|
|
|
|
|
|
| التميز خلال 24 ساعة | |||
 العضو الأكثر نشاطاً هذا اليوم |
الموضوع النشط هذا اليوم |
المشرف المميزلهذا اليوم |
|
قريبا |
بقلم :  |
قريبا |
|
آخر 10 مواضيع
|
الإهداءات |
|
|
|||||||
| «۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة |
 |
|
|
أدوات الموضوع | انواع عرض الموضوع |
|
#1
02-07-2013, 04:07 PM
|
||||||||
|
||||||||
بـلا عـنـوان
العفش داخل البص على مسئولية صاحبه ،،، او ممكن نقول الكتابة والمشاركة فى هذا البوست يتحمل كل تبعاتها من يدخل عنوة او صدفة ،،،، لست أدرى لماذا توقف قلمى ،،، وأبى كيبوردى من المشاركة طوال العام الفائت ،،، ولكن صدقاً أقول قد كان عام رمادة ،،، احزان ودموع وفلس ،،، بدأ العام عجولاً متسارعاً ثم ما لبث ان غرقت مراكبه فى يـم الأحزان ،،،
لا أريد ان أبدأ لكم بالدموع والأحزان ،،، وصراحة الى هذه اللحظة لا أدري ماذا أريد ان أكتبه فى هذا البوست ،،، وليس فى خاطري عنوان محدد لهذا البوست لذا فسوف اختار له اسم ( بلا عنوان او العفش داخل البص على مسئولية صاحبه ) ،،،، المهم والمهم جداً أننى أريد ان أكسر حاجز الجمود وأطوع قلمى او كيبوردى على الكتابة ،،،، لا أطيل ،،،، اطلب من الجميع فك شفرة أفراحهم فى هذا البوست ،،، وإن لم تستطيعوا فليتحمل كل منكم تبعات دخوله او مشاركته ،،،، حتما سوف ارجع ولكن لا أدرى متى ،،، ربما بعد قليل وربما غدا او بعده ،،، كل الغرض ان أقول لكل الأحباء فى المنتدي (Test One). وانا البحر الذى آوت الى أطرافه المدائن والجزائر وإتكأت السماء 
أبو علام
|
|
02-07-2013, 05:17 PM
|
#2 | |
أبو إسراء
|
ود طابت حمد الله علي السلامة
أنا زاتي جيت طافش وخوفتنا من مسؤلية العفش داخل البص لكن داير أحجز المكان دا وبرجع ليك هنا في نفس المكان بي شنط تانية هل تغير الشنط يؤثر في وجهة البص أمشي أجيب لي جريدة وأجي والكرسي الجمبي زاتو محجوز ويابتاع الترمس عليك الله زح كدا انا داير ست التسالي ديك ونادي بتاعت السمسمية كمان ربنا يدينا الفي مرادنا يقعد في الكرسي الجمبنا دا |
|
|
|
02-07-2013, 05:43 PM
|
#3 | ||
 
|
اقتباس:
والله يا البرنس الفى مرادك ده اصلو ما بيقعد هنا كدى قعد عمتك العجوز دى فى الكرسى ده شكلها كده الرطوبه قايمه عليها |
||
|
|
|
02-07-2013, 05:52 PM
|
#4 | ||
|
أبو إسراء
|
اقتباس:
إنتا دكتور ولا كمساري عاد قالوا ليك جاين من بدري ليه وحاجزين بي الجرائد ونشيل ونتلفت لي شنو شوف يا أبو أمجد ود طابت دا من الصباح يكورك العفش علي مسئولية صاحبه اها عمتي العجوزة دي علي مسئولية منو سيد الباص ورافع يدو من المسئولية أقول ليك حاجة موش السفر دا انا خليتو كلو كلوخلي ودطابت دا بس يجي يرجع لينا قروشنا |
||
|
|
|
02-07-2013, 10:37 PM
|
#5 | |
|
سلامات عوافي
اخي ودطابت عوداً حميدا يعني ممكن نوزنها علي الكتابة داخل البوست علي مسئولية صاحبها o_× والاحزان دوماً تاخذنا في دوامتها ولكن تبقي الافراح هي سيد الموقف .. قال ليك في واحد مسطول جاء البيت متاخر ابوه عمل معاه جوطة وطرده من البيت قام زعل وكتب في الباب بالفحمة : منزل خليل ابراهيم  اضحك لنري مزيد من ابداعك .. مع ودي واحترامي |
|
 نضــج الحــــــــلم ولكــــن الزمـــــــــــن هو الذي لم يســــــــتو بعد فما جدوى أن يبلغ القـــــــلب رشـــــــــــــــــداً ســــــــــــــريعاً (احلام مستغانمي )
•
فــــــوضي الأحـــــــزان !!
