|
|
|
|
|
|
| التميز خلال 24 ساعة | |||
 العضو الأكثر نشاطاً هذا اليوم |
الموضوع النشط هذا اليوم |
المشرف المميزلهذا اليوم |
|
قريبا |
بقلم :  |
قريبا |
|
آخر 10 مواضيع
|
الإهداءات |
|
|
|||||||
| «۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة |
 |
|
|
أدوات الموضوع | انواع عرض الموضوع |
|
#1
11-10-2011, 06:38 AM
|
||||||||
|
||||||||
الغناء السودانى بين الرمزية والرومانسية
الأعزاء أبو أمجد محمد الفاتح إيهاب أبو حراز البرنس عيد سعيد وقبل ما أقول كلامى أرجو التأمل ****************** كل لحظة بتمر على انت فى خاطرى وعينى فى حياتى قبلك انت عشت قصة حب قاسية لسه ما زالت بقلبي ذكرياتها المره باقية لما احلق فى وجود و كنت بقيك سعادتى باقية لكن انت هدمت املى كل لحظة بتمر على انت فى خاطرى وعينى انت فى فنى البعيشوه فى المدى فى الابدية قدر ما احاول اخاصمك وانسى احزانى واساها واكتم الغيرة الفى قلبي واطوى جرحى فى الحنايا القي اثرك فى حواسى و خطاى القى كل الدنيا حولى انا لوعارف خصامك لى ايامه بتطول كنت ما اترددت لحظة لما حار بى الدليل انسى ظلمك وارجى حلمك وانسى كل الراح قبيل اصلوا حبك فوق ارادتى **************************** وكتين يضيع عرق الجباه الشُّم
شمار فى مرقة .. آه .. يا نورة آه من دربك التوّر نفس خيل الصبر فتـّر خطاوى الشوق وراه .. يانورة .. آه ساعة الشموس الغُر تهضلم تلحق الصِّح .. فى المغارب يستر الضو الكهارب تستر المدن السرابية .. الضبابية الكآبة حائط التيه .. والطشاشات .. فوق قفيِّك يا أمْ عوارض... يا أمْ عوارض .. ما دُعاشة ماها شبـُّورة وتقيف .. جايى ليك يا نورة غيمة تملا ماعونِك خريف يملا عينيكى ويفضـِّل يروى جوّاك العطاشا ***** يا نفس فجر القصايد يا بلادى القطع قلب الروادى .. بى اللّواج الجاى .. وغادى ماهو صوتك .. لاها صورتك دى البترقش نادى فوق صدر الجرايد إنتى يا حُضن الصحارى شُفّع العرب الفتارى البفنـّوا الشايلا إيدمْ ويجروا كايسين القطارى لا سراب الصحرا .. موية ولا حُجار سلّوم .. موائد حالكم البصرخ وينادى ياوطن عز الشدائد ***** يا هُدى الناس الحيارى يا ندى الفجر الببلِّل نور عِوينات الفقارى جايى ليك يا نورة آفة .. للسوس البنقـِّر عود عِشيماً داخرو فيك أصلى لمـّن أدور أجيك .. بجيك لا بتعجّزنى المسافة ولا بقيف بيناتنا عارض لا الظروف تمسك فى إيدى ولا من الأيام .. مخافة يا نفس فجر القصايد ما ضِهِبْ فى بعدى عنـِّك أصلى متغرِّب عشانك راضى بى الجايينى .. منـِّك ما شكيت شُح اليالى .. وما بكيت نُحْ .. شِلتوا حالى رغم إنو الحال بيفضح إلاّ كٌتْ فى الحارة بصرُخ : يا وطن عِز الشدايد 
أبو علام
|
|
11-10-2011, 06:47 AM
|
#2 | |
 
|
كانت لنا جلسة فى مكتب الجميل ابو أمجد تكلمنا كثيراً وكانت لحظات جميلة ورائعة دار حديثنا عن الأغانى السودانية الرمزية الرومانسية تقاربنا تباعدنا فى بعض النقاط والتفاصيل ولعموم الفائدة وإثراء النقاش آثرت بأن أنقل لكم هذا الموضوع وأواصله عبر المنتدى وأرجو من الجميع التداخل وبصفة خاصة أدعوا أطراف النقاش بالمواصلة لمحمد الفاتح راى ولى راى وأرى ان أبو أمجد قد أعجبه الموضوع والبرنس إيهاب أبو حراز لهم أرائهم نواصل -------- |
|
|
أبو علام
|
|
11-10-2011, 09:23 AM
|
#3 | |
|
الأن قد ادركت بعض خصائص الكون الرحيب
فلا مفر من الحبيبةِ سوف اصنعها لتكتب عن دمي نثراً وتصنع ثورةً للحلم والوطن الحبيب سوف اصنعُ لي حبيبة سوف اصنعُ لي وطن المبدع ود طابت تحياتى وكل عام وانت بخير اشكرك جدا على إكرامك لنا وانت تجعلنا حضورا ومشاركة فى هذا الحوار الجميل وما اجمله واطيبه من حوار ونقاش بداء ثرا وسيتواصل إثرأه من خلال هذه المساحه فلك التحيه وفى انتظار متابعة مداخلات الاخوه بالمنتدى وارجو ان يشكل العزيز ازهرى محمد على حضورا فى هذا البوست فمداخلته لها بعدها الخاص لك الشكر اخى ومزيدا من الإثراء والابداع لهذه المساحة |
|
 جاييك يا آخر المواني من ظلمة البحر الممدده في الفراغ ... جاييك من غربة الجزر المسورة بالهواجس والضياع جاييك معاي ملح التجارب ذي محارب مجروح و خايض في الغبار لكني ثابت في المدى واقف أنا ودايس على الإبر المسممة بالكلام علمني غدر الناس أشوف واتحدى نار كل المصائب ..والظلام.. 
