(والله أيام يا زمان )

(والله أيام يا زمان)-)

تعالو نعمل مسابقة الفائز له (100)ريال سعودي. أسمها ( والله أيام يا زمان).
السؤال: حدد شارع الحب في مدنية الحصاحيصا:
(أ) شارع المدارس من المدرسة الثانوية الجديدة حتى المدرسة الغربية الابتدائية أولاد.
(ب) شارع واحد وعشرين أكتوبر الشهير.
(ج) يبدأ من زقاقات الكمبو بعد استاد الحصاحيصا وينتهى بنهاية بيوت الطين.
أرسل الجواب على مشاركات حافظ بشير الطيب حسن بمنتدى الحصاحيصا وأسمك بالكامل وعنوانك.

ازيك يا حافظ

بس انشاء الله ماتنط من الجائزة

بختك يا مبارك دا تخصصك

لو في استعانة بصديق انا ممكن اجاوب

شارع المدارس
علي حسب فترة حبنا لم كنا صغار في الاربعينات

انا غايتو خريج مدرسة بن خلدون سنة 2000 القصة كانت شارع المدارس يعني نمرة (أ) واوعتك تنط من الجائزة

يا ريري .. ممكن تستعيني بمبارك شنقولي أو قاسم كباتا أو هشام بنوم (الباشاب) بالدوحة.. والله يرحم الصديق والشهيد صديق عبد الله.

ست البنات يا أغلى من عينينا
واحتك ما بنبط.
بس الجائزة حسبالشروط المكتوبة بها بدو أي خلل.

يا جماعة المشاركة ضعيفة جدا في المسابقة
نحذف السؤال ولا أيه.
عموماً هذا السؤال صعب حبتين.

ياحافظ ياحليلك شارع الحب دا زمان قبل الركشات
علي قول اخونا احمد ترب ربنا يطراهو بالخير
هسي بقت ركشات وموبايلات يعني
الجيل الجديد دا ضايع ساي
الاجابه (ب)

شروط دقيقة في المسابقة:
(أ) لا يحق للعضو المشترك بالمنتدي الإجابة مرتين نهائياً.
(ب) يجب إرسال الأسم رباعي والمدينة، علماً بأن التحويلة للسودان تتم عبر بنك البركة بالحصاحيصا.
(ج) المسابقة مستمرة وسوف يعلن عن الفائز للجميع أو تجديد المسابقة بسؤال جديد بعد أسبوع.
(د) أنا جادي في المسابقة وسوف تكون (دينية - ثقافية - فنية - كروية - عامة - وخاصة)
وشكري لجميع الذين اشتركوا حتى اللحظة . وسوف أعلن الفائز خلال أسبوع فقط .

اخي حافظ يارائع جفيتني وانا ضائع ياخي مالك مقلب المواجع ومفتح الجراحات ( اجابتي الثلاثة اجابات صحيحة ونسيت حاجة رابعة كبري رفاعة الجديد والخامسة من قصاد الجملونات مع الكنار وحتي كبري قرشي انها كانت قمة الرومانسية ) اكيد طبعا انا الفائز اما اذا كان لجنة التحكيم فيها هلالاب تبقي دي المصيبة ونرفع شكوي للمستر جوزيف بلاتر

شايفاك يا مبارك عامل نايم

يا كوامر المنتدى على قولكم ما اتفضحتو في بوست الاربعين اظهروا وجابوا على السؤال دا


(اتوسات المنتدى)

المشاركة الأصلية كتبت بواسطة sit_albanat

شايفاك يا مبارك عامل نايم

يا كوامر المنتدى على قولكم ما اتفضحتو في بوست الاربعين اظهروا وجابوا على السؤال دا


(اتوسات المنتدى)

انابة عن ناس الاربعين ، ارشح مبارك لاجابة !!! والجائزة مضمونة !!!

بالمناسبة عندما كنا فى الثانوى العام ، فى المدرسة (ب) ، استاذنا الرائع على قنديل
مرة ( زر ) مجموعة من الزملاء الحبيبة ، فى الكبرى، وعندما دخل الفصل ، قال الحكاية
شنو وعاملين فيها صعاليك!! بدل الواحد يقول وين يا انتِ ؟ يقول وين يا انتو ؟؟؟

يعني يا عاطف إسماعيل .. حتى الدم صار أسود في اللوحة.
أنتا من طرف أوباما.
ولا أيه.
يا حليل اسكندرية أيام عبد الحميد بشير موسى.
حتى اللحظة لم يصلنا الجواب الصحيح.
باقي من الزمن 6 ايام.

