قيــادات منتديات الحصاحيصا دوت نت

والله الواحد بقي يقعد قدام التلفزيون يحس بي نفسو انو زول رهو ساي ياخي البلد جت بقت قيادات كل ما يجيبو ليك زول بيتكلم تقري تحت انو فلان الفلانى قيادي في المؤتمر الوطنى فلان الفلانى قيادي في حزب الامة فلان قيادي في ام صفقاً عراض اها انا عن نفسي وعشان نلحق لينا صفة قيادية في الجوطة دي ففكرت اننا نشكل مجلس قيادة لمنتديات الحصاحيصا دوت نت ومن الليلة اي واحد يمشي يشارك في اي جهه علي طول يعرف عن نفسو انو فلان الفلانى قيادي بمنتديات الحصاحيصا دوت نت .. وعشان الشغلانة ماتكون جايطة ساي اي زول مشاركاتو اقل من 1500 ده لسة ما قيادي يصبر لحدي ما يتعلم مننا اصول القيادة وبعد ما يصل للنصاب القانونى ينال الصفة علي طول والغالبو يصبر يعمل ليهو جناح يعني مثلاً اذا كانت مشاركاتك اقل من انها تؤهلك لان تبقي قيادي فبامكانك انك تشكل مع مجموعة من الاعضاء جناح وتبقو فيهو قياديين ونحن كقياديين من حقنا اننا ما نعترف بيكم ومن ناحية ديمقراطية ده حق بيكفلو المنتدي للكل ..
مع تحياتى ,,
احمد الهمباتى ..
قيادي في منتديات الحصاحيصا دوت نت جناح ابوعمر

ههههههههههههههههههههههههههههههه وانا بايد كلامك يا الهمباتي اخوي لازم نكون قيادين وانا مشاركاتي بتاهلني لاني اكون قيادي بس بفكر اعمل لي جناح وحركة منبثقة عن إطار القومية واسمهيا جناح الزبابة رايك شنو ...

اول مره يا همباتى انتبه لعدد مشاركاتى
والحمدلله لقيتها بتؤهلنى لانى اكون قيادى بدوت نت
وعلى فكره انا قيادى ( جناح ام جكو )

مع انو انا مشاركاتى ما بتاهلنى ان اكون قيادى وكثير من الاعضاء مشاركتهم قليلة وما بتاهلهم وان يكونوا قيادين فبعمل جناح اسمو امين 1967 للدفاع عن قضايا المهمشين وبدخل الغابة ههههههههههــــــــــــه والحشاش يملا شبكته والله انا خايف بكرة يالهمباتى تقول لا خلاص ضعوا السلاح عشان نتفواض معاكم وانا فى الحاله دى بكون ذى مالك عقار وخليل ابراهيم وعبدالواحد
لانهم اصلا ديل ماقادة لكن الحكومة هى التى عملت منهم قادة وابطال تصدق يالهمباتى انو انك تبقى قيادى فى السودان سهلة جدا اسهل من انك تبقى مواطن عادى يعنى مثال مساعد رئيس الجمهورية اركو منى مناوى ماهى مؤهلاته راعى بقر يعنى باختصار كده عدد التعداد السكانى بعد انفصال الجنوب 33000000 سياتى زمان على السودان ويشيلوا الاصفار ويكون عدد تعداد السكان 33 والباقى قيادات ياهمباتى نحن نعيش فى بلد العجائب لان السودان فى عام 1986 بدلا من ان يكون سلة غذاء العالم جاتو مجاعة فى روحو .
لسع عايز تبقى قيادى ولا غيرت الفكرة ؟؟؟
واذا ماعايز تغير الفكرة اعرفكم بنفسى امين 1967 قائد الكيان الثورى لقضايا المهمشين بمنتديات الحصاحيصا دون نت ههههههههههههههه

انا الحمد مؤهله وكمان نمرة 4 من اجنحة ال..........