•
الحصاحيصا تحتل الفضائيات السودانيه
• مبدعون ومشاهير من ابناء مدينتى الحصاحيصا • ذكرياتى واجمل الايام فى مدينة الحصاحيصا
|
|
11-10-2011, 01:19 PM
|
#4 | |
|
امينا الأمين
يا جميل كل سنة وانت طيب والسنة الجاية كما تشتهى وترغب تحية بقدر طموح الغلابة والتائهين فى دروب الغربة شكراً جميلاً للمرور بدأ هذا الحوار بمكتب الحبيب ضياء لكنه لم يكتمل بعد آثرت فتح بوست بذات الموضوع حتى يتواصل فيه الجميع ونسمع فيه كثير من الآراء هذا البوست للجميع ولكل مهتم بالأدب والشعر والغناء أرجو من الجميع التداخل وإثراء البوست بالنقاش . شكراً حبيبنا أمين وخليك قريب |
|
|
أبو علام
|
|
11-12-2011, 01:20 PM
|
#5 | |
|
عيد سعيد وكل عام والجميع بخير يظل الغناء السودانى دوحة ظليلة نتكئ عليها كلما ( كتمت ) علينا الحياة بحرها (وسمومها ) ، مفردة جميلة وأنيقة وموسيقى رائعة وأداء متفرد من العمالقة والمبدعون . كانت الحقيبة هى البدء ولازالت أغنياتها تتربع على عرش قلوبنا من حيث كلمات أغنياتها وألحانها الشجية ، وجاء من بعد ذلك أساطين الفن والشعر حيث عطروا سماءات الأبداع بأجمل الدرر ، وسبحنا معهم فى بحار إبداعهم . ولكن ---- فى الفترة الآخيرة طفت على سطح مسيرة الغناء أغانى تختلف شكلاً ومضموناً عن مثيلاتها من الأغنيات . وهنا إختلف الناس حولها ما بين مؤيد ومعارض . نفتح باب النقاش فى هذا البوست عن أغانينا الجميلة وظاهرة غناء ما يسمى ( بغناء المعاناة والرمزية ) . هى دعوة للنقاش . ****************** النموذج الأول فتاح يا عليم رزاق يا كريم صلى على عجل همهم همهمة حصن للعباد وهوزز سبحتو ودنقر للتراب هم فوق هم همـة صنقع للسما وكان فى الجو فى غيم وكم نجمات بعاد وكان الدنيا صيف لا قالتو كيف كيف اصبحت كيف لا لمسة حنان لا لمسة وداد لا رمشة طريف من قلبا وفى زى ايام زمان ايام الدفى *********** كانت ماهـا فى كانت فى المراح شدتـلـو الحمار تحلب فى الغنم لى شاى الصباح والطير ما نضم ما رسل نغم عم عبد الرحيم اتوكل نزل فى المشرع لقا زملان الشقا الجا من الجريف الجا من الجبل عل الناس بخير صبح هاظرم نقنق ناقرم غاظوه نعل وعم عبد الرحيم ما بخبر زعل كل الناس هنا ما بتخبر زعل تزعل من منو وتزعل فى شنو كل الناس حنان كل الناس صحاب كل الناس اهل والماهم قراب قربم العمل الطاق اليطق عشت ابو الزمل بالحالة العليك بالفال بالامل ********** عم عبد الرحيم كت فتاح فى يوم فى ايدك تنوم على كيفك تقوم لا دفتر حضور لا حصة فطور تقرع بالقمر تزرع بالنجوم لكن الزمن دوار آ بدوم عم عبد الرحيم ماشى على الشغل فى البال القديم اتعارض تكل تنشايح جراح .. يا كيف الغسل ؟ الدنيا ام صلاح تبدأ من التكل من حج الصباح فى حق الملاح فى اللبس الجديد فى القسط القديم وبيناتن عشم فى الفرج البعيد ******************
النموذج الثانى والله بيناتنا المسافة والعيون واللهفة والخوف والسكون رنة الحزن البخافا تعدى بالفرحة وتفوت وامشى بالحسرة واموت الامانى الفى سفر قبل الزمن كايسة الموانى يوم تجيبنى عليك بصدق انو مرة الحظ طرانى واحتوانى معاك شجن وعذبنى قلبك ولسه منك جاى تانى تمشى وين الخطوة عنك ماالزمن بالحب بلاك وابتلانى والله بيناتنا المسافة فى عيونك يامدائن يامدائن الفرحة والحب والجسارة عندى ليك مليون بشارة الف طيف والكلمة شارة انت لما الحب يهون فى عيونى وفى عيونك يبقى حائر بالامارة الفرح منك يجينى ويعترينى الخوف عليك خطوه منك خطوه ليك راجى منك بس اشارة كلمه تدينى البشاره |
|
|
أبو علام
|
|
11-12-2011, 01:47 PM
|
#6 | |
|
النموذج الأول أهلى الغبش ديل اهلى الغبش...وكتا بكير مرقو النفير شالو النهار حتى العصيرما كل يوم ولاقصريوم امل الغبش ينزل سحاب يروى الارض ويحيى التراب العيش يطول وقت الحصاد زرعا غزير ما انضرو صحا الخريف والفرحه ضوت فى العيون هان التعب و الدمعه جفت فى الجفون كان العشم عشم الغبش الزرع يطول فوق ما يقصرو لاكن حصل و الليل سهاد جاهم جراد اكل الحصاد فاتو ناس بين الكساد شالو العقاب وما فضلو ديل اهلى الغبش وين يشدو ويقبلو ديل اهلي الغبش وين يشدو ويرحلو |
|
|
|
|
11-12-2011, 01:56 PM
|
#7 | |
|
النموذج الثانى مرحبتين بلدنا حبابا..حباب النيل حباب الغابة
ياها ديارنا نحن اصحابا..نهوي عديلا ونرضي صعابا بنعشق شمسها الحراقة وتلهب في قلوب دفاقة نحن شعارنا حب وصداقة للناس الصفت اخلاقا نحن بلدنا بي خيراتا البلد البتشبها ياتا؟؟ هي حياتنا واحنا حياتا وما بندور بلاها وحاتا نحن بلادنا نتحدابا بي خيرا الوفير وشبابا لو ننهض جميع بصلابة ما بتلقونا تاني غلابة بسواعدنا راح نبنيها وابدا ما بنفرط فيها لو كان فتنا من واديها لو قبلنا من واديها من وين تاني تلقي الجيهة؟ في أخلاقنا في عاداتنا إشراقات تميز ذاتنا نحن حميدة سمحة صفاتنا من أجدادنا ومن أبواتنا لازم نبقي سمحين سيرة وطنية وامانة وغيرة نحن بلدنا لينا مصيرا ومين عند غيرنا تلقي نصيرا؟ في تاريخا مافي مثيلا..بدرقا وسيوفا وخيلا نتحزم بلدنا نشيلا..دون افكار علينا دخيلا نخلص ونمشي بروح واعية..لوحدتنا دايما داعية زي كل الشعوب الساعية..لسمعة بلادها مراعية طريق الوحدة ياهو اللينا..حيبقي امانة في عينيننا حجر الوحدة كم رسينا..ومن أفريقيا ولعند سينا بظل الوحدة اتظلينا..ولكل العقد حلينا متشابكات جميع ايدينا..وبنتمم جميع ما بدينا |
