ياريئس بقينا ( نضاير) من الخلق

اول حاجه يعلم الله لاني معارض ولاني معاك ولا ضدك...........
يعني بالدارجي كدة زول سليقه ساااااي......
ومغترب ومتغرب واولادي بعدين مني ودا ما مهم ولا موضوعنا............
يشهد الله بقينا نضاير من الخلق الكانت زمان بتكوس للسوداني عشان ( زول ) مامون علي اي شي يخطر ببال اي يني ادم علي البسيطه....
تعال شوف الليله بقينا منبوذين من اسفل السافلين وارزل شعوب الارض وازل بشر علي الارض
فجاة اتبدل الحال وانقلب الراي العام الداخلي والخارجي علي الزول المسكين.....
الحكايه شنو وين البصيرة ام حمد انعدمت ولا لحقت امات طه......
ماممكن والله العظيم.....والله مقهور ومحنبك وكان طرشقتا ولا حرقتا عارف ما بهمك انا ولا راي
ولكن قالو خذو الحكمه من افواة المجانين....
القبلك من العساكر من الذين وصلو سدة الحكم بانقلاب عسكري علي الطلاق ملو ( الكاكي ) والملكي......مافي زول قاليهم بغم
الا انت ياكافي البلاء وحايد المحن لا سمعتا ولا جابو ليك..... الحكايه شنو....حيرتنا
البلد خربت من شمالا لجنوبا قلنا بلدنا ونحن اسيادا انفصل الجنوب قلنا بلاء وانجلا
نقصت الاتجهات في بلادي شمال وشرق وغرب قلنا يعوضنا الله في الباقي
الشي لا قدرتا تقرع الجافلات ولا قدرت تحافظت علي الفي ايدك..... ابدا علي النعمه حالك مابسر عدو ولا صليح.....
انعدمت المروة في الناس تفشت السرقه وكل المؤبقات وزادت واتبلت المغتغته واترشت المطمبله
زاتو.....
الحكايه شنو لا نارا تحرق ولا دخان يعمر فيكم.....
بقينا لبانه في فم وخشم اي عاهر وعاهرة ورقاصه ومتراقص في الداخل والخارج ما ممكن ياخي
القبلك من العساكر العساكر الصح ماكانت عندهم مهازل زي العندنا هسع دي
الشي لا قدرتا تكون دكتاتور ولا قادر تكون فرعون ولاحتي الرجل الصالح حيرتنا وحيرتا الشعب المغلوب علي امرة........
فارقنا العرب والعروبه قلنا نتفاخر باماتنا الزنوج وافارقه وبقينا زي المستجير بالرمضاء من النار
لا لمينا في ديل ولا ديل ينعل ابوك بلد مافيها وجيع عليها....
حتقول لي اصل الحكايه شنو..........
من يوم بتاع شرم الشيخ والناس تمعط وتزعط
في الرئيس من برة ومن جوة وكل من هب ودب عامل فيها سبعه بقرش وبقي يحلل ويربط والرئاسه تلملم في اطراف الخيبه والمزله والاهانه
ولم يفتح الله علي حكومتنا بان تطلع بشي تفند او تقبل مايقال فيها وفينا من شعب غضب الله عليه فولا امرهم اظلم خلقه وابن يوسق الحجاج بالنسبه من المبشرين بالجنه
يشهد الله وقفنا معاك يوم قالو ناس المحكمه العدليه ولا الدوليه بتاعه لاهي دي قلنا الموت ولا المزله ورفعناك فوق الجباة مفخرة وعزوة وشموخ وقلنا حفيد المك ويا انت ولا نغرق والبلد تغرق
ووقفنا الف احمر لا لشي دنيوي ولا يحزنون بس لانك رمز عزتنا وفخرنا وتاج راسنا
لكنك مسكتا في الحراميه المعاك ودستا علي راسنا نحن المساكين ديل.........؟
علي الله شوف الفيديو ادناة واعرف اين تقف انت الان..........؟ وكل الشعب السوداني يعرف اين يقف...........................؟؟؟؟؟

وشوف الردود البسيطه دي معاك الله يهديك ...........؟

https://www.facebook.com/video.php?v=830381930368202


اضغط الرابط اعلاة
وياناس الدعم الفني الحقونا وافزعونا في الرابط دا

https://www.youtube.com/watch?featur...&v=tKAiJDn_ai8

https://www.youtube.com/watch?featur...avoo_PjViA#t=0

ارجو من الاخوة في الدعم الفني تثبيت الفيدوهات لانها ابن تثبت عندي
ثبتوها نسال الله ان يثبتنا عند السؤال جميعا

