القهوة العالية

قهوة كانت بجانب شجرة الفلاتة في الناصية للجهة الشرقية من مجموعة دكاكين المرحوم رجل البر " الوداعة عثمان " بعضكم قد لا يتذكرها ... المهم...كانت تسمى القهوة العالية كان يجتمع فيها البعض نهارا يقرأون الجرايد .. يناقشون الرياضة بإنفتاح .. وهمسا فظائع عهد نميري ... الفكرة محاولة لنقاشات متخيلة بين أعضاء المنتدى .. أكرر متخيــــــــــــلة ... وأعتذر مسبقا إن لم يتطابق ما يقوله أبطال هذه القهوة مع يفكرون فيه حقيقة .... أعدكم يوميا بونسة سياسية , رياضية, فنية.... وغيرها ....
صفق الغريب بيديه بعد أن وضع تحت إبطه جريدة الرأي العام .. مناديا الجرسون :
واحد شاي بالله
نظر إليه أحد الجالسين .. ثم قال محدثا نفسه : في زول اليومين دي بيشرب شاي في القهوة ... ستات الشاي ونِقة ونظافة ....
فتح الغريب جريدته متخطيا الصفحة الأولى على عجل ولكن قبل أن يقلب الصفحة إسترعى إنتباهه:
طبيب سوداني يفقد سيارته البرادو في جمارك سواكن

جرت عيناه بسرعة بين السطور ... والقصة تقول أن طبيب سوداني أحضر معه سيارته البرادو بعد أنهى خدماته بالخليج ... ونسبة لإرتفاع قيمة الجمارك طالب بتقسيط القيمة .. وفعلا أعطى مهلة لتسديدها على قسطين ... المهم بعد أربعة أشهر أكمل المبلغ كاملا مع دفع الأرضية وقام المخلص دفع المبلغ كاملا وأستلم وثيقة بذلك .. ولكن عندما توجه إلى حظيرة السيارات لإستلام سيارته لم يجدها!!!
بعد فترة إكتشف أن السيارة بيعت بالدلالة بمبلغ كبير في الخرطوم وليس سواكن!!
فغر الغريب فاهه
: يا أولاد الكلب !!
رفع الكوب الذي أمامه .. وقبل أن يرشف أول رشفة .. لاحظ ذبابة تعوم على سطح الشاي ....ثم قبل أن يقول شيئا للنادل .. حك رأسه... ودارت الدنيا به .. ثم هب واقفا ثم جاريا غربا ... لم يلتفت لعاطف إسماعيل وهو يلقى عليه التحية .. أو صراخ الجرسون مطالبا بقيمة الشاي ... عض على جلبابه جريا صوب المستشفى
: والله ديل لو باعوها .. أخرب بيت أبو أهلهم.... المرأة يا دوب عاقد عليها " شقى العمر"... رقدوها الأربعاء الفات.. مفروض يخرجوها أمبارح .. لكن قالوا عايزين فاتورة العلاج ... ولما قلت لي المحاسب قال لي هات العندك وجيب الباقي بكرة .... يعني قسطين برضو!!!.. إنعل أبو الأقساط لأبو الخليج زاته.

الحلقة "2"

