التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم 
قريبا

بقلم :
قريبا
آخر 10 مواضيع
الفقرا العزمو القطر (الكاتـب : - مشاركات : 0 - المشاهدات : 192 - الوقت: 06:16 AM - التاريخ: 01-18-2024)           »          إلى وطني .. لن تأتي العصافيرُ[ (الكاتـب : - مشاركات : 0 - المشاهدات : 615 - الوقت: 06:16 PM - التاريخ: 10-03-2023)           »          كل المواسم يا بلد إطاقَشَن (الكاتـب : - مشاركات : 0 - المشاهدات : 362 - الوقت: 06:11 PM - التاريخ: 10-03-2023)           »          الشوق غلب (الكاتـب : - مشاركات : 0 - المشاهدات : 838 - الوقت: 04:36 AM - التاريخ: 05-29-2023)           »          سلام ومحبة (الكاتـب : - مشاركات : 0 - المشاهدات : 7700 - الوقت: 08:04 AM - التاريخ: 10-03-2022)           »          «الفقرا» شوق وحنين (الكاتـب : - مشاركات : 0 - المشاهدات : 10309 - الوقت: 01:25 PM - التاريخ: 08-13-2022)           »          جمعية الصفوة السودانية تحتفي بتدشين كتاب ذكرياتي مع الشيخ الوالد محمد أحمد حسن بقاعة (الكاتـب : - مشاركات : 0 - المشاهدات : 10244 - الوقت: 03:00 PM - التاريخ: 07-16-2022)           »          يوم الرحول.. (الكاتـب : - مشاركات : 0 - المشاهدات : 6033 - الوقت: 03:36 PM - التاريخ: 07-14-2022)           »          سلام ومحبة (الكاتـب : - مشاركات : 1 - المشاهدات : 6842 - الوقت: 07:16 PM - التاريخ: 05-08-2022)           »          مبروووك (الكاتـب : - آخر مشاركة : - مشاركات : 1 - المشاهدات : 7252 - الوقت: 04:33 AM - التاريخ: 08-15-2021)


الإهداءات


العودة   منتديات الحصاحيصا نت alhasahisa > «۩۞۩-المنتديات العامه-۩۞۩» > «۩۞۩-منتدى الادب والثقافة-۩۞۩»

«۩۞۩-منتدى الادب والثقافة-۩۞۩» يهتم بالأدب و المواضيع الثقافية و الفنية

إنشاء موضوع جديد  إضافة رد
المنتدى المشاركات الجديدة ردود اليوم شاهدة المشاركات المشاركة التالية
 
أدوات الموضوع انواع عرض الموضوع
#1  
قديم 01-12-2014, 11:51 AM


بشرى عبدالله غير متواجد حالياً
لوني المفضل Brown
 رقم العضوية : 10170
 تاريخ التسجيل : Dec 2013
 فترة الأقامة : 3749 يوم
 أخر زيارة : 11-03-2014 (10:00 AM)
 المشاركات : 594 [ + ]
 التقييم : 10
 معدل التقييم : بشرى عبدالله is on a distinguished road
بيانات اضافيه [ + ]
افتراضي مـكـتـبـــة مختارات لـشــعراء (الحــلـمـنـتـيـش) بـالسودان




الشاعر (ابرهيم عباس) قصيدة (إنــت وأنـــا) من ديوانـــه (هـتـــرشــة مـذبـــوح):

انت وانا
من حقنا
نحلم نعيش
فى سعادة وفى هناء
إلا آه آه
من حظنا
فى الدنيا ما شفنا الفرح
وحياتنا بائسة ومحزنة
بنسكن نحن فى بيت ايجار
جدرانو بالية ملجنة
وهددنا كتير صاحب الايجار
نمشى نتخارج من هنا
واسبوع يمر اسبوع تمام
حق الرغيف ما عندنا
وفى الجيوب فلس رهيب
فار المسيد ما زينا
ونقضى يومنا نكد شديد
فى النقة بس والطنطنة
وحياتنا ما بتعرف هدوء
بنزعج شديد ناس حينا
والناس بتعمل مليون حساب
لو شافوا واحد مننا
وفى الحلة الناس بتقول عديل
نحن فائر سمنا
وانا معروف زولا شرس
وانت واحدة ملسنة
ولو ما سماحة اهل الفريق
طردونا كان قبال سنة
وكم وقع بينا الطلاق
والباقى واااحدة تحلنا
وارتاح انا باقى العمر
وافارق حياة البشتنة
وافارقك انت هم كبير
وزولا عطالتو مقننة
ونسأل كتير الله الكريم
نحن افرج همنا
وكل واحد اعيش سعيد
ما كل شىء من ربنا
وعشان اكون صريح معاك
وعارفك مسامحة ومؤمنة
هترشتى ديك مجرد مزااح
افوتك كيف بى هينة
وندمان انا وسافى التراب
وطالب عفوك يا منى




رد مع اقتباس
قديم 01-12-2014, 12:00 PM   #2




بشرى عبدالله غير متواجد حالياً

بيانات اضافيه [ + ]
 رقم العضوية : 10170
 تاريخ التسجيل :  Dec 2013
 أخر زيارة : 11-03-2014 (10:00 AM)
 المشاركات : 594 [ + ]
 التقييم :  10
لوني المفضل : Brown
افتراضي



