التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم 
قريبا

بقلم :
قريبا
آخر 10 مواضيع
الفقرا العزمو القطر (الكاتـب : - مشاركات : 0 - المشاهدات : 192 - الوقت: 06:16 AM - التاريخ: 01-18-2024)           »          إلى وطني .. لن تأتي العصافيرُ[ (الكاتـب : - مشاركات : 0 - المشاهدات : 615 - الوقت: 06:16 PM - التاريخ: 10-03-2023)           »          كل المواسم يا بلد إطاقَشَن (الكاتـب : - مشاركات : 0 - المشاهدات : 362 - الوقت: 06:11 PM - التاريخ: 10-03-2023)           »          الشوق غلب (الكاتـب : - مشاركات : 0 - المشاهدات : 838 - الوقت: 04:36 AM - التاريخ: 05-29-2023)           »          سلام ومحبة (الكاتـب : - مشاركات : 0 - المشاهدات : 7700 - الوقت: 08:04 AM - التاريخ: 10-03-2022)           »          «الفقرا» شوق وحنين (الكاتـب : - مشاركات : 0 - المشاهدات : 10309 - الوقت: 01:25 PM - التاريخ: 08-13-2022)           »          جمعية الصفوة السودانية تحتفي بتدشين كتاب ذكرياتي مع الشيخ الوالد محمد أحمد حسن بقاعة (الكاتـب : - مشاركات : 0 - المشاهدات : 10244 - الوقت: 03:00 PM - التاريخ: 07-16-2022)           »          يوم الرحول.. (الكاتـب : - مشاركات : 0 - المشاهدات : 6033 - الوقت: 03:36 PM - التاريخ: 07-14-2022)           »          سلام ومحبة (الكاتـب : - مشاركات : 1 - المشاهدات : 6842 - الوقت: 07:16 PM - التاريخ: 05-08-2022)           »          مبروووك (الكاتـب : - آخر مشاركة : - مشاركات : 1 - المشاهدات : 7252 - الوقت: 04:33 AM - التاريخ: 08-15-2021)


الإهداءات


العودة   منتديات الحصاحيصا نت alhasahisa > «۩۞۩-المنتديات العامه-۩۞۩» > «۩۞۩-منتدى الحصاحيصا الحر-۩۞۩»

«۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة

إنشاء موضوع جديد  إضافة رد
المنتدى المشاركات الجديدة ردود اليوم شاهدة المشاركات المشاركة التالية
 
أدوات الموضوع انواع عرض الموضوع
#1  
قديم 02-06-2013, 09:30 PM
احمد الهمباتى غير متواجد حالياً
لوني المفضل Brown
 رقم العضوية : 2434
 تاريخ التسجيل : Dec 2008
 فترة الأقامة : 5577 يوم
 أخر زيارة : 08-15-2022 (12:52 PM)
 المشاركات : 2,873 [ + ]
 التقييم : 22
 معدل التقييم : احمد الهمباتى is on a distinguished road
بيانات اضافيه [ + ]
افتراضي لعناية النـاس البتكورك ديمقراطيـة ديمقـراطيـة ديمقـراطية



اسع عليكم الله انتو جادين عاوزين ديمقراطية ولا عاجباكم الديمقراطية .. ياخي الديمقراطية دي ثبت وبما لا يدع مجال للشك انها ان ما فاتت الايدز فبتكون بت عم السرطان .. نسعل الله السلامة .. غايتو البشوف بلاوي الناس حقو يحمد الله على العندو نسأل الله ان يرفع بلاء الديمقراطية الذي تفشى في بعض الاقطار العربية فقد اهلكت الزرع والضرع واصابت الناس في ارواحهم واموالهم واوقفت حالهم ومعاشهم وادخلتهم في دوامة لا فكاك منها .. نصيحة آآآناس هوي الديمقراطية دي 80 او 90 سنه حتى تتعود الدماء العربية على مفعولها قبل ذلك التاريخ لا بتنفع معاكم ولاحاجة ولا في داعي يكضبو عليكم ساي عشان كدة بعد الـ 80 او 90 سنه فلتكوركو ديمقراطية ديمقراطية ديمقراطية .. والي ذلك الحين يجب على الشعوب المتواجدة حالياً ان تقتنع بأن ما يسمى بالديمقراطية لا تتلاءم مع بصماتهم الوراثية ..



 توقيع : احمد الهمباتى


ألحصــــــــــاحيصــــــــــا
يا اصـــلنـــــــــــا ومبتـــــــدانا
حــلاة مســــــــــــرح صبـــــــــــــــانا
وذكــــــريــــاتنـــــــــا ومشتهــــــــــــــــــــــانا

رد مع اقتباس
قديم 02-06-2013, 09:41 PM   #2


الصورة الرمزية احمد الهمباتى
احمد الهمباتى غير متواجد حالياً

بيانات اضافيه [ + ]
 رقم العضوية : 2434
 تاريخ التسجيل :  Dec 2008
 أخر زيارة : 08-15-2022 (12:52 PM)
 المشاركات : 2,873 [ + ]
 التقييم :  22
لوني المفضل : Brown
افتراضي



نبدا من وين من الكويت ولا من العراق ولا اليمن ولا مصر ولا تونس ولا ليبيا ولا سوريا ... الوباء عامل عمايلو هناك .. لطفك يا رب ..