|
|
|
|
11-14-2011, 04:54 PM
|
#8 | |
|
تفرد المبدع السوداني
اخي العزيز جدا طارق اسف جدا كنت ابحث عن اناهيدنا فوجدت بوستك الجميل فحقيقة كما تعلم انني اعترفت في اكثر من مناسبة فانني اتحاشي الكتابة ببديع اللغة فافضل اللغة العلمية المختزلة بدا بالعنوان الي الختام و لكن تعجبي مواضع الجمال عند كتابنا فالاديب السوداني تفرد بلغته الجميلة و ذلك لثقافته الواسعة و تعدد الثقافات الشعبية السودانية و تعدد مدارس الادب السوداني ( افريقية ،عربية ،غابة و صحراء ، سودانوية ) و تمكن السودانيون من نواصي اللغة العربية بانتشار مدارس القران و اقصد بها الخلاوي و خروج الشعر و الادب من هذه الخلاوي اخي اعجبتني النماذج اعلاها و حتما لي هنا عودات باذن الله و التقيك لو بعمرنا بقية باذن الله
|
|
|
|
|
11-14-2011, 07:51 PM
|
#9 | |
|
اخى العزيز ود طابت
اشكرك كثيراً على طرحك لهذا الموضوع الجميل انا بكل صراحه اتعاطى مع الغناء وفق مقاييس ثابته فالغناء عندى عمل فنى متكامل يجب ان تتوفر فيه مقومات معينه منها النص اللحن الاداء فالنص هو اشبه (بالبصل للحله ) باعتباره مكون اساسى اذا كان رومانسى او رمزى فالمضمون هو الثمره يأتى بعد ذلك اللحن فيجب ان يتماشى مع النص (فرحاً وحزناً) اما الاداء فهو يعتمد على فهم المؤدى واستيعابه للنص و اللحن واختيار الاسلوب المتوافق والذى يجبر المستمع على معايشة النص سقت هذه المقدمه لكى اصل الى فكرة البوست والتى تدور حول المقارنه بين الغناء الرومانسى والرمزى وان كنت لا احب المفاضله بين (الندين) فالشعر عندى هو رسم بالكلمات فمثلما تقبلنا فكرة ضروب الرسم واختلاف مدارسه بذات الاريحيه وجب علينا قبول الغناء بكافة مدارسه فالفن التشكيلى فى تعريفه هو كل ما يؤخذ من الواقع ويصاغ بصياغه جديده (اى يشكل تشكيلاً جديداً) والفنان التشكيلى هو من يقوم بصياغة الاشكال مستعيناً بمفردات من واقعه . ولأن لكل انسان رؤاه ونهجه لذا تعددت المعالجات الشئ الذى افرز المدارس المختلفه فى عالم الرسم و التى نعرفها جميعاً وهى 1 المدرسة الكلاسيكية 2 المدرسة الواقعية 3 المدرسة الرومانسية 4 المدرسة التأثيرية أو الانطباعية 5 المدرسة الوحشية 6 المدرسة التعبيرية 7 المدرسة التكعيبية 8 المدرسة التجريدية 9 المدرسة السيريالية 10 المدرسة المستقبلية فكل لوحه رسمت كنتاج لحدث او فكره او حاله مزاجيه معينه (عاشها الرسام) . ولكن الناظر لهذه اللوحه يرى فيها ما يحب و تتكيف رؤيته لها وفق حالته المزاجيه والنفسيه . ولهذا جاءت المقوله المعروفه يغنى المغنى وكل يبكى ليلاه وفى روايه اخرى يغنى المغنى وكل على هواه لذا اعتقد ان حرية التعبير و امتلاك مقوماته هى الدافع للشاعر فى اختيار الاسلوب رمزياً كان او رومانسياً زد على ذلك انتهج العديد من الشعراء اسلوب الرمزيه كاحد اساليب المقاومه واشهرهم الراحل خليل فرح الذى تغنى للوطن ورمز له (بعزه) فالرمزيه كانت نتاج لواقع سياسى معين توفر فيه حجر للحريات وربما لان الغالب فى العقليات المتعاقبه على السلطه عقليات تمتهن الحجر على حرية التعبير لذا تعددت مدارس الرمزيه فى الشعر السودانى . و لان الغناء هو وسيلة انتشار وجه (بضم الواو وكسر الجيم ) ليكون ايضاً وسيلة مقاومه ووجد قاعده كبيره من المتذوقين . وايضاً وجد البعض ضالتهم فى الغناء للمحبوبه رمزاً كنوع من الحياء والادب . اخى ود طابت بصدق الموضوع جميل و دسم ويغرى بالعوده مرات ومرات و راجعيـــــــــــــــــــــــن |
|
|
|
|
11-15-2011, 12:14 PM
|
#10 | |
|
العزيز ودطابت كل عام وانت بخير
وتحية للاخوة الحضور في هذا البوست الشجي بمجرد ما اسمع مفردة اغنية رمزية علي طول ذهني بيوديني لادب اليساريين وبكون لافي متحير جدا في الضدية البين الثورية والرمزية بمعني انو الرمزية مرتبطة في اذهاننا بانها مواراة لمعاني اخري خلف المظهر العام للاغنية والثورة فعل ظاهر رافض مناهض للظلم بشتى اشكالو واقعد افكر في كيف انها رمزية وثورية في نفس الوقت والسؤال ده في الغالب بيقودني لسؤال اكبر وهو هل نحن بناخد الاغاني بفهم الناس الطرحوها لينا ولا بناخدة فعلا باستيعاب وبفهم ذي فهمهم ليها يعني الان مثلاً هل امين حسن عمر ولا نافع علي نافع بيتذوقو كلمات محجوب شريف كا مثال وبيحسوها بذات احساس استاذ عاطف اسماعيل كا مثال ولا لا ؟؟ وهل المباشرة في كلمات الاسلاميين ذي في حماك ربنا بتجد وقع في نفس استاذ عاطف من ناحية معاني ؟؟ ده من ناحية الرمزية في الاغاني الثورية .. اما في العاطفية فأظن( وقد اكون مخطئ في ظني هذا لانو مبني علي اساس نوعية استماعي) اننا اكتر شعب اغانيهو مباشرة لا تتواري الا في المواضع التي نتواري فيها بطبيعتنا ولكن تصدح المعاني بجلاء في غالب غناوينا بخلاف بعض الاغنيات التي استمعنا لها علي اساس انها عاطفية ومن ثم اكتشفنا انها سياسية كا ليلة السبت لابن البادية وحمام الوادي لحمد الريح فالاولي قالوا انها قيلت عن عملية فدائية في فلسطين والثانية قالوا انها قيلت في الشريف الهندي .. لي عودة |