والله يالهمباتي بي كلامك دا وجابت ليها عدم اعتراف أبوعمر دا مفروض يعمل مملكة ويطردنا كمان

المشاركة الأصلية كتبت بواسطة عارف مصطفي

ههههههههههههههههههههههههههههههه وانا بايد كلامك يا الهمباتي اخوي لازم نكون قيادين وانا مشاركاتي بتاهلني لاني اكون قيادي بس بفكر اعمل لي جناح وحركة منبثقة عن إطار القومية واسمهيا جناح الزبابة رايك شنو ...

ههه كل سنة وانت طيب يا عارف والقابلة علي امنياتك ..
مش كدة ياعارف ياخي نحن لي متين نكون مقيودين الناس الفي السودان ديل جت بقوا قواد زول فيهم مقيود ساي مافي اها يا اخوي اعمل حركة منبثقة وحركة منفنسة وحركة قردية ذاتو وزوووول بيقول ليك لا مافي طالما حركتك الحا تعملة دي ما بتؤثر علي وضعنا القيادي ولا بتلملم لينا المهمشين

المشاركة الأصلية كتبت بواسطة ابو امجد

اول مره يا همباتى انتبه لعدد مشاركاتى

والحمدلله لقيتها بتؤهلنى لانى اكون قيادى بدوت نت
وعلى فكره انا قيادى ( جناح ام جكو )

اوووو ابو امجد ...

بالله يا عزيزي القارئ لاحظ لمدي الديمقراطية التى نتمتع بها هنا في منتديات الحصاحيصا
ابوامجد ده يا عزيزي القارئ احد امراء منتديات الحصاحيصا دوت نت اخوهو لزم سيد الشئ ذاتو

بمعنى يا عزيزي القارئ اذا كنت انا الهمباتى ده مكان ابو امجد وقريت جنس النهج الديمقراطي الفي البوست ده كان قفلت الموقع ده وبقيتو مدونة شعرية وفي رواية اخري موقع للزواج
وبالمناسبة ياعزيزي القارئ ابوامجد ده عندو صلعة وممكن عادي اسع اقول ليهو ابو امجد اب صلعة

المشاركة الأصلية كتبت بواسطة امين 1967

مع انو انا مشاركاتى ما بتاهلنى ان اكون قيادى وكثير من الاعضاء مشاركتهم قليلة وما بتاهلهم وان يكونوا قيادين فبعمل جناح اسمو امين 1967 للدفاع عن قضايا المهمشين وبدخل الغابة ههههههههههــــــــــــه والحشاش يملا شبكته والله انا خايف بكرة يالهمباتى تقول لا خلاص ضعوا السلاح عشان نتفواض معاكم وانا فى الحاله دى بكون ذى مالك عقار وخليل ابراهيم وعبدالواحد
لانهم اصلا ديل ماقادة لكن الحكومة هى التى عملت منهم قادة وابطال تصدق يالهمباتى انو انك تبقى قيادى فى السودان سهلة جدا اسهل من انك تبقى مواطن عادى يعنى مثال مساعد رئيس الجمهورية اركو منى مناوى ماهى مؤهلاته راعى بقر يعنى باختصار كده عدد التعداد السكانى بعد انفصال الجنوب 33000000 سياتى زمان على السودان ويشيلوا الاصفار ويكون عدد تعداد السكان 33 والباقى قيادات ياهمباتى نحن نعيش فى بلد العجائب لان السودان فى عام 1986 بدلا من ان يكون سلة غذاء العالم جاتو مجاعة فى روحو .
لسع عايز تبقى قيادى ولا غيرت الفكرة ؟؟؟
واذا ماعايز تغير الفكرة اعرفكم بنفسى امين 1967 قائد الكيان الثورى لقضايا المهمشين بمنتديات الحصاحيصا دون نت ههههههههههههههه

امين يا عزيز صدقت يا عزيز القيادة من السهل جدا ان ينالها اي شخص كمنحة او ان يصتنع بيئة ويدفع بنفسة من خلالها لان يكون احد القواد فيها ولكن من الصعوبة في زماننا هذا ان ياتى قائد يتحكر في قلوب الناس مدفوعا بمواقفة الشخصية وده تحديدا يا عزيزي ما نفتقده في السودان اليوم القائد الحقيقي

المشاركة الأصلية كتبت بواسطة رانيا خضر

انا الحمد مؤهله وكمان نمرة 4 من اجنحة ال..........