 
 توقيع : احمد الهمباتى


ألحصــــــــــاحيصــــــــــا
يا اصـــلنـــــــــــا ومبتـــــــدانا
حــلاة مســــــــــــرح صبـــــــــــــــانا
وذكــــــريــــاتنـــــــــا ومشتهــــــــــــــــــــــانا


رد مع اقتباس
قديم 02-07-2013, 07:17 AM   #3
أبو إسراء


الصورة الرمزية البرنس
البرنس غير متواجد حالياً

بيانات اضافيه [ + ]
 رقم العضوية : 1127
 تاريخ التسجيل :  Aug 2007
 أخر زيارة : 12-10-2014 (10:37 AM)
 المشاركات : 4,957 [ + ]
 التقييم :  31
 الدولهـ
Sudan
 MMS ~
MMS ~
لوني المفضل : Blue
افتراضي



ياهمباتي صباحاتك اهازيج ريد واشراقات
عشان نرد عليك ونطول الموضوع دي تبقي برضوا قصة معادة ونقاش بنكتب علي حلقتو أعد انتا أبدأ محل مايعجبك بس بنختم بي قصيدة الطائر الفي الإبتدائي البتنتهي بي

وقال لي حريتي لاتشتري بالذهب


مودتي


 
 توقيع : البرنس

مواضيع : البرنس



رد مع اقتباس
قديم 02-07-2013, 07:17 AM   #4


الصورة الرمزية د. احمد الطيب الماحي
د. احمد الطيب الماحي غير متواجد حالياً

بيانات اضافيه [ + ]
 رقم العضوية : 2246
 تاريخ التسجيل :  Nov 2008
 أخر زيارة : 06-09-2014 (12:10 PM)
 المشاركات : 1,278 [ + ]
 التقييم :  16
 الدولهـ
Sudan
 الجنس ~
Male
 MMS ~
MMS ~
لوني المفضل : Brown
افتراضي



والله يا ابوحميد دي لا ديمقراطية لا شافت الديمقراطية بي عينها دي.......للاسف الشديد كل المشكلة من المعارضة (المعارضات) لانو الحكومات دي تم اختيارها باغلبية بواسطة صناديق الاقتراع .....اها المشكلة انو الأقلية ما راضية برأي الأغلبية لانو في رأيهم - للاسف - الاغلبية عبارة عن رجرجة ودهماء لم يرتقوا بعد لمستوى منحهم حق اختيار حكامهم (تقول الحق ده منحوه ليهم هم)........شفت المشكلة بيفتكروا ان الطبقات المستنيرة (فيما يسمى بالانتلجنسيا) لا بد أن تسيطر على مقاليد الامور بغض النظر عن عددها. بالطريقة دي للاسف الحكومات بتشوف انو الكلام ده اعوج وانو الناس ديل (بتاعين المعارضة) ما راضين بحكم الشعب بالتالي يبدأوا هم نفسهم يتصرفوا غلط ويعملوا ضربات استباقية ويسود جو المؤامرة والتوتر السياسي كما ترى انه حدث في بلدان الشتاء العربي هذه. انا والله اعتقد اننا في السودان احسن منهم درجة على الأقل الناس واعية شوية ما يقدر واحد يجي يقول ليهم انتو رجرجة ودهماء ما بتعرفوا تصوتوا......... لكن جماعتنا بتاعين المعارضة ديل أذكى من ديلك فبيقولوا انوالانتخابات مزورة......وبالتالي ما بيستعدوا (جاية من العداء) الجماهير عليهم بل ممكن الجماهير لمن تزهج من الحكومة تقيف معاهم اما ديلك اللي بيوصفوا الناس بانهم رجرجة ما حيلقوا نفاخ النار اللي يقيف معاهم بعدين...... فالمشكلة ما في الديمقراطية ...المشكلة في مستوى قبولنا للديمقراطية.............. ألا تعتقد انو الشريف كان صادق لمن قال كان شالها كلب ما في زول يقول ليه جر...... سلمت يا ابوحميد.


