لمتزوجين فقط

عاوزاكم تتكلمو بصراحه شديده في موضوع النسيبه (حماتك)

ام الزوجه بتدخل في حياتكم ولا العكس

نعمل استفتاء والصراحه والصدق اهم حاجه

بدون زعللللللللللللللللللللللللللل

نحنا لسع نسيبتنا ما معروفة وين
ورونا انتو عشان نتعلم

والله المساءله نسبيه وأغلب الأحيان بتتوقف علي الراجل وتربية البيت الإتزوج منو ..........

نشرح الموضوع :

ببساطة الراجل اذا كان متساهل وتارك الحبل علي القارب بالكامل سنجد أن حسم الأمور دائماً ما يأتي من الزوجة أو بتلميح منها ومع مرور الوقت ستلعب به الزوجة ومن بعدها الأم أو العكس ( الراجل الضانيه ) أما إذا وضع خطوط حمراء من الأول وأكد عليها مع مرور الوقت والحياة بحسم دون تردد فلن تستطيع الزوجة أو أمها الإقتراب خوفاً من العواقب .

اما إذا ظهر لك قبل الزواج أن تربية بيت النسيب تقوم علي عاتق النسيبه (هذا النوع الأخطر) وهي الآمر الناهي الأول في البيت وراجلها ضانيه أبعد فورا لأنك وإن كنت حازم ووضعت الخطوط الحمراء فسيتم تجاوزها دون خوف من العواقب لأن من تربى علي شي منذ الصغر فلن تستطيع معه سبيلا...

بالمناسبه في موضوع ساينزل قريباً عن الراجل الضانية .............

البعرفو انا يابنت بلدي

الرسول عليه الصلاة السلام لمن اجي ديار نسبو بنزل من الدابة التي يمتطيها وذلك إن دل علي شي أنما يدل الاحترام

وخير البريه هو قدوتنا ولا شنو .............. والبني ادم فيو السمح وفيو الشين لكن الحكم لابنا عايذ شنو ولا شنو

ودمتي


بنت ملوك النيل

والله نسيبتي بتحبني

المدام قاعده جمبي

الحكاية الازلية
الحمة من جهة الزوجة يعني ام الراجل هي الفي الغالب بتكون سبب المشاكلة و دا لنا الراجل احكم و اضبط لاعصابة و بعرف يكسب حماتو ما زي الزوجة التي تضيع بين الحمة و اخوات الراجل
عموما انا ما عندي مشكلة خالص مع حماتي
الموضع يستاهل التداول

لو جينا للجد والحق فلها كل الحب والاحترام ولامى من زوجى كذلك
ولكن هنالك افكار قد تأتى بها الزوجه عن النسيبه او الحماه وكذلك الزوج قد يكون من كلام امه واخواته عن قصص بتخصهم عن النسيبه كونت عنده فكره وبالتالى تتعكس على طريقة المعامله لها وهنا يكمن الخطر حيث انه قد تقع المسكينه (النسيبه ) فى مشاكل ليس لها ذنب فيها . بمعنى ان يكون الزوج او الزوجه مهيأ لإثارة المشاكل بدون سبب كنوع من اضرب الجراب خلى الجمل يخاف ومن هنا قد تتعرض الاسره لمشاكل كان ممكن تكون فى غنى عنها فقط لمجرد اوهام ومن هنا واتمنى ان يعى من يقراء ان الحماه انسانه قد تكون طيبه وحلوه وام حنينه يجب ان نحبها ونساعد اولادها على برها ونتحرى الحق والصدق فى افعالها حتى لا نظلمها وربنا يوفق الجميع لحب حمواتهم ولا ننسى تعاليم ديننا .
والله يرحم نسيبتى كانت ام طيبه والله لم ازعل منها قط .*

والله يا عاشقة الحصاحيصا عن نفسي اول ايام كنت داخل شمال في النسيبه وشغال معاها خلف خلاف علي حسب الثقافه اللي اكتسبناها من انو النسابه ديل لو ما اديتم العين الحمراء ما بيمشوا معاك دغري بس بعد فتره لقيت نفسي اني حقيقه كنت فاهم الامور بصوره خطأ وانو التعامل اللي بتعامل بيهو ده ما حا يؤدي في النهايه الا لي جفوه وحقد حا يتفجر في وقت ما وخصوصا انو نسبيتي وبكل صدق ما شفته منها الا كل خير ومع ذلك كنت زي ما بقولو واقف ليها في حلقها ان قالت شرق اقول غرب ان قالت فوق اقول تحت فالمهم اني لما راجعت موقفي وقيمتها لقيته انسانه ممكن ان تعاملت معاها بمفهوم انها في مقام امك فهي حا تبقي امك وان اتعاملته معاها بانها عدوك فحا تبقي عدو وعدو لا يطاق فعشان كده النصيحه انو اي انسان يتعامل مع النسيبه وبما تستحق بل في بعض الاحيان ان لقي نفسوا قادر علي تجاوز بعض الاشياء فليتجاوزه بس ما علي الدوام واهم شئ انو ما يضع تصور مسبق عن النسيبه قبل ما يعرفه هي مين ومن اي صنف !!

