التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩- المكاشفة والتعارف -۩۞۩» قسم يهدف الي تقوية اواصر المعرفة والعلاقات بين اعضاء المنتدي . |
|
أدوات الموضوع | انواع عرض الموضوع |
06-09-2012, 12:14 PM | #31 |
|
هاهاهاها هههههههه تهئ تهئ تهئ ده حلوه عجبتني شديييييييييييييييييد قمر الزمان في المنتدي يا مرحبا با مرحبا |
|
06-09-2012, 02:57 PM | #32 |
|
الاخ ياسر تمساح تحية طيبة
اين يقف الوطن ؟؟ دموع الغلابة تاثر على ياسر تمساح فانت الان ترى تلك الدموع من خلال مراية الشارع السودانى ماذا تقول ؟؟؟ الحال فى السودان ينذر بخطر ومستقبل مظلم ؟؟ امنية تحققت وامنية لم تتحقق ؟؟ مشروع الجزيرة وملاك المشروع مسرحية انتهت فصولها بضياع الحقوق والعاقبة عندكم فى المسرات ؟؟ هل انت راضى عن المنتدى واعضائه من خلال ما يطرح ؟؟ عضو نشط ومبدع له تاثيره على المنتدى واعضائه ؟؟ الحصاحيصا فى كلمات ؟؟ ياسر تمساح تقبل مرورى ولك خالص التحية والاحترام |
|
06-09-2012, 08:47 PM | #33 |
|
تحياتي..
# أرى أن لونك الرياضي أعلاه (باهت) و لن يضيف لك شيئاً خصوصاً و أنك تدافع عنه بضراوة..ما رأيك..؟ # هل يضيف لك إسم (تمساح) شئ من القرصنة؟ # الموت.. ماذا تعد له..؟ # الدنيا.. كيف تتغلب على صخبها و ضجيجها و نعيمها الزائل..؟ و دمت |
|
06-10-2012, 01:52 PM | #34 | |
|
اقتباس:
تمســـاح شغالين شفتات نحن انتى اقدر على الناس ديل ههههه |
|
يلا نحلم بالبساطه نمد رجولنا على اللحاف
نرضى بالمقسومه لينا نروي جوانا الجفاف ونبني دارنا من المحنه ويلبس التوب العفاف والما بخاف الله سيدو حقو منو الناس تخاف |
06-10-2012, 02:06 PM | #35 |
|
اسأل الله تعالي ان ينعم عليك بوافر الصحة وتمام العافية الاخت الكريمة الفاضله قمرالزمان ومشكورة علي الدعوات الطيبة ربنا يتقبلها ان شاءالله
|
|
06-10-2012, 07:05 PM | #36 |
|
ياسر ياحبيب
سلامات تعرف نحن متفقين انا وحكومتى واحد يمسك الولد والتانى يخش المنتدى..شفته التعاون ده كيف.. حقيقة ياسر تمساح كتاب تتعدد فصوله وتتنوع وحقيقة تقال تمساح رجل موسوعه وله تجارب ثره فى الحياه وهو رجل المهام الصعبه ما ان يستعصى امر على احد من معارفه الا ووجد الحل عند ياسر. وهذه المقدمه مدخل لسؤالى الأول:ملكة ايجاد الحلول ان جاز تسميتها اهى موهبه ام توفيق ام تكتيك؟ السؤال الثانى: السلطه وما ادراك ما هى..تركها ياسر رغبة وبارادته حينما كان الناس يلهثون خلفها.ماهو سبب الابتعاد والمقاطعه؟وهل انت راض من قرارك؟ سؤال: ياسر تمساح والعمل العام...محطات وانجازات؟ سعيد بهذه المساحه اخى ياسر ولى عوده باذن الله |
جاييك يا آخر المواني من ظلمة البحر الممدده في الفراغ ... جاييك من غربة الجزر المسورة بالهواجس والضياع جاييك معاي ملح التجارب ذي محارب مجروح و خايض في الغبار لكني ثابت في المدى واقف أنا ودايس على الإبر المسممة بالكلام علمني غدر الناس أشوف واتحدى نار كل المصائب ..والظلام..
