التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم 
قريبا

بقلم :
قريبا
آخر 10 مواضيع
الفقرا العزمو القطر (الكاتـب : - مشاركات : 0 - المشاهدات : 192 - الوقت: 06:16 AM - التاريخ: 01-18-2024)           »          إلى وطني .. لن تأتي العصافيرُ[ (الكاتـب : - مشاركات : 0 - المشاهدات : 615 - الوقت: 06:16 PM - التاريخ: 10-03-2023)           »          كل المواسم يا بلد إطاقَشَن (الكاتـب : - مشاركات : 0 - المشاهدات : 362 - الوقت: 06:11 PM - التاريخ: 10-03-2023)           »          الشوق غلب (الكاتـب : - مشاركات : 0 - المشاهدات : 838 - الوقت: 04:36 AM - التاريخ: 05-29-2023)           »          سلام ومحبة (الكاتـب : - مشاركات : 0 - المشاهدات : 7700 - الوقت: 08:04 AM - التاريخ: 10-03-2022)           »          «الفقرا» شوق وحنين (الكاتـب : - مشاركات : 0 - المشاهدات : 10309 - الوقت: 01:25 PM - التاريخ: 08-13-2022)           »          جمعية الصفوة السودانية تحتفي بتدشين كتاب ذكرياتي مع الشيخ الوالد محمد أحمد حسن بقاعة (الكاتـب : - مشاركات : 0 - المشاهدات : 10245 - الوقت: 03:00 PM - التاريخ: 07-16-2022)           »          يوم الرحول.. (الكاتـب : - مشاركات : 0 - المشاهدات : 6033 - الوقت: 03:36 PM - التاريخ: 07-14-2022)           »          سلام ومحبة (الكاتـب : - مشاركات : 1 - المشاهدات : 6842 - الوقت: 07:16 PM - التاريخ: 05-08-2022)           »          مبروووك (الكاتـب : - آخر مشاركة : - مشاركات : 1 - المشاهدات : 7252 - الوقت: 04:33 AM - التاريخ: 08-15-2021)


الإهداءات


العودة   منتديات الحصاحيصا نت alhasahisa > «۩۞۩-المنتديات العامه-۩۞۩» > «۩۞۩-المنتدى الرياضى-۩۞۩»

«۩۞۩-المنتدى الرياضى-۩۞۩» يختص بجميع اخبار الرياضة

إنشاء موضوع جديد  إضافة رد
المنتدى المشاركات الجديدة ردود اليوم شاهدة المشاركات المشاركة التالية
 
أدوات الموضوع انواع عرض الموضوع
#1  
قديم 01-05-2011, 09:58 AM
ياضلنا


محمد ودرعيه غير متواجد حالياً
    Male
SMS ~ [ + ]
من ضبط نفسه فهو لها قائد ومن قادته فهو لها عابد
لوني المفضل Blue
 رقم العضوية : 7366
 تاريخ التسجيل : Aug 2010
 فترة الأقامة : 4976 يوم
 أخر زيارة : 11-17-2015 (03:36 PM)
 الإقامة : في بلد الله الوسعة
 المشاركات : 3,409 [ + ]
 التقييم : 21
 معدل التقييم : محمد ودرعيه is on a distinguished road
بيانات اضافيه [ + ]
Post محمد عبد الماجد / صعيدي في (الرد كاسل)



نقرتين لعرض الصورة في صفحة مستقلة




{ في عام 1998 قدم المخرج السوداني (سعيد حامد) كوكبة من نجوم الصف الثاني في السينما المصرية وقتها، ليكونوا ابطالا فيما بعد ويستقل أي اسم من الاسماء التي قدمت في الفيلم كمجموعة.. استقلال فردي...ويصبح أي فردا منهم بطلا يشار اليه بالبنان.



{ ومن غرائب الاشياء ان الاسماء التي قدمها سعيد حامد في فيلم (صعيدي في الجامعة الامريكية) اصبح أي اسم من هذه المجموعة يلعب الدور الاول والاساسي لوحده في أي فيلم يسند له..ويشكل لوحده رقما لا يمكن تجاوزه في سماء السينما العربية.



{ واذا راجعت اسماء الشباب الذين قدمهم سعيد حامد في ذلك الزمن سوف تتيقن ان سعيد قدم للسينما المصرية ابطالا هم نجوم الشباك في الوقت الحالي.