• في ذاكرة الغناء الســــــــــــــــــــــــــــــــــــوداني .. • تُكل السرة !!
|
|
02-08-2013, 07:13 AM
|
#6 | |
 
|
ابو اسراء
ابو امجد محمد عوض السيد صباحكم معبق بطيب الفرح وعبق الحرف الجميل الشمار كتلكم ،،،، شايفكم حجزت المقاعد الكويسة ،،،، ان شاء الله ما نخذلكم ،،، ويكون هذا البوست بمثابة فك شفرة الأفراح بحق ،،، خليكم قراب ،،،، وتسلموا على المرور ،،،، |
|
|
أبو علام
|
|
02-08-2013, 07:26 AM
|
#7 | |
|
منقول ،،،،،،،، ( الأستاذ النور وهب الله ،،،، موقع ناس طابت ) ،،،،،،،،،،،،،،،،، لقيتها مرة ماشة في الشارعحاولت اخلق معاها اي نوع من انواع التواصل, ابت تب فهرولت وراءها امني النفس بالصعود علي سطحها لم يحدث ما تمنيته الي ان جاءت اللفة ولم تخيب خيولي ظني ولكني حتي يطول استمتاعي بها فضلت ان اختبئ بين الاطارات الخلفية بهذه الطريقة لن يراني صاحبها بالتالي يطول الاستمتاع بطول المشوار لكنه طال اكثر من اللازم ومرت بطرق وعرة واوحال وطين فقررت ان اصعد الي السطح مهما كانت النتائج فعلا قفزت وركضت مرة اخري حتي يتاح لي الصعود الي السطح فجلست علي الحافة الخلفية ونظري الي الوراء استمتع بالدقداق ومنظر القباب التي اصبحت بعيدة نوعا ما حسب صغر سني ذاك الزمان ولكن لم يطل استمتاعي فقد تلقيت محطة بسوط من سيور النايلون المضفور كادت ان تذهب عقلي لولا العناية كان الخيال صغيرا لكني لم افهم لماذا لم يوقف السائق الكارو ويامرني بالنزول ؟ كنت صغيرا ولم اكن لارفض امرا مثل هذا غايتو اكلتها في حناني وجري لحدي البيت اعاني الم المتعة المغتصبة وصوت السوط علي ظهري |
|
|
أبو علام
|
|
02-11-2013, 11:33 AM
|
#8 | |
|
لسنا فقراء ،،،، ولكن مشكلتنا لا ندري هل نشترى البقرة ام الحبل .....