الشاعر (ابرهيم عباس) قصيدة (ســت الـشــاي زبـــونـتــي) من ديوانـــه (هترشــة مذبــوح):

قصة واقعية حدثت فى التسعينات حيث ان احد الزملاء كانت لديه زبونة بغشاها اولا فى الصباح قبل الحضور للمكتب لتناول كوب شاى مع الزلابية وفى احد الايام وجدها تجلس حزينة وقد خطف الشماسة (كفتيرتها والكبابى وكل ادوات الشاى) وحضر هو الاخر للمكتب حزينا وحكى لنا القصة وكان متأثرا جدا فكتبت على لسانه هذه الكلمات المتواضعة:
ســت الشــاي زبـــونــتـــي


مررت بست شاى وهى تبكى
فقلت علام تنتحب الزبونة
قالت كيف لا ابكى وكفتيرتى خطفت
وها انا ذى اجلس دونا
فاحزننى قولها وعزمت امرا
ان اعيدها لها سليمة مأمونة
فسألتها وفى الفؤاد مرارة
اين اتجهت شلتهمو الملعونة
فأشارت والحزن يكسو وجهها
الى خرابة اظنها مسكونة
فاتجهت نحوها مسرع الخطى
وقرأت اورادا فى الرأس مخزونة
وقد هالنى ما رأيت مخباءا
ووجدت كفتيرتى عندهم مسجونة
ووجدتهم والكل يبدو مفرفشا
يحتسون الشاى وروؤسهم موزونة
وتناولت كوبا والكل يرقب فعلتى
وعدلت رأسا مزنزنا طاحونة
وحملت كفتيرتى وعدت ظافرا
وتركت خلفى عالما مجنونا
ولما وصلت الى مقر زبونتى
سمعت لهيجا سكرا وحنونا
قالت وما احلى قول زبونتى
لك فى القليب معزة مكنونة
ووقفت مشدوها اردد عذب حديثها
وحديثها عجوة فى العسل لى معطونة
وهتفت من الدواخل معلنا
بانى بسحر زبونتى مفتونا
وانى سوف اسعى جاهدا
لاكمال نصفى وبكرة تجو تهنونا


 

رد مع اقتباس
قديم 01-12-2014, 12:04 PM   #3




بشرى عبدالله غير متواجد حالياً

بيانات اضافيه [ + ]
 رقم العضوية : 10170
 تاريخ التسجيل :  Dec 2013
 أخر زيارة : 11-03-2014 (10:00 AM)
 المشاركات : 594 [ + ]
 التقييم :  10
لوني المفضل : Brown
افتراضي



الشاعر (ابرهيم عباس) قصيدة (الــزواج كـيـــف) من ديوانـــه (هترشــة مذبــوح):

سألنى صديقي الدكتور المغترب عن ارتفاع تكلفة الزواج فقلت له:

فى المدن تكلفة الزواج بقت حاجة رهيبة
وما برفع رأسو للزواج الا زول ترطيبة
المهر بالريال واضح يا الحبيب حاجة غريبة
وكان للشيلة ديك اسكت ساكت سيبا
يا حليل زمان زمن عرس الكورة
تكلفة العرس محددة من اهل الرأى والشورة
الهم ستر العروض والحالة تكون مستورة
ازوجوا الشباب وحاربوا نهائى البورة
وفى ريفنا الحبيب العرس يا خوى ما غالى
ما بنعرف صالات مجتمعنا لسه مثالى
عندنا ناس ام بخوت ما ناس رميساء وسالى
ذوق وادب وبالقليل نسلمك عروس طوالى
الدكتور اخوى لو عندك رغبة اكيدة
وعائز تودع العزوبية وتبدأ صفحة جديدة
وعائز بت حلال وحياتك معاها تبقى سعيدة
ارجع لديارك تحقق مرادك وتشبع انت عصيدة


 

رد مع اقتباس
قديم 01-12-2014, 12:12 PM   #4




بشرى عبدالله غير متواجد حالياً

بيانات اضافيه [ + ]
 رقم العضوية : 10170
 تاريخ التسجيل :  Dec 2013
 أخر زيارة : 11-03-2014 (10:00 AM)
 المشاركات : 594 [ + ]
 التقييم :  10
لوني المفضل : Brown
افتراضي




الشاعر (ابرهيم عباس) قصيدة (بـيـــت الـبـكــا) من ديوانـــه (هترشــة مذبــوح):
بــيــــت الـبــكــا

فى المآتم عادات ذميمة
ويبدو انها جد اليمة
موروثة من اجيال قديمة
بتبدأ من تجهيز الخيمة
وماذا يعنى عمل وليمة
ويومى تذبح كم بهيمة
وحاجات كتيرة ماليها قيمة
والناس شغالة بس نميمة
وفى المآتم الحالة تدعو للرثاء
وفى البيت هناك بيت البكاء
قلة جات قاصدة العزاء
والباقى ... تعالوا شوفوا الرياء
والبيت بقى معرض ازياء
واسرار بتنشر بلا حياء
والناس بتفقد ذرة وفاء
والناس بتنسى يوم اللقاء
يوم الحساب يوم الجزاء
وفى المآتم صور حزينة
وفى الصيوان هناك الحالة شينة
الناس تقول وسط جنينة
غرقانة ونسة لى اضنينا
وهمها تاكل وتكون سمينة
والشاى الساخن مدور فينا
ودخان السجائر تقول كمينه
وصيوانا بفقد جوز كوشتينه
وشريط كارب اهجج بينا
مات الحواس ولفقيدنا نسينا
نسينا الحقيقة الواضحة لينا
نفس المصير مكتوب علينا
نفس المصير مكتوب علينا