{ قدم سعيد حامد في فيلم (صعيدي في الجامعة الامريكية) كل من محمد هنيدي واحمد السقا وطارق لطفي ومني زكي وهاني رمزي وغادة عادل وفتحي عبدالوهاب واميرة فتحي.



{ هؤلاء جميعهم كانوا مشاركون في فيلم من اخراج سعيد حامد.



{ أي اسم من هذه الاسماء يمكن ان يلعب دور البطولة المطلقة لاي فيلم يشارك فيه الان..عليه فان المخرج السوداني سعيد حامد استطاع ان يمد السينما المصرية بـ 9 ابطال اصبحوا يشكلون وجه السينما المصرية في الوقت الحالي.



{ غير هذا فان سعيد حامد قلب فكر السينما المصرية عندما جعلها تتجه نحو الشباب وتقدم قضاياهم بصورة فيها الكثير من الكوميديا.



{ ويحفظ لسعيد حامد تقديم جيل كامل من السينمايين الذين اصبحوا يشكلون واقع السينما العربية في هذا الزمن.



{ ويمكن ان نقول ان السينما الان تعيش في زمن سعيد حامد باعتبار ان افلام الكوميديا التي تعرض الان يرجع الفضل فيها الي مخرج سوداني.



{ ربما نجاح الفيلم وتكسيره للارقام القياسية هو الذي جعل السينما المصرية تتجه نحو هذه الموجة من الافلام.



{ فيلم (صعيدي في الجامعة الامريكية) حقق اعلى الارادات في تاريخ السينما المصرية وقتها اذ وصلت ايرادت الفليم لـ (27) مليون جنيه مصري.



{ وهذا رقم وقتها يعتبر (قياسي)..لا سيما وان افلام هذا الزمن تفشل في الوصول لهذا الرقم رغم ان الفيلم (صعيدي في الجامعة الامريكية) قدم قبل اكثر من 12 عاما.



{ وتجربة سعيد حامد السوداني الذي نجح في السينما المصرية تعتبر تجربة مثيرة وغريبة وتميز المخرج السوداني بانه هو الذي منح الكثير من نجوم السينما المصرية الان اول بطولاتهم المطلقة.



{ قدم سعيد حامد (احمد السقا) والنجمة اللبنانية (نور) في اول بطولة مطلقة لهما في فيلم (شورت وفانلة وكاب) وهو فيلم ايضا حقق الكثير من النجاح واعطي السقا والنور بريقا كبيرا.



{ وقدم سعيد حامد نجمة السينما المصرية الحالية ياسمين عبدالعزيز في اول بطولة مطلقة لها مع اشرف عبدالباقي في فيلم (رشة جرئية) وقد انطلقت ياسمين عبدالعزيز بعد ذلك لتكون النجمة الاولي في مصر في الوقت الحالي.



{ سعيد حامد معني بتقديم وجوه شابة وجديدة باستمرار ...وهو نفسه الذي قدم (طلعت زكريا) في اول بطولة مطلقة سينمائية له في فيلم (طباخ الرئيس).



{ ومازال المخرج السوداني يقدم بتميز ملحوظ اسماء موهوبة وجديدة للسينما المصرية رغم ان المخرج الكبير ولد في الخرطوم وبدأ حياته الفنية كمؤلف لكنه اختار الاخراج بعد ذلك عندما وجد ان (المخرج) هو الذي يحدد نوع العمل.



{ هذا عن سعيد حامد الذي احدث فتوحات كبيرة في السينما المصرية وانتصارات تحسب للشخصية السودانية.



{ رغم ان الشخصية السودانية في السينما المصرية تعرض للتندر والسخرية.



{ لكن سعيد حامد استطاع ان يؤكد عبقرية الشخصية السودانية رغم ان سعيد أُنتقد في بعض الشخصيات السودانية التي قدمها عرضا في افلامه.



{ نخلي سعيد حامد وتجربته الرائعة في السينما المصرية ..ونشوف عصام الحضري ...الصعيدي في (الرد كاسل).



{ نحن أي حاجة عندنا بي نظام.



{ عصام الحضري زي خلف الدهشوري.



{ ما عندو أي فرق.



{ قلنا ليكم (الحضري) دا ما بنريحو ليكم.



{ قعدتوا تغالطوا فينا.



