التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم 
قريبا

بقلم :
قريبا
آخر 10 مواضيع
الفقرا العزمو القطر (الكاتـب : - مشاركات : 0 - المشاهدات : 192 - الوقت: 06:16 AM - التاريخ: 01-18-2024)           »          إلى وطني .. لن تأتي العصافيرُ[ (الكاتـب : - مشاركات : 0 - المشاهدات : 614 - الوقت: 06:16 PM - التاريخ: 10-03-2023)           »          كل المواسم يا بلد إطاقَشَن (الكاتـب : - مشاركات : 0 - المشاهدات : 361 - الوقت: 06:11 PM - التاريخ: 10-03-2023)           »          الشوق غلب (الكاتـب : - مشاركات : 0 - المشاهدات : 838 - الوقت: 04:36 AM - التاريخ: 05-29-2023)           »          سلام ومحبة (الكاتـب : - مشاركات : 0 - المشاهدات : 7699 - الوقت: 08:04 AM - التاريخ: 10-03-2022)           »          «الفقرا» شوق وحنين (الكاتـب : - مشاركات : 0 - المشاهدات : 10309 - الوقت: 01:25 PM - التاريخ: 08-13-2022)           »          جمعية الصفوة السودانية تحتفي بتدشين كتاب ذكرياتي مع الشيخ الوالد محمد أحمد حسن بقاعة (الكاتـب : - مشاركات : 0 - المشاهدات : 10243 - الوقت: 03:00 PM - التاريخ: 07-16-2022)           »          يوم الرحول.. (الكاتـب : - مشاركات : 0 - المشاهدات : 6032 - الوقت: 03:36 PM - التاريخ: 07-14-2022)           »          سلام ومحبة (الكاتـب : - مشاركات : 1 - المشاهدات : 6839 - الوقت: 07:16 PM - التاريخ: 05-08-2022)           »          مبروووك (الكاتـب : - آخر مشاركة : - مشاركات : 1 - المشاهدات : 7251 - الوقت: 04:33 AM - التاريخ: 08-15-2021)


الإهداءات


العودة   منتديات الحصاحيصا نت alhasahisa > «۩۞۩-المنتديات العامه-۩۞۩» > ۩ﺴ ﺴ۩راكوبة الحصاحيصا۩ﺴ ﺴ۩

۩ﺴ ﺴ۩راكوبة الحصاحيصا۩ﺴ ﺴ۩ مساحة للونسة والضحك ونسيان بعض الهموم فيها

إنشاء موضوع جديد  إضافة رد
المنتدى المشاركات الجديدة ردود اليوم شاهدة المشاركات المشاركة التالية
 
أدوات الموضوع انواع عرض الموضوع
#1  
قديم 03-11-2010, 06:26 AM
سكّوتاويه غير متواجد حالياً
لوني المفضل Brown
 رقم العضوية : 4349
 تاريخ التسجيل : Feb 2010
 فترة الأقامة : 5145 يوم
 أخر زيارة : 07-07-2010 (03:02 PM)
 المشاركات : 40 [ + ]
 التقييم : 10
 معدل التقييم : سكّوتاويه is on a distinguished road
بيانات اضافيه [ + ]
افتراضي بنات زمان وريدة زمان



يا حليل زمان وايام زمان

انا كنت ومازلت من اكتر الناس حبا" وعشقا" لاغاني الحقيبة ..

وكلما اسمعها احس اني بسمعها لاول مرة

ودايما كنت بستغرب في الشعراء ديل جابو وصف الجن ده من وين!!

وبستغرب في المخيلة العجيبة دي.

وبسأل نفسي معقول النسوان ديل بشر ولأ صحي من حور الجنان ؟؟

ومعقول الجمال ده كلو كان في السودان؟؟؟ .