 
 توقيع : د. احمد الطيب الماحي





رد مع اقتباس
قديم 02-07-2013, 06:14 PM   #5


الصورة الرمزية احمد الهمباتى
احمد الهمباتى غير متواجد حالياً

بيانات اضافيه [ + ]
 رقم العضوية : 2434
 تاريخ التسجيل :  Dec 2008
 أخر زيارة : 08-15-2022 (12:52 PM)
 المشاركات : 2,873 [ + ]
 التقييم :  22
لوني المفضل : Brown
افتراضي



اقتباس:
المشاركة الأصلية كتبت بواسطة البرنس مشاهدة المشاركة
ياهمباتي صباحاتك اهازيج ريد واشراقات
عشان نرد عليك ونطول الموضوع دي تبقي برضوا قصة معادة ونقاش بنكتب علي حلقتو أعد انتا أبدأ محل مايعجبك بس بنختم بي قصيدة الطائر الفي الإبتدائي البتنتهي بي

وقال لي حريتي لاتشتري بالذهب


مودتي
البرنس يا عزيز تحياتي

يا برنس يا زول كدي افتح الجزيرة ولا العربية ولا سي بي سي عشان تتاكد انهم لمو في الحرية ولا لا لومك علي بعد ما كسرو قفاصة الخشب عشماً في وساع قفص الديمقراطية الذهبي عرفو مقدار ورتطهم اسع بيفتشو في زنازين عديل وما لامين فيها .
.


 
 توقيع : احمد الهمباتى


ألحصــــــــــاحيصــــــــــا
يا اصـــلنـــــــــــا ومبتـــــــدانا
حــلاة مســــــــــــرح صبـــــــــــــــانا
وذكــــــريــــاتنـــــــــا ومشتهــــــــــــــــــــــانا


رد مع اقتباس
قديم 02-07-2013, 06:35 PM   #6


الصورة الرمزية احمد الهمباتى
احمد الهمباتى غير متواجد حالياً

بيانات اضافيه [ + ]
 رقم العضوية : 2434
 تاريخ التسجيل :  Dec 2008
 أخر زيارة : 08-15-2022 (12:52 PM)
 المشاركات : 2,873 [ + ]
 التقييم :  22
لوني المفضل : Brown
افتراضي



اقتباس:
المشاركة الأصلية كتبت بواسطة د. احمد الطيب الماحي مشاهدة المشاركة
والله يا ابوحميد دي لا ديمقراطية لا شافت الديمقراطية بي عينها دي.......للاسف الشديد كل المشكلة من المعارضة (المعارضات) لانو الحكومات دي تم اختيارها باغلبية بواسطة صناديق الاقتراع .....اها المشكلة انو الأقلية ما راضية برأي الأغلبية لانو في رأيهم - للاسف - الاغلبية عبارة عن رجرجة ودهماء لم يرتقوا بعد لمستوى منحهم حق اختيار حكامهم (تقول الحق ده منحوه ليهم هم)........شفت المشكلة بيفتكروا ان الطبقات المستنيرة (فيما يسمى بالانتلجنسيا) لا بد أن تسيطر على مقاليد الامور بغض النظر عن عددها. بالطريقة دي للاسف الحكومات بتشوف انو الكلام ده اعوج وانو الناس ديل (بتاعين المعارضة) ما راضين بحكم الشعب بالتالي يبدأوا هم نفسهم يتصرفوا غلط ويعملوا ضربات استباقية ويسود جو المؤامرة والتوتر السياسي كما ترى انه حدث في بلدان الشتاء العربي هذه. انا والله اعتقد اننا في السودان احسن منهم درجة على الأقل الناس واعية شوية ما يقدر واحد يجي يقول ليهم انتو رجرجة ودهماء ما بتعرفوا تصوتوا......... لكن جماعتنا بتاعين المعارضة ديل أذكى من ديلك فبيقولوا انوالانتخابات مزورة......وبالتالي ما بيستعدوا (جاية من العداء) الجماهير عليهم بل ممكن الجماهير لمن تزهج من الحكومة تقيف معاهم اما ديلك اللي بيوصفوا الناس بانهم رجرجة ما حيلقوا نفاخ النار اللي يقيف معاهم بعدين...... فالمشكلة ما في الديمقراطية ...المشكلة في مستوى قبولنا للديمقراطية.............. ألا تعتقد انو الشريف كان صادق لمن قال كان شالها كلب ما في زول يقول ليه جر...... سلمت يا ابوحميد.

دكتور احمد ياعزيز تحياتي

في آخر مشية لي السودان يا دكتور سقته الوالدة بكى الشمالية منطقة جلاس المهم قابلت حبوبات لينا واحدة فيهن قالت لي يا ولدي اصلو ماني دايرة شئ غير تجيب لي ساعة متل ساعة حبوبتك فلانه الجابة ليها ودبتها اها خالاً لينا قالها دايرابة شنو الساعة آآ يمه وانتي ما بتشوفي قالتلو بس اليجيبة لي في شان اعرفبها وقت الصلاة باقيلك حبوبتك اضانة تقيلة وعيونه طافيات لا بسمع اذان لا بشوف رحول الشمس .. اها بالفعل يا دكتور جبتلة الساعة بحسب طلبه .. بعد كم اسبوع اتصلت علي بتها اها حبوبة كيف قالت لي والله حبوبتك دي غايتو الساعة دي الا خربتلها صلاته .. كيف الكلام ده .. قالت لي قبل ما تجيبلها الساعة الشفع الصغار كان لما تسألهم من مواعيد الصلاة بيجرو يسألو الناس ولا يستنو الاذان وقت يأذن يلكزوها اسع بقت تمد يدها الفيها الساعة للشفع وتقولهم تعالو شوفو وقت الصلاة دخل و من ما تسأل الشفع الشفع جت يتكبو في يدها وينظرو( من التنظير) ليها في الساعة عشان تصلي يا كان الوكت بدري وخلوها تصلي قبل يا اما دخلوبها وقت في وقت .. اها اسع ادت الساعة لي بتها الصغيرة ورجعت لي مشهادة الاول .. المعنى يا دكتور انو في وسائل الناس حباً في مجاراة الاخرين بس بيندرعو فيها في حين انو حياتهم ماشة على احسن ما يكون .. فالناس اللي بتنادي بالديمقراطية دي مشكلتهم ومع الحاصل ده جت لسة ما اقتنعوا انو ده شهراً ما عندهم ليهو نفقه ولا قدره ولا فهم بل اظنهم متل حبوبتنا دي ما عندهم ليها سمع لا شوف ..