•
الحصاحيصا تحتل الفضائيات السودانيه
• مبدعون ومشاهير من ابناء مدينتى الحصاحيصا • ذكرياتى واجمل الايام فى مدينة الحصاحيصا |
06-11-2012, 06:21 AM | #37 |
|
ياسر تمساح
رجل عرك الحياة وعركته عاش الحياة بطولها وعرضها . ادمن السفر و احب الترحال ياسر تمساح متى يضع عصا الترحال ؟ نشاء ياسر وسط مدرستين مختلفتين من مدارس التربيه منهجاً واسلوباً ( تمساح و بحيرى ) انتهج الاول اسلوب الرقه و الحنيه و البعد عن العقاب (ما امكن ) وانتهج الاخر اسلوب الصرامه و العنف و الشده ياسر تمساح اى اسلوب فضل انتهاجه مع ابنائه ؟ و تانى تانى تانى راجعين مره تانى |
|
06-11-2012, 08:55 AM | #38 | |
بيتحقق |
اقتباس:
ابو عمر ياعزيز
أها ظهر هو واختفت هى شايف كيف قصة تحير |
|
|
06-11-2012, 09:17 AM | #39 | |
بيتحقق |
اقتباس:
ولك الف تحية الاكرم امين 67 اين يقف الوطن ؟؟بين الآهة و الطبطبة
|
|
|
06-11-2012, 09:20 AM | #40 | |
بيتحقق |
اقتباس:
اللهم يا حنان يامنان خذ بيد كل مستضعف آميييين الحال فى السودان ينذر بخطر ومستقبل مظلم ؟؟الحال فى السودان ضبابى ... نسأل الله ان ينقشع على ما يسعدنا .
|
|
|
06-11-2012, 09:21 AM | #41 | |
بيتحقق |
اقتباس:
ان تحج أمى رحمة الله عليها والحمد لله تحققت وكم انا بها سعيد ... مشروع الجزيرة وملاك المشروع مسرحية انتهت فصولها بضياع الحقوق والعاقبة عندكم فى المسرات ؟؟ان يفئى ولاة امرنا الى رشدهم ... فى داعى لذكر المغصة دى ...
|
|
|
06-11-2012, 09:24 AM | #42 | |
بيتحقق |
اقتباس:
راضى عن المنتدى بكل تأكيد اما اعضائه فيزعجنى الغياب الطويل دون اعذار واخشى ان تكون المقاطعة اما ما يطرح فيه فيعجبنى ولكن المعاجات تصبح عصية ... عضو نشط ومبدع له تاثيره على المنتدى واعضائه ؟؟دون شك ابو عمر فى نشاطه وابداعه والمنصورى وابو امجد فى تأثيرهم ... الحصاحيصا فى كلمات ؟؟الحصاحيصا الحى الاوسط بردب بردب النشاءة او القرية الهندية اسطورة داخل اسطورة ... ياسر تمساح تقبل مرورى ولك خالص التحية والاحترام تعلمنا فى هذا الحى كيف نحب مدينتنا من التكاتف والتراحم بين الجميع لابد هنا ان احى الاساتذة عثمان ادم العوض (مطر) محمد عباس حسن (طه) و أحمد سعيد العوض والاستاذ الجليل عبد الجليل كالمدو كم هم رايعون و خير من يحدثك عن الحصاحيصا ... شكراً ياغالى بس تعال هنا انا كاتل ليك زول بالغت معاى ...