إنعل أبو أيّ حاجة هكذا صاح راشد عبد الرحيم وهو يتعثر بأحد الأحجار التي كانت تحيط بمفروشات أحد الفلاتة .. من أبر صغيرة وصبغة للشعر وأشياء صغيرة مختلفة ... جز َّ على إسنانه ولم يقل شيئا حين نظر إلى العملاق الذي يفترش النيمة ... غمغم بكلمات أقرب إلى السر منها إلى كلمات واضحة ... ثم خطا متعثرا صوب القهوة العالية " قهوة يوسف"
جر إليه إحدي الكراسي الحديدية وعلامات الألم لا تزال تبدو على وجهه... لم ينتبه جيدا لإسماعيل ميرغني وهو يجلس على المنضدة المجاورة وهويرتشف آخر قطرة من كوب الشاي ..وهو ينظر من خلال الكوب إلى بقعة البويه الزرقاء على قعر الكوب ثم محدثا نفسه : أزرق برضه حتى هنا ... ما فضل ليهم إلا يجيبو لينا جلال الجزولي هنا...
إنتبه إسماعيل فجأة للحال التي فيها راشد ......
: وين ياأخونا , لا سلام ولا كلام ...
نظر إليه راشد شزرا ثم مجيبا : هو إنت الجابك شنو هنا ... ما تمشي مطعمكم وتشرب السم العايزه ..
: مالك يا اخوي إنت قايم بي نمره خمسه...
: ما فلاتتكم الفاكينهم تحت النيم ديل
: فلاتتنا!!
قطع عليهم جدالهم هذا حضور المنصوري وهو مدخلا يديه بجيبيه....
: سلام عليكم
رد كلاهما التحية ... ثم إنبرى راشد قائلا:
وين يا منصوري ... أخبارك
المنصوري: أهه ماشي ....
تلاشت آلام رجل راشد المصابة أو كادت ... صفق بيديه طالبا: 2 شاي سكر زيادة.
المنصوري : 2 لي منو يا أخوي ... أنا حيطة لا شاي لاسجاير لا صعوط .... ثم مناديا الجرسون : خليه واحد...
تبسم راشد ثم تلفت يمنة ويسرة كأنما يريد أن يدلي بسر خطير:
يا جماعة أنا ما أكتشفت ليكم اللهو الخفي .
جر إسماعيل الكرسي الحديدي مقتربا منهما .. ثم مربتا على شعره ليطمئن على ترتيبه:
اللهو الخفي مرة واحدة ؟
: إنتو ما عارفين ؟ أنا جيت أمبارح القريبة دي من القاهرة ....
إلتفت المنصوري إلى ‘سماعيل الذي رفع حاجبيه عاليا .. دون أن يعلق ثم ناظرا لراشد الذي إستطرد قائلا:
القصة كالآتي يا سادة ... أخواننا المصريين بعد ما دوخهم اللهو الخفي رسلوا لي أمبارح وأنا قاعد في نادي الشبيبة مدورين ضمنة .. حتى أسألوا بيكا.. وأنا منهمك في اللعب شعرت بإنو الناس أخدت ليها صنّة ... وزميلي بعاين لي زول بي وراي .. إتلفت لقيت ليك أتنين مصريين واقفين بي وراي .. واحد فيه الراجل الكان ورا عمر سليمان ... واحد فيهم قال لي : ممكن دقيقتين حضرتك .
ختيت ورقي .. ومشيت معاهم , وقبل ما نصل الباب واحد فيهم قال لي : يا أخي زي ما انت عارف يا ابن النيل الدنيا عندنا مقلوبة على اللهو الخفي .. وإنت قاعد تلعب دومينيو ؟
: طيب أنا مالي ومالكم ؟
:كيف يا ابن النيل ... الدم عمره ما يصيرش ميه ...نحن حنأخدك الآن لمطار الخرطوم ..وساعتين حنكون في القاهرة .. وهناك نحن مجهزين كل حاجة واخد بال حضرتك .. وبمجرد ما تخلّص .. زي ما أخدناك حنجيبك....
ما أكتر عليكم .. ها ها ها ... لقيت نفسي في القاهرة ..
أول حاجة قلت ليهم ما عايز مباحث ولا مساعدين ولا نيلة ... حأشتغل براي وأدوني 24 ساعة وحأخلص ليكم الموضوع دا إن شاء الله ....
أخذ راشد نفسا عميقا ثم مواصلا: أخدت تاكسي وعلي المعادي ....حاسبت بتاع التاكسي ونزلت على الكورنيش .. ورحت مشتري لي كأسة بتاعة جيلاتي ,عشان أمخمخ شوية ... وأنا ماشي ربك رب الخير يجيب ليك تختخ الما يغباني سايق عجلته سداري .. بدون ما أشعر لقيت نفسي جاري وراه وأكورك : يا تختخ ... اتلفت عاين لي وراح مفرمل لحدي ما زنجر وقع من السرج الورا .... سلامات حق الله بق الله ... وين يا توفيق خليل خربوطلي ... وين عاطف ونوسة ولوزة وعاطف .... ثم يا تختخ يا اخي كيف ما تقبضوا علي اللهو الخفي والبلد دي فيها زول زي المفتش سامي ؟
ما أطوّل عليكم ... الشاويش فرقع ما ريحنا ... شويتين كده وجا ناطي لينا بي شنباته : يلا فرقع من هنا ...
المهم قلت لي تختخ أديني زنجر ده يوم واحد بس !
المهم بي جاي بي جاي اليوم التاني رجعت لي جماعتي ... وفتيته ليهم كله:
شوف يا شباب اللهو الخفي هو رقم صفر ... والجماعة البيخشوا مع المتظاهرين في الميدان أو ماسبيرو أو محمد محمود ... حتى بورسعيد .. ديل الشياطين ال13 ... والرصاص المطاطي هو اللي كشفهم .. هو ما كان رصاص ولا حاجة لكن كانت دي الكورة المطاطية بتاعة عثمان ولدنا....
تبادل إسماعيل والمنصوري النظرات ... قبل أن يقوم المنصوري بمس جبهة راشد الذي كان جسمه يقطر عرقا
المنصوري: ده سخانته ألف عديل !!
إسماعيل: الله ينعل الملاريا وإنعل يومها ... دي طارت ليه في رأسه عديل ... ونحن قاعدين فاتحين خشومنا والراجل بيهضرب.

