يا ناس بريدوا!!؟؟

بدون تاشيرة

وليد العشي

يا ناس بريدوا!!؟؟

· يا ناس بريدوا الهالكني ريدوا وزينة السودان والاوطان والمكان وجاب الفرحة والسعادة لكل الحبان والاخوان . ده يا اخوانا مااااا هلال السودان
· فرحة عمت كل الازمان والوجدان والموج الازرق ونصر مستحق على الكرة الكنغولية وفى عقر دارها ووسط انصارها اداء مميز وقوى لاخوان مساوي وبقية العقد الفريد الذين رسموا اجمل لوحة توسدت كل قلوب وعشاق الموج الازرق
· واهلك سموك منتصر وناسك سموك مزدهر ... وتبقى هى امنيات بمواصلة المسيرة بنفس الحماس والقوة التى صاحبت اداء الفريق فى تلك المباراة النوعية فى العطاء والابداع
· نخشى ما نخشي ان يصيبا الغرور كعادة معظم اللاعبين السودانيين يوم فى الطالع ويوم فى النازل ويوم فى الطاير ويوم فى .........
· وتبقى المسئولية الحقيقة على الحهاز الفنى والادارى بضرورة المحافظة على هذا المستوى وعدم النوم فى العسل مع الاخذ فى الاعتبار بان الفريق الكنغولى فيه الكثير من التنظيم والاداء الجيد
· الفترة القادمة تتطلب مزيد من الخطط ومراجعة الاداء والتقييم خاصة ختام الهجمة والفرص الضائعة والتى افقدت الفريق عدد من الاهداف الضائعة بسبب الشفقة والتسرع
· على العموم الف مبروك لهلال السودان هذا النصر المستحق وباذن الله قادمون وللبطولة محققون وللكوؤس حاملون رغم انف الحاقدون ... وتعظيم سلام لسيد البلد وسيد الاسم وكل جمهور ومحبى الموج الازرق
· نقول للجماعة ..مبروك عليكم الفوز وربنا ينصركم .... وان شاء الله تتستروا وما تركبوا التونسية ..وربنا يكضب الشينة
· بحكم متابعتى لعدد من القنوات السودانية ما زالت عبارة ((سعداء جدا)) تسيطر على معظم مقدمى البرامج ونفسى اعرف السعادة دي ايجار ولا تمليك ... وربنا يسعدنا ويسعدكم جميعا
· كثير هى من الاصوات النساية المبدعة فى بلادى ولكنها مساحة خاصة الى ملكة التطريب العالى والاداء الراقى .. المبدعة هاجر كباشي
· بدون تاشيرة : ادونا اصواتكم نصوت .... ونديكم .... الحقوووونا
· حاجة خاصة : يا ناس بريدها ....عديييييل كده ...
· قبل الخروج : صحة وعافية للجميع والسلام ختام وفى امان الله