انا عنصري ( كيتن علي العنصريه)

دعاء الدخول:-

اللهم... حنن علي قلب كل زول كايس لي وداير يطلعني عنصري....اللهم اقذف في قلوبهم الحب ويشوفوني رهاب رهاب..و.. مهمش مهمش.....اللهم خليهم يحلمو بالبوست ويبعد عنا الهكر والتنقح.. يعد الدعاء وحديث التنقيح بتاع البرنس وناس الادراة والارادة القويه
ندخل في الموضوع....واحد حلف لي بالتكسرو انو هيفاء بقارية.... ما فيها نضم.....لكن انا اشك في بقوريتا....لانها شينة والبقاريات سمحات....انا مصمم ومصّر انها شينة....وبستعمل حقي كامل في التعبير عن رأيي... اعتماد على دستور المكاواة والمرحلة الانتقالية.. وخالف تزكر..القاعدين يسوو فيهو الجماعة.. اعتماد على منطوق المادة التالتة في حرية الرأي والتعبير.... والتعفص البعملو فيهو ناس الحركه والحركات البايخه دي وانا ما داير من حرية الراي والتعبير ألا اقول فلانة شينة وفلانة سمحة..وبس..... بالله شفتو انا مواطن صالح كيف؟.....بعد اقتناعي وعلى مضض انو هيفاء بقارية....اطالب برجوعا الي ربوع كردفان....حيث التبلدي...ويشدّو لها شبرية فوق البعيبيشة.....تمشي بالاول هناك وتغني..مافي زول حاميها.. ألا ما تتفلهم....وما تلبس جنس اللابساهو دا....وتجينا ام فكو وتقول دي موضه الركوب فوق البعيبيشة عايز ليهو سترة...واطالبها بان تهيّف لنا الاغاني الكردفانية.....وتمتطي هيفاء تور جاموس قرنو ماكن....وتغني لي ابكر.......
ابكر حوش عبدالواحد عني
ابكر اسحق.... جنني
ابكر يا عيب الشوم
رابط السكين في ضراعو
ابكر يا عيب الشوم
ليش ما يربطا في كراعو؟
و يتحنفش ابكر.... ويملص السكين من الضراع ويربطا في الكراع....ويعاين لي هيفاء ويحلف طلاق لو دايرة تور يربطو في كراعو ما عندو مانع.....اما اسحق الجنن هيفاء ان صبحت عليهو الواطا لوموني....وتتبسط هيفاء وتقول بعد تنهيده علي الموجة الطويلة... تسلم لي ها الديات"يعني يسلمو الايدين.....وها العيون الكحيلي....يعني عيون ابكر كحيلة... شفتو كضب الانتاية دي؟
وتتغزل هيفاء الكردفانية في الاخدر الليموني المشنق الطاقية.....
الاخدر الليموني مشنئا الطائية
....... يئبرني
اشيلو في عينا واحطو في عينا
...... يئبرني
ورجب طاير في الايبل ( القبل ) الاربعة
شو.... أبيح ( قبيح)
وتغني لي ابكر....الشرب شربة.. وختا الجبال غربا وقام صوف ولبد تحت شُدرة....وتجري هيفاء الكردفانية وتقص دربو.....وتلقاهو قاعد تحت شدرة والشربة عاملة الهواويل.....وتقعد تغني ..موال ....
اووووف..اووووف....اووووف
بخاف عليك......... بخاف
الدنيا شوب...ويجيك جفاف .... شوب=حر يعني سخانه لمن غلط
وتمشي كمان مع المفاوضات لقطر ودوحه الخير وتلف ليها برقع ولا عمه بتاعه ناس العدل والمساوة
وتفشل الاتفاقيه وتبيع القضيه وكان جات شايلا سلاح وعايزة تدخل الخرطوم
حباااااااااااااااااااااااابك بت وهبي وبسلاحك
بس امانه عليك ماتقولي انفصال النبي فوقك كان تقولي زي الكلام دا

عليك الله انت يتجيبو من وين وبي كم يا ابوذر........ياخ دة مبالغة ....... وبعدين ما بيكمل من يوم المديدة ولسة عندك.......انا ما داير منو والله لكن صراحة مبالغة.

يادكتور القاصدوانت مابسوى كده ده بابور عديل كده وتسلم ابازر

عندما تعجز الكلمات عن وصف ما تحسه تجاه شخص ما او موضوع ما يصبح الصمت هو الملاذ الذي نحتمي به الا حين لذا اقبل صمتي ولك الف الف تحيه

ابوذر ...
تحيات طيبات ...
والله مبالغة وتناول بطريقة مشوقة ومقارنة لاتخلو من الطرافة أحييك وكتر من
دا...تحياتى يامبدع...
تقبل مرروري...

مشكورين شباب
بس وحات الوحيدة معصور زي (....................)
وبرجع بس من اجل الاب ( ترفيع)