والله ديل لو باعوها .. أخرب بيت أبو أهلهم.... المرأة يا دوب عاقد عليها " شقى العمر"... رقدوها الأربعاء الفات.. مفروض يخرجوها أمبارح .. لكن قالوا عايزين فاتورة العلاج ... ولما قلت لي المحاسب قال لي هات العندك وجيب الباقي بكرة .... يعني قسطين برضو!!!.. إنعل أبو الأقساط لأبو الخليج زاته.

الكييك يا خوي والله دي اقوي من الفلاتي زاتو
هههههههههههههه
معقوله والله لو باعوها الرماد كال حماد
جميلا جد واصل دون فواصل
وتسلم ياغالي

كيكوياجميل والله الملارياهى الخلتنى امشى قهوة العالى ماالعالى زاتو لانى اناكنت بشرب الشاى عندست الشاى التحت مكتب ناس هاشم ابوشوره ..ومنتطرنك..

النصيحة راشد لقينا راسه مسخن بس سألتك بالله دي بكم كرت

أنا ذي ما قلت لا شاي ولا قهوة وعلي قول ودعمي قال لي انت

(غنماية) واصل واتحفنا .... بس هاك دي قالوا المراة جاءت تشتكي

لزوجها قالت : لايه انت ما بتحبني ذي مــا ابراهيم بحب زوجته الله

ارحمها

قال ليها أنا بحبك اكتر من حب ابراهيم لزوجته المرحومة

قالت لايه ابراهيم اول ما ماتت زوجته اشتري الارض وعمل ليها

مسجد ..

قال ليها عشان تعرفي حبي ليك انا اصلآ اشتريت الارض من سنة

بس انت المعطله البناء ......جخ جخ جخ .

المشاركة الأصلية كتبت بواسطة محمد المنصورى

النصيحة راشد لقينا راسه مسخن بس سألتك بالله دي بكم كرت

أنا ذي ما قلت لا شاي ولا قهوة وعلي قول ودعمي قال لي انت

(غنماية) واصل واتحفنا .... بس هاك دي قالوا المراة جاءت تشتكي

لزوجها قالت : لايه انت ما بتحبني ذي مــا ابراهيم بحب زوجته الله

ارحمها

قال ليها أنا بحبك اكتر من حب ابراهيم لزوجته المرحومة

قالت لايه ابراهيم اول ما ماتت زوجته اشتري الارض وعمل ليها

مسجد ..

قال ليها عشان تعرفي حبي ليك انا اصلآ اشتريت الارض من سنة

بس انت المعطله البناء ......جخ جخ جخ .

يامنصورى تقول لى لاشاى لاقهوه .....رهييييييييييييييييييييبه

سلامات عوافي

اخي د/ الكيك ..

تعرف انا بتكيف جدا لما اقرا ليك اي كتابة والله .. بقراها بي مزاج رايق وببقي متشحتف للجاي ..
وياريت ما تنقطع عن الكتابة هنا .. او .. هناك .. لنري اصدار كتاب اخر ليشاكس اخيه (بنك هاوس) في المكتبة ..



مع ودي
واحترامي

أبو ذر كيف حالك ... شايف موضوع البيع دا جهجهك ... ما جديد إنت يا أخوي ... أما عنا نحن : قال أحدهم من الذين قضوا أكثر من ربع قرن من الأشغال الشاقة : والله بعد عشرة سنة أهل المرأة مفروض يجوا يسوقوا بنتهم ويشكروك شكرا جزيلا على تحمل كافة نفقاتها .....لك صادق الود.

المشاركة الأصلية كتبت بواسطة راشد عبدالرحيم

كيكوياجميل والله الملارياهى الخلتنى امشى قهوة العالى ماالعالى زاتو لانى اناكنت بشرب الشاى عندست الشاى التحت مكتب ناس هاشم ابوشوره ..ومنتطرنك..

ويـــــــــــــــــــــــــــــــــــــــن يا راشد!!! أين نحن من تلك الأيام وأنت جلس بمكتب هاشم القديم تطالع الصحف والشارع تحتك يفور قبالة بوكو ... والليمون والشعير والعرديب والشاي والقهوة وما تشتهيه النفس من أصدقاء وود صادق .....بالله سلم لي علي المكان .. مادام مافي طريقة للزمان .... لو ملاريتك فكّت ... لك ودي وتقديري الفائق.