{ نحن حقنا ما بنخلى.



{ وجنسيتنا دي بنخلصها.



{ زول عمرو اكتر من اربعين سنة ..تفتكروا ح نخلي.



{ نحن (المناضل) ما خلينا.



{ الزول (الفدائي) ما سبناهو.



{ نجي نخلي (الهارب).



{ معقولة نخلي (الخائن).



{ تعالوا اعمل ليكم مباراة قمة (تقديم).



{ مباراة هلال مريخ ...اشوف ليكم البحصل فيها شنو؟.



{ تابعوا معاى السيناريو دا.



{ اتخيلوا ان هناك هلال مريخ.



{ طبعا في جماعة من الكلام دا اعصابها بتبوظ.



{ ناس بابكر سلك ديل عشرة يوم ما بتكتبو.



{ سلك من كترة الوصافة (الشاي) بقي ما بشربو.



{ الشاي هسع ذنبو شنو؟.



{ وحسن محجوب بقوم عليه (الغضروف).



{ اصلو غضروف حسن محجوب دا ما في حاجة بتقومو غير تصويبات مهند الطاهر.



{ يا حسن محجوب كان طلعت (حارس مرمي) كنت عذرت ناس اكرم الهادي سليم.



{ كنت لقيت ليهم عذر.



{ وكنت شلت هم الحضري.



{ مجدي مطبات طبعا وقت يلقي المريخ اتغلب ..ببطل الكتابة ..وبمشي يشوف ليه شغلة تانية.



{ ان شاءالله يعمل ليه (عيادة خارجية).



{ بنكر الكتابة دي (حطب).



{ واول ما تظهر جريدة جديدة ..تلقي كاتب فيها.



{ نظام الناس نسوا الموضوع ..وعاوز يفتح ليهو صفحة جديدة.



{ اما اخونا مامون ابوشيبة ..اول ما المريخ يتغلب من الهلال في القمة القادمة ..بقول نحن ما قلنا ليكم (الحضري) دا كبير.



{ وعمرو 40 سنة.



{ ومع الكلام دا..مامون ابوشيبة بقول عندنا ضرية جزاء الحكم ما حسبها لينا.



{ ضربة جزاء ارتكبها ياسر رحمة مع عبدالمجيد جعفر.



{ تذكروا.



{ اسماعيل حسن ..طبعا من جماعة (نهواه في كل الظروف).



{ اسماعيل حسن وجعفر سليمان..انا عارفهم.



{ جماعتكم ديل بتاعين (نهواه في كل الظروف).



{ السنة دي ح تشبعوا من (نهواه في كل الظروف).



{ خاصة انكم جبتوا بتاع (أي دمعة حزن لا لا).



{ تاني ناص الحضري وعماد النحاس وحسام البدري بعد كل مباراة بقعدوا يغنوا في الكنبة : (أي دمعة حزن لا لا).



{ اما العريس ابراهيم عبدالله فهو سوف يكتب بعد هزيمة المريخ من الهلال بحرقة ويطالب من جمال الوالي يشيل (طابقو).



{ ابراهيم عبدالله طبعا زول بتاع حقيقة.



{ وبعد العرس في ناس قالوا ابراهيم بقي هلالابي...زول اكمل نص دينو اكيد يبقي هلالابي عشان يكون مية المية.



{ مزمل ابوالقاسم بحاول يطلع من الموضوع ويقوم يغش ليكم المريخاب يقول ليهم في زول تاني مسح الايميل.



{ ايميل شنو؟.



{ ايميل فليكس.



{ اها يا مزمل المرة دي ناس الهلال جابو ليهم تقليعة جديدة ..خلوا ليك اللاعب براهو يجيب البطاقة.



{ لا ايميل لا دي اتش ال.



{ دي شغل صعب عليكم.



{ اها ح تقول شنو تاني.



{ ح تقول الطيارة السافر بيها فيلكس طيارة وهمية.



{ وإلا بتقول (التذكرة) اتمسحت.



{ والله ناس الهلال ديل كل مرة يطلعوا ليكم بي حاجة.



{ كل ما تفهموا حاجة ..يطلعوا ليكم بي حاجة تانية.



{ نحن أي حاجة عندنا بي نظام.



{ نحن ناس نظام ساكت.



{ نرجع للحضري.



{ خلف الدهشوري.



