أفكار حزينة

أفكار حزينة
انت واحتنا وملاذنا
ونورنا في الليل البهيم
نطرب دوام لسيرتك
ولي لقاءك دوما نهيم
من طبعك نفور
لكنك رائع وسيم
مهما صيفك فيني اتمدد
لينا بكون اروع نسيم
ونستنشق عطورك
ما كنت فاكر كلمة
قلتها بتجرح شعورك
يوم قلت ليك
قلبي بهواك وبدورك
من يوم بحت ليك
زاد جفاءك ونفورك
وسديت باب لقاءنا
وزاد قساك وغرورك
وجيتنا بي افكار جديدة
انه الناس تحب
لكن ما تبوح بالريدة
داير الناس تكون
حزينة في فرحته وعيده
يا حبيب الناس بتبوح
لان الاشواق ما في ايده
ولان الصبر قاسي
ونار الحب عنيدة
وانت افكارك حزينة
عاوز الاشواق دوام
في القلوب تكون سجينة
كيف الحب بيكبر ؟
لو ليه ما سقينا ؟
ومين بسمع صداه ؟
لو ليه ما غنينا ؟
وكيف نداري هوانا
وهو باين في عينينا
مهما داراه الزمن
لؤي

يا حزينه .. يا ريدا غِريدا
حكت الغرام رعت العهودا
مبعوث عشق رسل وفودا
كتب حكايه سرد بنودا
عزف قصيد تاليفو تغريدا
اهداه من لحن الخليل نغم فريدا
فرش الدروب زهر و ورودا
ما زلت تحن لهواه كبحر مورودا
حزن خالط سر غرام منشودا
؛؛؛