بلدي وان جارت علي عزيزة واهلها وان ضنو علي كرام




كل هذة المصفاحات بين قادة الدول العربيه وفخامه الرئيس علي المنبر يخطب
نعلم انه لايستجدي منهم درهم ولا دينار ولكن اين هيبه الرئاسه هنا...........؟

بلادي وان جارت علي عزيزة واهلها وان ضنو علي كرام

دا جانب من طقم التريقه المصريه عليك يا ريسنا
( منقول)






منقول

تحياتي
اعلم علم اليقين بان بالمنتدي الغالبيه العظمي من منتسبي الموتمر الوطني
والمستظلين بشجرته الوارفه .......وهذا شي طبيعي لكل شخص حريه الانتماء والقبله السياسيه التي يريدها.....
واعلم علم اليقين بان للمنتدي دعم فني لا يضاهيه دعم فاستعجبت بان الفيديوهات لا زالت علي عناوينها واكاد اجزم ان كان بها شي من سفاسف الامور لكان ملاءت المنتدي ضجيجا
واستغربت ايضا بان البوست علي راس الواجهه للمنتدي ؟؟؟؟؟؟؟؟؟؟؟؟؟؟؟
نعود لاصل البوست ويبدو اني سوف استمر فيه وحدي كما يبدو لان المشاهدين فاق ال150 والمداخلات صفر وهذا شي لا يضير بشي..... هي حريه الاطلاع للفرد.......
وانا لست ضد اي فكرة بحق سعادة الرئيس ولكن حين يشتد بك الالم والوجع والحسرة من تفاعلات لكثير من المنابر داخل الشبكه الجعرانيه دي وتجد ما يمثل الهرم السوداني عرضه للمسخرة والاستهزاء وانت في وسط كم هائل من الجنسيات العربيه والعجميه وتجد مسار النقاش يدور حول السياسه وعن الرؤساء والشعوب ونحن كسودانين معلومين لدي الجميع بان لساننا اطول من نهر النيل في الجدل والاقناع والادري بالشؤن العالميه من احداث ونرمي بان راس هرمنا بانه وانه وانه.......؟
تغتاظ وتتصلب شرائنك وتضيق انفاسك كانك تصعد الي السماء وفي نفس الوقت لا تستطيع ان تجادل وكل الدلائل تشير الي ان ما يقال مطابق للواقع المعاش للاسف.....
فماذا تفعل وانت ما بين ضيق الحال والاحوال وكتم الانفاس وحال البلد وناس البلد ووالد وما ولد
قتل الانسان ما اكفرة وتكسرت كل الحجج والمنطق لتقنع شخص بان القادم اجمل وقد مرت سنوات عجاف وليست بالسبعه ولا بالغشرين حتي..........؟
والمتنفس المتبقي لاي مغترب في اي من اصقاع العالم صار التلفاز وكرة القدم وكثير من المصارغه الحرة هي متنفسنا حتي لا نصطدم بشخص يسال عن الدولار بكم او بكم تبرع السودان لمؤتمر شرم الشيخ وقد شاخ جنهنا وصار جني لا بجدع ولا بجيب الحجار
اعتزر لكل سوادني ضاق صدرة في الايام الماضيه واقول له ان وجدت نقاش من مثل هذة النوعيه
فحدثهم بان الهلال تغلب الرصاصات باربه اهداف وعشرة محترفين والمريخ كذلك
وبهذا تتخارج بكل ارئحيه من ورطات السياسه والسياسين والسئات كمان