{ نخلى الاعلام السالب دا.



{ الحضري طبعا قبل مباراة القمة وقبل الدخول في المعسكر بقول لادارة المريخ انا ما بعسكر لو ما اخذت (مقدم) معسكر.



{ هو كمان المعسكر عندو مقدم.



{ كيف ما عندو (مقدم) انتوا عاوزين احسن حارس في افريقيا يعسكر ليكم (مجاني).



{ اقعدوا سمعوه (احسن حارس في افريقيا) لما يقول ليكم انا ما بلعب مع موسي الزومة.



{ غيروا لي موسي الزومة.



{ تغيروا ليهو موسي الزومة.



{ بقول ليكم انا ما بلعب مع بلة جابر.



{ تغيروا ليهو بلة جابر.



{ يقول ليكم انا ما بلعب مع طارق مختار ..(انا احسن حارس في افريقيا).



{ تغيروا طارق مختار..يقول ليكم اشطبوا لي (نصر الدين الشغيل).



{ يشطبوا نصر الدين الشغيل ..يقول ليكم (وسعيد السعودي) دا شغال شنو؟..اشطبوه.



{ تشطبوا الشغيل..يقول ليكم شيلوا لي (مزمل ابوالقاسم) من الصدي.



{ يشيلوا مزمل.



{ يقول ما عاوز ابوجريشة.



{ المهم اخر الموسم المريخ بكون فيه عصام الحضري وعماد النحاس وحسام البدري.



{ الكلام دا اتذكروه..انا بذكركم بيهو في يونيو القادم.



{ ما تنكروه لي.



{ الفيلم دا انا شفتو قبل كدا.



{ جمال الوالي طبعا ما بقصر يقوم يعطي ليك عصام الحضري (مقدم) المعسكر.



{ دولار ساكت.



{ قلت ليكم دا (صعيدي في الرد كاسل).



{ خلف الدهشوري.



{ المعسكر ينتهي..يوم المباراة ..الحضري يقول انا ما بفطر.



{ يا الحضري مالك ما بتفطر ..الحاصل شنو؟..في زول غلط عليك.



{ ناس الهلال ديل لو ما فطرت ليهم ..ما بتقدر تقيق قدامهم.



{ الحضري بقول ليهم : انا ما بفطر من غير ما اقبض (مقدم) عقد الفطور.



{ والفطور عندو مقدم.



{ كيف ما عندو.



{ طيب اسكت ما تقوم تخرب لينا ناس موسي الزومة ديل.



{ تاني ما بفطروا لو ما قبضوا المقدم.



{ جمال الوالي بدفع مقدم عقد الفطور.



{ دولار ..ورق اخضر.



{ يجيبوا الغداء.



{ عصام الحضري يقول نفس الشيء.



{ يا ود الناس ...نحن موش اعطيناك مقدم عقد للفطور...كمان عاوز ليك مقدم عقد للغداء.



{ عصام الحضري يقول ليهم نحن ما بنتغدي في مصر بدون مقدم عقد الغداء.



{ مقدم عقد الغداء عندنا اهم من الغداء ذاتو.



{ عندنا اهم حاجة في مصر.



{ جمال الوالي بصدق.



{ طيب اسكت ناس بلة جابر ديل ما يسمعوك..تاني ما بتغدوا لينا بدون ما يقبضوا (المقدم).



{ جمال يدافع.



{ العصر يدخل ..وناس فيصل العجب يلبسوا.



{ عصام الحضري بقول انا ما بلبس.



{ مالك يا الحضري.



{ عاوز مقدم لبس.



{ طيب اسكت ..طارق مختار ما يسمع...لو سمع تاني ما بلبس لينا.



{ البص يجي عشان ينقل لاعبي المريخ الي الاستاد.



{ هنو يركب ومحمد كمال يركب ويس ذاتو يركب.



{ عصام الحضري برفض يركب.



{ مالك يا الحضري.






 توقيع : محمد ودرعيه


ويبقي الامل إبتسامة


رد مع اقتباس
قديم 01-05-2011, 09:59 AM   #2


ياضلنا


الصورة الرمزية محمد ودرعيه
محمد ودرعيه غير متواجد حالياً

بيانات اضافيه [ + ]
 رقم العضوية : 7366
 تاريخ التسجيل :  Aug 2010
 أخر زيارة : 11-17-2015 (03:36 PM)
 المشاركات : 3,409 [ + ]
 التقييم :  21
 الجنس ~
Male
 MMS ~
MMS ~
 SMS ~
من ضبط نفسه فهو لها قائد ومن قادته فهو لها عابد
لوني المفضل : Blue
افتراضي




{ نحن في مصر ما بنركب البص من غير مقدم بص..تدفعوا لي اول حاجة ثم اركب البص.