تسلم كتير وان شاء الله اكون اوفيت |
|
|
06-11-2012, 09:41 AM | #43 | |
بيتحقق |
اقتباس:
تحياتي.. العزيز الاستاذ الرشيد الرشيد بما ان المقام مقام مكاشفة وكشفان حال وما كسير تلج فانا بعترف انك استحملتنى كتير فلك الود خالصه |
|
|
06-11-2012, 09:43 AM | #44 | |
بيتحقق |
اقتباس:
# أرى أن لونك الرياضي أعلاه (باهت) و لن يضيف لك شيئاً خصوصاً و أنك تدافع عنه بضراوة..ما رأيك..؟ اولاً ضد التعصب الاعمى ثانياً ما حارى اكتر من الاضافة اللقيته منو ... # هل يضيف لك إسم (تمساح) شئ من القرصنة؟إسم تمساح ده ما زينى ازية ما تتخيلة لانه بخليك فى دائرة الضوء فى آى مجتمع او آى ملف كان صاحبك ساكت كورك ليك ياتمساح الناس دى كلها تتلفت ياخ الشايلة اللقمة موديها على خشمه يقيف يعاين ليك عشان كده مالاقى لى طريقة اتقرصن ...
|
|
|
06-11-2012, 09:44 AM | #45 | |
بيتحقق |
اقتباس:
# الموت.. ماذا تعد له..؟ أجتهد بان اكون فى زمرة أمى وابنائى ... # الدنيا.. كيف تتغلب على صخبها و ضجيجها و نعيمها الزائل..؟ مافاضى ليها ... و دمت ودامت ايامك سعادة تخريمة كده وكده دعواتى استجابت والحمدلله من الشهر الفات قالوا لى المكاشفة عليك عليمك الله بدعوا ربنا يخفف على اسئلة تلاتة واحدين بس والحمد لله الاول مرة ... |
|
|
06-11-2012, 09:49 AM | #46 | |
بيتحقق |
اقتباس:
هيييييييييييى ياقمر زمانا مالك بقيتى فسلة كده الدعوات دى لى ناس ابو عمر براهم
ثم ثانياً شايف رجوعك مع بداية كشفان الحال ده يالله للماعندو ضهر فى الادارة ... تسلمى |
|
|
06-11-2012, 10:04 AM | #47 | |||
|
اقتباس:
اقتباس:
اقتباس:
اسعدك الله حيثما كنت اخي تمساح |
|||
|
06-11-2012, 10:16 AM | #48 | |
بيتحقق |
اقتباس:
ياسر ياحبيب
سلامات و عليكم السلام والرحمة تعرف نحن متفقين انا وحكومتى واحد يمسك الولد والتانى يخش المنتدى..شفته التعاون ده كيف.. تعال هنا حمودى ده اتولد امبارح قال متفقين قال ... حقيقة ياسر تمساح كتاب تتعدد فصوله وتتنوع وحقيقة تقال تمساح رجل موسوعه وله تجارب ثره فى الحياه وهو رجل المهام الصعبه ما ان يستعصى امر على احد من معارفه الا ووجد الحل عند ياسر. ده من زوقك الرفيع ياسر تمساح شخص بسيط تعلم ان يسعد بفرح الاخرين ... وهذه المقدمه مدخل لسؤالى الأول:ملكة ايجاد الحلول ان جاز تسميتها اهى موهبه ام توفيق ام تكتيك؟ هى نعمة القبول عند الأخر اسأله تعالى ان تدوم ... وتشمل الجميع ... السؤال الثانى: السلطه وما ادراك ما هى..تركها ياسر رغبة وبارادته حينما كان الناس يلهثون خلفها.ماهو سبب الابتعاد والمقاطعه؟وهل انت راض من قرارك؟ صدقنى هى تقاطع المبادئى فكنت ضمن مجموعة تنادى بان يكون شيخ حسن مرشد بعيداً عن السلطة التنفيذية قبل الانفصال وبعد الانفصال يممت نحو المؤتمر الوطنى عن قناعة وبعد عامين وفى أول محك صدحت بحقيقة فساد اعتقلت ومنذ ذلك التاريخ اجلس متفرجاً ... سؤال: ياسر تمساح والعمل العام...محطات وانجازات؟ رابطة شباب الحى الاوسط 90 - 1992م ... اجتهدنا لنزيب الطبقة الفقيرة بالحى دون اجندة معلنة نسأل الله القبول ... مبنى ادارة الجوازات الحالى من خرابة الى صرح افتتحه المشير الزبير ... منظمة شباب البناء الصغل والاعداد ... سعيد بهذه المساحه اخى ياسر ولى عوده باذن الله اكثر سعادة عليك الله انت جادى ياخ انا غير صلعتى بقيت ما مذكر آى حاجة |