الاخت رانيا كل سنة وانتى طيبة .
مؤهلة شنو الشوية دي يا رانيا انتى احتمال بعد شوية تلقي في اجنحة معمولة بي اسمك وان صبرتى حبة امكن تلقي تياب وعطور برضو بي اسمك القيادة دي انتى قايلاها هينة ولا لينة كدي النبي اقري التعريف التحت ده ..
رانيــا خضــر
قيــادية في منتــديات الحصاحيصا دوت نت جناح الاسرة والطفل قسم الملبوسات النساءية ورائدة العمل النسائي بالمنتديات ومنسقة شؤون المرأه بالمنبر الحر .

المشاركة الأصلية كتبت بواسطة البرنس

والله يالهمباتي بي كلامك دا وجابت ليها عدم اعتراف أبوعمر دا مفروض يعمل مملكة ويطردنا كمان

هههه البرنس كل عام وانت بخير والقابلة علي امنياتك ..
ياخوي السيد القائد ابو عمر ده ان طردكم بعد ده اليطردكم ومن دون اي تبرير كمان شنو ليكم وبعدين من حقو ما يخلي زول الا ناس جناحو وبس
مع تحياتي
احمد الهمباتى
قيادي في منديات الحصاحيصا دوت نت جناح ابو عمر

هههههههههههههه تحياتى اخى العزيز احمد وكل عام وانته بالف خير والله اولاً نظرت لعدد المشاركات فوجدت نفسى مؤهل لقيادة بس ناس مايسمعوا
احد اعضاء دوت نت
بقيادة الاخ ابو عمر ورفقاء كثر وانتة اولهم

ونهاراات همباتيه
---------------------
يعني ما نستبعد بكره ابو عمر يقول لي معتصم جعفر الكتوف اتلاحقت
وانتا بي ناسك وانا بي مشاركاتي ---
وانتا نايب وانا ضرس
وما بعيد نقرا بكره ( ابو امجد يرفض لقاء المعتمد )
ويطالب بي حلاق خاص ---
ولو عايزني تعالي لي الملجا بتاعت الخضار
ولا نسمع بي ( رانيا ) معتصمه في عنبر الولاده
وتطالب بحق كدايس المستشفي في العيش الكريم
وكدارات لمنتخب الروضة النموذجية بالكنبو
--------------------------هههههه------------------------------
بلدنا التي ترشح فيها عرمان لرئاسة الجمهورية
ما فيها شي بعيد --------------
-------- الهمباتي ابداع متجدد --------------

المشاركة الأصلية كتبت بواسطة احمد الهمباتى

احمد الهمباتى
قيادي في منديات الحصاحيصا دوت نت جناح ابو عمر

الهمباتي كل سنة وانت طيب
لحدي امبارح جناحك دا كان براهو
خلاص داير تتلصق فينا
ابوعمر دا رفيق الخندق من زمان
ومن هنا نرفض انضمام الهمباتي للجناح ولا الزيل زاتو
مع تحيات البرنس
أكبر قيادي في المنتدي والناطق الرسمي لجناح ابوعمر

تخريمة مرة جد
سيتم رفع نقاط القيادين وستعلن لاحقا
هههههههههههههههههههههه
الهمباتي بقلعك بقلعك زي قلعة كاربينو