{ يا الحضري نحن البص قلنا ليك اركب فوقو ..ما قلنا ليك سوقو.



{ حسام البدري يقول ادفعوا ليه ...لكن قبل دا..لازم تدفعوا للمدرب.



{ الكوتش اهم حاجة.



{ جمال الوالي يدفع ..يقول للحضري اسكت ..هيثم طمبل ما يسمعك ...لو سمعك تاني الزول دا ما بركب ليهو بص من غير ما يدفعوا ليهو (مقدم).



{ طمبل دا من كان في الهلال كان بركب البص من غير (مقدم)..عاوز تخربو لينا يا عصام الحضري.



{ البص يتحرك ..يصل الاستاد.



{ عصام الحضري يقول انا ما بنزل.



{ يا زول المباراة باقي ليها 45 دقيقة.



{ لو باقي ليها 5 دقايق ما بنزل.



{ مالك يا الحضري خير.



{ الحضري يقول للوالي انا ما بنزل من البص من غير ما يدفعوا لي (مقدم) نزول.



{ انت يا الحضري عاوز تنزل في (القمر).



{ شنو الحركات البتعمل فيها دي.



{ الوالي يدفع ..ويقول للحضري اسكت ...(سفاري) ما يسمعك.



{ لو سمعك سفاري دا تاني ما بنزل لينا بالساهل.



{ المريخ يدخل الملعب ...وجماهير المريخ تهتف (ارقص يا حضري..ارقص يا حضري).



{ الحضري يقول ما بسخن.



{ يا الحضري مالك؟.



{ يقول ليهم عاوز مقدم (تسخينة).



{ الوالي يقول ليهم : ادفعوا ليهو ..المباراة قربت...بس (ساكواها) دا ما يسمعو ..لو المحترف عرف (الثغرة) دي تاني ما بسخن لينا.



{ المباراة تبدأ.



{ اول كورة تطلع ضربة مرمي لصالح المريخ.



{ الحضري يقول ما بجيب الكورة.



{ جمال الوالي يقول ادفعوا ليهو.



{ الحضري يقول ما بشوت الكورة.



{ الوالي يقول ادفعوا ليهو.



{ الكورة تطلع كورنر ...عصام الحضري يقع.



{ طبيب المريخ يدخل.



{ الطبيب يطلع ويقول للوالي الزول دا قال ما بقوم لو ما دفعوا ليهو مقدم قومة.



{ الوالي يقول ادفعوا ليهو ...بس باسكال ما يعرف الموضوع دا.



{ لو عرف تاني ما بقوم لينا.



{ الهلال يجيب الهدف الاول.



{ عصام الحضري يقول : عشان تاني ما تدفعوا لي مقدم (صدة).



{ الشوط الاول ينتهي.



{ الحضري يقول ما برجع يلعب تاني مع ناس راجي ...إلا يدفعوا ليهو مقدم (صبر).



{ الوالي يدفع.



{ الشوط الثاني يبدأ.



{ الهلال يجيب القون الثاني.



{ الحضري يقول عاوز مقدم (صاروخ).



{ عارفين الهدف جابو منو؟.



{ جابو مهند الطاهر.



{ الحضري يقول للنحاس : انا كنت ح اموت.



{ (دا انا كنت ح روح فيها ...هو العمر بعزقة).



{ الوالي يقول ادفعوا ليهو...ما يقعد يتبعزق لينا هنا.



{ نحن ما فاضيين للبعزقة دي.



{ الهلال يجيب الهدف الثالث.



{ المباراة تنتهي.



{ الحضري يقول عاوز (مقدم).



{ مقدم شنو يا الحضري تاني.



{ مقدم (خراب سمعة).



{ انا احسن حارس في افريقيا.



{ وزول عمري 40 سنة.



{ في داعي تبهدلوني كدا.



{ في داعي تخربوا سمعتي بالشكل كدا.



{ انا ح امشي مصر ازاي.