واكيد في ناس كتار زي كدة

ومن ضمنهم صديقي العزيز اللاقيتو في حافلة عامة

وكان صوت ياسر تمتام يصدح بأجمل ما قيل في الحب والجمال والنساء,,

والتفت لي صاحبي وانا في قمة النشوة وهو ما أقل مني لو ما أكتر

وقلت ليو: بالله سيد عبد العزيز ده لو كان شاف الجكس الحايم ده كان كتب شنو؟؟

ورد علي صاحبي وشاركنا جارنا في الكرسي الورانا:

((علي بالطلاق ما كان كتب الحبة))

معقول يا جماعة ؟؟؟؟

المنطق بقول نسبة الجمال زادت في السودان !!

زايد رياح الموضة والشياكة والحلاوة والطلاوة المصاحبة لي طلة الجكس

زايد الانفتاح والاختلاط والجامعات والمكاتب !!!

واتحول النقاش لي جدل رجالي جماعي

وكويس انو الحافلة كانت تخلو من الجكس

الإ من خالتين تلاتة ممن تجاوزن الخمسين والستين..

واكد الكل انو الشعراء لو شافو بنات الزمن ده

ما كانو حركو فيهم ساااااااكن

ولا كنا سمعنا بي اغاني الحقيبة من اصلو!!...

وشاركنا واحد من جيل الحقيبة كان راكب ورانا

واول ما سمع طرف الموضوع قام واستند علي عصايتو

وبرقت عيونو بي شقاوة توحي انو عمك كان في شبابو راس هوس كبير وقال لي:

يا اولادى زمان النسوان كانو جواهر كانو درر

المرة تنشف ريقك عشان تسمع ((نغيم فاها))

المرة كانت زي هلال العيد تطلع روحك عشان تلمح صورتها

المرة كانت غاااااااااالية لا بتتلحق لا بتتهبش

النسوان كانن في الخدور يزينن الحياء وكاسياهم الحشمة

الواحدة حتي لو الله رضي عليك واخدتها بالحلال

تفضل مجرياك وراها سنة عشان تتكلم معاك او تسمعك صوتها

وتشحدها شحدة عشان تقول ليك اسمك

وكل يوم تقول ليك خلاص بقول ليك اسمك بكرة

ويجي الصباح وتقول ليك بخجل خلي بالليل

ويجي الليل وتقول ليك اطفي النور وغمض عيونك وقبل علي الحيطة

وبعد ده كلو تقول ليك الحرف الاول من اسمك وتقول ليك الباقي بكرة

وتفضل علي الحال ده زمنننننننن لمن روحك تشحتف وعينك تطلع وعقلك يشت

ويوم تقول ليك اسمك ده يوم عيدك

مش زي هسة من اول يوم تنبح بي اسمك تهاتي وتنادي

الحلة كلها تسمع لا طعم لا ريحة وانت ينادوك كأنو ده مااسمك!! ..

النسوان يا ولدي كان فيهن جمال غريب وبريق عجيب

انقرض بعوامل القهارة الجات لبنات الزمن ده

الواحدة فيهن بقت تخوف الراجل من قوة عينها

الواحدة تقعد تتونس مع الراجل كانها واحد صاحبو

كلام يخوف ويكلب شعرة جلدك وقالو بقن يخمسن مع الرجال

وواحدات قالو لي بشيشن

عليك الله الناقصن شنو غير العمة والعصاية !!!

اصلا شيطان الشعر شرد من قوتن ومساختن وكترتن

والله ود بتي بحكي لي كيف البنات معزبنو

وكيف الولد بتزاوق منهن زي ود الموية

لا نفعت دبلة معاهن ولا نفعت فقارة ولا صرت وش

يا كافي البلاء النسوان بقن ((ويكة ساري))

بس قولو لي حريم متل ديل يكتبو فيهن شنو؟؟؟

يعني معقول يقولو فيهن:

(( حاول يخفي نفسو وهل يخفي القمر في سماهو؟؟؟))

ولأ يقولو ليهن:

(( يومي الاشوفك يبقي عيد والدنيا تبقي معيدة ))

ولا (( مين لي سماك يطول ما بطولك اللمسان

معناك شرحو يطول والله يا انسان))

ديل بقن هن البغنن للرجال وبقولوا ولأ استغفر الله ما في داعي.