|
|
ألحصــــــــــاحيصــــــــــا يا اصـــلنـــــــــــا ومبتـــــــدانا حــلاة مســــــــــــرح صبـــــــــــــــانا وذكــــــريــــاتنـــــــــا ومشتهــــــــــــــــــــــانا
|
|
11-15-2011, 01:20 PM
|
#11 | ||||||||||
|
|
||||||||||
|
|
|
11-15-2011, 02:40 PM
|
#12 | ||||||
|
الرائعون بجد محمد المنصورى احمد الهمباتى ابو امجد قدورة قدورة بكرى عيد سعيد وربنا يحقق الأمانى اقتباس:
نموذج لغناء جميل وقريب من النفوس اقتباس:
ودا نموذج برضو لا غبار عليه اقتباس:
هذه هى وصفة للأغنية السودانية الكاملة الدسم ، بالتأكيد وصف دقيق .. اقتباس:
بالضبط يا همباتى هذا ما قصدت به فتح هذا البوست ، وكلامك لا يحتاج الى تعقيب ، هذا هو أساس الموضوع .. اقتباس:
قد نبحث فى القصيدة الغنائية - ولا أعنى هنا القصيدة الشعرية - عن الدهشة وليس الرمزية ، فالدهشة تجمل الأغنية وتزيدها ألقاً وجمالا ، وأحسب ان الرمزية سوف تضفى على تذوقنا غموضاً وعدم فهم مما يصيبنا بالملل . نموذج لدهشة فى الأغنية السودانية ******************************** واكتم الغيرة الفى قلبي واطوى جرحى فى الحنايا القي اثرك فى حواسى نموذج لرمزية أو غموض غير مستحب فى الأغنية السودانية حاجة زى ما تكون محلق فى العواصف وفجأة تهبط للسكون دى شنو يا ربى ،،، تكون ( القشة أم الروح )) ام شى فى الحبيبة . نموذج لرمزية مستحبة ، أو قل دهشة يكتنفها بعض الغموض ، ولكنها ضرورية وعزة نفسى مابى على أسلم قلبى ليك تانى سنين الهجر بيناتنا وحاجات تانية حاميانى نموذج آخير يا فرس كل القبيلة تلجمك اها يا شباب دى أغنية ولا معركة ، حبيبة ولا أسطبل خيول . ونواصل مع سيل إبداعاتكم |
||||||
|
أبو علام
|
|
11-15-2011, 03:21 PM
|
#13 | |
|
العزيز دوما وابدا ود طابت لك مني خالص التهاني بمناسبة العيد وحقيقة الموضوع جميل والمقارنة صعبة ولقد تأخرت كثيرا في الكتابة في هذا البوست من اجل سماع كثير من وجهات النظر
والرومانسية والرمزية لونين من الوان الادب الجميل ولكن رغم هذا الجمال الذي يحويه كل لون الا ان هنالك اختلاف باين في امزجت الناس وتذوقهم واختلافهم في طعم التذوق ادى الي انقسام الناس الي قسمين مع الرومانسية مع الرمزية ضد من ناحية وصول الفكرة الي ذهن المتلقى من خلال القضايا الاجتماعية او السياسية او قضايا المحبوبة وغيرها فكثير من الناس يعشقون الرومانسية ويجدون انفسهم يغوصون في بحورها ويرفضون التعبير بالرمزية لانها ابعد من وجدانهم ولا يحسون بها وانها لا تلامس ما يريدون حتي قضاياهم الاجتماعية او السلسية يلبسونها ثوب الرومانسية فمثلا يتغني الشاعر في الوطن ويلبسه ثوب الحبيبة ( خليل فرح ) عزه في هواك عزة في هواك عزة نحن الجبال وللبخوض صفاك عزة نحن النبال عزة ما بنوم الليل محال وبحسب النجوم فوق الرحال خلقه الزاد كمل وأنا حالي حال متين أعود أشوف ظبياتنا الكحال عزة ما سليت وطن الجمال ولا ابتغيت بديل غير الكمال وايضا الكتيابي انشد شعرا في شيخه الذي يسكن ابو حراز عندما هم بزيارته وعند وصوله الي البحر وجده في قمة هيجانه فرفض الرجوع من غير اتمام الزيارة فانشد لمحتك .. قلت بر آمن .. بديت أحلم ألملم قدرتى الباقية وأشد ساعد على المجداف تلوّح لى .. مدن عينيك وترفع لى منارة بسمتك .. سارية وبديت أحلم كل ما الريح .. تطارد الموج أزيد إصرار وأحلف بيك أغير سكة التيار وأقول يا إنتى .. يا أغرق أخاف غيم المنى الشايل تسوقو الريح .. ويتفرق أخاف .. وأخاف وأشد ساعد على المجداف وأجيك بى قدرتى الباقية حطام إنسان موسّم بى شقا الدنيا ومقسّم قلبو فى الأحزان أجيك فنان أشد أوتارى .. وأحكيلك حكاية إنسان وهب لى سكتك نفسو ورسم صورتك على حسّو وربط ساعد على المجداف وقال يا إنتى يا أغرق وأخاف الضفة ترجع بيك .. قَبُل ألحق أخاف غيم المنى الشايل تسوقو الريح وإتفرق وألاقيك يا أمانى سراب مواهبى عليهو تتدفّق فالناظر اليها يتضح له ان الكتيالي يقصد محبوبته واصبحت هذه القصيدة ينشدها كل واحد يرغب في مغازلة محبوبته ومن سمات الرمزية انها تعطي الموضوع او الفكرة بعدا اخر وانها تصلح لكثير من المقامات فأي متلقي يتلقها بما يحمل في دواخله كان يقول والله الشاعر ده( قاصدني عدييييل ) ويكون الشاعر يقصد شي والمتلقي يقصد شئ آخر وانا اتفق كثيرا مع المنصوري فالرمزية لم تاتي للعمل السياسي فقط ولا معالجة الواقع السياسي الرمزية مدرسة متفردة لها روادها وكتابها وهي عالجت القضايا السياسية والاجتماعية والعاطفية كما ذكرت فمثلا هنالك بعض القضايا الاجتماعية نخجل من طرحها ومناقشتها بدون الرمز لعادة اجتماعية فمثلا عادة الختان عالجها الشاعر عاطف خيري وتحدث عنها بالرمز فقال في قصيدته سيناريو اليابسة الهدهد: مخدوش الفضا طويل الحزن .. مفتول الحنين مصاب بالديانات والشرود نوح: يبلغ من