{ جمال الوالي يقول ادفعوا ليهو.



{ يظهر البدري.



{ الوالي يقول ادفعوا ليهو.



{ يطلع عماد النحاس.



{ الوالي يقول ادفعوا ليهو.



{ موسي الزومة يقوم.



{ مالك يا الزومة كمان.



{ الزومة قال عاوز مقدم.



{ مقدم شنو؟.



{ مقدم وصافة.



{ سبع سنوات غير (الوصافة) شفتو شنو؟.



{ والله انت يا موسي الزومة حقو ناس الهلال يحفزوك.



{ ويدفعوا ليك كمان قروش (المقدم) دا.



{ ملحوظة: بالجد الحضري دا تعب معانا.



هوامش



{ قالوا ليك واحد شاف ليهو (مجروس) قديم ..من زمن الحرب العالمية الثانية.



{ الزول الشاف المجروس دا ..قال المجروس دا مالو عامل كدا زي (عصام الحضري).



{ واحد تاني دخل السينما.



{ لقي الفيلم بايخ.



{ بايخ شديد.



{ قال والله ناس المريخ ديل من سجلوا (الحضري) أي حاجة بقت مسيخة.



{ هسع في داعي تسجلوا ليكم حارس عمرو اربعين سنة.



{ انتوا عاوزين تلعبوا مع شعبة الاثار.



{ شعبة التاريخ ..قسم الاثار.



{ تصوروا الحضري اكبر من عبده جابر بـ 21 سنة.



{ يا بكري المدينة جابو ليك (حارس) ..لو صرجت ليك كورة بتدخل في شبكتو.



{ حارس قالوا ليك لما كان عاوز يوقع ..وروه الحتة المفروض يوقع فيها.



{ ما شايف الحتة.



{ الكبر حصل.



{ الاعلام السالب الليلة بشجع منو؟.



{ المنتخب الكيني وإلا المنتخب السوداني.



{ الحاجات البعملوا فيها دي بتخلينا نتوقع الاعلام السالب يشجع كينيا.



{ عبدالحميد السعودي محظوظ ...عشان السنة دي ح يلعب ضد الحضري.



{ تكية بس.



{ كل ما اشوف فوزى الاسد ...اتذكر عماد النحاس.



{ ناس ليالي الحلمية ديل ..ح يفهموا حاجة.



{ نحن دولاراتنا دي ما بنخليها تروح كدا بالساهل.



{ حقنا ما بنخلي.



{ انتوا قايلين الدولارات دي جايبنها من (مسبحكم).



{ الدولارات دي دولارات (نفطية).



{ الموضوع دا ما عاوز ليهو غلاط.



{ عصام الحضري وفيصل العجب وهيثم طمبل ..ناقصين بشرى وهبة.



{ قلت ليكم (الكبر) حصل.



{ المريخاب افتكروا الهجوم على هيثم مصطفي بخلينا ننسي (الحضري).



{ ننسي اربعين سنة كيف؟.



{ دي اربعين سنة.
{ خبر عاجل: عاوزين مباراة قمة كل خميس...(عشان الطابق التاني دا يفهم حاجة).


 
 توقيع : محمد ودرعيه


ويبقي الامل إبتسامة



رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
محمد عبد الماجد / راعي حرماني واخشي عامل السن محمد ودرعيه «۩۞۩-المنتدى الرياضى-۩۞۩» 2 12-25-2010 08:50 AM
لقاء صحفي مع صعيدي مدثر عثمان الجاهوري ۩ﺴ ﺴ۩راكوبة الحصاحيصا۩ﺴ ﺴ۩ 3 03-17-2009 04:55 PM
احتفال المريخ و مفاجاة الوالي { صور من الرد كاسل } الصادق الشايب الجيلي «۩۞۩-المنتدى الرياضى-۩۞۩» 33 11-29-2008 05:00 AM
وارغوا ... وإن طال السفر للصحفي محمد عبد الماجد ((منقول)) مدثر عثمان الجاهوري «۩۞۩-المنتدى الرياضى-۩۞۩» 12 11-04-2008 08:08 PM
فن الرد توفيق بشير الملك «۩۞۩-منتدى الحصاحيصا الحر-۩۞۩» 4 10-30-2008 11:44 AM


الساعة الآن 09:16 AM.


Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
vEhdaa 1.1 by NLP ©2009