دا دم استوائى اقل ( تبزة ) بيجلط لاسود الابنوسى !!!
بعدين انت ماشى لحد الاسكندرية ، عشان تقول ياحليل !!
انا فى عابدين وقريب من شارع على عبداللطيف
قول معاى ياحليل على عبداللطيف وثورة 1924!!!!!
تعرف لو بقيت ثانية زولنا بيشيل الجائزة !!!!

حافظ بشير سلامات يا رائع...الاجابة بلا تردد 21 اكتوبر...شارع العشاق... و الدليل ناس المزاد و الامتداد و الحلة الجديدة و المايقوما و حتى الكمبو و الجملونات كان لازم يجوا مارين بيه عند الذهاب و الرجوع من المدارس...و كله كوم و لما يمرقن بنات الثانوى بتاعات المساء كوم تانى...ياخ ده كان الشارع المفضل لكل شباب المدينة و حتى المظاهرات الله يطراها بالخير كانت بتجتهد شان تجى مارة بيه...
و الله يرحم الشاعر اللى قال:
قدلة يا مولاى حافى حالق بالطريق الشاقى الترام
لانه لو شافوا كان غير ل21 اكتوبر...كل الود

باقي على المسابقة خمسة ايام ويعلن الفرز.

اخونا حافظ بشير ازيك ياخي انت ما دام عندك مدثر الجاهوري ومبارك اديهم الجائزة ساكت ؟؟؟؟؟ ونحن كنا ناس كورة ساكت !!!!!!

يعني أنتو ما مصدقين الجائزة مائة ريال،
ما تخلونا نزعل ونحولها يورو أو دولار.
يالله رسلوا الاجابات والاسماء كاملة
عشان نحول المبلغ ونتنظر الحلقة الثقادمة.

المشاركة الأصلية كتبت بواسطة مناع بدوي عمر مناع

اخونا حافظ بشير ازيك ياخي انت ما دام عندك مدثر الجاهوري ومبارك اديهم الجائزة ساكت ؟؟؟؟؟ ونحن كنا ناس كورة ساكت !!!!!!

كورة يا مناع

قالو محل ما تقبل تاخد شااكوش في الاخر قلتا الميدان ولا شواكيش غصن البان

المسألة رخت شوية . اين انتي يا ريري وست البنات ووضاحة وغيمة ومناع وقيس والكيك.
بل أين كمال حسن الجمال . الزول ده طول غيبة.

تحية خاصة لست البنات التي حاولت قدر الإمكان شحذ الهمم للمسابقة.
أرسلوا قلوا غلبتنا المسابقة أو غير السؤال.
كما تحية لعاكف لريري ومناع وناصر السوداني لكن سفيان ومضة ووضاحة لم يزورنا .. الباب مفتوح لجميع الإعضاء بالمنتدي.

مختفي اليوم ماشفتك

الحاصل عليك شنو

انا ماعارفة الاجابة

بس عايزة افوز بالجائزة

العزيز / حافظ
والجائزة الجابت مناع دى ماساهلة !!! بالمناسبة ، تم تعديل للدم ، فى التوقيع
فصار احمر قانى !!!و فراشات ، ومقطوعة سودانى ، رأيك شنو ؟
اما الجائزة مبارك سوف يخطفها فى الثوانى الاخيرة !!!!

الاخ حافظ اولا احييك علي المجهود الرائع والنشاط
حقيقه فكره جميله ان تقيم مسابقه واحييك علي الفكره وطبعا الشارع هو
شارع واحد وعشرين أكتوبر الشهير
ودي

طبعاً يا اسراء . أنا مراقب حركتك النشيطة جدا. وسوف أتفوق عليك في الأفكار والطرح بعد ما نخلص على فلوس طلاب جامعة الملك عبد العزيز بجدة. مزنوقين مع الطلاب.
بس استني لما نأخذ نفس.
أفكارك وأطروحاتك . رائعة جدا جداً.

بصراحة باقي ثلاثة أيام فقط على إعلان النتيجة. وفي ناس جاوبوا.
لكن والله الجائزة توزع في حالة استكمال الشروط فيها.
وأنا ما بنط أبداً أبداً.
فشارك يا بابكر عبد الرزاق وقيس ومناع وعاطف والكيك، والجاهوري، وأرسل الاسم يا ناصر السوداني كامل، وسوف نعلن عن الفائز عبر شبكة المنتدي.

يا حافظ مادام ست البنات ما اقتنعت باني زول كورة ساكت الاجابة هي الشارع الكان بجي بيهو مدثر عرفتو ولا اقولوا ليك ..... ولا ما كدا يا مبارك وعاطف .......

انا ذاتى زول كورة ، لكن عند مبارك الاجابة !!!

الاخ / حافظ

لك التحية على الفكرة

غايتو نحن زمان كنا بنقرأ فى الطبرى ( القديمة ) كان الجماعة بحبو فى شارع المدارس