الطول مسافة يشتهى الغرقان .. شهيق لونو زى سرك .. تكلمبو الصديق أمو تتوحـّم على طين البحر قبال تقابل والدو .. صدفة على الطريق عمرو ستة شهور حِلِم إنو الأرض مسجونة فى موية .. وكل الناس مراكبية اليابسة … فِركة .. مدخورة لى يوم فيهو ساير النيل قطـّاع رحط كل الجزاير والبنات البفتحوا الباب للمطر وأنا جدولك شارف على كل الجداول الصاحية فيك والغباش فى دمى منك لو كسر ضلعين عذرتو لكن نهر كل العصافير البتلعب فى الوريد وفنـّاكى جواى زى حجر والبينـّا ما فات الدوائر الليل خِمار القمرة .. مجدوع فى الفراغ والرقصة لى البت فينا .. فوق كل المسامير الندقها فى البساط والرياح حكـّامة بى دلوكة مرّقت الشياطين .. منها إتجنن فقير الحلة دقيناهو بى نفس السياط كل المجرات .. النيازك والشُهُب ودع راميهو الله على السما والدنيا زار ويا هدهد هنا مرت مراكب نوح محملة بالبخور مين اللى شال من طاقة الطين البعيدة قنديل حبيبتى وطيـّب الجرح المثير مين السرق من بابا مفتاحو الملون .. والصرير منهوبة مقبرة الفواكه فيكى قولى معاى يا شرف القبايل .. جر الشاف تباريح الطلح فى النار شافنى مرقت من عندك ضرير أنا ليه تجينى الموية حفيانة .. وأدنقر ألبِّسا شبط أخضر وأبيت مبلول .. وأصلِّح فى الرباط أنا ليه شبابيك البيوت الواجمة .. والناس البُساط وليه يرجانى النخل فى السكة يفتح قلبى خمارة .. وخلاوى .. وبيت بكا فهذه القصيدة عالجت في داخلها كثير من العادات الاجتماعية منها الختان كلمة ( عب) الرقص وغيرها فمثلا في الختان قال مين اللى شال من طاقة الطين البعيدة قنديل حبيبتى وطيـّب الجرح المثير مين السرق من بابا مفتاحو الملون .. والصرير منهوبة مقبرة الفواكه فيكى قولى معاى يا شرف القبايل .. جر في الختان يتم قطع الجزء المثير في الفتاة ظنا منهم انها تؤدي الي نقصان الشهوة وهذه الظاهرة لها مضارها الصحية علي الفتاة مستقبلا ايضا ارومانسية مدرسة قائمة بذاتها لها روادها وعشاقها وهي اقرب الي وجدان الشعب السوداني الذي يحب البساطة ويكره التعقيد في الغناء او الشعر وتجد حظ كبير في نفوسنا لاننا شعب حنين رحيم بسيط شعب عاشق للرومانسية وكلماتها تدخل الي القلب بدون مقدمات فمثلا ابو عركي يقول حسو غير عادي ونحوك انتي تحديدا بحبك حب بحبك حب ثقل موية المطرة المن السما بتنزل قدر رمل البحار اليها بستقبل عدد سيقان شجر مد البصر مثمر عدد ناسا بتتزاوج وتتوالد وتتناسل وتتكاثر اقسم ليك يا حاسرة بحبك حب ما حباه جن لجن ولا حباه زول لبشر ولا الجايين من الارحام من بعدك ومن بعدي ح يعرفوا كيف ده كان بيحصل من روائع الفنان ابو عركي فهي تدخل القلب دون استئذان ولكن في المقابل نجد آخر يعشق انسانه حتى الثمالة ولكن لا يصرح بذلك وانما يرمز رمز فيتحدث عن الوطن ولكنه يقصد المحبوبة ويتحدث عن الطائر ويقصد المبحوبة ويتحدث عن القمر ويريد المحبوبة ولنا عودة |
|
|
دفعت مهور الامسيات والامنيات الي انفصال الاغنيات
وتحول الوشم القديم علي وجه الندم مختونة تدمي الحياة نسوقها نحو العدم سرقوا اللصوص خرط الوصول الي القيم وتزاحموا عند القمم............ لكنهم لن يسرقو..... ما في المداد.... ولا القلم....
|
|
11-15-2011, 03:53 PM
|
#14 | |
|
(قائد الأسطول - كلمات سيد عبد العزيز) لحن وغناء سرور .. غناها أيضا فنانون أخرون .. هذه الأغاني التى تترك انطباعاً أدبياً حاداً كثيفا لدى السامع لها .. فهى ملتزمة ما لا يلزم من القوافى .. بجانب انها مشطرة فى مقاطع ست تتماشى وروح العصر.. غير أنها كانت فى حينها نقطة تحول جادة للاغنية السودانية فهى رمزية اتخذت ستاراً لتوصيل شحنات سياسية علت الذهنية السودانية من جراء الاستعمار الإنجليزيى فكانت خطاباً مباشراً للسلطة.. وأسئلة.. إنها العلة والمعلول بكل مضامينه.. وفوق كل شىء إنها اغنية متميزة.. وشاءت أحداثها الغنائية أن تميزها فى عصرنا فكانت السلم الذى خطا عليه الفنان ( بادى محمد الطيب) :
يا قائد الأسطول تخضع لك الفرسان ياذو الفخار والطول أرحم بنى الإنسان مين لسماك يطول ما يطولك اللمسان معناك شرحو يطول والله يا إنسان أصدق كفانا مطول ياذو الحسن إحسان أنا عقلى بيك مختول والناس عقول ولسان ما بنكر المعقول آمنت بالأيمان بالطلسم المصقول بدل لخوفى أمان بالنور سحرت عقول كانت صميمة زمان يا من تحق القول قتل النفوس حرمان الي نهاية الاغنية ايضا في الجانب الاخر اشتقت ليك ساعة المساء فرد الجناح لملم مصابيح النهار والكون شرب لون الجراح والعتمة نامت في الدروب والليل لبس اجمل وشاح في اللحظة ديك اشتقت واحتجت ليك، في اللحظة والناس بتسأل عن بلاد في صورة مامعروفة وين اشتقت ليك،، ياقلبي لي زولا يئن حضن الاسى عبر السنين،،،،،،،،،،،،،،،، في اللحظة ديك اشتقت ليك شوق السحابة الراحلة،، في جوف الشتاء عطشانة تحلم بالخريف --بقيت ضعيف في اللحظة مديت معابر شوقي ليك وحنين حنيني -حنين حنيني لالطاغى ليك كايس مجيك- وداير اجيك في اللحظة ديك اشتقت ليك --اشتقت ليك قمة في الروعة وكلماتها شجية تعطر قلوب السامعين بأريج الدهشة مقطع آخر الغزال