 

رد مع اقتباس
قديم 01-12-2014, 12:17 PM   #5




بشرى عبدالله غير متواجد حالياً

بيانات اضافيه [ + ]
 رقم العضوية : 10170
 تاريخ التسجيل :  Dec 2013
 أخر زيارة : 11-03-2014 (10:00 AM)
 المشاركات : 594 [ + ]
 التقييم :  10
لوني المفضل : Brown
افتراضي



الشاعر(ابرهيم عباس) قصيدة (انت سدد لى ديونى) من ديوانـــه(هترشــة مذبــوح):

انت سدد لى ديونى
انت سدد لى ديونى
والزعل منى شيلو
بحلف بالوهبنى نور عيونى
حقى العندك ما بملك غيرو
وانا الزادت شجونى
والفلس بقيت اسيرو
وما تزيد على جنونى
وتكون زولا فاقد ضميرو
وما تقول لى امهلنى
حتى لو نهار وليلو
محتاج لقروشى تسعدنى
والكلام يكفى قليلو
وعايزك بس تفهمنى
ودينى ما دائر بديلو
لا لا يا اخى ما تزعلنى
وتقول لى القروش إطيرو
ولو حاولت بس تماطلنى
القانون حالف امشيلو
وبعدين ما بتقدر تلومنى
وتقول للناس سجن زميلو
ندمان عنادك اتعبنى
وزمن العهود ياخى حليلو
وغايتو ديونك ورتنى
فى ناس بتنسى للزول جميلو
وبرضو تسليفك علمنى
فى الدنيا ناس اعمالا زيرو
وبقولك ياخى اسمعنى
لو عندى بنك ما بتكون عميلو
وبدعو ربى الكريم انصفنى
وربى إكتر لى خيرو
ومن شرورك احفظنى
الهى العادل مافيش مثيلو



ســـنــواصـــل بـــاذن اللـــه إبـــداعـــات الحلـمنـيــش ...



 

رد مع اقتباس
قديم 10-25-2014, 10:35 AM   #6


ابراهيم ود الريفى غير متواجد حالياً

بيانات اضافيه [ + ]
 رقم العضوية : 10300
 تاريخ التسجيل :  Oct 2014
 أخر زيارة : 04-14-2023 (09:02 AM)
 المشاركات : 453 [ + ]
 التقييم :  10
لوني المفضل : Brown
افتراضي



بسم الله الرحمن الرحيم
ضربة البداية مقتطفات للشاعر{ابراهيم عباس] قصيدة {هترشة مذبوح]


قد سألت اللمبة يوما ليه يا لمبة نورك طافى
ومالك انت ما بتحنى وابقى شعاعك ديمة صافى
وليه فواتيرك رهيبة وكل تقديرك جزافى
وهل صحيح ما رووهو زى عنادك انت مافى
قطع نورا ولى قالت[نوم خلاص تصبحلى عافى]
@@ب
وقلت اسأل الماسورة ليه يا انت مخاصمة الزير
وما بتجودى بقطرة واحدة تحفظ ماء وجهو الجميل
وليه يا انت مابهمك ولو ندينك بى دليل
وهل يا انت ما سمعتى..نحن جهزنا البديل
ومنك اتن خلاص زهجنا وقلنا نسيبك بس عديل
وين يا[ماسو]بكرة بتمشى من غضب اهل السبيل؟
زاد شخيرا ولى قالت[شكرا ياسيدى الوزير]
@@
وكم سألت التلفزيون مرارا ليه موادك جد رتيبة
ومالو جمهورك مخاصمك عشان برامجك بس كئيبة؟
وهل حقيقة ما بثوهو انك انت بقيت مصيبة ؟
وبقبت حاجة ما مهمة وهم رموك جوة الزريبة؟
[نملت] شاشتو وقالت[اسوأ مواد رايحين نجيبا]
@@
ومشيت اسال الوظيفة ليه يا انت ما بتغطى
ومالو اجرك بس شوية وبالفلس انت ارتبطى
وهل نصدق لحديثن انك انت خلاص فشلتى؟
ونحن معاكى ضاع عمرنا وحسبتى ضدنا كم بلنتى
وهل معاكى بس بنحلم مرة واحدة نفطر ببلطى!؟
ضحكت منى ولى قالت[إلا تكون حاوى وقمرتى]
@@
وسألت الكورة سؤال مباشر ليه يا انت اداءك فاتر
ومالو جمهورك متعصب واعلامك شغلو بس إهاتر
وليه يا انت ما بتجيبى ادارى ناجح وكوتش شاطر
ومالو تحكيمك مشاتر وكل قرار بتخذو باطل
وليه تيمك ديمة راجع إما مهزوم إما خاسر
زعلت منى ولى قالت[رايحين نزيد سعر التذاكر]
@@
وفى النهاية قلت امشى اشوف السوق
ما اصلى عائز ربع لحمة وكمان طايوق
وقررت اسأل بكل طيبة وكل ذوق
ليه يا انت اسعاركم طالعة ما بتنزل وديمة فوق
ضحك زولى ولى قال[الا اكون التور مسروق]