بالتاكيد لا نوصف بالغباء ،،،، فقد وهبنا الله ما أعطاه لبقية الشعوب ،،،، وتقدمت الشعوب ،،، وتأخرت خطانا ،،،، ولكن مشكلتنا اننا نتجاهل الغبى ،،، ونطرد من رحمتنا الذكى ،،،، نحن لا نخطط لحياتنا جيداً ،،، حيث دائماً ما تكبلنا أمثالنا وقناعاتنا ،،، تجرى جرى الوحوش وغير رزقك ما تحوش ،،،، خليها على الله ،،،، رغم ان الله قد أعطانا العقل ومساحة التفكير ...... نحن قوم نتجادل فى قشور المواضيع ،،، ونترك لـبه ،،،، لا نجتمع والإ نختلف ،،، ولا ننفرد بأشياء وإلا نوصف بالأنانية والإنطواء ،،،، تكثر أيادينا فى أكل البوش ،،،، والنفير ،،، ولكننا نختلف بعد أقرب ((لفة)) .... الأيام تجرى ،،، والسنوات تعدو ،،، ونحن كما نحن ،،، لا يغيرنا مـد الحياة وجذرها ،،، ترك لنا الأنجليز السكة حديد ،،، فسقفنا بحديدها بيوتنا ،،، ترك لنا الخواجات مشروع الجزيرة بما حمل ،،، فعقرنا الجمل وأكلنا بما حمل ،،،، كل شى كان فى الماضى منظماً ،،، وصار كل شى في الحاضر منظماً بفوضتنا وعدم مبالاتنا ،،،، نحكى عن صديق منزول ،،، وجكسا ،،،، وتأثرنا غناء الحقيبة ونعشقها ولا نرى غيرها ،،،، ونتجاهل الجديد والجيد فى الزمن الحاضر ،،،، لا جديد عندى اليوم ،،، قرفة كاربة ،،،، وخرمة لكتابة شى ،،، والرأس فاضى ،،، فقلت أتونس معاكم شوية ،،، ومازلت مصراً على ان العفش داخل البص على مسئولية صاحبه ,, ودمتم ..... |
|
|
أبو علام
|
|
02-11-2013, 02:40 PM
|
#9 |
|
اهااااااااااا
فــــــــــى ضااااااااااااااامن ولا نــفـــــــز ساااااااااااااااااااااى ........ ................. نظارة : ... ـــــــــــ ودطابت المجنون يــــــوم بجننا وحااااااااات المـَــورِمـْـــنــا ........ ............. نظارة بلا عدسة .. ــــــــــــــــــــــ هـو جنس شووووووووووووووووووووووووووووووووووووووق ....... ؟؟؟؟ |
|
<p align="center"><a href="http://vphonet.com/"><img src="images/up.gif" width="500" height="120"></a>
|
|
02-12-2013, 08:47 AM
|
#10 | |
|
الحبيب طالبابى ،،،
وحشة ،،،، وشوق بقدر ( عصرة ) المواطن هذه الأيام ،،، وتسلم على المرور ،،، وطلتك ،،، وظهورك على الشاشة ومعاك الباسطة الشامية ،،،، واصل هناك نحن قراب ،،،، وخليك قريب هنا عشان البوست دا يتوهج ويزيد حلاوة بحرفك وإبداعك .... وحات البعيدة مشتااااااااقين ،،،، ودمت ،،،،،،،،،،،،،،،،،،،،، |
|
|
أبو علام
|
|
02-12-2013, 03:05 PM
|
#11 | |
|