|
|
06-11-2012, 10:37 AM | #49 | |
بيتحقق |
اقتباس:
ياسر تمساح رجل عرك الحياة وعركته عاش الحياة بطولها وعرضها . ادمن السفر و احب الترحال ابو امجد عزبتنا ....! ياسر تمساح تعرف الحرية المطلقة الكان مدينا ليها الوالد ربنا يديم عليه نعمة الصحة والعافية كان ليها دور كبير ... وكان دائماً بقول لينا اسمع اول بعدين رد (بالرغم من انه ما كان شغال بالنظرية دى تحديداً) ... متى يضع عصا الترحال ؟ الان ارتب لوضعها ... فالظروف حكمت ... يعنى ما منى ... نشاء ياسر وسط مدرستين مختلفتين من مدارس التربيه منهجاً واسلوباً ( تمساح و بحيرى ) انتهج الاول اسلوب الرقه و الحنيه و البعد عن العقاب (ما امكن ) وانتهج الاخر اسلوب الصرامه و العنف و الشده نسيت الرمانة أمى الحنونة رحمة الله عليها ياسر تمساحاى اسلوب فضل انتهاجه مع ابنائه ؟ اكون مثالى واقول ليك شدة من غير عنف ولين من غير ضعف ... والمحنة واقع فرض علينا انتهاجه ... دون اقفال لجانب الصرامة ان تطلب الامر واكثر ما يريحنى المنهج الاسلامى ... تانى تانى تانى راجعين مره تانى لكن ما بالغت
تعرف من البوست ده طلعت بان اتقى شر ابو صلعة اذا اغضبته ... لك و الود ممتن كتير |
|
|
06-11-2012, 10:56 AM | #50 | |
بيتحقق |
اقتباس:
يا عزيز
ما جبت حاجة من عندى راعى الضان فى خلاء المنتدى عارف انك انشط واحد وبدونك كان مشينا فرشنا لينا طماطم (هسة الطماطم الدخلها شنو) (دى مشكلة جاهزة قؤيبى هسة يجى ناطى) ... فى مجموعة مميزة من الاعضاء لكن لما يطلب منك ذكر الاميز اكيد ما حا تتلفت والا ماكان فى واحد بيقبل بى نتيجة الامتحانات فى المدرسة غير الاول ولا كيف ... واسعدك بقدر سعادتى بوجودى بينكم وازيد ... |
|
|
06-11-2012, 02:38 PM | #51 |
|
ياسر حينما كنا في المتوسط كنت تمثل لنا مثلآ آعلي وما زلت أذكر جيدآ عندما كنت بصحبة الحبيبين معتصم الصيني ومحمد محي الدين كنا نرسم لك شخصية الرجل الملتزم المؤمن بقضيته بعد كل هذا الجهد وامتدادآ لإسئلة أخونا ابومجد ما هي آهم الدروس التي طلعت بها من تجاربك الماضية ؟؟؟؟؟ ياسر من خلال ترحاله الدائم ( قالوا شق البلد تفتيحه ) شنو الآثر فيك وبخليك دائمآ تستدعي حاجات عالقة بالذاكرة وما قادر تنساها وحاسي فعلآ إنك استفدت منها ؟ أكتب لينا روشتة لعلاج حالتنا ؟؟؟ أشاركك في حمد الريح واشفقت عليك وأنت تكتب الهلال مصدر سعادتك رغم إنه لم يفتح الله عليه بعلبة صلصلة للبلد ( قالوا الحلو ما بكمل ) علي قول شيخنا ابوكرنه تحياتي النواضر . |
|
06-12-2012, 07:00 AM | #52 |
|
تمســــــــــــــــاح صباح الخير ياخ بس عندي حاجات نفسي اعرفها