ديل بلومن الرجال وبقولن ليهن:

((ياالبتبخل بالزيارة وياالبتنضم بالاشارة))

يا كافي البلاء في زمنا النسوان الكانن مبكمات

وبنضمن بالاشارة ويشاغلن من بعيد لبعيد

هسه انعكست الاية الرجال بقو يأشرو والنسوان يصفرو...

ديل نسوان علي بالطلاق الواحدة فيهن تعكلت فيك

الا بس يحلك منها الحلة بله

ديل زي ما قالو اهلنا آخر الزمن يجيكم:

((زمن الشنكل الراجل ينفض والمرة تتعنكل))

قال شعر وحقيبة ديل لو شافن المتنبي حا يبقي سواق ركشة!!!

وشاركنا شاب وجيه يجلس في الكنبة الاخيرة,

تقريبا في اواخر العشرينيات بس يبدو عليو الالتزام والاحترام

وقال ليهو صدقت يا عم الحاج

والله انا يوماتي بواجه مشاكل من النوع ده رغم اني متزوج

وبقول ليهم كده بس قالو لي طيب مالو: ((راجل المرة حلو حلا))

ديل يا عمي الحاج ما بنفع معاهم الإ ندّس في البيوت ونخليهم براهم في الشارع

يا عمي ديل الشعراء يعملو بيهم شنو؟؟؟

وشاركتنا خالة جالسة بكل وقار وزايداها الشلوخ رزانة

وقالت ليو: صدقت يا ود بطني ديل اريتن بنات اليابا والتابا

القاهرات امات عينن قوية وسنن ملوية

ديل اريتن بالتقصهن وتكسر رقابن فايرات زي الكركار الفي النار..

يسكن بالموبايلات والمس كولات والمسجات

ولمن تغلبن ام غلاب يجن يدقن الباب عديل لا خوف لا خجل لا وليان لا أهل ..

جنس ده يا ولدي في حجي جحا ما سمعنا بيهو

ولا قايلين بنعيش لمن نشوف جنس ده!!!!

مزنقات بالبناطلين زي المجبسات وزاردات السوست

والمطلعنو اكتر من المغطنو وبعد ده كلو ما جايب ليهن مريسة تام زينو

الرجال عافوهن ولا عبروهن يا كافي البلاء وحايدن المحن ..

نقرن الشيب ولا جنا ولا تنا ..

يعرسو ليهن شنو يا ولدي ديل متكشفات و مستعرضات

كل زول حايم معرسن بي عيونو

الجزمجي والمكوجي والمهندس والدكتور والضبان والباعوض كلو لامي فيهن..

وود حشايا ده بقول ما كتبو فيهن شعر

ديل يا ولدي بقولن للرجال: ((انا جيتو جاريةعريانة))

يطرشني زي الغنا ده ما سمعت بيهو

د يل مسخنها عديل وجابن لأمنا حواء الكلام!!

وفي الاثناء دي صدح ياسر تمتام : ((طاهرين عفاف يا حبيبي نخلو من قذر...الخ))

وتحول مجري الحديث للحب زمان والحب هسه

وكيف كان الحب طاهر وعفيف ولذيذ

وبرضو اتحفنا عمنا الحاج بروائع الحب زمان

وقال لنا ما لم يقله مالك في الخمر

واكيد كانت الغلبة لحب زمان وبنات زمان وجمال زمان

وطلعنا نحن فشوش

ووصلت لمحطة بيتنا

وأول ما نزلت من الحافلة لقيت واحدة مسخوتة في وشي

وقالت لي: ((الأزرق ده الإ في السماء)) في اشارة لي لون قميصي

ابتسمت ولسان حالي بقول:

الله يرحمك يا سيد ويا عبيد ويا خليل فرح ويا كرومة وسرور

ويا أيام زمان ونسوان زمان وبنات زمان وريدة زمان.