الحبيب ابو ذر تحية طيبة :
والبوست هذا يوضح مدى الوعي لانسان السودان ، وهو دوما يضع الفواصل بين الحكومة والوطن ، وبين السودان والرئيس .
اراك حزين لتناول المصريين بشي من السخرية على زيارة البشير لمصر ، واقول لك اننا ناخذ على حكومتنا في كثير من الامور عدم رؤيتها الصحيحة للامور وانفعلاتها في كثير من الامور انفعالا يفتقر للدبلوماسية السياسية .
ولكن في الشان المصري بالتحديد فقد نجحت الحكومة بامتياز في تحديد العلاقة بمصر وبدون انفعال وردة فعل .
هل كان البشير او نحن نتوقع ان ترحب مصر وقادتها بقدوم البشير ؟؟؟؟
ان هنالك تقاطع كبير للمصالح بين مصر والسودان في هذه الفترة بالتحديد من اي وقت مضى من حيث الايدلوجية الفكرية الحاكمة ، وشكل العلاقة بالدول العربية ، وسد النهضة ، وصراع الجوار وبالتحديد في دولة ليبيا .
ان الاعلام المصري بعد الثورات التي شهدتها مصر بانت سواءته واصبح مكشوف للجميع ، حتى اننا اصبحنا نتوقع ردة فعلهم تجاه اي حدث .
اما السخرية والتي لم ترضنا لم يسلم منها حتى قادة الدول العربية التي دعمتهم ، راجع التسريبات الاخيرة ، والتي لم تصدر من الاعلام بل رئاسة الدولة نفسها (ايدي في خشمة وصباعه في عيني ).
مصر واعلامها فقد البوصلة ...
مصر تعلم ان وجود النظام السوداني هذا مصدر خطر كبير عليها ، ولكنها الان تعيش مرحلة هزال لا تستطيع معه اقتلاع النظام السوداني ، لذا تناوش بسفهاء اعلامها في كل مرة واخرى .
وحكومة البشير تعلم ذلك وتمد حبال الصبر الى حين ايضا ، كما مدت صبرها للقذافي حينما دعم خليل ليدخل ام درمان .
شترة
المصريون طمعانين في الخاتم
وما عارفين انه الخاتم حق وداد

المشاركة الأصلية كتبت بواسطة ابوذر حسن طه

تحياتي
اعلم علم اليقين بان بالمنتدي الغالبيه العظمي من منتسبي الموتمر الوطني
والمستظلين بشجرته الوارفه .......وهذا شي طبيعي لكل شخص حريه الانتماء والقبله السياسيه التي يريدها.....
واعلم علم اليقين بان للمنتدي دعم فني لا يضاهيه دعم فاستعجبت بان الفيديوهات لا زالت علي عناوينها واكاد اجزم ان كان بها شي من سفاسف الامور لكان ملاءت المنتدي ضجيجا
واستغربت ايضا بان البوست علي راس الواجهه للمنتدي ؟؟؟؟؟؟؟؟؟؟؟؟؟؟؟
نعود لاصل البوست ويبدو اني سوف استمر فيه وحدي كما يبدو لان المشاهدين فاق ال150 والمداخلات صفر وهذا شي لا يضير بشي..... هي حريه الاطلاع للفرد.......
وانا لست ضد اي فكرة بحق سعادة الرئيس ولكن حين يشتد بك الالم والوجع والحسرة من تفاعلات لكثير من المنابر داخل الشبكه الجعرانيه دي وتجد ما يمثل الهرم السوداني عرضه للمسخرة والاستهزاء وانت في وسط كم هائل من الجنسيات العربيه والعجميه وتجد مسار النقاش يدور حول السياسه وعن الرؤساء والشعوب ونحن كسودانين معلومين لدي الجميع بان لساننا اطول من نهر النيل في الجدل والاقناع والادري بالشؤن العالميه من احداث ونرمي بان راس هرمنا بانه وانه وانه.......؟
تغتاظ وتتصلب شرائنك وتضيق انفاسك كانك تصعد الي السماء وفي نفس الوقت لا تستطيع ان تجادل وكل الدلائل تشير الي ان ما يقال مطابق للواقع المعاش للاسف.....
فماذا تفعل وانت ما بين ضيق الحال والاحوال وكتم الانفاس وحال البلد وناس البلد ووالد وما ولد
قتل الانسان ما اكفرة وتكسرت كل الحجج والمنطق لتقنع شخص بان القادم اجمل وقد مرت سنوات عجاف وليست بالسبعه ولا بالغشرين حتي..........؟
والمتنفس المتبقي لاي مغترب في اي من اصقاع العالم صار التلفاز وكرة القدم وكثير من المصارغه الحرة هي متنفسنا حتي لا نصطدم بشخص يسال عن الدولار بكم او بكم تبرع السودان لمؤتمر شرم الشيخ وقد شاخ جنهنا وصار جني لا بجدع ولا بجيب الحجار
اعتزر لكل سوادني ضاق صدرة في الايام الماضيه واقول له ان وجدت نقاش من مثل هذة النوعيه
فحدثهم بان الهلال تغلب الرصاصات باربه اهداف وعشرة محترفين والمريخ كذلك
وبهذا تتخارج بكل ارئحيه من ورطات السياسه والسياسين والسئات كمان