قبل الزواج ،،، هو ينضم ،،، يتجمل ،،، يكذب ،،،، يراوغ ،،،، وهى صامتة تحلم وتنتظر ضربات الجزاء . اما بعد الزواج فحتماً سوف ينطفئ البريق ،، وتهدأ ثورة الحب والهيام ،،، وتبدأ هى فى الكلام ،،، الثرثرة ،،، المناورة ،،، والقتال ثم الجلوس على مقاعد المتفرجين ،،، ليغوص صاحبنا فى دوامة الحياة الرتيبة وهو صامت لا يقوى على الكلام او حتى لغة الإشارة . تستلم ام العيال مفاتيح كل الأمور ،،، وتقود دفة الحياة الى الجهة التى تريد ،،، ويقبع صاحبنا فى ركن قصى يبكى أيام حبه وهيامه ،،، ويتذكر أيامه الخوالى ،،، ورقة وحنان حبيبته قبل حفلة الزواج ،،، وجزء من شهر عسله . ( ما قلتوا نـوبة ) ،،، يا صاحبى تلك هى سيناريوهات الحياة ما قبل وبعد الزواج ،،، ( اوع تدقس ) وترمى كل ما لديك من طعم أيام الإقتران ،،، فالحياة تختلف شكلاً ومضموناً بعد ان يتفرق الجميع ،،، ( ويلموا كراسى المناسبة ) . فهى قد تصبر عليك شهور وربما سنوات قبل ان يأتى المأذون ،،، ولكن عليك ،، بل لزاماً عليك بأن تصبر عليها طوال العمر ،، ثرثرة ،، كلاماً ،،، وصبراً جميلاً . واياك والمناورة بعد الزواج ،، تحديداً بعد المولود الثالث ،،، فأقل ما توصف به بعد ذلك هو الخرف ( أنت يا راجل خرفت ولا شنو ،،، يا أولاد أبوكم دا كلامو كتر ،،، خرف ولا شنو ) . اما إذا أردت الهروب من ذلك العالم الملئ بالتضحيات ،، فيا خوفى عليك من الوحل والطين ( وفليع الحجار ) ،،، ( تعرس فينى يا راجل ،، إنت حيلتك شنو ،، إنت هسع عندك شنو ) ،،، يعنى أما ان ترضخ لواقع مرير ،، او تذهب لمستقبل مجهول ،،، وفى الحالتين انا الضايع ،،، وما لاقى البريحنى .
ثرثرة زوج تائب ،،، ومازال العفش داخل البص ،،، ومازالت المسئولية على صاحبه ،، والراجل فيكم يدخل البوست ،، والقنعان من نفسو يشارك بشوية كلام ... |
|
|
أبو علام
|
|
02-12-2013, 04:07 PM
|
#12 | |
|
ودطابت تحياتي
بلا عنوان معناها بلا قيود بلا تكبيل ومدام الجماعة كلهم إتحللوا من المسئولية نحن ذاتنا نكتب والرهيفة التنقد ( هي ذاتها كلها رهيفة ) . عجبني كلامك بتاع الماضي ده لأننا بصراحة بلا حاضر وعلي قولك عائشين علي كنا وكنا عارف لايه ؟ لأننا شعب مهزوم ومغلوب 6/صفر والسبب كل حراسنا ( شعيرية ) . دعنا من كل ذلك صحي كثير من السؤال إشتياق وكثير من رده تعليل ؟ إن سألتني أنا ما عارف ولايه ما عارف ؟ عشان ببساطة ما عارف ,,!!! أقول شي تعال نغير الموضوع رائك شنو نسفك دماء المحبين هنا ؟ الطالبابي بـ هناك كبه جرسة ذي الورد علي بساطة رصع جواهر الولة شامية وسودانية وسمسمية والعرمة شديدة آها نقول شنو ؟ الدمعة في الخد والثكلي إجيب ود الصرة عاد جنس ده إقولوا فيه شنو ! وزولنا حالته ضيف جاش الحب وفاض تعرف أنا زمان غنو لي يالمنصوري عايزاك ضروري 8 بكاسي والتاسع لوري ياربي المافي شنو ؟ الهمر موجود والفولفو متوفرة أقول ليك شي خلي الطالبابي إبكي ما كلنا قاعدين نبكي كلو زول إجعر بطريقته آححححححححححححححح عديل كده اسمع في زمن الفلس إنعدم الكلس وعنقد الترس وإنقطع النفس وإتلحس وماااااااااااات لكن للأسف في الجفون سر . فهمت حاجة ! عارفك لماح خليها في سرك . صدق من قال : ثلاثة حاجات عائزة قوة إضافية الحياة والنساء والإبل كده إنتهي التوهان - المعذرة ود طابت معليش حبيت إشاركك بس بشنو ؟ ما عارف . سلام . |
