعودية المهم بعديها تتصل بيهم وانت متأكد مية في المية إنك المقصود في شخصك يقوموا يقولوا ليك أدينا رقم حسابك النحول ليك فيه وبعد ما تديهم رقم الحساب يقولوا ليك عاوزين منك رسوم الجمارك للتحويل .. مافي واحد يسألني علاقة البنك بالجمارك شنو .. ما بتحضروا أفلام هندية انتو ؟ أها رسوم الجمارك دي بيحددوها على حسب فرحتك بالموضوع .. واحد متحمس كدة لحسوا منه 26 ألف وواحد 10 ألف والمساكين الزينا كدة بتعاطفوا معاهم وبحددوا ليهم 300 ريال بس .. شفت الحنية ! بتحول الجمارك دي في شكل اسكراتشات .. تديهم أرقام الاسكراتشات وبيقولوا ليك خليك معانا على الخط .. بعد ما يشحنوها بيكلمك المدير يطيب خاطرك ويقول ليك ربنا يعوض عليك .. طيبين شديد الناس ديل ياخي |
|
02-04-2014, 04:10 PM | #4 |
|
الإحتيال باسم الفوز بجائزة اصبح له فنون وأشكال وألوان ونفس ماحصل ليك اخي مصعب حصل لعمي وطلب المتصل منو رقم الاقامة ورقم حسابو في البنك من اجل تحويل المبلغ الى حسابه ولكن عمي شك في الامر لان المتصل بدأ يسأل اسئلة حول المبالغ الموجودة في حسابه البنكي فما كان منه الا ان اغلق الخط في وجهه وهدده بابلاغ الشرطة لو تكرر اتصاله
|
ليسّ كُلَ مـآ أكتبهُ حكاية عَنْ واقعي إنما هِيَ كلماتٌ راقتْ لِي وقدْ يَحْتاجُها غِيري |
02-04-2014, 05:55 PM | #5 |
|
يا باشمهندس
حصلت عندنا هنا ..... الاتصال عبر شركة m.t.n المتصل عليه ميكانيكي (من ابناء الهوسه)الراجل قال ليهو انت فزت معنا بمبلغ كذا و اتصال مجاني على كل الشبكات بملبغ كذا ( الارقام خرافيه ) لانو الكمبيوتر بتاعنا اختار رقمك من بين كل الارقام ..... بس حول لينا مبلغ كذا عشان نفعل ليك الاتصال المجاني و راح نتصل عليك علشان تستلم الجائزه في الاحتفال الكبير . الراجل قفل الخط بسرعه وقال لي :- بضحكه كده .... الفاره ده قايل نفسو بدقسني ؟ سالتو ياتو فاره ؟ شرح لي القصه . بعد دقيقه الراجل اتصل عليهو تاني قال ليهو ياخي انا بكلمك تقفل الخط في وشي؟ قال ليهو اعمل ليك شنو ؟ شبكتكم كعبه الميكانيكي قال ليهو ياخي انا ما عندي قروش احولا ليك ياخي ادفع من عندك واخصم القروش البتدفعا دبل من جائزتي العندكم وكمل لي الاجراء الراجل قال ليهو ( هه تلقاها عند القافل ) وقفل الخط الميكانيكي اتصل على نفس الرقم لقاهو مقفول ضحك شديد . وقال لي والله السرقه اتطورت ديل عاملين لينا ذي الافيال النلمها في سنه يلحسوها في ثانيه.....! شوف عليك الله حليل الشهامه والرجال النشامه يا مصعب تسلم |
|
02-11-2014, 02:50 PM | #6 | |
|
اقتباس:
أنا أحكي ليك قصة أعجب من قصة عمك
واحد اتصلوا بيه من جنوب افريقيا قالوا ليه فزت بي 100 ألف دولار تجي تستلمها في جنوب افريقيا عشان تسجيل الحلقة التلفزيونية بتاعة الفوز بالجائزة عمل مفتح قال ليهم انتوا قالوا ليكم انا عندي قروش سفر وتجهيزات ! قالوا ليه لازمك كم عشان تكون معانا وتشيل جائزتك ؟ قال ليهم عاوز 5 ألف دولار .. أنقري ما رسلوها ! صاحبك قبض ال 5000 دولار من البنك واتأكد إنه الموضوع جد وعندو 100 ألف دولار في انتظاروا .. طوااااالي مشى جنوب افريقيا واستقبلوهو من المطار للمعتقل .. دخلوهو غرفة تعذيب شاف فيها الويل وقالوا ليه يا إما أهلك يرسلوا 25 ألف دولار أو نقطع كل يوم من جسمك حتة لحدي ما تموت .. وكل يوم يدوهو أهلوا يتصل بيهم ويقول ليهم الناس ديل حيكتلوني لو ما جاتهم القروش في النهاية أهلوا باعوا بيتهم والوراهم والقدامهم ورسلوا المبلغ حتى جاهم راجع |
|
|
02-11-2014, 02:56 PM | #7 | |
|
اقتباس:
وطبعاً أرقام ام تي إن مفروشة في الشارع لا تسجيل لا بتاع .. يشيل القروش الاتحولت ويحولها في شريحته التانية ويجدع شريحة الاحتيال
الغريبة هنا في السعودية خليك من تسجيل الشريحة .. شحن الرصيد إلا بي رقم الإقامة .. يعني مع كل اسكراتش لازم تأكد إنك مالك الشريحة .. الأرقام دي عاملين عليها كنترول عوارة .. وبعد دة الهنود ديل قدروا يعملوها ويستغلوا أرقام ما بتتقبض |
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قــــ ـصة قصــ ــــــيـ ــرة | نبيل حامد | «۩۞۩-منتدى الادب والثقافة-۩۞۩» | 3 | 04-08-2013 09:50 AM |
نص للبيروفى الفائز بجائزة نوبل للآداب | خالد عبدالقادر | «۩۞۩-منتدى الحصاحيصا الحر-۩۞۩» | 13 | 11-08-2010 11:41 AM |
تجاوزت الخوف من ركوب الطائرات | بكري حاج احمد | «۩۞۩-المنتدى الرياضى-۩۞۩» | 2 | 06-24-2010 07:30 AM |
سعودية تقدم 60 ألف ريال للبحث عن عريس | كريم صلاح | «۩۞۩-منتدى الحصاحيصا الحر-۩۞۩» | 10 | 03-26-2010 03:17 PM |
مبروك يا رجال .. صدق او لا تصدق الراجل الحامل ولد .. مبروك يا رجال | عمادبندي | «۩۞۩-منتدى الحصاحيصا الحر-۩۞۩» | 2 | 08-13-2009 08:01 PM |