الحبيب زورو
والله الشجرة دى قصته طويييييله يا اخوى
وبينى وبينك قلعتها حاره وضلها حار
لكن نقول الخير فى ما اختاره الله
والقحه ولا صمة الخشم
وكلامك زى الورد
واحييك على الطرح الجميل والجاد والقوى

***
تخريمة:
ياناس ابو ذر البرررررره السودان انتوا كده؟نحن كيف؟

تخريمة تانى بس جوه الموضوع:
ياناس المؤمر الوطنى الغالبية الفى المنتدى (اى واحد اختبر) شان نعرفكم.
ولا اقول ليكم:شكلوا تلاتات

زورو يا راقي يا زعلان
يا خي تعارض او تتعارض او تعرض .. ده حق مكفول ليك .
لكن نحن كلنا كـ ( سودانيين) بنتفق و نتوحد لما تتهبش كرامتنا ولامن يحقرنا الغير. نحن ما رضيناها من المستعمر الكان حاكمنا بالحديد والنار وخاتي لينا سيفو في رقابنا كاتلناهو و حاربنا بالسلاح الابيض .
نحن بنتفق أكيد في إنو البشير رمز سوداني (ناجح او فاشل في اسلوب حكمو دي بترجع لينا نحن) لكن احترام الغير ليهو يعني احترامهم لينا نحن كشعب و اهانتهم ليهو اهانه لينا برضو
كان يفترض البشير يكون شجاع و يسجل موقف يرضينا و يثار لي كرامتنا ومصر والخليج في ستين الف داهيه اذا كانو ما مديننا اعتبار .

السلام عليكم
يا استاذ ابو ذر انا غايتو ابرى من المؤتمر الوطنى
شوف لى اى شى تانى انشاء الله داعش

كل العبور لكم التحايا العطرة
وحقيقه الوجع اكبر من مليون ميل مربع
رغم الجزء الرحل مننا ولاسع حاضن قفانا
تشكر اخي لوي الصادق علي صدق كلامك وتسلم
ودالحصاحيصا تلات دي للمنتخب ولا لمنو العندنا هنا ( رهط ) وقيل ( قوم ) في كثير من الرويات
ابوالطب تسلم ياخي لكن بس نعمل شنو شغلنا كدة
يوليسا....تبري من داعش والدواعش وتسلمي الله يخليك

شترة المصريون طمعانين في الخاتم وما عارفين انه الخاتم حق وداد

ويا وداد مليون سنه

عندما نقارن بين سودان الامس و اليوم
و نرص رؤسائنا من الازهرى و انت جاى
بنلقى نفرين
بخربو الرصه
الصادق المهدى
و العوير البشير
رؤسائنا كانو محترمين
و سودانا كان ملء السمع و البصر
استقبالاتهم كانت على مستوى ملكة بريطانيا و شعبها
كانو هيبة و مقدرة
لكن
اااااااااااااااح

المشاركة الأصلية كتبت بواسطة الهادى محمد عبد الله عندما نقارن بين سودان الامس و اليوم و نرص رؤسائنا من الازهرى و انت جاى بنلقى نفرين بخربو الرصه الصادق المهدى و العوير البشير رؤسائنا كانو محترمين و سودانا كان ملء السمع و البصر استقبالاتهم كانت على مستوى ملكة بريطانيا و شعبها كانو هيبة و مقدرة لكن اااااااااااااااح

الهادي اخوي كيف حالك
طيب من الازهري وليغادي كان في منو................؟الانقليز( الامبرطوريه البريطانيه العظمي )
ماقبل الرئيس عمر البشير كان هنالك رجال حول القادة ان كانو عساكر او مدنين نعم كان في تخبط ولكننا كنا في عزة وكرامه
وتبدل الحال لماذا.........؟؟؟؟
لضعف قادتنا او بالاصح ضعف من يضعون القادة وكان الرجل الغير مناسب في المكان المناسب
وابسط مثل علي ذلك وزير الدفاع ........................ولا داعي لسرد اخطاة ............
غايتو ربك يسهل الامور ويولي من يصلح للشعب السوداني العظيم رجل يخاف الله فيهم
وتسلم علي المرور اخي الكريم