 
 توقيع : احمد الهمباتى


ألحصــــــــــاحيصــــــــــا
يا اصـــلنـــــــــــا ومبتـــــــدانا
حــلاة مســــــــــــرح صبـــــــــــــــانا
وذكــــــريــــاتنـــــــــا ومشتهــــــــــــــــــــــانا


رد مع اقتباس
قديم 02-07-2013, 07:59 PM   #7
أبو إسراء


الصورة الرمزية البرنس
البرنس غير متواجد حالياً

بيانات اضافيه [ + ]
 رقم العضوية : 1127
 تاريخ التسجيل :  Aug 2007
 أخر زيارة : 12-10-2014 (10:37 AM)
 المشاركات : 4,957 [ + ]
 التقييم :  31
 الدولهـ
Sudan
 MMS ~
MMS ~
لوني المفضل : Blue
افتراضي



اقتباس:
المشاركة الأصلية كتبت بواسطة احمد الهمباتى مشاهدة المشاركة


في آخر مشية لي السودان يا دكتور سقته الوالدة بكى الشمالية منطقة جلاس ..
الهمباتي تحياتي
قبل ادخل ليك في موضوع الاقتباس دا حا ارد عليك لي ردك الفوق دا انتا ياهمباتي زي مابتشوف قنوات الجزيرة والعربية دي وتقتنع بي كلامهم ليه لمن نجيب ليك كلامهم في السودان ليه تشبكنا جيبوا لينا شرح وورونا المعايير الاعتمدتا في تقاريرها برضوا نحنا اسي بي دورنا بنرجع ليك نفس اسئلتك ماهي المعايير التي اعتمدتها الجزيرة ولا العربية في تقاريرها عن سوريا ومن اين استمدت تقاريرها وصورها هل هي من المعارضة ام من النظام وهل انت اطلعت لي التلفزيون السوري وشوفتوا بجيب شنو عليك الله افتح التلفزيون السوري بتاع النظام وشوفوا بجيب شنو وقارن بين الاتنين دي حاجة بسيطة كدا لي المقارنات البتقولها لينا وتحاول تدخلنا فيها .
نرجع لي اقتباسنا وهي منطقة جلاس انتا مشيتها طبعا وشفتها كويس في زمتك يالهمباتي هسي جلاس دي في زول بقدر يقعد فيها شفت ناسك ناس الإنقاذ ديل لو باعوا ليهم عمارة واحدة من عمايرهم الفي بري ولا المنشية مابعمروا جلاس كلها معيفت الشعب السوداني دا صابر كيف شفت الناس هناك عايشة كيف وحقوقهم كلها ضايعة وماكلنها ناس معينين هسي مشروع كنار وصلهم ولابعد مائة سنة حايصلهم هو بي القوة وصل مورة لكن ناس جلاس والبار ديل ربنا بس يكون في عونهم طبعا انا بقول ليك الكلام دا لانو دي منطقتي وفي جلاس في حته اسمها اللركي والاصح الأركي لكن مالغة شوايقة أسال منها الوالدة ربنا يطول في عمرها ومشيتك دي بتكون ورتك الكتير وياريت لو تورينا الحقايق وعيشة الناس ومعاناتهم ليه دائما تغض الطرف عن معاناة الناس وتحكي لينا بي كلام تاني نحنا سودانيين وعارفين كل حاجة بتحصل ولم نصل للدرجة التي تعمينا عن السودان وكل عام نحن فيه ولم نجد فيه غير المعاناة وضيق الحال السودان يعيش في حاله لم تمر عليه من قبل كل المؤشرات التي لاتعجبك تؤكد ذلك وإن تحاشينها سنرجع لحال الشعب واتحدي واناشد كل السودانيين الموجدين في السودان حاليا وهم بالمنتدي ان يحكوا لنا عن معاناة الشعب هل هم يعانون ام هم في امر آخر هذا هو الذي نريده لانريد اي اخبار من اي قنوات اخري حتي لا تقول لنا هذه اخبار مفبركة او من اخبار المعارضة ارجع الامور الي نصابها الحقيقي واسال عن حال الناس هل نسيت ياهمباتي وكيل النيابة قريبك الذي ضربت به المثل هنا في وقت سابق لماذا لاترجع وتتصل عليه وهل كان الخبر هذا في وقت سابق مفبرك ام ان الحكومة زادات من رواتب السودانين ياهمباتي نحن لسنا معارضة كما تعتقد وليس لنا اي اجندة خارجية ولسنا عملاء لأحد نحن مواطنين سودانيين نحس بالمعانة التي ضربتها في امثالك من قبل نحن نخرج من هذه المعاناة ومازال اهلنا يعيشون هناك حتي وان كنا نحن في رقد من هذا العيش ولكن هل نتنصل من هذه الاسر والمجتمعات هل نتنكر لمن ربونا وعلمونا وكبرونا هل نرمي هذا القلم ونحن نحس بالظلم الذي يعيشون فيه ليست لنا مقدرة ان نفعل ذلك ولن يفصلنا عن ذلك الا الموت ياعزيزي الظلم ظلمات يوم القيامة لانريد كرسي نجلس عليه ولا وظيفة نعيش منها ولكن ستظل 23 سنة كافية في تقديري ان اعرف صلاح هذه الحكومة من غيرها وليس هذه مبررات اسوقها لك ولكن هذه هي فقط الحقيقة التي وصلت لها وقد يختلف معي فيها البعض .
لك تحياتي واتمني ان لا اكون قد اطلت في مداخلتي واعذرني في ذلك
مودتي