المشاركة الأصلية كتبت بواسطة محمد المنصورى

النصيحة راشد لقينا راسه مسخن بس سألتك بالله دي بكم كرت

أنا ذي ما قلت لا شاي ولا قهوة وعلي قول ودعمي قال لي انت

(غنماية) واصل واتحفنا .... بس هاك دي قالوا المراة جاءت تشتكي

لزوجها قالت : لايه انت ما بتحبني ذي مــا ابراهيم بحب زوجته الله

ارحمها

قال ليها أنا بحبك اكتر من حب ابراهيم لزوجته المرحومة

قالت لايه ابراهيم اول ما ماتت زوجته اشتري الارض وعمل ليها

مسجد ..

قال ليها عشان تعرفي حبي ليك انا اصلآ اشتريت الارض من سنة

بس انت المعطله البناء ......جخ جخ جخ .

المنصوري الحيطة " لاشاي لا سجائر .. لا مسكوب ولا ملفوف" .... تخيل يا منصوري كرت واحد بس لكن الرأس خفيف.....وهن دائما ما يؤخرن البناء !!!

نشرت جامعة أمريكية دراسة مفادها أن عمر المرأة أطول من عمر الرجل . بناء على الدراسة فإن الضغط و التوتر الذي يتعرض له الرجل يحرض هرمون أوكسيتوكين الذي يعتبر المسبب الرئيسي للنزعة القتالية و العدوانية عند الرجل......... لكن فيما يتعلق بالمرأة فأن هرمون الاستروجين العالي يخفف مفعول هرمون اوكسيتوكين




وينتج ردة فعل أقل عدوانية ............ و هذا التصرف الأقل مواجهة و عدوانية من شانه أن يخفض من ضغط الدم الذي يقلل من احتمال حدوث الأمراض.... ولم تتحدث الدراسة عن أن الرجل أكثر تعرضا للتوتر بسبب المرأة ..... لك صادق الود.

المشاركة الأصلية كتبت بواسطة محمد عوض السيد

سلامات عوافي

اخي د/ الكيك ..

تعرف انا بتكيف جدا لما اقرا ليك اي كتابة والله .. بقراها بي مزاج رايق وببقي متشحتف للجاي ..
وياريت ما تنقطع عن الكتابة هنا .. او .. هناك .. لنري اصدار كتاب اخر ليشاكس اخيه (بنك هاوس) في المكتبة ..



مع ودي
واحترامي

محمد عوض كيف حالك يا أخي وأخبارك ..... زمن طويل لم أسمع عنك أو منك ..... دائما يسعدني مرورك .. وأتمنى أن أكون كما تظن ... خالص ودي وتقديري.

كدي يا دكتور خلينا من الونسة ( النصيحة نحن عايزين نبخرك )

يعني خاتي لينا صورة سمحة كده عشان شنو ولشنو ودوافعك

شنو ؟ اولآ بنات المنتدى ديل كلهم أو معظمهم مرتبطات بعدين

الدراسات الإجتماعية في السودان أثبتت انه راجل المرا مرغوب

وعليه وحافاظآ علي حاجات كتيرة من ضمنها ( حسد ناس كده )

غبش الصورة دي شوية وجيبها لينا .

المشاركة الأصلية كتبت بواسطة محمد المنصورى

كدي يا دكتور خلينا من الونسة ( النصيحة نحن عايزين نبخرك )

يعني خاتي لينا صورة سمحة كده عشان شنو ولشنو ودوافعك

شنو ؟ اولآ بنات المنتدى ديل كلهم أو معظمهم مرتبطات بعدين

الدراسات الإجتماعية في السودان أثبتت انه راجل المرا مرغوب

وعليه وحافاظآ علي حاجات كتيرة من ضمنها ( حسد ناس كده )

غبش الصورة دي شوية وجيبها لينا .

المنصوري تحياتي ... سمعت بي العجوز المتصابي ... دا شغل فوتو شوب ... وأقول ليك رسل لي صورة عماد كج ... كان ما طلعتها ليك دي كابريو .... لك ودي .