إذا المنتدى دا قسمناهو لي ثلاثه فئـــات 1/ فئه مهترشه 2/ فئه رومانسيه 3/فئه مبدعه ممكن في كل فئه تضم مجموعه من العضاء يــــــــــــــاسر ماهي قمــة الادب مـاهي قمـــة الالم ماهي قمــــة الذكاء ماهي قمــة الزهول من اميز المواضيع في المنتدى يـــــــــــــــاسر بجيك تاني راجعه |
يلا نحلم بالبساطه نمد رجولنا على اللحاف
نرضى بالمقسومه لينا نروي جوانا الجفاف ونبني دارنا من المحنه ويلبس التوب العفاف والما بخاف الله سيدو حقو منو الناس تخاف |
06-12-2012, 07:16 PM | #53 | ||
|
اقتباس:
اقتباس:
أكتفي بالإقتباس أعلاه.. و دمت أخاً كريماً |
||
|
06-13-2012, 02:00 PM | #54 | |
بيتحقق |
اقتباس:
الاخ الاكرم المنصورى يا حكيم ياسر حينما كنا في المتوسط كنت تمثل لنا مثلآ آعلي وما زلت أذكر جيدآ عندما كنت بصحبة الحبيبين معتصم الصيني ومحمد محي الدين كنا نرسم لك شخصية الرجل الملتزم المؤمن بقضيته بعد كل هذا الجهد وامتدادآ لإسئلة أخونا ابومجد ما هي آهم الدروس التي طلعت بها من تجاربك الماضية ؟؟؟؟؟ لك وللاعزاء الصينى ومحمد محى الدين كل الود شهادة اعتز بها ما حييت قالوا بعد الاربعين الواحد بيشتغل بخبرته وده بكون ناتج من تراكم المحكات أهم ما خرجت به ما تصدق الناس با اقوالها بل بافعالها ... ثم اذا عزمت فتوكل على الله ولا تنتظر نصرة من أحد ... لا تبدل قناعاتك وان جار الزمن وتبدلت قلوب العالمين ... |
|
|
06-13-2012, 02:04 PM | #55 | |
بيتحقق |
اقتباس:
ياسر من خلال ترحاله الدائم ( قالوا شق البلد تفتيحه ) شنو الآثر فيك وبخليك دائمآ تستدعي حاجات عالقة بالذاكرة وما قادر تنساها وحاسي فعلآ إنك استفدت منها ؟ فى حاجتين دائماً عالقات بالذاكرة الاولى فى الدمازين فى ثمانينات القرن الماضى : الامبررو او هنود الغابة قبيلة لا دينية ولكن تحترم كبيرها لدرجة التقديس ... مشاهد لن انساها ... الثانية : قصة عايشت فصولها ، مسرحها دار السلام تنزانيا شخص يسعى بين الناس خادماً لهم يقضى كل حوائجهم دون ان ينتظر الشكر حتى اصبح داره قبلة لكل السودانيين لم ينقصه شئى ... اسأل الله ان يعظم أجره ... أكتب لينا روشتة لعلاج حالتنا ؟؟؟ انا ما قدر كده لكن حسب رائى (لا يغير الله ما بقوم حتى يغيروا ما بانفسهم)
مالم نتحد على كلمة سواء ونبذر الثقة رسولاً بيننا ولا نلتفت للمثبطين لن نتقدم ... وعند عهدى بحول الله |
|
|
06-13-2012, 02:10 PM | #56 | |
بيتحقق |
اقتباس:
أشاركك في حمد الريح واشفقت عليك وأنت تكتب الهلال مصدر سعادتك
رغم إنه لم يفتح الله عليه بعلبة صلصلة للبلد ( قالوا الحلو ما بكمل ) كلك زوق حمد الريح ابداع تعرف انى قلت ضد العصبية واول واحد بشجع المريخ لما يكون لاعب فى الكون فدرالية (التجزئى مقصود) لانه الكون كله بيدور ونحن واياه بندور لكن المناكفات ليها طعم غير علي قول شيخنا ابوكرنه تحياتي النواضر . ولك انضرها واغلاها وللغالى ابو كرنة سعيد بوجودك تخريمة ** ياخ كان تكلمونى من زمان انت والصينى ومحمد كنت رفعت القزاز وعليت السعر |