شافك تحير صد زعلان حنسي والحرير انتي انعم منو ملمس الا جاملي والبسي والنجوم ما تتشابي ليها خليها تنزل ليك هي والقمر في ليل تمامو بشبهك ما بتشبهي كلمات اعجبت بها كثير فهذا الناظم صور محبوبته في صورة بليغة ووضعها في مرتبة لا يصلها ولا يضاهيها جمال فصور الرومانسية كثيرة لو وشوش صوت الريح في الباب يسبقنا الشوق قبل العينين ونعاين الشارع نلقاهو تايه في دموع المغلوبين الاهدا لك يامن كبرت علي الجميع وانا قد كبرت ساصل عندك يا عذاب القلب قاصر واذا اوعدت هواك بعد الف مصيبة تأتي الي من الهوى ساظن اني في الورى من آل ياسر واذا كسبت الشمس هذي الشمس تجري تحت امرت اصبعي صفراء وطويلة ومسلمة انصاف حلول للاشتهي وجنة علي هدب الجرف الرومانسية الوضوح البساطة الجمال الحضور في ذهن المتلقي دون مقدمات ودون استئذان ذنبك انك اني بريدك اكتر منك حسك نفسك لونك براق سنك وسنة سيف العين الطعنت قلبي الرادك وحيي بي حنك ذادت مسافة الشوق الشاقة مسافة شقة رأسك وآخر نفسك ولسه الناس بالشوق راجنك ذنبك انك هلا هلالك وهلل كل الشافك وشفق روحو عشان الشعر الفوق للحاجب حاجب ضوء الشمس الفوق عينيك ما تشرق شارق فيك الدهشه وكل الناس السمحة قلوبهم ما ناسنك الرمزية الصورة الجمالية التعبير المدهش الانفراد بالفكرة والتفرد والتحليق بالمتلقي في عوالم بعيدة ومدهشة وخلخلة للوجدان والتفكير والقصد المقارنة بين الرمز والرومانسية صعبة فكلاهما يكمل بعض لنا عودة |
|
|
دفعت مهور الامسيات والامنيات الي انفصال الاغنيات
وتحول الوشم القديم علي وجه الندم مختونة تدمي الحياة نسوقها نحو العدم سرقوا اللصوص خرط الوصول الي القيم وتزاحموا عند القمم............ لكنهم لن يسرقو..... ما في المداد.... ولا القلم....
|
|
11-15-2011, 07:15 PM
|
#15 | |||||||||||
|
اقتباس:
عارف يا منص انا فجأه كده لقيت نفسي اني بحب مصطفي سيد احمد مع انو بخلاف اغنياتو التلاته الاوائل لا افهم اي اغنية تاني ليهو بتتحدث عن شنو واذا سالتني الان ماهي افضل غناويهو بقول ليك غدار دموعك والسمحة قالو مرحلة والملامه لكن لما نجي لي ناس ضلنا والحزن النبيل ومريم الاخري بكون دايش ساي وعامل فيها عاجباني مع اني يشهد الله لليلة مافاهم فيها شئ اها هنا عجبي ده بيصنف انو اعجاب نابع من سياسة القطيع يعني انا مشيت مع القطيع وببقي هنا العيب في الغنية ما فيني لانو اغنية مصطفي الرمزية دي لما جات لقتني انا زول قاعد استمع لاغنيات ومتعايش معاها لدرجة اني ممكن اتقمص احساس الشاعر ..طبعا وبكل تاكيد كلامي ده ليس انتقاص من مقدرة المرحوم مصطفي الفنية ولكنو استدلال بانو الاغنية الرمزية عندنا في السودان اصبح الاتجاه الشعبي هو المحدد لمدي قبولها اكثر من ان تكون محط اعجاب لذاتها وعلي هذا قس.. اذن يا عزيز في رايي انو الغناوي المباشرة هي الاساس وبخلاف ذلك بتكون ظاهرة وقتية ليس الا والدليل مقدرة اغنيات كاغاني الحقيبة علي الاستمرار الي الان بذات التهج في حين انو اغنيات كثيرة تصنف رمزية تلاشت من خارطة الغناء بمجرد اندثار جيلها . |
|||||||||||
|
ألحصــــــــــاحيصــــــــــا يا اصـــلنـــــــــــا ومبتـــــــدانا حــلاة مســــــــــــرح صبـــــــــــــــانا وذكــــــريــــاتنـــــــــا ومشتهــــــــــــــــــــــانا
|
|
11-16-2011, 07:34 AM
|
#16 | ||||
|
صباحكم خير
كل الأعزاء فى البدء نرفع القبعات للصديق الجميل محمد الفاتح ،، وبه نعتقد ان هذا البوست قد يبحر فى ما نرمى اليه من نقاش . لست ضد الرمزية فى القصائد الشعرية ، فهى مدرسة لها أساتذتها وتلاميذها ،، ولكن لى وجهة نظر فى القصائد الغنائية ،، بل أرى ان القصائد الشعرية الرمزية المبهمة قد لا تصلح للغناء ، فهى تحوى من الغموض ما يكفى بأن لا تغنى أبداً ،،،، أنظر ----- اقتباس:
والله لو أنا سمعت هذه الأغنية مفصلة ياللحن والأداء لتعبت جداً فى فك طلاسمها ،، بل سوف أحتاج لزمن ليس بالقصير حتى أفهم ما يقول الفنان ، وحينها إما أن أستمتع باللحن أو الأداء أو القصيدة نفسها ، ولكن كشكل أغنية كاملة فقد يصعب علينا ذلك ،،، ولكن أنظر ---- اقتباس:
كلام مباشر وجميل وشجى يدخل الوجدان دون تعب . الهمباتى الجميل اقتباس:
حقيقة انت معى قلباً وقالباً ،،، وهذا ما عنيته تماماً ،،، أنا مع الغناء المباشر ،،، والكلمات التى تحمل دهشة وبساطة فى التناول . أذكر اننى قد ذهبت مع صديق لى للتوسط فى حل مشكلة وقطيعة نشبت بين صديقنا وزوجته ، وأذكر بأن إبتدرنا حديثنا بضرورة نبذ الخلاف والعودة الى بيت زوجها ،،، وبدأت الزوجة فى التكلم عن أساس المشكلة ،،، وتحدثت عن الأسباب ،، فحينها قالت بأنها ((تشكو من الخواء العاطفى وإنهيار جسرها العاطفى المعلق ، تحدثت عن التغول الفكرى فى مسارب المتاهات الرملية المغطاء بشجر السنديان ، وأنين الهجوم البربرى على وجدان الصرف الصحى الغير المرشد ،، وشكت لنا عن تناسى زوجها لمطيات الفكر المنمق فى عالم الرتابة ، ووضعه لآوليات المرحلة فى جبين الطرح الفكرى الغير متسق مع أسلوب الركاكة السياسية فى ذلك الزمن المطعم بدوايين القهوة الخالية من الكلسترول ،، وأختتمت حديثها بضرورة الأسهاب فى حل مشاكل المتاريس الرملية القابعة فى واحات الصدى المنقوش على ظل العشق السرمدى الجميل )) والشهادة لله خرجنا منها ونحن فى حيرة من أمرنا ،، وعرفنا حينها ان المشكلة أكبر من فهمنا وقدرتنا الفكرية . يا شباب نحن تعودنا على التصفيق على لعب الكورة بالكعب ،، والفنيات العالية من اللعيبة ،، لماذا لا نكون مباشرين فى طرحنا الغنائى ونتناول الغناء السهل الممتنع . لكم التحية وسوف نواصل فى طرح المزيد من نماذج الغناء الرمزى المبهم والغناء الرومانسى المباشر . خليكم قراب ،،،،،،،،،،، |