النسيبة وما ادراكما النسيبة
فى الحقيقة وحسب تجربتى الشخصية انو النسيبة دى شماعة بيرمو فيها كل اللوم والملامات
وانها عنصر فعال لتحريك وتفعيل المشاكل وعدم الاستقرار
والكثير الكثير من الناس يعاتبون النسيبة ..
فانا والحمد للة حظيت بنسيبة ممتازة اطال اللة فى عمرها
وهى دوما معى وفى جانبى فى كل الاحوال ... وتنصرنى دوما على بنتها فى شتى المناقشات
والمشاورات
متعك اللة بالصحة والعافية نسيبتى الغالية

الأخت العاشقة سلام لكِ ولضيوفكِ الكرام

من زمان ونحن نسمع المشاكل والحساسيات بين الحماة وزوجة الإبن
إلا من رحم الله
بعض الفتيات من أول يوم زواج تجي وهي ما طايقه المسكينة دي
ليه ؟؟
الله أعلم ربما تكون من مدمنات المسلسلات المصريه ورسخ في مخها إنو الحماة هي عدوتا وضرتها ولازم تنتصر عليها
أو أمها ماليه ليها دماغها
ومن ناحية تانيه بنلقى بعضهن متفهمات
والحمد لله أنا علاقتي كانت جميلة جداً مع حماتي إلى أن توفيت إلى رحمة الله
وكانت معتبراني واحدة من بناتها
وأي زوجه المفروض تعتبرها مثل أمها أكيد ما في الحب لكن أقل شئ في المعامله
وتتأكد إنها تريد لها كل خير وما تنزعج من إنتقاداتها وكلامها مهما كان
ما تتدخل في خصوصياتها مع إبنها لأنها أكيد عندها أسرار عايزة تقولا لإبنها
وكل فترة وفترة تقدم ليها هدايا حتى ولو كانت بسيطه
ما تشكي لزوجها من تصرفاتها إذا كانت شرانيه لأنها مهما كانت أمه
أخيرا يجب أن نتذكر إننا في يوم من الأيام حنكون حموات وحتجينا زوجة إبن وتعاملنا بنفس المعامله

تحياتى لكل المتداخلين
مشكلتنا نحن كسودانين بتنصب فى اننا فى الغالب نعتمد النتائج الجاهزه
ونتعامل من واقع تجارب الاخرين . والتى اظن ان لها ظروفها الخاصة
فهى ككرة القدم (فلكل لعبه ظروفها).
وبالضروره لكل اسره بيئتها وتربيتها واسلوبها فى التعاطى مع المواقف
والظروف. ونحن فى المجتمع السودانى وكثقافه تراكميه كان الفضل فيها
للمسلسلات المصريه صرنا نجزم بان واقع المجتمع المصرى هو نفسه
واقع مجتمعنا المحافظ . وشتان ما بين المجتمعين .
وبحمدالله فثقافة النسيب ضو شمس لا ذالت سائده . ولعهد قريب كانت
النسيبه لا تأكل مع زوج ابنتها. وهذا دليل على احترامه ومكانته الخاصه
وفى البال الكثير من المواقف التى عايشتها وتؤكد ما ذهبت اليه .
يا جماعه قولوا بسم الله

الحماه حميه من نار

	والله ياعاشقة الحصحيصا الموضوع حلو لكن نحن بالسودان هذه العادة دخيلة علينا من دول الجوار و مسلسلاتهم لان النسيبة عندنا تعامل زوج بنتها باحترام و بتعاملو احسن معاملة اذا كان هو انسان محترم و يقدر انها ولدة و تحب مصلحة بنتها و على كل من الزوج و الزوجة معاملة الزوج ام زوجته كوالدته و يحسن اليها كما يحسن لوالدته و يقدر بانها ام وكذلك الزوجة تجعل ام الزوج اما لها و تحسن اليها بلاحترام و التقدير و جربو ستكونوا ناجحين نسابة و انساب و اقترح يكون هناك باب يكون اسمه نسابة و انساب

ازيك يا غالية

عارفة قصة النسابة دي زي اصابع الايدين ما بتشابهوا

والله في النسابة اليتختوا علي الجرح يبرا

وفي النسابه اللو عملتي ليهم ايديك شمع ما ينفع فيهم وفي النص نص

بس اعتقد انه المفروض كل شي وليها حدود ..... ومهما كان صبر الزوجة او الزوج كل زول عندو حد لللصبر

علشان كدا في خطوط حمراء لازم الناس ما تتجاوزا واذا اجاوزوها يبقا هناك نقطة وسطر جديد

اما المناوشات الحياتيه دي فالاخوان المن ابو وام واحد بتشلكلوا .... ومرات بتكون تفريغ للشحنات السالبه

بس تكون زي ما بقولوا من طرف اللسان والناس ما تشيل في قلبا وكل شي ينتهي بانتهاء مراسم الشكلة