|
|
06-13-2012, 02:51 PM | #57 | |
بيتحقق |
اقتباس:
تمســــــــــــــــاح صباح الخير
مساء النور ياخ بس عندي حاجات نفسي اعرفها امشى مكتب استعلامات المنتدى وكان ما لقيتى زول اتحكرى جنب بابهم بجو ما تستعجلى إذا المنتدى دا قسمناهو لي ثلاثه فئـــات فيها سُلطة وثروة ولا تقسيم كيرى ساكت ... 1/ فئه مهترشه ديل ناس هنائى وهنائى وما انسى هنائى داك تحديداً ... انتِ خلاص فضيتى لينا فى داعى للمشاكل عارفانى بفتهم لكن فقه د. على الحاج احياناً بنفع خليها مستورة ... انا غايتو مصاحب ناس الهمباتى والمنصورى وكان نكرونى يانى الاتختيت فى الفئة دى ... 2/ فئه رومانسيه اذا قصدك الرومانسية الممنهجة ديل كتار خلاص اركمانية تمحن عديل محمد عوض السيد ما يديك فرقة تتداخل معاه الاستاذ الرشيد حبيب الله التوم لما يكتب بى هناك ... وزمان كانت رمادُ حرف الله يرد غربتها وديل نموزج بس ... 3/فئه مبدعه سعادة اللواء عبد الغنى خلف الله الربيع وحقيقة لم نوفِ هذا الرايع قدره ... أكيد المنصورى ... الهمباتى جرئى احياناً ... أبو امجد واقعى ... بالجد القائمة تطول ... ممكن في كل فئه تضم مجموعه من الاعضاء اها قصرنا معاك |
|
|
06-13-2012, 02:54 PM | #58 | |
بيتحقق |
اقتباس:
يــــــــــــــاسر ماهي قمــة الادب مع الله ... فى كل حركاتك وسكونك ... مـاهي قمـــة الالم نقص القادرين على التمام ... ماهي قمــــة الذكاء دى صعبة شوية لانى ما وصلتها ... ماهي قمــة الزهول ان يرحل عزيز دون سابق انذار ... ان يكذب الساسة فى بلادى والشاهد يكون الواقع المعاش ... من اميز المواضيع في المنتدى
موضوعين بعتبرهم الاميز (هنا الناس اولاد الناس) الكاتب الاستاذ الرشيد حبيب الله بيعكس روح التأخى والمحبة بين الاعضاء ... ثم تبت يدا ابى نهب وتب د/ أحمد الطيب الماحى كان الطرح قيم والنقاش موضوعى وجاد ... يـــــــــــــــاسر بجيك تاني راجعه لحقتينى امات طه تخريمة ** ليك يوم خارج النص الاسماء المذكورة نمازج ارأها فى قمة القائمة ... واللى ماله أول شئ اكيد ماله أخر |
|
|
06-13-2012, 02:56 PM | #59 |
بيتحقق |
ودمت أخاً أكرم
امتنانى |
|
06-13-2012, 03:20 PM | #60 |
|
دا منو حين تجدة .............؟ ودا منو حين تلتقيه ....؟ وهل حقيقه كل جلباب بما فيه ينضح تعفص ياخي كل ما اقول اجيك بسؤال اجدة قد سئل وانا لا احب التكرار فمباذا اسألك سؤال تتوقعه مني جادا وليس متسمرا ( دي من سميرة ) |
كيف اللحاق بركب نعيك والشوامخ لا تطال
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ابوذر حسن طه في مكاشفة تعارفية | ابوعمر | «۩۞۩- المكاشفة والتعارف -۩۞۩» | 25 | 04-16-2012 02:42 PM |
الشايقي في مكاشفة تعارفية.. | الرشيد حبيب الله | «۩۞۩- المكاشفة والتعارف -۩۞۩» | 18 | 01-05-2012 06:31 AM |
ود طابت في مكاشفة تعارفية | ريري | «۩۞۩- المكاشفة والتعارف -۩۞۩» | 59 | 05-22-2010 10:53 AM |