|
|
|
|
02-12-2013, 09:19 PM
|
#13 | ||
|
اقتباس:
المنصوري ،،،، أرتال من الشوق ،،، وشاحنات من الود والتقدير طلتك بهية ،،، ومرورك يثلج الصدور . هو كما تفضلت ،،، بوست بدون عنوان ،، وبدون فرامل . قل ما شئت ،،، ونحن بنكمل الباقى . وموافق على تغيير خارطة الطريق ،،، ولنعرج حاملين أقلامنا ،، وذلك لسفك دماء المحبين والمتجرسين . الطالبابى قلم جميل ،،، ليته ينداح فى هذا البوست ،،، على الأقل هذا البوست بدون فرامل ،،، وبدون رسوم عبور ،،، ( شوت ضفارى ،،، أفتح النيران على تلك الوجوه الجميلة والآثرة ) . دعنا نكتب عن الحب ،، الجراح ،،، والحزن والهيام ,, لا احد يملك حق الرفض ،، وليس هنالك مقص رقيب ،،، فلنفتح النيران ،،، ولنكتب دون قيود ,,, بكرة فجر سوف أبدأ لكم الكلام عن الحب ،،، وأشرك للطالبابى هنا ،،، ونخليه يجينا بسمسميته وباسطتته ،، ومحل الرهيفة تنقد ... سوف نغلق مؤقتاً كل البوستات ،،، وليكن كلامنا فى الحب ،،، تعال يا منصورى ،،، وانا عارف طالبابي بيجى برااااااااااهو ,, اصلو بحب الكلام الجميل والمعسول ،، وتانى راجع يا منصورى وإشتياقي ،،، وحبى ,,,,, |
||
|
أبو علام
|
|
02-13-2013, 08:32 AM
|
#14 | |
|
أبو إسراء
|
ياخ دا موش العفش بس
الركاب زاتهم داخل البص علي مسئولية أولياء أمورهم ودطابت طبت اينما كنت الطالبابي أشفق.... يامنص ماتصلبت الغنية دي قالوها في عموري موش في المنصوري بوست بنكهة ودطابت النكهة المميزة والطعم المختلف لي عودة |
|
|
|
|
02-13-2013, 02:24 PM
|
#15 | ||
|
اقتباس:
البرنس يا جميل ،،،
أدخل عليك الأمان ،،، بوستنا بدون عنوان ،،، بدون فرامل ,,, قل ما شئت ،، أكتب ما تريد ،، فنحن نقبل كل فواتير الحب الآجلة والسابقة ،،، نمزق فواتير الأحزان ،،، ونجمل بحروفنا ساحات الفرح ,,, أدخل يا برنس ،،، فأن فرحت ،،، فرحنا معك ،،، وكان بكيت ،،، فلتبكى وحدك ،، فقد نضبت مواعين دموعنا ،،، وبرضو العفش وأصحابه على مسئوليتهم ،،،، وحازر من لفة أم مغد ،،، ومطبات الكاملين العبدلاب ،،، ورموش البنت السمحة ،، أصلو قالوا ،،، صَدَقَـتْ مَواسِمْ رَجعَتَـا … عُصفورة في لونْ الطَـلِحْ طـاعِمْ كلامَـه أصيلَة جَـدْ … كِسْـرَة بِـشـويّة مِـلِـحْ أكَلوهـا ناسْ البينَّـا عامْـرةْ … وقالوا لي رِمشِـكْ رِمِـحْ ******** رِمشِـكْ سَـنينْ أقواس قزحْ … مُصـلايَة فوقا حبيب سَمِـحْ رِمشِـكْ ملابِسْ وقْفَـة عندْ تَرزِيّـةْ … والسُـوقْ مُنْشَـرِحْ رِمشِـكْ تصاريفْ الخريفْ .. ومطرْ حزينْ .. يشـفى الجَرِحْ منْ آدم الكَتَـم الصَبابَـة … غيرْ عُيونِكْ مافْ رِبِـحْ ******** رِمشِـكْ مَجـاديعْ البِجَـا أفواجْ بناتْ … حَرِبْ دُيوكْ … أسيادْ لَبَنْ مُتفَرِّجَـه وعروسْ عَرَب وسطَ السُيوفْ … بَرَّاقَـا زَيَّنْ هَـودَجَـا رِمشكْ حياتْـنا مِهَـدَّده … ورِمِشكْ جِـراحنـا مجَدِدَة رِمِحْ قَبَايلْ بِنْجِـدَا طيرْ بيرْ وِقيفَـة مُعَـرِّجـه وهِلالْ هَـالْ نَوَّرْ دُجَـا دَسـوهُ في مُخْـلايْة إبِـلْ زمَـنْ الضواحي مِهَـرِّجَـه عَرضُـوهُ وكْتَ الضِيقْ حَصَـلْ … عَرضوهُ في ضَـو مَسْـرَجَـه ******** أنا قبلِ ما أعرِفْ رِموشِـكْ … كانتْ أفراحي المآتِـمْ أنـا قبلِ ما يا غزالْ أحُـوشِكْ … كنتَ ما بعرِفْ طلاسِـمْ أنا قبلِ ما يا طيور أنيشِـكْ … كنتَ مفقُـودْ في المَواسِـمْ ******** آه يا وطَنْ في عُيونَه هايِـمْ يا مَراكِـبْ سِـيدا نايِـمْ يا شَـواهِدْ في قبورْ أجدادْ .. مَـزارْ ومَقِيلْ بهايِـمْ يانهاراً حَـارْ .. وزِيرْ في النِـيمْ ونَـقَّاعْ صَحَّـا صَـايِـمْ يا مَناديلْ شَـرّتِنْ بِتْ في الأصِيلْ … غِـشَـتِنْ نَسَـايـِمْ يا بناتْ بلدي النَواعِـمْ يا عَسَـلْ يا جُوزْ حَـمايِمْ يا طُيورْ سَـكَنَـتْ عُيـونـَه يا فَرَحْ كُونْ وأبقى دايِـمْ |
||
|
أبو علام
|
|
02-13-2013, 10:02 PM
|
#16 | ||
|
أبو إسراء
|
اقتباس:
الجميل صاحب الحرف الذي يجعلك تنسي كل الهموم ويدخل الفرح الي قلوبنا دون إستئذان عزيزي سعدت جدا بوجودي هنا ولا أخفيك القول بانني أجد نفسي دائما حيث تكون ولكن بعض الأحيان تأخذنا مشغوليات الدنيا وقليبي الإنتو مالكنوا ضيعتوهو من بدري والدمعة زارفة وإنتو بتقولوا مجنون وإنتو جنوني ياحلوين عزيزي ود طابت هذا المكان احب إلي نفسي من أي مكان وإنتا طبيبي ومرت الأيام كالخيال أنسام ومريت مرة نعيم زي الخيال أحلام مريتو مرة نعيم خليت وراك هموم ماكان ملكني هواك وياريت هواك ماكان أنساني آآآآه لو تنسي وأنا بي رضاك راضي طول عمري ولو أعيش علي الماضي تأكد أن لي عودة إلي هذا المكان ماإخترت بقلبي سلوي تحيدو عنك . مودتي ياغالي |
||
|
|
|
09-18-2013, 09:27 PM
|
#18 | |
|
مونتي
|
طارق عبد الغني ود طابت
من غير حضورك واصلني نورك رغم المسافة البيني بينك برضو اشواقي بتطولك |
|
|
اشهد ان لا اله الا الله محمد رسول الله
|
|
09-20-2013, 07:15 AM
|
#20 | ||
|
اقتباس:
منتصر الجميل
تحيات مطر وصلني لومك بعدم التواصل معك ،،،،، ولكن الغائب عذروا معاهو ،،، والله كنت خارج الشبكة ،،، سافرت خارج البلد ،،، ولكن الوعد بالتواصل ،،،، وحتماً سوف تجمعنا الفتة الجميلة بمحلكم العامر ،،، ارتال من الشوق وكميات من الود والمحبة ،،،، |
||
|
أبو علام
|
|
09-20-2013, 07:17 AM
|
#21 | ||
|
اقتباس:
سبنة
لك التحية ،،،، وتسلمي علي المرور ،،، بصراحة المنتدي كان فارق علينا ،،،، وفرقنا من الجميع ،،، وعلي رحاب المنتدي دوماً نلتقي ،،، |