نظر أحمد الطيب الماحي.. بعيدا للقادم من الجنوب قبالة دكان عبده الصائغ ... توهمه أولا طويلا أكثر مما يجب ... ولكن تبين أخيرا أنه هاشم حمدنا الله بشحمه ولحمه ... لعن في سره الزمن والسنين ... وضعف البصر والسمع ... وكل أنواع الضعف ما ظهر منها وما بطن....ثم محدثا نفسه ..: جِنّو جرايد ...وسياسة وتنظير وحال البلد الفاضِل....لا يمل هذا الرجل من التفاؤل
ألقى هاشم التحية مبتسما كأنما هو هاشم الثمانينات ... ثم مضيفا: مالك يا زول شكلك أخلاقك في رأس نخرتك ... وهدومك مكرفسات ما عوايدك .. وين الأناقة والشكّات والجنصصة ......
أشاح أحمد بيده بعيدا قبل أن يقول : يا أخي حارقننني الشفع الما عندهم شغلة ديل ... فالانتاين وما فالانتاين ....
أول ما خطر ببال هاشم أن أحمد قد أصبح مهتما بكرة القدم ويتحدث عن لاعب الهلال الجديد....ولذلك إبتسم مردفا: يا أخي عليك الله إنت العندك شغلة ؟ مالك مالهم فالانتين ولا وارغو كلهم مواسير ... وجرايد بتبيع...
لم يتركه أحمد ليكمل : ياأخونا أنا قاصد عيد القديس فالانتاين ... عيد الحب .
: طيب ما تقول لي من قبيل .. وإنت الحارق رزك شنو.... خلي الشباب يبتهج !!
: شايفني حميت لي زول ؟ ... لكن أوكد ليك واحد عارف العيد دا قصته شنو مافي .. الموضوع عندهم حبكانات وورد .. وكلام فارغ ... يا أخي دا إحتفال بي ذكري قسيس نصراني عديل ... كان بيعقد لي الجنود الرومان في السر ضد أوامر الإمبراطور .... قبضوهو قام حب ليك بت السجان زاته رغم أن القساوسة كان ممنوع عليهم حكايات الحب والزواج وكده ... المهم يا سيد الإمبراطور حاوله جاي جاي ... وآخر حاجة قرر إنه يعدمه في يوم 14 / فبراير سنة ميتين وكم كده ميلادي ... فصار الجماعة ديل يحتفلوا بي اليوم دا تخليدا لذكرى القديس فالانتاين .... ونحن ورا الجماعة عيد الحب عيد الحب ....
حك هاشم رأسه وفرد جريدته التي ما زالت مطوية .. وكأنما يريد أن يقرأ منها شيئا .. ثم طواها ثانية : يا ريت لو الحكاية نصرانية .. تراهم أولاد عمنا .... لكن قالوا اليوم دا أساسا كان إسمه عيد الربيع وكان 15 لكن لسبب ما قلبوهو 14 ... وعنده إسمه , يخيل لي عيد لوبريكيليا .. المهم دا كان بتاع الوثنيين عديل كده بيقدموا فيه القرابين لآلهتهم .. وبعد داك قلب لي فالانتين وعيد الحب ....
ضرب أحمد كفا بكف ثم قال: والله ياهو الفضل !!
لكن أنا عندي فكره الناس الكبار والعلماء الصارين وشوشهم ديل لو حاولوا ..مع الأولاد ديل طريقة غير التنفير والزجر يكون أحسن .... قول لي كيف؟
: كيف قال هاشم , مبتسما ومصغيا.
: من زمان يقولوا ليك العولمة والأنترنت والفضاء الإسفيري ونحن مستعدون لمواجهة الغزو الثقافي .... ووو.. وكله طلع فشوش ... قاعدين يدافعوا زي مازدا ويأخدوا في الثلاثات ... الهجوم خير وسيلة للدفاع يا سيد .... يعني عيد الحب 14/ 2 .. نقوم نسميه عيد فرح ود تكتوك والمحبة ... تتذكر يا هاشم كلام فرح ود تكتوك في المحبة :
: بالحيل !!.. قال: الما عندو محبة ما عنده الحبة .. ...والعنده محبه ما خلا الحبة
لكن البعض ينسبها لود بدر الكبير ... مش بتاع المشروع!!!
تبسم أحمد لأول مرة : يعني حاجة زي كده ... وشوية شوية الجماعة ينسوا ليك فالانتين ... ويبقى الموضوع ود تكتوك ... والمحبة واسعة يا هاشم ...ما بالضرورة يبقى الموضوع كله جكس ....
وضع هاشم يديه على ركبتيه متأهبا للوقوف: والله كلامك لذيذ يا دكتور لكن أنا مواعد لي جماعة في بنك الخرطوم وماشي عليهم ....
: يا زول خير أنا زاتي ماشي كده .....
أخذا طريقهما شرقا ... بين الباعة وعربات الكارو ... والمتسولين على جانبي الطريق ....
توقف أحمد أمام جوهرة الكيف ... ودون أن ينظر للحقة الكبيرة أدخل يده مخرجا مشروع سفة ... قبل أن ينتبه هاشم :
دا شنو يا زول بقيت تسف ....
قال أحمد وهوما زال يعمل يده في راحة يده الأخرى .. كأحرف مايكون : إنت ما سمعت الشحات دا بيقول لي المرأة البتشحت جنبه شنو؟
أصاخ هاشم بأذنيه ليسمع همس الشحات:
هابي فالانتاين يا هفسه !!
ألقم أحمد السفة فاهه قائلا: المابيسففنا شنو !!!

