إستفتاء الحصاحيصا نت حول مصير جنوب السودان

تحياتى للجميع..
مواضيع كتيره اتطرقت لخيار الوحده او النفصال،والاراء طبعا اختلفت ناس مع الوحده وناس مع الانفصال،كدى نحن نعمل استفتاء لناس المنتدى ونشوف الناس مع الوحده ولا مع الانفصال..
يلا يا اخوانا استفتاء لناس الحصاحيصا:
انت مع الوحده؟
ولا مع الانفصال؟

كلام ذي العسل
تم التصويت

تحياتي الاخ ود الحصاحيصا الوحده الانفصال الصداع المزمن هزه الايام ( صوتنا )وربنا يكفينا شر الصواته

سلام ودالحصاحيصا تم التصويت

المشاركة الأصلية كتبت بواسطة ود الحصاحيصا

تحياتى للجميع..
مواضيع كتيره اتطرقت لخيار الوحده او النفصال،والاراء طبعا اختلفت ناس مع الوحده وناس مع الانفصال،كدى نحن نعمل استفتاء لناس المنتدى ونشوف الناس مع الوحده ولا مع الانفصال..
يلا يا اخوانا استفتاء لناس الحصاحيصا:
انت مع الوحده؟
ولا مع الانفصال؟

أنا مع الوحدة فقط.

تم التصويت بحمد الله

والله انا صوت للاتنين عشان ما ازعل ناس الحكومه وناس الحركه الشعبيه انا غايتو كمواطن ما فارقه معاي

الحمد لله مع الوحده مافى شمال بدون جنوب

مع الوحده ,,,,,,,,,,,,,,, الغير مشروطه
مع الانفضال,,,,,,,,,, الذي لا يؤدي الي اندلاع حرب

الحمد لله صوتنا جنس صواته لكن...
والله يا ودالحصاحيصا ما عايزين لا حرب لاتشرد
ولادمار ولا حتي تقطيع بلد بس ربنا يعمل الفيه الخير
وهو احكم الحاكمين

لاشمال بدون جنوب
ولاجنوب بدون شمال
قوتنا في وحدتنا

سلفاكير :- الاستفتاء ياتي مرة واحدة , و انا ساصوت للانفصال
الحركة الشعبية تستدعي 7 الف من جنود المارينز من امريكا ذوي الاصول الجنوبية لتدريب جيش الحركة
مسيرات تخرج في كندا واسرائيل ( لجنوبيون سودانيون ) يطالبون بلانفصال عن السودان
والحركة الشعبية تطالب بجيش من الامم المتحدة للوقوف بين حدود الشمال والجنوب
الحركة الشعبية تطالب بكل من منسوبيها في جبال النوبة والمناطق المتاخمة بالشمال بالتمركز والاستعداد.
جماهير جوبا تستقبل وفد مجلس الامن وترفع لافتات تطالب بالانفصال ومحاكمة الرئيس عمر البشير.
الحركة الشعبية تقيم مسابقة لاختيار النشيد الوطني لجنوب السودان.

هذه مقتطفات من وكالات الاخبار العالمية

(الانفصال امر واقع اعطي لجنوبيون اكثر مما يستحقون
والحرب ستعود من الجديد بدلا من ان تكون بين الحكومةة والمتمردين
ستصبح بين دولتين وفي مناطق قريبة قد تصل الي جنوب الجزيرة وولاية النيل الابيض بدلا عن اقصي الجنوب سابقا

الله يكفينا شر الصواتا لكن غايتو انا غيرتا راى؟؟؟؟؟؟؟؟؟؟

انا امتنع عن التصويت والبتجى من الله كلها كويسة واعااااااااااااااااااااااااكم من التزوير ياود الحصاحيصا

انا مع التكامل

انفصال تكاملي

بس على شرط

ولا جنوبي بعد الانفصال هنا ماعايزين

ما تبقا علينا ميته وخراب ديار

يشيلوا الجنوب ويجوا يعملوا لينا زحمة في الشمال

وبعد كدا تبقا مصالح مشتركة

المشكلة الحقيقيه او السؤال الحقيقي

اين تكمن مصالحنا في الشمال

مع الانفصال او الوحدة

والحاجة الواضحة انو الجنو بقا لينا زي ديك العدة .....