الاخ الهمباتي نشجب وندين كل القيادات الجديده والاحزاب المنبثقه
التي تسعي إلي ايجاد منفذ للتعبير الغير سلمي والاسلمي
ووقف جميع المناشادات التي تطالب من محكمة المنتدي الدوليه
ايجاد صبغه قانونيه لتمرير اجنده خفيه لها ذات صله مباشره وغير مباشره
ترمي إلي ايجاد مناخ يهدف إلي تكوين قاعده منبثقه
من تكاتف قوي لها استراتيجيه ايدلوجييه
ومن هنا نقول للجميع
عارف مصطفي بفتش لي عروس

يالهمباتي الحكومه مشغوله عن الشعب بتجميع الثروه وصرفها علي منصرفاتهم الشخصيه ليه ما تطلع كل القيادات دي

بحس بيهم ذي قصة علي بابا والاربعين حرامي ..... وافتح ياسمسم تفتح المغاره وعلي قدر ماتقدر خم وشيل .....

انا شخصيآ ما عندي اي برنامج للناس التحتي ( انا طبعآ قياديه بالفطره هههههه ) ومشاركاتي تؤهلني عشان كده

شعاري : حبوبه حبوبه ..... ما بنلقاها وقت الحوبه ..... سنه في الهند وسنه في كوبا ....

حبوبه رئيسه قيادات منتديات الحصاحيصا دوت نت

اخوكم مؤهل بمعايير المشاركات وزاهد في القيادة لزوم الناس ما بترضي بالحق

أنا برشح المريخـــــــــــــاب لقيادة المنتدي والعنده اعتراض ارفعه للأمم المتحدة

( ورق وإنفرك ) اها ياهمباتي دردقناها ليك .

المشاركة الأصلية كتبت بواسطة احمد الهمباتى

الاخت رانيا كل سنة وانتى طيبة
رانيــا خضــر
قيــادية في منتــديات الحصاحيصا دوت نت جناح الاسرة والطفل قسم الملبوسات النساءية ورائدة العمل النسائي بالمنتديات ومنسقة شؤون المرأه بالمنبر الحر .

وانت طيب وربنا يحقق ليك كل الامنيات
ياسلاااااااااااااااااااااام دا كلو
والله دا وسام شرف عظيم بالنسبة لي من احمد الهمباتي شخصيا

القيادي الاكبر في منتديات الحصاحيصا جناح ابوعمر

المشاركة الأصلية كتبت بواسطة البرنس

أبوعمر دا مفروض يعمل مملكة ويطردنا كمان

يا البرنس الكلام دا قولو براحة براحة مايسمعنا

الغالي .. الهمباتي

وبما إنو مشاركاتي أقل من ألف وخمسمائة مشاركة

لكن أنا برضو مميز بإتفاق الجميع ... (جنس نرجسية)

حتى كمان اسأل المنصوري ...

بما أنك سألتني يا الهمباتي هش ده مميز شديد

وباقي المشاركات جبرناها ( جبر خواطر ) أذن

البوست ده لحق امات طه ( ( أها شنو ليكم ))

ووووووووب أنا جابت ليها نرجسية وجبر خواطر
ياخ دي سنة غير حميدة في العمل القيادي
هوي ياهشة والمنصوري هوي ماتكسرو لينا تلج هنا
حركات قعاد النجيلة دا مابصلح
هههههههههههههه

شكراً يا منص على الثقة الغالية

وانشاءالله سنكون عندحسن ظنكم جميعاً

وبما أني تم اختيياري رئيساً لمنتديات الحصاحيصا (كل الآجنحة ..)

فاني اصدر القرارات التالية : ـ

واحد... تتعيين كل رواد دكان ودالبصير الي هو (دكاني الجديد) وزراء في الحكومة الجديدة

والماعاجبو (..................)

اتنين .... انشاء صالة رياضية حديثة للجمانزيوم وذلك لرفع مستوى اللياقة البدنية والذهنية والحسية ... الخ

وأي زول وزنه أكتر من تمانين كيلو ... مستبعد عديل كدهـ

تلاتة ... إنشاء معهد خاص لتعليم وتأصيل المبادئ الدبلوماسية (وده توطية للرقي بمستوى الرومانسية .. )


وسنوافيكم تباعاً بالقرارات المنبثقة من هنا ...............

.....................
والله صحي البوست لحق أمات طه ... أقصد (الهلال) هههههههههههههههههه

المشاركة الأصلية كتبت بواسطة البرنس

ووووووووب أنا جابت ليها نرجسية وجبر خواطر
ياخ دي سنة غير حميدة في العمل القيادي
هوي ياهشة والمنصوري هوي ماتكسرو لينا تلج هنا
حركات قاعد النجيلة دا مابصلح
هههههههههههههه

اول حاجة يا البرنس مشكور على المداخلة

وطبعاً نظرنا لملفك الخاص وقد نال مننا كل تقدير

ونحن ممتنين بجهدك المقدر ولكن رغم ذلك يؤسفنا

أن نبلغك قرار اللجنة بـالرفض التام لأطروحاتك

بي صراحة كده يا برنس لأنك هلالابي ...... تخ تخ تخ تخ


.............
النصيحة لي الله : ولا ما في داعي

المشاركة الأصلية كتبت بواسطة هشام احمد البلولة

شكراً يا منص على الثقة الغالية

وانشاءالله سنكون عندحسن ظنكم جميعاً

وبما أني تم اختيياري رئيساً لمنتديات الحصاحيصا (كل الآجنحة ..)

فاني اصدر القرارات التالية : ـ

واحد... تتعيين كل رواد دكان ودالبصير الي هو (دكاني الجديد) وزراء في الحكومة الجديدة

والماعاجبو (..................)

اتنين .... انشاء صالة رياضية حديثة للجمانزيوم وذلك لرفع مستوى اللياقة البدنية والذهنية والحسية ... الخ

وأي زول وزنه أكتر من تمانين كيلو ... مستبعد عديل كدهـ

تلاتة ... إنشاء معهد خاص لتعليم وتأصيل المبادئ الدبلوماسية (وده توطية للرقي بمستوى الرومانسية .. )


وسنوافيكم تباعاً بالقرارات المنبثقة من هنا ...............

.....................
والله صحي البوست لحق أمات طه ... أقصد (الهلال) هههههههههههههههههه

بقيتو تتعازموا سمح بطفشكم
تم تغيير القرارات كل من لم تصل مشاركاته ال3500 مشاركه لاينظر في امره
يعني منص زاتو يشوف ليهو درب
هههههههههههههههههههههههه

المشاركة الأصلية كتبت بواسطة هشام احمد البلولة

اول حاجة يا البرنس مشكور على المداخلة

وطبعاً نظرنا لملفك الخاص وقد نال مننا كل تقدير

ونحن ممتنين بجهدك المقدر ولكن رغم ذلك يؤسفنا

أن نبلغك قرار اللجنة بـالرفض التام لأطروحاتك

بي صراحة كده يا برنس لأنك هلالابي ...... تخ تخ تخ تخ


.............
النصيحة لي الله : ولا ما في داعي

ياتو لجنة دي كبار قيادات المنتدي واكبر المشاركات هلالية
ياخ بس أبو عمر بس براهو بكفيكم وبوزع ليكم باقي المشاركات
قرقرقرقرقرقرقرقر
مع انو مادايرين ندخل هلاريخ هنا وكان دخلت اكيد فايزين وبي جدارة
بعدين اي زول بلبس نظارة مادايرنو واي زول عجوز مادايرنو

المشاركة الأصلية كتبت بواسطة البرنس

بقيتو تتعازموا سمح بطفشكم
تم تغيير القرارات كل من لم تصل مشاركاته ال3500 مشاركه لاينظر في امره
يعني منص زاتو يشوف ليهو درب
هههههههههههههههههههههههه

يا فردة جبر الخواطر مستمر حتى لو كان نصاب المشاركات أكتر من عشرين ألف

هو عليك الدنيا شن فيها ... ما آخرها كوم تراب .

ههههههههههههه

وبعدين ... إستهدفتونا في البوست بتاع الرقي كمان عايزين تستهدفونا في بتاع القيادة ....