اخونا الكييك
والله ادمنا كتاباتك
الواحد يجى داخل يتقريف و يتكيف بمزاااااج
و المشكله
ندور نتكلم
ما نعرف
نجى نكتب
تغلبنا الكتابه
لكن ح نحاول نجرب سفة دكتور احمد
اكان صدقت الحمدلله
و اذا الكتابه استعصت
نشوف عبار سميره ( زولة ابوذر )
والا نلف لينا ( خضراء ).........
...............
ولا شنو ؟

المشاركة الأصلية كتبت بواسطة ابو امجد

اخونا الكييك
والله ادمنا كتاباتك
الواحد يجى داخل يتقريف و يتكيف بمزاااااج
و المشكله
ندور نتكلم
ما نعرف
نجى نكتب
تغلبنا الكتابه
لكن ح نحاول نجرب سفة دكتور احمد
اكان صدقت الحمدلله
و اذا الكتابه استعصت
نشوف عبار سميره ( زولة ابوذر )
والا نلف لينا ( خضراء ).........
...............
ولا شنو ؟

أبو أمجد يا زول يا رائع ... دائما ما يسعدني مرورك وقلمك المرهف .......ولا أحتمل غزل مثل هكذا قلم فيما أكتب .... عليك بالخضراء " وليست خضراء الدمن بالطبع " ... كلنا في انتظار أثر سفة أحمد علها تجدي ... لك فائق ودي.

تسلم يا دكتور علي هذه الكتابات الجميلة و التي حقيقة تعكس أشياء جميلة فقدناها الأن ....
استوقفتني في الذاكرة هذه القهوة كنا صغارا نمر من عندها لأن جمبها كان دكان عمك عكاشة و هو دكان أثاث و يا حليل الزمن الجميل .
و في انتظار المزيد ...
مع حبي و تقديري .

العزيز الكييك صبحك الله بكل خير بجد نقلتنا نقلة كبري الي زمن مضي ولن يعود انه زمن الناس الجميلين امثال الكييك وكوامره والتي مهما تغير الزمن واصابته عوامل التعرية والارساب فلن يصدأ لانه معدن نفيس واصيل انه الذهب هو انتم من شيدتم التاريخ ذكري في قلوبنا وانت كتبت ونحن قرأنا بتمعن وتحسرنا علي زمن مضي وكنا في غفلة ولم نتوقع ان يسرقنا العمر بغتة ياله من زمن جميل لن يتكرر اخي الكييك شكرا شكرا

والله يالكيك زكرتنى لمااحمدوهاشم جوماشين على البنك تحت الشجره لقونى ليك مادى كراعى لى عمك الفلاتى البفصدلانوانكلى كان مفكوك وماسكنى ليك حسين عبدالحفيظ واستاذموسى وحمدى والنجمه لاعبه العصر ةعمك حنسوحنيس عشان يقصدالانكل لانو كان مشغول بى بيع عروق المحبه للشباب وهاشم قال ليهم هوالزول ده ماشى الشبيبه ماسكنومالكن وعمك يناتل ويقول الجلن تاين قرب والعروق حتبورياجماعه

المشاركة الأصلية كتبت بواسطة أبوهمام

تسلم يا دكتور علي هذه الكتابات الجميلة و التي حقيقة تعكس أشياء جميلة فقدناها الأن ....
استوقفتني في الذاكرة هذه القهوة كنا صغارا نمر من عندها لأن جمبها كان دكان عمك عكاشة و هو دكان أثاث و يا حليل الزمن الجميل .
و في انتظار المزيد ...
مع حبي و تقديري .

|أبو همام / كيف حالك ؟... أتمنى أن تكون كما تود....مرورك وتعليقك زادنا تعلقا بتلك الايام الزاهيات في منظورنا نحن الذين عشاناها بكل تفاصيلها... مرورا بدكان عمك عكاشة .. وألوان الأثاث حتى رائحة "الجملكة"... وبدايات الفورمايكا التي كانت طفرة حينئذ ... أشكر حضورك .. وإثارة الأشجان ورائحة الجملكة ..دائما في إنتظارك لتضيف الكثير.... لك صادق ودي.