تهشو ووب تسيبو وووبين

والانفصال مشكلة

والوحدة برضوا مشكلة بالشكل الحالي لانها حتجي على اعناق مزيد من التنازلات على حساب المواطن الشمالي

والناس في الحكومة همها انو بس ما يكونوا سبب في الانفصال تاريخيا مهما كانت التنازلات حتى ولو كانت

بصورة اشد ضررا من الانفصال

وراحت السكرة وجات الفكرة .... بعد ما اثملت الحركة رؤس الوطني بالوقوف مع الوحدة

وسابتم نايمين في العسل وفاجءتم في اللحظات الاخيرة

وكل يوم بنصبح على خبر انفصال احد الجنوبين في الوطني وانضماموا للحركة


مما يعني انو الناس بتشتغل صح للمحاولة تحقيق رؤيتا الخاصة

بينما ناس الوطني قاعدين يقدموا في التنازلات دون مخططات واضحة ورؤيه ليها معالم


والله المستعان

السلام عليكم اخي ود الحصاحيصا انا صوتي مع المزاج مع الجنوب نسبة لجارتي الدكتورة نادين
تخريمه :حق الجار كم زكر القران

كل الشكر لمن ساهم فى بالادلاء بصوته،واتمنى من الجميع المشاركة فى الاستفتاء باختيار واحد من الخيارات اعلاهنوباذن الله سوف ينتهى الاستفتاء بتاريخ 1/11/2010م...

انا مع خيار الجنوبي بس قولوا لياسر عرمان وباقان اموم .... سوف سببقي السودان واحد .... وتلفظوا انتم لمزبلة التاريخ.....

نسأل الله ان ينفصل الجنوب ليس كرهاً في الجنوبيين ولكن لعدم ثقتي بان بالشمال من هو مؤهل ان يقود دولة واحدة بحجم السودان ان توحد لذا فليكفينا الله شر الحروب والمشاكل ولينفصل الجنوبيين احباء وليس طرداء

الحمد لله لقينا محل نصوت فيه طالما لم نمنح حق التوصيت الفعلي _______ وحفاظا علي نزاه التصويت ما حااقول انا صوت لي شنو ________________________ معا نحو سودان موحد او سودانين امنين صالحين للعيش بامان وكرامه

ياعالم خليكم واقعيين الناس ديل ما عايزنكم
وأسألوا الناس الذين هم في مناطق الجنوب
أومناطق البترول وسوف تعرفوا مدى كراهية
هؤلاء القوم لنا .
فالعواطف لاتجدى نفعاً و تمنيات الوحدة فقط من جانبكم أنتم
.................................................. ...

التحيه لجميع الأخوه المشاركين في الإستطلاع لكم التحيه والشكر__تبقي لنهاية فترة الإسبطلاع اربعه ايام أتمني من الجميع المشاركه قبل إعلان النتيجه النهائيه__

بحمد الله إنتهي التصويت اليوم__جملة الذين قاموا بالتصويت 28 عضو 16عضو صوتوا للوحده و12 صوتوا للإنفصال والغالبيه العظمي رفضوا التصويت__إذا إختار أغلب المشاركين الوحده فاذا تم تعميم العينه علي كل الشماليين اكيد الوحده ح تكون الخيار_اذا السؤال هو:اي الخيارات يفضلها الجنوبيون؟هذا ما ستسفر عنه نتيجة الاستفتاء إذا ما كان نزيها_جميعنا في الإنتظار_

تحياتي أيها الأنيق أمين الحصاحيصا ، أرجو أن تقبل تصويتي وأسف كنت مشغول أراغب
الجنوبيين وهم يقبضون الثمن مليارات الدولارات قبضها سلفاكير وأخوه ثمن الموافقة علي
الانفصال ويمكنك التأكد وأنت راجل مصرفي مخضرم بما يحدث من انعدام العملة الصعبة هل
دار بخلدك لماذا هذا التشدد !!!!! في خروج العملة الصعبة ولكن مع الأسف خرجت ورجعت
وقبض الثمن .. وما علينا الانفصال حدث ولا مفر ولا تراجع بعد أن تم البيع الرخيص ولن يتضرر
السودان فهم الخاسرون دنيا وأخره ولسوف يعودون بعد اشتعال فتيل الفتنة بينهم وفي بعضهم
وهنالك الطرف الأخر الذي ينتظر الفرصة ليفترسهم وهم في أشد التمزيق ليكونون فريسة سهلة المنال .. أؤيد الانفصال وأصوت حتي نرتاح من وجع الرأس ويذهبون من حيث أتوا ولسوف
تتغير الجنسية السودانية حتي يقطع عليهم خط الرجعة ولسوف يعاملون معاملة الأجانب لو
بقوا ولم يرحلوا من العاصمة وولايتها المحفوظة برحمة الله وياود الحصاحيصا الذي ينكسر يصعب
تصليحه ومع احترامي للشماليين والجنوبيين أفضل الانفصال ...