 
 توقيع : البرنس

مواضيع : البرنس



رد مع اقتباس
قديم 02-07-2013, 10:05 PM   #8


عبدالقادر مدني غير متواجد حالياً

بيانات اضافيه [ + ]
 رقم العضوية : 3828
 تاريخ التسجيل :  Sep 2009
 أخر زيارة : 02-21-2014 (09:32 PM)
 المشاركات : 520 [ + ]
 التقييم :  16
لوني المفضل : Brown
افتراضي



الحبيب احمد الهمباتي الاخوة المتداخلون البرنس دكتور أحمد الماحى صباح الخير
يا همبته بالله كلامك دا جد ولا هزار ؟؟ يا همباتي الديمقراطية دى أفضل ما توصل اليه العقل الانساني في إدراة الدول وتجنب الصراع !! وهي متطابقة تماما مع مبدأ البيعه في الاسلام ويمكن اعتبارها آلية البيعة الشرعية بأن يختار الناس بمطلق حريتهم من يحكمهم من هنا تستمد سلطة الحكم التنفيذي شرعيتها من الشعب !!!! لان الحكم التنفيذي ياهمبته يحتاج الى شرطة وجيش في اي ديمقراطية لتنفيذ الحكم ولو بالاكراه لذا لا يمكن منطقيا ان يستمد الحكم التنفيذي شرعيته من الدين فقط لان الدين لا اكراه فيه وهذا لب فلسفة الحكم في الاسلام بالرغم من ان مفكرينا الاسلاميين ذهبوا بنا بعيدا في تقليد الغرب وخلطوا بين الحاكمية والملك والحكم بما انزل الله ولو وضعنا هذا المصطلحات الخاصة بالحكم في سياقها المنطقي فهي لن تقودنا إلا الي الفصل بين السلطات - حاكمية تشريع وهي مشتركه بين الثابت في التشريع الالهي وبين المتغير في التشريع البشري لتنظيم المجتمعات ويقوم بها برلمان لا يملك آلية إكراه !! وتنفيذ احكام القانون التى يخضع لها الجميع بما فيهم الدولة ممثله في أجهزتها المختلفة ويمارس تنفيذ القانون القضاء !! وهو يستمد سلطته من الدين الحنيف واى قوانين يصدرها البرلمان لان الحاكمية مشتركه بين التشريع المنصوص في القرآن والمتفق عليه في السنه وبين البرلمان الذي يشرع القوانيين في الامورالمستجده مثل قانون المرور مثلا !!! بدون خروج من ثوابت الشريعة !!!
والقضاء هو الجهة الوحيده المخولة تنفيذ الحدود وعلى الجميع !!!!
والقضاء لا يتم اختيار اعضائه بالانتخاب انما بالعلم والمعرفة القانونية والشرعية فقط وهم خارج دائرة التحكم فيهم بواسطة الشعب او السلطة التنفيذية ويستمدون سلطتهم من الدين !!! والقيم واخلاق المجتمع واعرافه !!!! فهم غير قابلين للنقض !! وهم من يمثل الدين !! وليس السلطة التنفيذيه فليس من الحكمة أن يقف أحد اعضاء السلطة التنفيذيه في الدولة ويقول نحن نطبق شرع الله !!!! فهو ليس قاضي يستمد شرعيته من الدين !!! وأنا احي هنا والي الخرطوم " عبدالرحمن الخضر " الذي دائما ما يخاطب الناس ويقول انا انفذ البرنامج الانتخابي الذي انتخبني الشعب من أجله وأذا فشلت في تنفيذ هذا البرنامج فسوف استقيل "" التحية لهذا الوالي "" فهذا الوالي يستمد شرعيته من الشعب الذي انتخبه وليس من الدين او تطبيق الشريعة !!!
مقدما مثال يحتذى للسلطة التنفيذية فهى قابلة للنقض من قبل الشعب الذي فوضها بموجب البيعة (الانتخابات) فهى تستمد سلطتها من الشعب وتنفذ حكمها بقوة الجيش والشرطة او ما نسميه الاكراه وبما ان الاكراه لا يوجد في الدين فلابد من تفويض آخر وهو التفويض الديمقراطي !!! يا همباتي !!!
فبدون هذه الآلية الديمقراطية لا يمكن اقامة دولة لا اسلامية ولا افلاطونية لان السلطة التنفيذيه سوف تحاول ان تستمد شرعيتها من الدين !!! وهنا سوف تقع في المحظور يا همبته وهو الاكراه !!!
يا برنس لا شك في ان الناس تعاني في السودان في مختلف مناحى الحياة وحل المعاناه يمكن في ايجاد أموال ببساطه تنفق علي الشعب !!
واسرع مصدر للاموال بصراحة يكمن في النفط في الوقت الحاضر وزيادة الانتاج الزراعي الذي يتطلب استثمارات ضخمة فإن فشلت الحكومة في ادارة الاستثمار او اخراج النفط فعليها الرحول وترك الحكم لمن يستطيع ان يحول موارد السودان الى كاش !!!!
يادكتور أحمد إن كنت تقصد المعارضة السودانية اقول لك بصراحة ان كان البديل هم ما نراهم الآن في المعارضة فخلونا في حكومتنا الحالية ولو شاء الله وحكمت المعارضة التى اراها الآن واسمع افكارها المتمثلة في وثيقة الفجر الجديد فهذا لن يقود إلا الي تبادل الادوار بمعنى أن تدخل المعارضة الحكم فتخرج الحكومة تحمل السلاح ولن نرى سودان نحلم به والحل في تقديرى التوافق علي حلول مصدرها مبادئ الديمقراطية التى هي آلية للبيعة في الاسلام والبيعة أصل (الملك) الذي نسميه نحن اصطلاحا بالحكم ...... تقبل مروري أخي أحمد


