التحية لكمسارى الشهداء....بحرى....وبالعكس

ماجعلنى اكتب عن هذا الموضوع ...تجارب شتى..عند احتكاكى بالمواصلات ...فى هذه الفترة

التحية لكمسارى الشهداء....بحرى....وبالعكس
الكمسارى تلك المهنة التى يستهان بها البعض . ليس بالسهل
فالكمسارى:
1. يجب ان يكون لبقًا ...يتعامل برقى مع الركاب بالمركبة
2. يجب ان يكون نظيفا مرتب المنظر..لكى لا يضر الركاب بمنظره ولكى يلقى الاحترام
3. ان يستحمل الركاب لانو بيواجه اشخاص مختلفى التربية والسلوك...ومن كل القبائل فالمدينة تعج بكل القبائل
4. الامانة...وهى اهم شىء..فعدم ارجاع الباقى يعتبره الناس حرامى...فعلا عيب عليه
ناتى للاهم:
اولا: انا عندى عقدة من الكمسارى ..وتكررت كثير لدرجة اصبحت ان اطالب بالباقى ..فى لحظتها وبرضو لا اجد ردا سريعا...منها
1. لا يرجع لى الكمسارى الباقى...وفى بعض الاحيان انسى
2. يرجع الكمسارى الباقى ..للذين جوارى واغلبهم رجال فى حين عندما اطلب الباقى لا يستجيب وينزل يلطعنى واقفه لمن ازهج....لكى يبحث عن الفكة
3. مره ركبت العربى لحضور اجتماع ..للمشرفين باحدالمنتديات ..ومابعرف جامسيكا من الاستاد يعنى ماعارفه كل واحد لحدى ..بس عارفه فى الاستاد.لانو من عملوا الاستاد ده الا للضروره اما من منزلنا فلدينا من يوصلنا مشاويرنا .فسالت ان ينزلنى مواصلات بحرى فى الاستاد..تعرفوا استغلنى الكمسارى ..ومفتكرنى ماعارفه سعر العربى الثوره ..واخد منى الف جنية فى حين التذكره 700جنيه ..فسالته الباقى..وقال لى الراكب الف..والعربة تحركت..معى بنت سالتها هل التذكره اصبحت الف قال لى لا 700 جنية ..فى محلها ..
4. مامعنى تصرف مثل هذا الكمسارى...حرامى فى نظرى ..هو الحرامى ده الا ينط البيوت ...شى غريب فعلا ...وهل كل يعفى حقه..طيب الناس ده كلها فى السودان بتعانى وتتعب ..وتوفر ...لماذا يستغل الكمسارى الركاب ..بالجد محتاجه وقفة..مع الكمسارى ..وهل مايفعله من تصرف يليق..
5. ناتى لنقاشهم ولامتهم ...شى لا يطاق بالجد

من هنا ..تصرف بعض الكماسره بالخطوط...عمل لى هاجس وتكرر كثيرا واكيد ليس لوحدى اكيد ..غيرى كثر..لذلك حبيت ان تطرح تلك القضية عبر المنتدى...لكى ارى بعض الاراء..وهل فعلا تعامل الكماسره دوما هكذا ..ولو استمروا هكذا يبقى ده كارثه
ناتى لما جعلنى اكتب عن كمسارى الشهداء بحرى
قارنت بين كمسارى بحرى الشهداء وبالعكس مع ببعض الخطوط الاخرى التى حصلت لى بعض التجارب معهم :
نسبة لعملى ببحرى:
وجدت الكمسارى رائع بمعنى الكلمة ...وايضا السواق..يتعامل مع الراكب بكل ذوق ولو كمسارى عربته ..رد على احد يقوم بتسكيته...يرجع لك الباقى فى لحظته من غير ان تطلب منه ..وهذا التهذيب والامانه بذاتها..والله وبشهادة غيرى ..الكل يمدح كمسارى الشهداء بحرى لتهذيبهم ومعاملته الجميله مع الركاب ..فلهم تحيتى وتقديرى ودوما
واحكى لكم تجربه لكمسارى بحرى:
احد الفتيات ..ركبت وطبعا الكلام واضح بحرى...يعنى لمن يشحن بحرى معناها بحرى ولمن يشحن الشهداء معناها الشهداء..ولو شحن العربى فقط ايضا معناها العربى...يعنى الكلام واضح بالنسبة للركاب والمضطر يركب ويدفع التذكره كامله ..او ينتظر..الشهداء وغيرها..طبعا الثوره -بحرى..شاحن
نزلت الصينية قصاد الشهداء واتشبكت فى الكمسارى لارجاع الباقى لانها نازله الشهداء..مادخله هو هو شحن بحرى..والله منظرها انا خفت منها..مسكت الكمسارى من رقبة قميصة وياله من منظر ..اشمئزت منها هذا رجل ..يالوقاحتها وهى غلطانه...وتدخل عسكرى وغلطاتها وحرك العربة...والله الكمسارى لم يرفع يده ويضربها...ماكان غالبه ولكن نخوته وادبه لم يجعلاه يمد يده لامراة مهما كانت مكانتها...هذا مشهد من مشاهد كمسارى بحرى...ولديه الكثير ..الصمت..واحده تنبز فيه لحدى مانزلت محطتى..اى اخلاق تلك ...لك تحيتى مجددا كمسارى بحرى الشهداء
لم يكن احتكاكى بالمواصلات كثيرا...فلدى ترحيل ولكن لظروف ما ..اضطريت ..فى الصباح للذهاب لامواصلات للعمل ورايت مارايت ...لكى اعرف الكمسارى وطبيعته ..والتعامل مع الغير ..وهذه فائده لمعرفة الحياة وناسها