 

رد مع اقتباس
قديم 10-27-2014, 07:23 PM   #7


ابراهيم ود الريفى غير متواجد حالياً

بيانات اضافيه [ + ]
 رقم العضوية : 10300
 تاريخ التسجيل :  Oct 2014
 أخر زيارة : 04-14-2023 (09:02 AM)
 المشاركات : 453 [ + ]
 التقييم :  10
لوني المفضل : Brown
افتراضي



ضربة البداية الشاعر {ابراهيم عباس} قصيدة {مدمن ود عمارى} من ديوانه{هترشة مذبوح}


مدمن ود عمارى هاك منى نصيحة
بقولا ليك بعبارة صادقة صريحة
التمباك مرض وعادة ذميمة قبيحة
بمرض بالسرطان وبخلى زولو كسيحة

مدمن الصعوط هاك الكلام الجد
التمباك مرض وبلاويهو ما بتتعد
وشانق السفة مبالاتو فايتة الحد
وفى كل البلاد تلقاهو أكسل فرد

مدمن الصعوط ديمة ماسكاهو حمى ورجفة
وخرمة التمباك بتسوى دوشة ولفة
وبنسى الناس جميع بتغابى فيها العرفة
وما عندو هم غير بس إقنطر سفة

مدمن التمباك لا بعرف اهل لا اصحاب
منبوذ فى المجتمع لا صديق لا احباب
فى شكلو عجوز واندادو لسه شباب
جسمو هزيل بالسرطان قالوا مصاب

مدمن ودعمارى يا ناس حالتو عصيبة
نفسيا مريض مصاب بالظنون والريبة
كايس العرس وما لافى ليهو خطيبة
رفضن البنات وبقت مصيبتو مصيبة

مدمن التمباك ما سمعت يوم بالفتوى؟
قالوا الصعوط حرام وبجيب لسيدو الكفوة
والسفيف والبنات ديمة فى كراهة وجفوة
والسفيف عمرو ما بعرس بنية صفوة

مدمن الصعوط أذكر ياخى عيالك
واعقل شوية وراعى ظروفك وحالك
التمباك مرض ببدد وقتك ومالك
وفشلك فى الحياة بكون بسبب اهمالك

مدمن التمباك وسخانة ديمة هدومو
بساهر الليالى وبهضرب كتير فى نومو
تصرفاتو طائشة ويومى زائدة همومو
ضيع عمرو كلو وراجى تمامة يومو


مدمن ود عمارى هاك منى نصيحة
بقولا ليك بعبارة صادقة صريحة
التمباك مرض وعادة ذميمة قبيحة
بمرض بالسرطان وبخلى زولو كسيحة



مدمن الصعوط هاك الكلام الجد
التمباك مرض وبلاويهو ما بتتعد
وشانق السفة مبالاتو فايتة الحد
وفى كل البلاد تلقاهو أكسل فرد



مدمن الصعوط ديمة ماسكاهو حمى ورجفة
وخرمة التمباك بتسوى دوشة ولفة
وبنسى الناس جميع بتغابى فيها العرفة
وما عندو هم غير بس إقنطر سفة



مدمن التمباك لا بعرف اهل لا اصحاب
منبوذ فى المجتمع لا صديق لا احباب
فى شكلو عجوز واندادو لسه شباب
جسمو هزيل بالسرطان قالوا مصاب



مدمن ودعمارى يا ناس حالتو عصيبة
نفسيا مريض مصاب بالظنون والريبة
كايس العرس وما لافى ليهو خطيبة
رفضن البنات وبقت مصيبتو مصيبة



مدمن التمباك ما سمعت يوم بالفتوى؟
قالوا الصعوط حرام وبجيب لسيدو الكفوة
والسفيف والبنات ديمة فى كراهة وجفوة
والسفيف عمرو ما بعرس بنية صفوة



مدمن الصعوط أذكر ياخى عيالك
واعقل شوية وراعى ظروفك وحالك
التمباك مرض ببدد وقتك ومالك
وفشلك فى الحياة بكون بسبب اهمالك



مدمن التمباك وسخانة ديمة هدومو
بساهر الليالى وبهضرب كتير فى نومو
تصرفاتو طائشة ويومى زائدة همومو
ضيع عمرو كلو وراجى تمامة يومو


 

رد مع اقتباس
قديم 10-29-2014, 07:00 PM   #8


ابراهيم ود الريفى غير متواجد حالياً

بيانات اضافيه [ + ]
 رقم العضوية : 10300
 تاريخ التسجيل :  Oct 2014
 أخر زيارة : 04-14-2023 (09:02 AM)
 المشاركات : 453 [ + ]
 التقييم :  10
لوني المفضل : Brown
افتراضي