المشاركة الأصلية كتبت بواسطة محمدجبو الخليفه

العزيز الكييك صبحك الله بكل خير بجد نقلتنا نقلة كبري الي زمن مضي ولن يعود انه زمن الناس الجميلين امثال الكييك وكوامره والتي مهما تغير الزمن واصابته عوامل التعرية والارساب فلن يصدأ لانه معدن نفيس واصيل انه الذهب هو انتم من شيدتم التاريخ ذكري في قلوبنا وانت كتبت ونحن قرأنا بتمعن وتحسرنا علي زمن مضي وكنا في غفلة ولم نتوقع ان يسرقنا العمر بغتة ياله من زمن جميل لن يتكرر اخي الكييك شكرا شكرا

محمد / دائما ما تمر كالنسيم ... يزيدك إنتعاشا ورغبة في الحياة .. مهما كنت ما تفعله بقيمة أو بلا قيمة ...شكرا لك .. جعلتني أحس بأن ما أفعل له قيمة ... شكرا لك دائما ... ومافي القلب ... دائما فيه .. ولك صادق ودي دائما.

المشاركة الأصلية كتبت بواسطة راشد عبدالرحيم

والله يالكيك زكرتنى لمااحمدوهاشم جوماشين على البنك تحت الشجره لقونى ليك مادى كراعى لى عمك الفلاتى البفصدلانوانكلى كان مفكوك وماسكنى ليك حسين عبدالحفيظ واستاذموسى وحمدى والنجمه لاعبه العصر ةعمك حنسوحنيس عشان يقصدالانكل لانو كان مشغول بى بيع عروق المحبه للشباب وهاشم قال ليهم هوالزول ده ماشى الشبيبه ماسكنومالكن وعمك يناتل ويقول الجلن تاين قرب والعروق حتبورياجماعه

يا راشد ... ياأخي والله إنت كده:





هذا ما توقعته تماما ... أن تستثير هذه التخيلات تداعيات الآخرين ..... تخيل يا راشد وإنت بتكورك بي غادي مع الفلاتي ... أنا ما سامعك لكن شايفك تناتل .. والجماعة الماسكينك أصحابك .. لولا ذلك كنت نفضت الفوطة وخليت التوم الحلاق وجيت حجزت على الأقل ولكن إكتفيت بالنظر بالمرآة .. التي حاول التوم " ما عارفه حسين ولا حسن" إخفاء الشق الطولي برسم زهور بحواشي الشق بالميناكير وفشل في ذلك ... لأنها صارت أوضح ... واصلت الحلاقة كأن شيئا لم يكن .... لك ودي.

لك التحية دكتور . . والسلام
ربما أكون بعيدا عن المشاركات ولكنى لست بعيدا عن هذه الدوحة الظليلة
أتكئ فيها كلما سنحت لى الفرصة . . يريحنى عبقها من عناء الأيام . .
تستوقفنى كتاباتك . . تنقلنى لعالم نقى . .
تنفض الغبار عن تلكم الذكريات الجميلة . . بإسلوبك الشيق
تعيدنا دائما إلى زمن نترحم عليه كثيرا . . ولو بالآهة أحيانا
لك كل الود . .

[

quote=ابو امجد;212546] اخونا الكييك والله ادمنا كتاباتك الواحد يجى داخل يتقريف و يتكيف بمزاااااج و المشكله ندور نتكلم ما نعرف نجى نكتب تغلبنا الكتابه لكن ح نحاول نجرب سفة دكتور احمد اكان صدقت الحمدلله و اذا الكتابه استعصت نشوف عبار سميره ( زولة ابوذر ) والا نلف لينا ( خضراء )......... ............... ولا شنو ؟ [/quote]

الحبان ابوامجد ودكتورنا الكييك
متعكم الله بالصحه والعافيه اينما كنتم
وياخوي ابوامجد سميرة دي خلاص لحقت الصح
وما خلاص بقينا نصلي الصبح حاضر
وحتي لا تأول صبح السجان
ولكن لا ضير من محاوله سفه الدكتور
رغم اني عارفك زي المنصوري حيطه لا تمباك ولا سجار
وواصل يا الكييك ولا تدع لحروفك مجال للهرب
في ملاذ العذاب والمتزوجين ودمت اخضرا

د. الكييك
كيفك
دوبنا دخلنا القهوة .. بس الزمن داك نحن صغار ومابنذكر مكانا كويس
بس سامعين بيها

المشاركة الأصلية كتبت بواسطة هاشم الشوية

لك التحية دكتور . . والسلام
ربما أكون بعيدا عن المشاركات ولكنى لست بعيدا عن هذه الدوحة الظليلة
أتكئ فيها كلما سنحت لى الفرصة . . يريحنى عبقها من عناء الأيام . .
تستوقفنى كتاباتك . . تنقلنى لعالم نقى . .
تنفض الغبار عن تلكم الذكريات الجميلة . . بإسلوبك الشيق
تعيدنا دائما إلى زمن نترحم عليه كثيرا . . ولو بالآهة أحيانا
لك كل الود . .