.......................
غايتو جنس حسادة عليكم ....

المشاركة الأصلية كتبت بواسطة البرنس

ياتو لجنة دي كبار قيادات المنتدي واكبر المشاركات هلالية
ياخ بس أبو عمر بس براهو بكفيكم وبوزع ليكم باقي المشاركات
قرقرقرقرقرقرقرقر
مع انو مادايرين ندخل هلاريخ هنا وكان دخلت اكيد فايزين وبي جدارة
بعدين اي زول بلبس نظارة مادايرنو واي زول عجوز مادايرنو

يا البرنس واحدة .. واحدة

أول حاجة اللجنة ما فيها كلام ويجب إحترامها والعمل تحت لواءها ..

تاني حاجة المشاركات الهلالية حتى لو كانت كتيرة فهي :

زي الزول البمشي البحر ويجي عطشان .. يعني ما عندها أي جدوى ولا نفع

يعني يكفيكم شرف المشاركة أو محاولة المشاركة .. فبالتالي كلامك ده مستبعد ...

أما عن أبو عمر فـ إنشاءالله بعد ما يوصل كم وأربعين الف مشاركة حا نعينوا عميد معهد الدراسات الدبلوماسية ...

وده سوف لن يتأتى إلا بموافقة الجنس اللطيف في المنتدى ....

وكلنا ثقة في أبوعمر وكل أعضاء أجنحته السامية في مواصلة الظهور بنفس الألق القديم لإقناع العالم .....

المشاركة الأصلية كتبت بواسطة البرنس

بقيتو تتعازموا سمح بطفشكم
تم تغيير القرارات كل من لم تصل مشاركاته ال3500 مشاركه لاينظر في امره
يعني منص زاتو يشوف ليهو درب
هههههههههههههههههههههههه

ههههههههههههههههههه وبما انه القرارات بتصدر من مواقع الثقل التفاعلي في المشاراكات قررنا نحن جناح الزبابة والتي تتولي زمام الامر في المنتديات بسحب عدد 20.093 مشاركة من الاخ ابو عمر وتتوزع علي الاتي ..
1/ 5210 وهي مجموعة البوستات الترحيبية بالاعضاء في المنتدي ..
2/ 1600 مشاركة في القسم الرياضي وهي لا فائدة مرجوة منها ..
3/ 4900 مشاركة وهي عبارة عن ترحيب بالاعضاء الجدد ...
4/ 1499 مشاركة في دكان ود البصير وهي عبارة عن كثير تلج وبكاء في دكان ود البصير ومناوشات للقادة هش والمنصوري ..
5/ 2014 مشاركة في اقسام الاغاني وهي تدعو للانحراف ومتابعة الهوي ...
6/ 870 مشاركة في بوست عاوز اغطس حجر البوست دا وهو عبارة عن احتلال للبوست بالقوة ...
7/ 4000 مشاركات متنوعة في الراكوبة ...
بسحب هذه المشاركات وعددها 20.093 مشاركة من اصل 20.500 مشاركة وهي مجموع مشاركات ابو عمر يتبقي عدد المشاركات المحسوبة لابو عمر 407 مشاركة وهي في الحر والاسلامي ..
ومن هذه الحسبة يتضح ان الاخ ابو عمر لا يحق له تكوين صالة فما بالكم بجناح كامل ..
يعني يا البرنس شوف ليك حيطة تانية اتكل عليها هههههههههههههه

والله ياهمباتي كلامك ميه ميه وطبعا جناح ابو عمر ده جناح أسياد البلد شان كده نحن بندعمو واي زول ماسيد بلد طابور خامس وماعندو مكان بيناتنا..الأسياد أغلبيه ساحقه ومشاركاتهم بالالاف والأوائل افريقيا وعربيا ولاشنو يابرنس وحبوبه.يعني نحن ناس القصر اما ناس عارف مصطفي وجماعتو ديل ناس منشيه ساي.