||||
|
أبو علام
|
|
11-16-2011, 07:47 AM
|
#17 | |
|
الحبيب محمد الفاتح
لك التحية حتى نحاول ان نفصل الأشياء ويأتى هذا البوست بكثير الفائدة ،،، يجب علينا الفصل بين القصيدة الشعرية الرمزية القصيدة الغنائية الرمزية ومن ثم وضع النماذج والمقارنات بينها والغناء السودانى التقليدى سواء ان كان رمزى او تقليدى . حيث اننى أتفق معك فى المدرسة الشعرية الرمزية ،، بل أعشق طرحها كثيراً ،،، ولكن نقطة خلافى وجوهرها فى تناول الشعر الرمزى فى الغناء السودانى . أخى أعرف تبحرك فى هذا المجال ،، أرجو منك أن تسلط كثير الضوء ،،، أولاً الشعر الرمزى ، والذى هو نقطة إتفاقنا ثانياً الغناء الرمزى والذى هو نقطة إختلافنا ثالثاُ عقد المقارنات بين الغناء السودانى التقليدى ، والغناء الرمزى المستحدث آخيراً . أدرك جيداً بأن الموضوع كبير ومتشعب ، ولكن ظهرت لنا قدرتك وإمتلاكلك لنواصى هذا الموضوع ،،، أرجو ان تسهب لنا كثيراً ومن النواحى الأكاديمية عن هذا الموضوع . ودمت ،،،،،، |
|
|
أبو علام
|
|
11-16-2011, 08:05 AM
|
#18 | |
|
[
أعرف تبحرك فى هذا المجال ،، أرجو منك أن تسلط كثير الضوء ،،، أولاً الشعر الرمزى ، والذى هو نقطة إتفاقنا ثانياً الغناء الرمزى والذى هو نقطة إختلافنا الحبيب ود طابت لك التحايا ظللت تفصل في كل مداخلاتك بين الشعر الرمزي والغنــــاء الرمزي وعلي حسب علمي لا توجد تعريفات أدبية تفرق بينهما راجيآ منك توضيح هذه النقطة للفائدة . |
|
|
|
|
11-16-2011, 09:41 AM
|
#19 | ||
|
اقتباس:
والحبيب المنصورى لفت نظر مهم جداً للشعر الرمزى مدرسة معروفة ،،، ولكن تحول هذا الشعر للغناء هو نقطة إختلافنا . نعرف الغناء السودانى التقليدى من الحقيبة وحتى غناء هذا اليوم ،،، سواء كان غناء وطنى ،، عاطفى ،،، حماسة ،،،، مناحة ،،،، وغيره .. ولكن ظهرت فى خارطة الغناء السودانى بعض الأغنيات مثل عم عبد الرحيم ،، حاجة فيك ،،، يكتنف كلماتها بعض الغموض والرمزية ، وهذا هو محور نقاشنا . صحيح ----- قد لم نضع المسميات فى إطارها ، ولكن فى الفهم العام أود أن أناقش مدرسة الراحل مصطفى سيد أحمد وبعض الفنانين وتناولهم لهذا النوع من الغناء . أتمنى أن أكون قد أوصلت الفكرة . ولك بعض النماذج للغناء التقليدى ،،، والغناء المختلف عليه . نموذج أول لسة بيناتنا المسافة والعيون واللهفة والخوف والسكون ورنة الحزن البخافها تعدي بالفرحة وتفوت وأبكي بالحسرة وأموت الأماني الفي السفر قبلالزمن كايسة المواني يوم تجيبني عليك بصدق إنو مرة الحظ طراني واحتواني معاك شجن عذبني قبلك ولسه منك جاي تاني نموذج ثانى . وكتين يضيع عرق الجباه الشُّم شمار فى مرقة .. آه .. يا نورة آه من دربك التوّر نفس خيل الصبر فتـّر خطاوى الشوق وراه .. يانورة .. آه ساعة الشموس الغُر تهضلم تلحق الصِّح .. فى المغارب يستر الضو الكهارب تستر المدن السرابية .. الضبابية الكآبة حائط التيه .. والطشاشات .. فوق قفيِّك يا أمْ عوارض... يا أمْ عوارض .. ما دُعاشة ماها شبـُّورة وتقيف .. جايى ليك يا نورة غيمة ولك التحية ودمت خليك قريب وأرجو أن تواصل فى طرح ما لديك من أفكار ،، فهى بالتأكيد تهمنا وتدفع بالنقاش الى ما نريد ونصبو . |
||
|
أبو علام
|
|
11-16-2011, 12:28 PM
|
#20 | ||
|
اقتباس:
|
||
|
ألحصــــــــــاحيصــــــــــا يا اصـــلنـــــــــــا ومبتـــــــدانا حــلاة مســــــــــــرح صبـــــــــــــــانا وذكــــــريــــاتنـــــــــا ومشتهــــــــــــــــــــــانا
|
|
11-17-2011, 09:00 AM
|
#21 | |
|
العزيزود طابت نعم يا عزيز انا مثلك من انصار البساطة والوضوح و المباشرة لولوة الكلام دي خلقت هوة سحيقة في وجدان المستمع السوداني وفتحت مجال واسع لحرامي القلوب وراجل المرة لانو من بداية التسعينات اندفق كم هائل من الغناوي السريالية لدرجة انو الواحد بقي اذا فكر يستمع لغنوة الا يجيب معاهو معجم عشان يفهم ياضلنا وعباد الشمس ومريم الاخرى ديل بيتكلمن عن شنو بقت الشغلانة عبارة عن الغاز ولا علاقة لها باثراءقيم ووجدان المستمع بفهم يضاف لفهم اغنيات الرعيل الاول للاغنية السودانية والمشكلة بقت الشغلانة عبارة عن برستيج وبقي الموضوع انا استمع لهذا النوع معناهاانا زول فهمي عالي جداً وفجأه بقت كل الناس عاوزة يقولو فهمها عالي وشوية شوية حصل انعدام تام لشعراء الاغنية البسيطة المعبرة بدليل انو الواحد بقي كل كم سنه حتي يسمع اشراقة جديدة ..