 
 توقيع : عبدالقادر مدني

ديل الديمة من رد الأنيس ناجعات=وكل حين فوق عليوا زاوي منجمعات
ضمر خلقة ما من قلة معيش ضايعات= تيسن دور الوادي الورا القلعات
بيت شعر= في وصف الصيد من مسدار الصيد للحردلو
Do not go where the path may lead;go=instead where there is no path and leave a trail


رد مع اقتباس
قديم 02-09-2013, 02:48 PM   #9


الصورة الرمزية محمد المنصورى
محمد المنصورى غير متواجد حالياً

بيانات اضافيه [ + ]
 رقم العضوية : 2018
 تاريخ التسجيل :  Aug 2008
 أخر زيارة : 02-25-2018 (07:01 AM)
 المشاركات : 4,307 [ + ]
 التقييم :  24
لوني المفضل : Brown
افتراضي



العزيز أحمد تحياتي

ما عارف البوست قُصد منه إنتقاد الديمقراطية في حد ذاتها كنظــــام للحُكم

أم هو قرأة لحال الشعوب العربية التي إنتفضت علي حكـامها من أجل التغير

وبذلك أخونا أحمد ينصحنا بعدم المجازفة علي وزن العاقل من أتعظ بـ إخيه ..!!

هل تصدق إني أتفق معك في نقدك للديمقراطية ولكنه بفهم مختلف يقترب من

مداخلة أستاذنا عبدالقادر مدني وقول لي كيف ؟

الديمقراطية تعارض الإسلام جملة وتفصيلآ في أمر الإنحياز إلي إتخاذ القرار

وبالتالي لا تصلح أن تكون علي العموم نظام لحُكم إسلامي وسأشرح ذلك :

الديمقراطية تعني حُكم الشعب بالشعب وهي تقوم في الأصل علي الأغلبية

بمعني إذا عُرض في يوم من الأيام علي البرلمان مسألة من المسائل ولنفترض

حجاب المراة وقام النواب وبإغلبية رفضوا الحجاب وصوتوا ضده فهذا في

الديمقراطية آمر ملزم رغم تصويتهم ضد آمر رباني يفترض أن يلتزم به المسلم .

من هذا أقول إن الديمقراطية في أوجه من وجوهها لا تتماشي مع احكام ديننا

وبالتالي ليس هي النظام الأمثل بخلاف نظام الشوري الذي يعطي الحق للإغلبية

في عدم وجود نص ملزم .

أما الوجه الثاني للموضوع الديمقراطية عند العرب فاشلة فاشلة فاشلة وما نراهُ

في مصر يكفي لنقول أننا ما زلنا في مراحل المراهقة الديمقراطية ولم نستوعب

كثير من حقوقها وواجباتها كما تفهمها اوربا وامريكا فجعلوا منها نظام حُكم

راقي يعزز كرامة الإنسان وحريته .