م
ن
ق
و
ل



 توقيع : سكّوتاويه


رد مع اقتباس
قديم 03-11-2010, 08:53 AM   #2


الصورة الرمزية ود اللواء
ود اللواء غير متواجد حالياً

بيانات اضافيه [ + ]
 رقم العضوية : 4332
 تاريخ التسجيل :  Feb 2010
 أخر زيارة : 05-17-2013 (08:31 PM)
 المشاركات : 774 [ + ]
 التقييم :  16
لوني المفضل : Brown
افتراضي



كلامك صحيح انا زمان ايام المتوسطة كنت بحب لى واحدة كلما احاول ان اتكلم معاها تجنى الرجفة وهى كمان بتقيف جرى بس .... غايتو اليوم رجعتنى الى ايام الشباب و الحب الصادق والمخلص ... لك كل الشكر و التقدير


 

رد مع اقتباس
قديم 03-11-2010, 01:02 PM   #3


سيمو غير متواجد حالياً

بيانات اضافيه [ + ]
 رقم العضوية : 2880
 تاريخ التسجيل :  Apr 2009
 أخر زيارة : 04-19-2010 (05:50 AM)
 المشاركات : 16 [ + ]
 التقييم :  10
لوني المفضل : Brown
افتراضي



كلام مضبوط 100%.لكن ياأختي يا سكوتاوية انتي من ياتو فيهن.؟؟؟-أما عن نفسي ممكن اضع نفسي في مكان بينهما لأني احمل بعض صفات كليهما.


 

رد مع اقتباس
قديم 03-11-2010, 02:36 PM   #4




الصورة الرمزية ود طابت
ود طابت غير متواجد حالياً

بيانات اضافيه [ + ]
 رقم العضوية : 3417
 تاريخ التسجيل :  Jul 2009
 أخر زيارة : 05-12-2022 (12:00 PM)
 المشاركات : 835 [ + ]
 التقييم :  26
لوني المفضل : Brown
Thumbs up



[justify]سكوتاوية
ود اللواء
سيمو
سلام للجميع وعاطر التحية
منقول لكم التسلسل الزمنى لسيناريوهات الخطوبة على مدى عقود من الزمان .
-------------------------

سنه 1930
الأب : الضيف إلي جاي عندي خطبك وانا اديتوكلمه ، عرسك يوم الجمعه الجايه
البنت : إن شاء الله يا أبوي .
*********
سنه 1950
الأم : الاسبووع الجاي عرسك ' مبروووك '.
البنت : إلبتشوفيه يمه ، وعلامات الرضى على الوجه
*********
سنة 1960
الأم : ودعمك قل دايرك وكلم ابوك ، ألف مبروك
البنت : سكوووووووت ووجه مملوء بالخجل والفرحة
*********
سنه 1970
الام : ابن فلان تقدملك موافقة ولا لا ؟
البنت : بقت تدلع
تقول : ' لا دايره اقراء' ... سبحان مغير الاحواااال
*********
سنه 1980
شويه شويه البنت تسأل اصله وفصله وشغال شنووبصرف كم .... وبعد كل هذه الاسئله والكل ينتظر الجواب
ترد عليهم : الراجل ده اكبر منى ومابقدر يفهمنى
*********
سنه 1990
إنعكست الآيه والبنت تتشرط وتقول : ابوى اقعد معه
وأتعرف عليه اكثر عااادي
*********
سنه 2000
البنت : شوفي يمه ، حبيبي جاي يخطبني اليوم موافقين
ولا ما موافقين ؟
وعشان كان ماموافقين بعرسو بعرسو
*********
سنه 2010
البنت : انابحبك ومستعده اعرسك اسى !! أنا موافقة وكان ما عرستنى بنتحرررر
*********
سنه 2015
البنت : اليوم خطبتي ياابوى..... ماتطلع من البيت اوكي ,
الاب : كويس بجى الساعه كم ?
*********
سنه 2020
البنت : بابا بابا الاسبووع الجاي عرسي وانت معزوووم[/justify]


 
 توقيع : ود طابت

أبو علام


رد مع اقتباس
قديم 03-11-2010, 03:50 PM   #5
أبو حسين (سومي)