||
|
أبو علام
|
|
09-20-2013, 01:38 PM
|
#22 | ||
 بيتحقق
|
اقتباس:
العزيز ود طابت
حمداً لله على سلامتك لك كل الود فى انتظار ان نتنفس حرفاً تنتقيه ... امتنانى |
||
|
|
|
09-20-2013, 01:42 PM
|
#23 | |
|
ود طابت
بركه الشفناك طيب متشوقين لمطالعة احرفك المموسقه |
|
|
•
اللازمة دي حقت منو ؟
• مستشفى الاطفال والسقطة الكبرى .... بالصور • مشرحة الحصاحيصا و هجوم العاجزين
|
|
09-20-2013, 02:52 PM
|
#24 | ||
|
اقتباس:
بيني وبينكم ود ومحبة ،،،،
غاب عنا المنتدي ،،،، وغاب الفرح عن دنيانا ،،، ثم عاد المنتدي ،،، وعدنا نحمل فى أيدينا باقة ورد لكل الأحباء ،،، سلمت أخي ياسر علي المرور ،،، والوعد بأن نتواصل ،،،، نتوانس ،،،، ونمد حبل الود والأخاء ،،، دمت أخي ،،، وخليكم قراب من أجل هذا المنتدي الرائع ،،،،، |
||
|
أبو علام
|
|
09-20-2013, 02:58 PM
|
#25 | ||
|
اقتباس:
وانا يا لورد في شوق للتواصل معكم ،،،
فقد طال الغياب ،،،، هذا المنتدي وأهله جزء مني ،،، ولا أستطيع ان أبعد عنه إلا للشديد القوي ،،، عدنا يا لورد ،،، وأتمني ان تعود حروفنا تعانق شوقنا لكم ،، تسلم علي المرور الكريم ،،، ومعاً لأجل رفعة هذا المنتدي العملاق ،،،، |
||
|
أبو علام
|
|
09-20-2013, 03:34 PM
|
#26 | |
|
حملت متاعي فى إجازتي الفائتة ،، وقررت الذهاب للخرطوم ،،، لقضاء بعض حوائج الزمن التي لا تنتهي .... ربما يومان أو أسبوع ،،، المهم ان تنتهي مهمتي فى كرش الفيل فى أسرع وقت لأعود الي حضن جزيرتي بأقل الخسائر ... بعت سيارتي وعلي ان أتحمل تبعات المواصلات والجري والرحيح ،،، وفي البال بأن الرحلة لن تطول كثيراً .... الخرطوم مدينة سريعة وصعبة المراس ،،، ولكن لابد مما ليس منه بد ... دخلتها صباحاً وأخذت أتلمس طريقي بالسوأل عن طريق سير المواصلات ،،، وبدأت المعاناة ... أجهل تماماً خارطة الطريق والمواصلات ،،، فقد قامت السلطات المحلية بتغير كل شي حتي تلك الكافتريات التي نعرفها وتعرفنا ... أغرقتني الخرطوم ليومان فى بؤسها ،،، وعرفت ميدان جاكسون ،،، موقف الإستاد ،،،، كركر ،،، وشروني . كانت رحلات مارثونية بالأرجل بحثاً عن المواصلات وخط سيرها ،،، مللت إنتظار التكاسي والأمجادات ،،، ونضب معين جيبي من الصرف المتواصل ،،، وأخترت أصعب الطرق لقضاء حاجتي عن طريق المواصلات ... زحمة وسوال وإجابات تلغرافية وتعب وعناء ،،،، الحافلات ومواقفها ،،، الهايسات ومشاكلها ،،، بصات الوالي وصعوبة الحصول عليها ... المهم تورمت الأرجل وتعب الجسد المنهك فى سبيل الظفر بمقعد فى إحد المركبات .... إمتدت رحلتي لأسبوع من الزمان ،،، وعرفت لحظتها بأننا إما ان نكون كبرنا ،،، أو كبرت معاناتنا ،،،، يبدأ يومي بالإنتظار