ناتى للركاب : نعم انا معكم هنالك ركاب ..يا ساتر منهم...فيهم البيجننوا فعلا ولوائق لدرجة..
ولى عودة
احترامى

والله ياروعة مشتاقين للكمسارية وحركاتهم وحتى اللؤماء منهم المهم أي حاجة تذكرنا البلد وحاجات زمان وحديثك أثار في أشجان وذكريات وقصص مع الكماسرة والبكاسي (على أيامنا الحافلات لسع كانت بسيطة) تسلمي على السرد الشيق

شكرا ياروعه يابت ياروعه والله ذكرتينا
ايام الجامعه نصطبح بي كمساري ونتمسي
بي شحطه في الموقف
تعرفي ايام كنت طالب ماكنت بستخدم بطاقه
الترحيل كتير حتي اتجنب تعليقات الكماسره
ونرفزتهم

المشاركة الأصلية كتبت بواسطة د. احمد الطيب الماحي

والله ياروعة مشتاقين للكمسارية وحركاتهم وحتى اللؤماء منهم المهم أي حاجة تذكرنا البلد وحاجات زمان وحديثك أثار في أشجان وذكريات وقصص مع الكماسرة والبكاسي (على أيامنا الحافلات لسع كانت بسيطة) تسلمي على السرد الشيق

ياهلا ومرحبا باخى الفاضل د.احمد
منور والله البوست
وسعيده بمداخلتك
وربنا يرد غربتكم سالمين
ونتمنى دومامشاركاتكم عبر بوستاتى
فياهلا بكم دوما
احترامى

المشاركة الأصلية كتبت بواسطة ناصر السوداني

شكرا ياروعه يابت ياروعه والله ذكرتينا
ايام الجامعه نصطبح بي كمساري ونتمسي
بي شحطه في الموقف
تعرفي ايام كنت طالب ماكنت بستخدم بطاقه
الترحيل كتير حتي اتجنب تعليقات الكماسره
ونرفزتهم

يامراحب باخى الفاضل ناصر السودانى
منور البوست
وانتم اصحاب الروعه ومنكم اقتبسها
وسعدت بمشاركتك
دوما فى انتظار مداخلاتك عبر بوستاتى
احترامى

الاخت روعه والله موضوهك جميل وبالرغم من المعاناه التي عانيتيها الا انك
اعدتينا الي زمان له ذكرياته وماراح منك لم يضع لان الله لايفادر صغيره ولا كبيره والاستهبالات في مواضيع كثيره الله المستعان يس الانثي هي دائما المقصوده اعجبني توقيعك رائع كروعتك ومعذره

المشاركة الأصلية كتبت بواسطة جعفر يوسف ابراهيم

الاخت روعه والله موضوهك جميل وبالرغم من المعاناه التي عانيتيها الا انك
اعدتينا الي زمان له ذكرياته وماراح منك لم يضع لان الله لايفادر صغيره ولا كبيره والاستهبالات في مواضيع كثيره الله المستعان يس الانثي هي دائما المقصوده اعجبني توقيعك رائع كروعتك ومعذره

يامراحب باخى الفاضل جعفر يوسف
منور البوست
واعجبت بمداخلتك ...بالجد تسلم على ذوقك وتعليقك على توقيعى
فانتم اصحاب الروعه ومنكم اقتبسها...
تعرف جميل منا الواحد يعانى لكى يفهم مافى الحياه
وخروجنا للعمل ..والجامعات وماشابه ..سبب لخروجنا للشارع
وخروجنا للشارع ..استفاده لتعلم مايجرى بالحياة
وربك يعين
التحية لك مجددا ولا تحرمنا طلتك عبر بوستاتى
احترامى