الصورة الرمزية هيثم بندي
هيثم بندي غير متواجد حالياً

بيانات اضافيه [ + ]
 رقم العضوية : 1380
 تاريخ التسجيل :  Oct 2007
 أخر زيارة : 04-08-2018 (10:43 AM)
 المشاركات : 1,668 [ + ]
 التقييم :  10
 الدولهـ
Sudan
 الجنس ~
Male
لوني المفضل : Brown
افتراضي



الاخت سكوتاوية ،، البوست جميل جدا ورائع ،،، أحلي ما فيهو فكرة النقاش واللمة داخل المركبة ،، طبعا استخدام الكلمات بطبيعتها عمل نكهة تعطيك جميع وقائع الكلمات حتي تسوقك نقاشاتهم كانك في المقعد الخلفي مستمع دون شراك للواقع المرير والونسة الحلوة الدقاق ,,, والكلام صاح مليون في المائة والبوست رائع رائع ،،،


 
 توقيع : هيثم بندي



رد مع اقتباس
قديم 03-12-2010, 09:01 AM   #6


سكّوتاويه غير متواجد حالياً

بيانات اضافيه [ + ]
 رقم العضوية : 4349
 تاريخ التسجيل :  Feb 2010
 أخر زيارة : 07-07-2010 (03:02 PM)
 المشاركات : 40 [ + ]
 التقييم :  10
لوني المفضل : Brown
افتراضي



اقتباس:
المشاركة الأصلية كتبت بواسطة ود اللواء مشاهدة المشاركة
كلامك صحيح انا زمان ايام المتوسطة كنت بحب لى واحدة كلما احاول ان اتكلم معاها تجنى الرجفة وهى كمان بتقيف جرى بس .... غايتو اليوم رجعتنى الى ايام الشباب و الحب الصادق والمخلص ... لك كل الشكر و التقدير


تعظيم سلام لود اللواء
وشكرا بلا حدود لمرورك العطر
وفعلا الحب زمان كان غير
أيام الجوابات والفلوسكابات
اما الوقت الحالي الله يعين على زمن ال( miss call) لات


 
 توقيع : سكّوتاويه



رد مع اقتباس
قديم 03-12-2010, 09:21 AM   #7


سكّوتاويه غير متواجد حالياً

بيانات اضافيه [ + ]
 رقم العضوية : 4349
 تاريخ التسجيل :  Feb 2010
 أخر زيارة : 07-07-2010 (03:02 PM)
 المشاركات : 40 [ + ]
 التقييم :  10
لوني المفضل : Brown
افتراضي



اقتباس:
المشاركة الأصلية كتبت بواسطة سيمو مشاهدة المشاركة
كلام مضبوط 100%.لكن ياأختي يا سكوتاوية انتي من ياتو فيهن.؟؟؟-أما عن نفسي ممكن اضع نفسي في مكان بينهما لأني احمل بعض صفات كليهما.
سيمو أخوي
أنا برضي زيك جزء من الزمن السمح وجزء من الزمن الأغبر 0

إتونسنا معاهم بس ما بقوة عين
اختلطنا معاهم في الجامعة وقعدنا معاهم في بنش واحد بس والله بكل أدب وإحترام
لبسنا الموضة بس ما اتزنقنا جوه البناطلين
حلمنا كثيرا بفارس الأحلام بس عمرنا ما فكرنا في راجل مره


 
 توقيع : سكّوتاويه



رد مع اقتباس
قديم 03-14-2010, 07:25 AM   #8


الصورة الرمزية رانيا خضر
رانيا خضر غير متواجد حالياً

بيانات اضافيه [ + ]
 رقم العضوية : 2608
 تاريخ التسجيل :  Feb 2009
 أخر زيارة : 12-30-2019 (09:21 AM)
 المشاركات : 6,390 [ + ]
 التقييم :  50
 الدولهـ
Sudan
 الجنس ~
Female
لوني المفضل : Chocolate
افتراضي



يا سكتاوية دا عصر العولمة والانترنت.......