رغم كل هذا الاتفاق يا أحمد لازم نختلف معك علي مرامي البوست البعيدة

خصوصآ مع حساسيتنا المفرطة تجاه هذا النظام لذلك الفهم أنت تدعونا

للإستسلام لمصيرنا مع هذه الحكومة الظالمة المجرمة المغتصبة لحريتنا

الهادرة لكرامتنا والتي نهبت خيرات بلادنا بإسم الدين وهم ابعد خلق الله

عن الإسلام وتعاليمه اللهم إلا قولآ دون عمل وهم من عاثوا في السودان

فسادلا نظير له , هولاء ظلمة كنزوا خيرات البلاد في جيوبهم وقسموا

الشعب كيمان كيمان معانا وضدنا وبذلك أفقروا غالبية الشعب وبهذا أنا

اعارضك 100% لأن القادم في علم الغيب لكننا نؤمل في إن القادم لن

يكون اسواء ممن رفعوا شعار الإسلام تجارة لفسادهم ولفشلهم في جميع

المناحي
مبتهلين إلي الله أن يزلزل حكمهم وأن يجعلهم عبرة للظالمين فهو

وحده ولي ذلك والقادرعليه . آمين آمين .



 
 توقيع : محمد المنصورى



رد مع اقتباس
قديم 02-10-2013, 07:15 AM   #10


الصورة الرمزية د. احمد الطيب الماحي
د. احمد الطيب الماحي غير متواجد حالياً

بيانات اضافيه [ + ]
 رقم العضوية : 2246
 تاريخ التسجيل :  Nov 2008
 أخر زيارة : 06-09-2014 (12:10 PM)
 المشاركات : 1,278 [ + ]
 التقييم :  16
 الدولهـ
Sudan
 الجنس ~
Male
 MMS ~
MMS ~
لوني المفضل : Brown
افتراضي



اقتباس:
المشاركة الأصلية كتبت بواسطة عبدالقادر مدني مشاهدة المشاركة
وهي متطابقة تماما مع مبدأ البيعه في الاسلام ويمكن اعتبارها آلية البيعة الشرعية بأن يختار الناس بمطلق حريتهم من يحكمهم من هنا تستمد سلطة الحكم التنفيذي شرعيتها من الشعب !!!! لان الحكم التنفيذي ياهمبته يحتاج الى شرطة وجيش في اي ديمقراطية لتنفيذ الحكم ولو بالاكراه لذا لا يمكن منطقيا ان يستمد الحكم التنفيذي شرعيته من الدين فقط لان الدين لا اكراه فيه وهذا لب فلسفة الحكم في الاسلام بالرغم من ان مفكرينا الاسلاميين ذهبوا بنا بعيدا في تقليد الغرب وخلطوا بين الحاكمية والملك والحكم بما انزل الله ولو وضعنا هذا المصطلحات الخاصة بالحكم في سياقها المنطقي فهي لن تقودنا إلا الي الفصل بين السلطات - حاكمية تشريع وهي مشتركه بين الثابت في التشريع الالهي وبين المتغير في التشريع البشري لتنظيم المجتمعات ويقوم بها برلمان لا يملك آلية إكراه !! وتنفيذ احكام القانون التى يخضع لها الجميع بما فيهم الدولة ممثله في أجهزتها المختلفة ويمارس تنفيذ القانون القضاء !! وهو يستمد سلطته من الدين الحنيف واى قوانين يصدرها البرلمان لان الحاكمية مشتركه بين التشريع المنصوص في القرآن والمتفق عليه في السنه وبين البرلمان الذي يشرع القوانيين في الامورالمستجده مثل قانون المرور مثلا !!! بدون خروج من ثوابت الشريعة !!!
والقضاء هو الجهة الوحيده المخولة تنفيذ الحدود وعلى الجميع !!!!
والقضاء لا يتم اختيار اعضائه بالانتخاب انما بالعلم والمعرفة القانونية والشرعية فقط وهم خارج دائرة التحكم فيهم بواسطة الشعب او السلطة التنفيذية ويستمدون سلطتهم من الدين !!! والقيم واخلاق المجتمع واعرافه !!!! فهم غير قابلين للنقض !! وهم من يمثل الدين !! وليس السلطة التنفيذيه فليس من الحكمة أن يقف أحد اعضاء السلطة التنفيذيه في الدولة ويقول نحن نطبق شرع الله !!!! فهو ليس قاضي يستمد شرعيته من الدين !!! وأنا احي هنا والي الخرطوم " عبدالرحمن الخضر " الذي دائما ما يخاطب الناس ويقول انا انفذ البرنامج الانتخابي الذي انتخبني الشعب من أجله وأذا فشلت في تنفيذ هذا البرنامج فسوف استقيل "" التحية لهذا الوالي "" فهذا الوالي يستمد شرعيته من الشعب الذي انتخبه وليس من الدين او تطبيق الشريعة !!!
مقدما مثال يحتذى للسلطة التنفيذية فهى قابلة للنقض من قبل الشعب الذي فوضها بموجب البيعة (الانتخابات) فهى تستمد سلطتها من الشعب وتنفذ حكمها بقوة الجيش والشرطة او ما نسميه الاكراه وبما ان الاكراه لا يوجد في الدين فلابد من تفويض آخر وهو التفويض الديمقراطي !!! يا همباتي !!!
فبدون هذه الآلية الديمقراطية لا يمكن اقامة دولة لا اسلامية ولا افلاطونية لان السلطة التنفيذيه سوف تحاول ان تستمد شرعيتها من الدين !!! وهنا سوف تقع في المحظور يا همبته وهو الاكراه !!!