بسم الله الرحمن الرحيم
الشاعر {ابراهيم عباس}قصيدة {طلاق وظيفة} من ديوانه {هترشة مذبوح}

طلاق وظيفة
عائز أسيبك يا الوظيفة ما اصلى ندمان من زمان
إنى إتوظفت وإنى إتعذبت وإنى فيك شفت الهوان
والسابك إنتى يا الوظيفة اسه عائش فى أمان
لا بيشحد ولا بيزهج ولا بشيل هم الدكان
القدرى سابك قالوا عرس قالوا روق ونحن فاقدين الحنان
وعائز اسيبك يا الوظيفة ما أصلى جيتك بس عميان
عائز أمشى هناك أسافر عائز أضرب ام درمان
عائز أمشى هناك أتاجر وابقى بكرة الجيب مليان
وبكرة بعمل جواز تجارى وبكرة ازور كل البلدان
ما بخلى هناك لندن وبعمل مكتب فى اليابان
وبكرة ببقى زول مروق وببقى زولا لى كيان
وبكرة بعمل ليلى علوى واشيروا ليا بالبنان
وبكرة ببنى عمارة روعة عمارة تدهش الفنان
وبكرة بخطب واحدة حلوة واحدة من حور الجنان
وبكرة اجيب الشيلة فاخرة شيلة فيها شبح كمان
وعائز أسيبك يا الوظيفة عائز أنسى مقص زمان
وبس بقولك يا الوظيفة قبل ما يفوت الاوان
إنتى طالق يا الوظيفة والمدير شاهد عيان
انتى طالق يا الوظيفة والمدير شاهد عيان
إنتى طاااالق يا الوظيفة وصدقينى ما ندمان


 

رد مع اقتباس
قديم 11-08-2014, 03:18 PM   #9


ابراهيم ود الريفى غير متواجد حالياً

بيانات اضافيه [ + ]
 رقم العضوية : 10300
 تاريخ التسجيل :  Oct 2014
 أخر زيارة : 04-14-2023 (09:02 AM)
 المشاركات : 453 [ + ]
 التقييم :  10
لوني المفضل : Brown
افتراضي



بسم الله الرحمن الرحيم
ضربة البداية مقتطفات للشاعر{ابراهيم عباس} وقصيدة{نجم التسجيلات}



نجم التسجيلات
شوفونى انا لاعب كورة
ونجم سعرو مليون دولار
وزول مرطب وجد مروق
وفى البنك عندى قروش كتار
ولاعب حريف وكمان مدلل
وبملك برادو بدل حمار
وسكن فاخر وكمان مكندش
خالى بعوضة عديم غبار
وقيود صارمة مفروضة حولى
ممنوع بتاتا حضور زوار
وبرنامج يومى لى محدد
نوم كتير كل النهار
ولو ادارى عائز انجح
اكون معاي عال العال
والصحيفة العائزة شهرة
لابد تجرى معاى حوار
وفى الميدان دائما منرفز
تسعين دقيقة فى شجار
ولو المدرب نادى لى
برفض بحزم اى غيار
ولو فريقنا هزايمو كترت
التحكيم شماعة لا محال
والادارى بقول لى هاردلك
فى التحكيم بنفتح نار
ولو لماتش يوم خسرت
جمهور بجيد قذف الحجار
ولو فى كورة يوم اصبت
ضرورى اسافر عبر المطار
وعند الهزيمة تلقانى ضالع
عامل مصاب فى رجلى الشمال
وبعد نهاية موسم فاشل
بكون مشطوب بدون جدال
وتبدأ الساقية تاااانى تدور
زى كديس يبحث عن فار
وعربات فارهة لى تطارد
وتبقى شمطة مريخ هلال


 

رد مع اقتباس
قديم 11-22-2014, 12:32 PM   #10


ابراهيم ود الريفى غير متواجد حالياً

بيانات اضافيه [ + ]
 رقم العضوية : 10300
 تاريخ التسجيل :  Oct 2014
 أخر زيارة : 04-14-2023 (09:02 AM)
 المشاركات : 453 [ + ]
 التقييم :  10
لوني المفضل : Brown
افتراضي



بسم الله الرحمن الرحيم
الشاعر{ابراهيم عباس}قصيدة{قدر ما الزول اقول اتوب} من ديوانه{هترشة مذبوح}

قدر ما يقول الزول اتوب

قدر ما يقول الزول اتوب من التمباك ومصايبو
اجيهو ابليس ناطى واقولو مااااالك سايبو؟!
ود عمارى الاصيل الكل ياخى حبايبو
حتى بنات حواء عرفن الكيف ومطايبو

قدر ما يقول الزول اتوب من الضمنة والكشتينة
ابليس اللعين اقولو الليلة جبتها شينة
كيف تسيب قعدة الاخوان وليه تبقى إضينة؟
عشان فى اللعب كيشة وللجماعة جنينة؟

قدر ما يقول الزول اتوب من الكورة والتشجيع
ابليس اللعين اجيهو جارى سريع
اقول ليهو عشان تيمك ضعيف واداءه ياخى وضيع؟
وخصمك تيمو صاح وبقدم عرض بديع؟