 

رد مع اقتباس
قديم 03-15-2010, 03:26 PM   #9


الصورة الرمزية sit_albanat
sit_albanat غير متواجد حالياً

بيانات اضافيه [ + ]
 رقم العضوية : 2658
 تاريخ التسجيل :  Feb 2009
 أخر زيارة : 01-05-2012 (06:32 PM)
 المشاركات : 4,999 [ + ]
 التقييم :  14
لوني المفضل : Brown
افتراضي



سكتاوية ازيك ياغالية

والله جبتي لينا النبيشة لكن ...............

طبعا زمان البعد كان باجج الشوق وبدي الخيال براحة

وهسي الموبايل ما خلا اي مساحة شوق .... ولا ادى للخيال فرصة

بس انا بعتقد انه المشكلة ما مشكلة بنات وبس .... المجتمع لو ما شجع البت المجبصة بالبنطلون دي وقال ليها


يا سلام ما كانت لبسته تاني

المشكلة انه الناس بقت عايشة حالة صراع وتناغض بين قيما القديمة وبين مفاهيم جديدة جات داخله عليها

والله المستعان

وتسلمي يا غالية


 

رد مع اقتباس
قديم 03-17-2010, 07:18 AM   #10


سكّوتاويه غير متواجد حالياً

بيانات اضافيه [ + ]
 رقم العضوية : 4349
 تاريخ التسجيل :  Feb 2010
 أخر زيارة : 07-07-2010 (03:02 PM)
 المشاركات : 40 [ + ]
 التقييم :  10
لوني المفضل : Brown
افتراضي



سنه 2015
البنت : اليوم خطبتي ياابوى..... ماتطلع من البيت اوكي ,
الاب : كويس بجى الساعه كم ?
*********
سنه 2020
البنت : بابا بابا الاسبووع الجاي عرسي وانت معزوووم

ود طابت لك مني اطيب التحايا
اسعدني مرورك واضافاتك
والله يكفينا شر المستخبي يا اخوي


 
 توقيع : سكّوتاويه



رد مع اقتباس
قديم 03-17-2010, 07:23 AM   #11


سكّوتاويه غير متواجد حالياً

بيانات اضافيه [ + ]
 رقم العضوية : 4349
 تاريخ التسجيل :  Feb 2010
 أخر زيارة : 07-07-2010 (03:02 PM)
 المشاركات : 40 [ + ]
 التقييم :  10
لوني المفضل : Brown
افتراضي



اقتباس:
المشاركة الأصلية كتبت بواسطة هيثم بندي مشاهدة المشاركة
الاخت سكوتاوية ،، البوست جميل جدا ورائع ،،، أحلي ما فيهو فكرة النقاش واللمة داخل المركبة ،، طبعا استخدام الكلمات بطبيعتها عمل نكهة تعطيك جميع وقائع الكلمات حتي تسوقك نقاشاتهم كانك في المقعد الخلفي مستمع دون شراك للواقع المرير والونسة الحلوة الدقاق ,,, والكلام صاح مليون في المائة والبوست رائع رائع ،،،
الأروع وجودك هنا وحضورك الباهي
اخوي هيثم
دمت لنا ودام قلمك


 
 توقيع : سكّوتاويه



رد مع اقتباس
قديم 03-17-2010, 07:26 AM   #12


سكّوتاويه غير متواجد حالياً

بيانات اضافيه [ + ]
 رقم العضوية : 4349
 تاريخ التسجيل :  Feb 2010
 أخر زيارة : 07-07-2010 (03:02 PM)
 المشاركات : 40 [ + ]
 التقييم :  10
لوني المفضل : Brown
افتراضي



اقتباس:
المشاركة الأصلية كتبت بواسطة رانيا خضر مشاهدة المشاركة
يا سكتاوية دا عصر العولمة والانترنت.......
الحبيبه رانيا
ما هو ده ذاتو سبب البلاوي دي كلها
والله المستعان


 
 توقيع : سكّوتاويه



رد مع اقتباس
قديم 03-17-2010, 07:51 AM   #13


سكّوتاويه غير متواجد حالياً

بيانات اضافيه [ + ]
 رقم العضوية : 4349
 تاريخ التسجيل :  Feb 2010
 أخر زيارة : 07-07-2010 (03:02 PM)
 المشاركات : 40 [ + ]
 التقييم :  10
لوني المفضل : Brown
افتراضي



اقتباس:
المشاركة الأصلية كتبت بواسطة sit_albanat مشاهدة المشاركة
سكتاوية ازيك ياغالية

والله جبتي لينا النبيشة لكن ...............