العزيز / هاشم الشوية " ود حفرتي " ...والله أنا في منتهى الأسى والحزن في هذا الزمن المستبد الذي أطير فيه فرحا مكتفيا برؤية أحرف أخ عزيز .. يا أخي في أشد الشوق ويكفيني منها هذه الأحرف حاليا .... أتمنى أن أسمع عنك أكثر ... " تجد تلفوني في رسالة خاصة" أما عن حديثك عما أكتب فهي شهادة قطعا مجروحة بلا شك ... لك صادق ودي وإحترامي .

المشاركة الأصلية كتبت بواسطة ابوذر حسن طه

الحبان ابوامجد ودكتورنا الكييك
متعكم الله بالصحه والعافيه اينما كنتم
وياخوي ابوامجد سميرة دي خلاص لحقت الصح
وما خلاص بقينا نصلي الصبح حاضر
وحتي لا تأول صبح السجان
ولكن لا ضير من محاوله سفه الدكتور
رغم اني عارفك زي المنصوري حيطه لا تمباك ولا سجار
وواصل يا الكييك ولا تدع لحروفك مجال للهرب
في ملاذ العذاب والمتزوجين ودمت اخضرا

تحياتي يا أبا ذر .....
أصبح الصبح
ولا السجن ولا السجان باق
واذا الفجر جناحان يرفان عليك
واذا الحزن الذي كحل تلك المآقي
والذي شد وثاقا لوثاق
والذي بعثرنا في كل وادي


إتخيلت واحد متزوج ... وفركش ... ويخيل لي الفيتوري كتبها لشخص مثل هذا ...شوف البلاغة في شد وثاقا لوثاق ... عديل كده " يقولون أن المرأة تكبلك بالعيال "
والذي بعثرنا في كل وادي ... بالله كم رفاقك كان يعيش هانئا ... ثم بعده دُفع دفعا للإغتراب .....

قلت لنفسي بعد أن كتبت ما كتبت:
يا زول شنو النشاز و" الطبزات" دي والراجل لسه عريس ... قررت أن أمحو ما كتبت ... لكن الكديسة منعتني ... وقلت ياأخي أنا رجل حر" أو هكذا خيل لي " لماذا أخاف من حكومة الناس التانيين .... تخيل إنك يوغندي وخايف من الحكومة الأرجنتينية ....ولو إنه إنك ممكن تكون سوداني وخايف من الحكومة القطرية أو السعودية .... عادي .... تحياتي لك وللمدام .

المشاركة الأصلية كتبت بواسطة مبارك محمد عثمان

د. الكييك
كيفك
دوبنا دخلنا القهوة .. بس الزمن داك نحن صغار ومابنذكر مكانا كويس
بس سامعين بيها

المبارك شيخ الظهر شوفني جنيت ولا دستر ....
ومرحبتين حبابك ... واليوم السعيد الليله جابك ....

يا صغير / إستمع

المشاركة الأصلية كتبت بواسطة الكييك

المبارك شيخ الظهر شوفني جنيت ولا دستر ....
ومرحبتين حبابك ... واليوم السعيد الليله جابك ....

يا صغير / إستمع

د. الكييك
جنيت دي اخوك متأكد مابحصل عليك .. بجنو الزينا ديل ( عشان لسع مدورين مع الدنيا)
لكن دستر دي
ليك علي الزار بدقو .. والديك الاحمر بدبحو .. وعاطف اسماعيل بعزمو
وهاك يامدد
الله حي
الله حي

المشاركة الأصلية كتبت بواسطة مبارك محمد عثمان

د. الكييك
جنيت دي اخوك متأكد مابحصل عليك .. بجنو الزينا ديل ( عشان لسع مدورين مع الدنيا)
لكن دستر دي
ليك علي الزار بدقو .. والديك الاحمر بدبحو .. وعاطف اسماعيل بعزمو
وهاك يامدد
الله حي
الله حي

المبارك ... لك الأشواق ... ولمناوشاتك .... بعدين نحن يا اخي في القهوة العالية ..... خلاص الزهايمر بقيت مابتفرق بين القهوة العالية وبنكي هاوس ... لك خالص ودي وشوقي .