قدر ما يقول الزول اتوب من المسلسلات والافلام
ابلس اللعين اقولو عندى ليك ياخى كلام
منو القال ليك البتشوفو كل ياخى حرام؟
خلاص غمض عيونك وامشى فى كل شارع عام
وخلى تصدمك عربية وما القو فيك لا لحم لا عضام

قدر ما يقول الزول اتوب من الونسة وسهر الليل
ابليس اللعين اجيهو زعلان بالحيل
اقولو خلاص اقنع ناس سهاد وهديل
وبيع الجهاز واشبع نوم من بكرة ياخى عديل
وخلى النوم ابقالك بديل لصوت حنون وجميل

ابليس اللعين واضح معاهو صعبة التوبة
لعديم اليقين الارادتو جد مسلوبة
ببقى لابليس رفيق وفى ايدو بصير العوبة
وبنسيهو الذكر وحتى الصلاة المكتوبة
واهوال القيامة وكيف الناس بتقاسى كروبا


 

رد مع اقتباس
قديم 11-25-2014, 06:05 AM   #11




الصورة الرمزية ابوعمر
ابوعمر غير متواجد حالياً

بيانات اضافيه [ + ]
 رقم العضوية : 2817
 تاريخ التسجيل :  Apr 2009
 أخر زيارة : 05-29-2023 (04:38 AM)
 المشاركات : 39,168 [ + ]
 التقييم :  58
 الدولهـ
United Arab Emirates
 الجنس ~
Male
 MMS ~
MMS ~
 SMS ~
مصائب وهموم ولا اشتكي
تري الشكوي لغير الله مذله
لوني المفضل : Blue
افتراضي



ست الشنا


يا ماجدة من مليون


سنة


خلقوكى معلم للقباحة


وللشنا


اختار وليك قعر الحلل


عوجه وسليطة وملسنة


دبلومه في طول اللسان


ليسانس في العبط الجنان


دكتورة في الجن والشنا


*****


يا ماجدة كيفن بوصفك


ما أنتي قافلة علي


القباحة مهيمنة


ذعل القرد من وصفو


بيك غضب الحمار


والبقرة قاعدة ممحنه


*****


يا ماجدة ما تتخيلي


من رؤيتك حالتنا


كيف متبشتنه


ناس في الطراش


غرقانه ما بتتبينه


ناس بالمغص لواية


تعصر باطنه


وناس تحمد المولى


القدير جمل خلوقم


وزينه


ناس فكو للبيرق عديل


قايلنك الغول الجنا


*****


يا ماجدة ما قادر اصف


فعلا حقيقتك أبينه


شمبانز لا ديناصور


يجوز غوريلا


لكن فاتنة


كرعيك ماشات


للشمال


أيديك واحده مبطنه


عينيك قدين في جلد


والنخرة سبحان من بني


لا ليها معلم لا وصف


فطسه وقبيحة ومدهنه


والجبهة ذي هيلمن كسيح


صدامو بالعفسة انتني


والشفة بس قدوم جمل


تملي نازلة منتنة


يا ماجدة سبحان من


براك


سواكي عبرة وبينة


 
 توقيع : ابوعمر



رد مع اقتباس
قديم 11-25-2014, 06:05 AM   #12




الصورة الرمزية ابوعمر
ابوعمر غير متواجد حالياً

بيانات اضافيه [ + ]
 رقم العضوية : 2817
 تاريخ التسجيل :  Apr 2009
 أخر زيارة : 05-29-2023 (04:38 AM)
 المشاركات : 39,168 [ + ]
 التقييم :  58
 الدولهـ
United Arab Emirates
 الجنس ~
Male
 MMS ~
MMS ~
 SMS ~
مصائب وهموم ولا اشتكي
تري الشكوي لغير الله مذله
لوني المفضل : Blue
افتراضي