فى المواقف ،،، ويبدأ الجري خلف المواصلات ،،، نسابق الريح والزمن دون فائدة ،،،، تغيرت خارطة الخرطوم ،،،، وزادت معاناة الناس ،،،، وحمدت الله علي جزيرتنا وهدوءها وسهولة الحياة فيها .... مساحات الخرطوم تملاءها السيارات والناس والمباني العالية الشاهقة ،،،، ويصعب التحرك فيها ،،،، المسافات ابعدتها إصلاحات الوالي ،،، وصار من المستحيل ان تكمل مشوارين فى لحظة واحدة ،،،، يبدأ اليوم صاخباً هائجاً وينتهي كما بدأ عليه ،،، لا شي يسهل فى رحاب الخرطوم ،،، حتي الزمن لا حساب له وسط زحمة الموصلات ومشاكلها التي لا تنتهي ... مواقف مشتتة المواقع ،،،، طرق مزحمة رغم المعالجات التي تمت ،،،،، معاناة تطال الجميع ،،،، سواء كنت تستخدم المواصلات أو صاحب مركبة خاصة ... والسوأل الي اين تتجه خطي البلد ،،، والي متي تنتهي معاناة هذا المواطن المغلوب علي أمره ،،،،،
.gif) |
|
|
أبو علام
|
|
09-20-2013, 05:57 PM
|
#27 | |
|
الجميل انيق الحرف ود طابت
حمدا لله على سلامتك وسعيد جدا انا بمطالعة حرفك الخرطوم هذه العاصمة العجيبة سكناها ولم تسكننا واحتضنتنا قهرا ولم تحتوينا عاصمة لا تعرف قيمة للانسان ولا الزمن لها الله ولنا الله رد الله غربتك وغربتنا جميعا اخى ود طابت |
|
 جاييك يا آخر المواني من ظلمة البحر الممدده في الفراغ ... جاييك من غربة الجزر المسورة بالهواجس والضياع جاييك معاي ملح التجارب ذي محارب مجروح و خايض في الغبار لكني ثابت في المدى واقف أنا ودايس على الإبر المسممة بالكلام علمني غدر الناس أشوف واتحدى نار كل المصائب ..والظلام..
•
الحصاحيصا تحتل الفضائيات السودانيه
• مبدعون ومشاهير من ابناء مدينتى الحصاحيصا • ذكرياتى واجمل الايام فى مدينة الحصاحيصا
|
|
09-21-2013, 05:55 AM
|
#28 | |
|
الصباح الباهي لونك ،،،
الجميل ود الحصاحيصا ،،، تسلم على المرور ،،،، وحقيقة كم انا سعيد بعودة المنتدي وأهله ،،، وكل الأمل بأن يتواصل هذا الأبداع ،،، نكون قريبين من الجميع ،،، نتبادل الحرف ،،،، الأفكار ،،،، نعرف أخباركم ،،، ونمد جسور التألف والمحبة ،،، لك التحية والتجلة ،،، ودمت أخي أمين ،،،،،، |
|
|
أبو علام
|
|
11-25-2013, 12:47 PM
|
#29 | |
|
يا شباب ،،،
البوست دا جبتو من الخور ،،، إطلعت عليه اليوم بتمعن ،،، لا مانع من المواصلة فيه ،،، بدل ما يغرق فى الخور ،،، ونواصل ××××× |
|
|
أبو علام
|
|
11-28-2013, 04:20 AM
|
#30 | ||
|
اقتباس:
عارف الخور الليلنا ده فيهو درر عديل كده و بوستات دسمه و شبعانه و بتستحق المتابعه اكيد |
||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| كـن ذا حــدود .. ولا تكـن بـلا قـيود | طالبابي وافتخر | «۩۞۩-منتدى الحصاحيصا الحر-۩۞۩» | 2 | 06-08-2010 06:31 PM |
 |
 |
 |
|
 |
العرض العادي
