اخطاء املائية شائعة, تجنبها رجاءا

سلامات صيفيه ,,,
بعد إعادة النظر و دخولي في دوار لا نهائي حلتني منو ساعة التوقيت اللي قاعده توقف دماغي عن المعالجه كل تلاته دقائق عشان ما أجن , مشيتت لواحد صاحبي , قلت ليه : متين بتكون مبسوط ؟ قال لي : لما أمارس روتيني اليومي زيي زي أي مجنون طبيعي , قلت ليه : طيب لو إتغير برنامجك ؟ , قال لي : حأتعب لحدي ما ألقي لي حته و أكون نفسي فيها و أسوي لي روتين تاني , ,,
..............................
الساحر و الفرحة تشد من تكاشير وجهه : هي يااااا عشه !! و الله كان ما فارك ده , ما كنت عرفتك !!
العجوزه عشوشه : خلف الله ؟! كيفنك ؟
سقطت حنكة * الناظرين من الدهشه , و أنفغرت أفواهم , و تابعو النقاش و هم مفغوري الفيه , حتى نشفت أرياقهم و تيبست شفاههم ...
الساحر و هو محبط : خبارك بتسلمي علي كده ؟ سمعتي ولا ميلو ليك ** ؟
العجوزه و هي تبوز خشمها المكرمش و تحركه يمنة و يسرى : لا و الله , مافي حاجه ,,
العجوز مستطردة : أسمعني يا خلف الله , أنا ما بقدر أصبر أكتر من كده , يا تعرسني يا تعرسني , أنا ما بقدر أستحمل كلام الناس ,,,
خلف الله ( في مشهد درامي سوداني كلاسيكي ) : نحنا صبرنا تمانين سنه يا عشوشه , غالبك تصبري يومين تاني ؟ , انا بس مستني ناس مايكروسوفت يسلموني الشهاده بتاعتي *** , بعد داك طوالي حأستلم نائب مدير قسم الخرائط في حركة ألم , و نعيش في سعاده و هناء و نجيت شفع لواييق صعلك يقطعو ليك نخرتك الطويله دي
.......................
* أقتباس متصرف فيه .
** أمال السان الشيئ , أي أرسله عن طريق الE mail ‎
*** قيل أن شهادة خلف الله تأخرت عند مايكروسوفت لأن بيل غايتس سافر إلي السودان لحضور قمه كونيه عن البيئه , لذلك لم يوقعها حتى الآن