الولية المفترية


شالت النوم من عينيه


الخبيز نيرانو حيه


وشايله هم عيد الضحية


الخروف من بدري جيبو


وما تقول أنا ووب عليه


ما تجيبو صغير وناشف


وما تشمت ناس عليه


أصلي عارفاك يا مسجم


ما بتسر قلب البنية


وما بتقول أرضيها عاشه


بي غويشات أو هديه


*******


والولية المفترية


ماشه شحمانه وقويه


لو أقول أديها هرشه


تهبر أللحمه الطريه


وبي عصي المقشاشه تهجم


ذي مقاتل في سريه


كم آذت بالحلة رأسي


وكم شوت بالنار أيديه


كم وكم بالنقة ودت


روحي لي عالي العليه


بالوليدات والمدارس


والمشاكل الثــــــانويه


*******


والوليه المفتريه


علمت قلبي الاسيه


والندامة بقت حكاية


تروي للناس الاذيه


مالي مال سهر الليالي


والأناشيد الغبيه


جبته لي نفسي الكأبه


وجبته للروح البليه


بالزواج ودرته ذاتي


وخضته في النار بي أيديه


والوليه المفتريه


ماشه شحمانه وقويه


********


الوليه المفتريه


ما بيه تعرف حالتي ديه


حال موظف في بلدنا


حالتوا تغني عن الشكيه


المرتب هو المرتب


والمعيشة علي السجيه


والديون للركبة واصله


والكوابيس منطقيه


حتى في ألأحلام موكح


بالولية المفتريه


 
 توقيع : ابوعمر



رد مع اقتباس
قديم 11-25-2014, 06:14 AM   #13




الصورة الرمزية ابوعمر
ابوعمر غير متواجد حالياً

بيانات اضافيه [ + ]
 رقم العضوية : 2817
 تاريخ التسجيل :  Apr 2009
 أخر زيارة : 05-29-2023 (04:38 AM)
 المشاركات : 39,168 [ + ]
 التقييم :  58
 الدولهـ
United Arab Emirates
 الجنس ~
Male
 MMS ~
MMS ~
 SMS ~
مصائب وهموم ولا اشتكي
تري الشكوي لغير الله مذله
لوني المفضل : Blue
افتراضي



الشبشب المسروق
السرق شبشبى ان شاء الله ما يتنى
الحرامى الحقير الفيهو خاب ظنى
ما بستهال يوم العيد للزيو ا لواحد اهنى
حتى لوجانى تائب وقال لى سامحنى
شبشبى ظريف وشكلو عاجبنى
سرقو واحد خبيث فيهو جيرنى
لو باعو بى عشرين الف ان شاء الله ما يغنى
وطلبت العوض من الله والله عوضنى...
الما عزانى فى شبشبى فى ابوه ما اعزى
ولو لاقانى بالطريق انا ما بحى
الا يكون ماجيب خبر ولا ما عارف شى
عشان كدا بعذروا وتانى بسمح لى


 
 توقيع : ابوعمر



رد مع اقتباس
قديم 11-25-2014, 07:02 PM   #14


ابراهيم ود الريفى غير متواجد حالياً

بيانات اضافيه [ + ]
 رقم العضوية : 10300
 تاريخ التسجيل :  Oct 2014
 أخر زيارة : 04-14-2023 (09:02 AM)
 المشاركات : 453 [ + ]
 التقييم :  10
لوني المفضل : Brown
افتراضي



اقتباس:
المشاركة الأصلية كتبت بواسطة ابوعمر مشاهدة المشاركة
الشبشب المسروق
السرق شبشبى ان شاء الله ما يتنى
الحرامى الحقير الفيهو خاب ظنى
ما بستهال يوم العيد للزيو ا لواحد اهنى
حتى لوجانى تائب وقال لى سامحنى
شبشبى ظريف وشكلو عاجبنى
سرقو واحد خبيث فيهو جيرنى
لو باعو بى عشرين الف ان شاء الله ما يغنى
وطلبت العوض من الله والله عوضنى...
الما عزانى فى شبشبى فى ابوه ما اعزى
ولو لاقانى بالطريق انا ما بحى
الا يكون ماجيب خبر ولا ما عارف شى
عشان كدا بعذروا وتانى بسمح لى
اخونا المبدع ابوعمر لك كل الشكر على الاختيار الجميل نيابة عن صاحب البوست وامنياتنا ان يكون يصحة وعافية
حقيقة الشبشب المسروق شاعرها الاستاذ عباس الطيب الهادى من قرية كلكول ريفى الكاملين واستاذ عباس هو شاعر اغنية التراث الشهيرة {اسد الخشش الضرية}التى تغنى بها الكثير من المبدعين


 

رد مع اقتباس
قديم 11-25-2014, 07:04 PM   #15


ابراهيم ود الريفى غير متواجد حالياً

بيانات اضافيه [ + ]
 رقم العضوية : 10300
 تاريخ التسجيل :  Oct 2014
 أخر زيارة : 04-14-2023 (09:02 AM)
 المشاركات : 453 [ + ]
 التقييم :  10
لوني المفضل : Brown
افتراضي



بسم الله الرحمن الرحيم
\الجهل أكثر أرباحا من الكتب
في حده الحد بين العز والجرب

الله أكبر كم في عصرنا ارتفعت
رايات من تاجروا في ( الهلس ) واللعب !

لو كان عندي شريط للغنا مثلا
لصرت أعظم من كسرى فيا عجبي

لو كنت أعرف فن الرقص لانفتحت
لي البنوك فيا ويلي وويل أبي

فالراقصات يعشن الآن في ترف
يأكلن شهدا من التفاح والعنب

ولاعبوا الكرة الأفذاذ كم جمعوا
جوائز اللعب بالدولار والذهب

فمرحبا بغبي صرت أحسده
فليس عار عليه أن نقول : غبي !

مادام يملك أموالا نعظنه
وندعي أنه من خيرة الحسب

أضعت عمري لأجل العلم يا أبتي
وليته ضاع بين الرقص والطرب

يا ليتني لاعب أو مطرب وكفي
أو ليتني أنتمي للرقص بالنسب

لكان حالي إذا عزا وميسرة
ما أتعس الحال بين الشعر والأدب .