|
|
|
ألحصــــــــــاحيصــــــــــا يا اصـــلنـــــــــــا ومبتـــــــدانا حــلاة مســــــــــــرح صبـــــــــــــــانا وذكــــــريــــاتنـــــــــا ومشتهــــــــــــــــــــــانا
|
|
11-17-2012, 04:34 PM
|
#23 | ||
|
اقتباس:
رؤاه ونهج شنو يا ابو امجد ومنو ده اللي اتقبل كافة انواع الرسم ؟؟؟ اسع في ذمتك دي الرسم اللي بيحتاج زول يمر معاك على اللوحات شان يشرحو ليك حتة حتة ده علاقتو شنو بي الفن وموقعوا وين من القبول وهو الفن ذاتو اذا ما دخل قلب الغفراء وعلماء ناسا على حد سواء ده ما ببقى فن .. الرمزية يا ابو امجد متى ما تعدت الرومانسية التي تتوارى فيها المعاني بالفطرة ذي (خداري) ( ياقماري) (سميري ) فبتعتبر خطابات فردية مشفرة موجهه من فرد الي فرد اخر او من جهه الي جهه اتفقوا على شفرة فيما بينهم لفك طلاسم الكلمات وبالتالي متى ما رأو فيها جوانب جمالية فبالضرورة تعنيهم هم بما انهم يملكو كتاب فك الشفرة .. المهم .. اغنية محمد الامين بتتعلم من الايام دي فن واغنية الراحل مصطفى مريم الاخرى طلاسم لا علاقة لها بالفن .. |
||
|
ألحصــــــــــاحيصــــــــــا يا اصـــلنـــــــــــا ومبتـــــــدانا حــلاة مســــــــــــرح صبـــــــــــــــانا وذكــــــريــــاتنـــــــــا ومشتهــــــــــــــــــــــانا
|
|
11-17-2012, 07:51 PM
|
#24 | |||
|
اقتباس:
اقتباس:
الهمباتى
سلام تعرف انا واحد من الناس مقتنع تماماً ان الاوبرا تصنف فى خانة الفن ( وانا لا استسيغها ابداً) مثل العديد من الناس و لكن هذا لا يمنع كونها فناً و له مريديه و محبيه و نجومه . و كذلك الرسم له عشرات المدارس و التصنيفات و انا مثلك لا افهم العديد من مدارسه ( التكعيبيه و التجريديه و الوحشيه و الانطباعيه و ....) و لكن هذا لا يعطينى الحق فى ان ارفض تصنيفه فى خانة الفن . فالفنون تشبه الاطعمه تختلف نكهاتها و اشكالها و الوانها ولكنها جميعاً مغذيه فالفنون يا عزيزى لها مدارسها و اساليبها المختلفه و لكل منها محبيها و عشاقها هذه اجمالاً . اما عن الرمزيه و الرمانسيه فى الغناء فهى اشبه بالمكيفات ( عندنا فى السودان ) فالبعض يفضل السجار و الاخر يحبذ السعوط و البعض يتعاطى الاثنين معاً . ( اسف للتشبيه) . |
|||
|
|
|
11-17-2012, 10:48 PM
|
#25 | ||
|
اقتباس:
الاوبرا يا ابو امجد او اي فن صوتي سماعي اذا كانت تستخدم لغة ذات معاني مفهومة فبالتاكيد هي فن وكذلك الرسم اذا كان بيرسم لي اشياء مفهومة فهو كذلك فن وده بيعني يا ابو امجد انو ما عندي اشكالية في طريقة الطرح ولكن يهمني فهم المادة المطروحة لي كمتلقي .. لذا اي فن يؤسس لفئة معينة يجب ان لا يطلق عليه اسم فن فالليلة ياخي ما ممكن اقوم اتصل عليك بالتلفون ونتفق على انو الرقم 1 يعني بلدي والرقم 2 احب وتجي بكرة تكتب لي يا الهمباتي 12 وتتوقع من الناس تجي تعلق ليك يا للوطنية يا ابو امجد ياخ انت زول وطني الخ فببقى يا ابو امجد الفن في رأيي الخاص لغة سهلة ومفتاح للتواصل بين الناس يعني انا بحب شيرين جدا ياخ مع اني ببغض المصريين عامة لكني في نفس الوقت بكره سيف الجامعة جدا لانو ببساطة الاولى احترمتني جدا كمتلقي والتاني اتعامل معاي بالهيروغلفية وعمل لي وجع راس واتعبني جدا عشان اعرفو هو مالو ومشكلتو شنو والضربو منو وبيحب شنو عشان كدة بالنسبة لي الفن هو المنتج الواضح الميسر السهل الفهم وما عداه حشو فارغ ليس الا .. |
||
|
ألحصــــــــــاحيصــــــــــا يا اصـــلنـــــــــــا ومبتـــــــدانا حــلاة مســــــــــــرح صبـــــــــــــــانا وذكــــــريــــاتنـــــــــا ومشتهــــــــــــــــــــــانا
|
|
01-11-2015, 05:17 PM
|
#26 | |
|
اقتباس:
عفواً
لكل المتداخلين هنا اذ وجدت نفسى مرغم على الدخول دون دعوه اختلف مع طرح الهمباتى لكن بذات الوقت احترم رايه فانا اذوب عشقا و وجدا و اسبح فى فضاءات سرمديه وانا استمع للفنان ابو عركى و هو يترنم و يشدو بكلمات الشاعر خطاب حسن احمد برائعته يا صاحبة فى الزمن الصعب و التى تقول كلماتها لما لا ترحال يحلك لا البُعاد يقدر يحلك لا القرب يقدر يدوم الكلام بصبح مفرّق الدنيا تشبه لون بعاد وأبقي أحوج ما أكون أنا لي حضورك بالجد بدورك فجأة يشع فيني نورك والقاك نبتـِّي من تراب السكه سديتي الأُفق لِحاك حلمي الملوّن بهمومي لما يومِك بلقي يومي وفصِل همومِك من همومي نضحك من الواقع سوا نحن القدرنا علي التعب حرقتنا ألسنة اللهب ولسه ماسكين الدّرب يا صاحبه في الزمن الصعب |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الغناء للوحدة فأت أوانه | بكري حاج احمد | «۩۞۩-منتدى الحصاحيصا الحر-۩۞۩» | 6 | 10-19-2010 04:47 PM |
| حكم الغناء | ابوعبدالرحمن | «۩۞۩-المنتدى الاسلامى-۩۞۩» | 0 | 05-10-2010 04:31 AM |
 |
 |
 |
|
 |
العرض العادي