يادكتور أحمد إن كنت تقصد المعارضة السودانية اقول لك بصراحة ان كان البديل هم ما نراهم الآن في المعارضة فخلونا في حكومتنا الحالية ولو شاء الله وحكمت المعارضة التى اراها الآن واسمع افكارها المتمثلة في وثيقة الفجر الجديد فهذا لن يقود إلا الي تبادل الادوار بمعنى أن تدخل المعارضة الحكم فتخرج الحكومة تحمل السلاح ولن نرى سودان نحلم به والحل في تقديرى التوافق علي حلول مصدرها مبادئ الديمقراطية التى هي آلية للبيعة في الاسلام والبيعة أصل (الملك) الذي نسميه نحن اصطلاحا بالحكم ....
وأضاف صديقي المنصوري:-
هل تصدق إني أتفق معك في نقدك للديمقراطية ولكنه بفهم مختلف يقترب من

مداخلة أستاذنا عبدالقادر مدني وقول لي كيف ؟

الديمقراطية تعارض الإسلام جملة وتفصيلآ في أمر الإنحياز إلي إتخاذ القرار

وبالتالي لا تصلح أن تكون علي
العموم نظام لحُكم إسلامي وسأ
شرح ذلك :

الديمقراطية تعني حُكم الشعب بالشعب وهي تقوم في الأصل علي الأغلبية

بمعني إذا عُرض في يوم من الأيام علي البرلمان مسألة من المسائل ولنفترض

حجاب المراة وقام النواب وبإغلبية رفضوا الحجاب وصوتوا ضده فهذا في

الديمقراطية آمر
ملزم رغم تصويتهم ضد آمر رباني
يفترض أن يلتزم به المسلم .

من هذا أقول إن الديمقراطية في أوجه من وجوهها لا تتماشي مع احكام ديننا

وبالتالي ليس هي النظام
الأمثل بخلاف نظام الشوري الذي يعطي الحق للإغلبية

في عدم وجود نص ملزم .

أما الوجه الثاني للموضوع الديمقراطية عند العرب فاشلة فاشلة فاشلة وما نراهُ

في مصر يكفي لنقول أننا ما زلنا في مراحل المراهقة الديمقراطية ولم نستوعب

كثير من حقوقها وواجباتها كما تفهمها اوربا وامريكا فجعلوا منها نظام حُكم

راقي يعزز كرامة الإنسان وحريته .

الاعزاء عبد القادر والمنصوري فليعذرني ابو حميد ان اتداخل معه في بكانه.....
يا منص لا يمكن لأي برلمان في دولة (دستورها) اسلامي ان يطرح مسألة الحجاب للتصويت في البرلمان....لأنها حينذاك تكون من ثوابت الدستور..... وليس من الامور التي تترك للمشرع العادي في البرلمان ليقول فيها رايه.......اتفق مع كلام اخي عبد القادر 100% فيما ذهب اليه واقتبس لك كلامه مرة اخرى حتى لا أكرره "وهو يستمد سلطته من الدين الحنيف واى قوانين يصدرها البرلمان لان الحاكمية مشتركه بين التشريع المنصوص في القرآن والمتفق عليه في السنه وبين البرلمان الذي يشرع القوانيين في الامورالمستجده مثل قانون المرور مثلا !!! بدون خروج من ثوابت الشريعة !!!"
ولكنني اتفق معك فيما ذهبت اليه ب" أننا ما زلنا في مراحل المراهقة الديمقراطية ولم نستوعب

كثير من حقوقها وواجباتها كما تفهمها اوربا وامريكا فجعلوا منها نظام حُكم راقي يعزز كرامة الإنسان وحريته" لذلك يا منص لا بد لنا من حل وفي رائي (واتفق مع اخي عبد القادر) يكمن الحل في الاستفاده من الديمقراطية كنظام لفرض هيبة الدولة وتشكيل آليات تنفيذية بينما الثوابت مضمنة في الدستور تساعدها بعض التشريعات الادارية والتنظيمية لادارة عجلة الحياة والموضوع سهل لو رغبنا. سلمتم.



 
 توقيع : د. احمد الطيب الماحي





رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:59 AM.


Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
vEhdaa 1.1 by NLP ©2009