 

رد مع اقتباس
قديم 12-03-2014, 07:28 PM   #16


ابراهيم ود الريفى غير متواجد حالياً

بيانات اضافيه [ + ]
 رقم العضوية : 10300
 تاريخ التسجيل :  Oct 2014
 أخر زيارة : 04-14-2023 (09:02 AM)
 المشاركات : 453 [ + ]
 التقييم :  10
لوني المفضل : Brown
افتراضي



بسم الله الرحمن الرحيم
الفلس القاتل(ابراهيم عباس احمد) من ديوانه {هترشة مذبوح}

يا فلسا ثقيلا
ارهق دوما كاهلى

انى اخالك يوما
بى سمومك قاتلى
ان الوظيفة وان علت
يستحيل ان تحل مشاكلى
كم من هموم فوق رأسى تكاثرت
سهرت معى حتى الصباح الباكر
وكم من ديون عليا تراكمت
فشلت مساعى سدادها بالكامل
ولم انسى هم دينى لحظة
واسفى على سواد فوايلى
ولما يئست من وصول هدية
واى عون فى القريب العاجل

ووجدت نفسى بالهموم مكبلا
وكل دائن عن حقوقه سائلى
رفعت كفى للسماء تضرعا
عشمى عطف الكريم العادل

نقرتين لعرض الصورة في صفحة مستقلة


 

رد مع اقتباس
قديم 12-28-2014, 08:16 PM   #17


ابراهيم ود الريفى غير متواجد حالياً

بيانات اضافيه [ + ]
 رقم العضوية : 10300
 تاريخ التسجيل :  Oct 2014
 أخر زيارة : 04-14-2023 (09:02 AM)
 المشاركات : 453 [ + ]
 التقييم :  10
لوني المفضل : Brown
افتراضي



بسم الله الرحمن الرحيم
قصيدة{يا حليل الجنيه} ابراهيم عباس من ديوانه {هترشة مذبوح}

ياحليل الجنيه كان بودى السوق
تستف قفتك وتجيب معاك طايوق
وجنيه هذا الزمن بقى عديل ممحوق
ما بجيب ساندوتش ولو ببيض مسلوق

يا حليل الحنيه راح فى حق الله
تماسيح البلد اذاقوهو مهانة وذلة
مسكين الجنيه مضطهد جوة وبرة...
والحرامية الكبار هم سبب العلة

يا حليل الجنيه بقت حالتو ما بتسر
اصحاب الكروش اذاقوهو العذاب المر
حسابن قريييب محترفى الفساد والضر
ناسين الصراط وكيف فيهو الحرامى بمر؟

يا حليل الجنيه زمان كنا بنفخر بيهو
لا بساويهو الريال ولا الدولار سائل فيهو
كانت ليهو قيمة وكان املنا عليهو
ساهلة المعيشة و الاغتراب ما فى زول طاريهو

يا حليل الجنيه انتهى مع المشروع
وين القى قيمة بدون حصاد وزروع؟
تدهور الوضع خلى الجميع مفجوع
بعد الرخاء اصابنا الضياع والجوع

يا خليل الجنيه ويا حليل زمانو الفات
كانت ليهو قيمة وما ببدلوهو بالعملات
وآخر الزمن شوفوا المصيبة الجات
المهر بالدولار عند ناس ضميرن مات

يا حليل الجنيه الليلة فى الانعاش
نسوهو اهلو وضربوا منو طناش
الجنيه انتهى ونزل اجبارى معاش
وبالبترول والدهب ما بشم تانى دعاش


 

رد مع اقتباس
قديم 01-25-2015, 07:11 AM   #18


ابراهيم ود الريفى غير متواجد حالياً

بيانات اضافيه [ + ]
 رقم العضوية : 10300
 تاريخ التسجيل :  Oct 2014
 أخر زيارة : 04-14-2023 (09:02 AM)
 المشاركات : 453 [ + ]
 التقييم :  10
لوني المفضل : Brown
افتراضي



بسم الله الرحمن الرحيم

قصيدة {طالب من الله} للشاعر{ابراهيم عباس احمد} من ديوانه{هترشة مذبوح}

طالب من الله

انا اتحقق مرادى

وافارقنى عديل الفقر

وتعجل ربى باسعادى

وتزورنى ليلة القدر

وابقى يوم ميلادى

واصبح مرطب شديد

ووضعى مريح ما عادى

وصاحب شهرة واسعة

واخبارى تملأ الصحف والرادى

وينادونى باسم الامير

الكان قبيل لقب اجدادى

وتكون اعمال الامير

فى كل حضر وبوادى

وابقى تعاملى حصريا

مع ناس كبار اندادى

وابقى رجل بر وخير

وتفخر بى بلادى

واعرس البنية السمحة

ام طبيعا راسى وهادى

وفى خلاوى شيوخى هناك

اكون تعليم اولادى

وما بنسى حقوق اهلى

ما هم روحى وزادى

وما بنسى قط قديمى

والسرحة بالغنم فى الوادى

وبشكر واحمد الرازق

وبتمنى ما ارجع تاااانى لبيع جدادى


 

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مختارات لأبي عبدالله محمدبن إدريس الشافعي المتوفي عام204هـ احمد الزين مصطفي «۩۞۩-منتدى الادب والثقافة-۩۞۩» 0 10-21-2009 10:56 PM
مختارات منوعه ا ذات العماد «۩۞۩-منتدى الادب والثقافة-۩۞۩» 0 05-22-2007 08:00 AM


الساعة الآن 06:38 AM.


Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
vEhdaa 1.1 by NLP ©2009