طبعا زمان البعد كان باجج الشوق وبدي الخيال براحة

وهسي الموبايل ما خلا اي مساحة شوق .... ولا ادى للخيال فرصة

بس انا بعتقد انه المشكلة ما مشكلة بنات وبس .... المجتمع لو ما شجع البت المجبصة بالبنطلون دي وقال ليها


يا سلام ما كانت لبسته تاني

المشكلة انه الناس بقت عايشة حالة صراع وتناغض بين قيما القديمة وبين مفاهيم جديدة جات داخله عليها

والله المستعان

وتسلمي يا غالية
احبتي في منتديات الحصاحيصا
اسمحوا لي أن أحيي sit albanat بتحية خاصة واكتب لها ما كنت أحتفظ به في قلبي من إعجاب بفكرها وقلمها وخفة ظلها وحضورها الباهي أسمحوا لي أن أحييها وقد جاءتني الفرصة التي كنت انتظرها ،فست البنات معي هنا يلامس قلمي قلمها
يا ستنا ويا فخرنا ويا كل الصفات الجميلة
ياملكة الفكر والكلمة.رسمتِ احلى الصور فأحسنت رسمها.لا قول بعد قولك.
لك الشكر فقد عشت الاحساس من كلماتك.أصدق الكلمات كلماتك.وابدع الصور رسمك واحسن الأفكار فكرك أختاه

ست البنات لم ألتقيها ولم أعرفها الا من خلال كتاباتها ولكن أحببتها في الله

فعن أبي داود وأحمد عن المقدام بن معدي كرب قال قال صلى الله عليه وسلم :

(( إذا أحب أحدكم أخاه فليعلمه انه يحبه ))
اني أحبك في الله ستو


 
 توقيع : سكّوتاويه



رد مع اقتباس
قديم 03-18-2010, 11:54 AM   #14


الصورة الرمزية sit_albanat
sit_albanat غير متواجد حالياً

بيانات اضافيه [ + ]
 رقم العضوية : 2658
 تاريخ التسجيل :  Feb 2009
 أخر زيارة : 01-05-2012 (06:32 PM)
 المشاركات : 4,999 [ + ]
 التقييم :  14
لوني المفضل : Brown
افتراضي



الله............................

ربنا يجبر بي خاطرك يا غالية ..... دا بس من اصلك ...... وربنا يجمعنا علي محبته دنيا واخرة يارب

ودمتي دائما

واقصى الود تحيااااتي


 

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الحي أيام زمان النرجسية ۩ﺴ ﺴ۩راكوبة الحصاحيصا۩ﺴ ﺴ۩ 26 01-07-2019 03:40 AM
زمان كُنّا بنَشيل الوُّد سركيس «۩۞۩-منتدى الحصاحيصا الحر-۩۞۩» 4 07-18-2009 07:33 AM
(والله أيام يا زمان ) حافظ بشير الطيب حسن «۩۞۩-منتدى الحصاحيصا الحر-۩۞۩» 56 04-21-2009 03:31 PM
حفلات زمان وهجيج زمان ابوذر حسن طه «۩۞۩-منتدى الادب والثقافة-۩۞۩» 1 11-20-2008 09:45 AM
ياحيل زمان زمن الامثال عمادبندي «۩۞۩-منتدى الحصاحيصا الحر-۩۞۩» 5 10-07-2008 08:55 PM


الساعة الآن 01:02 AM.


Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
vEhdaa 1.1 by NLP ©2009