بركةالجيت بركةالجيت عسل انت وبسكويت

فراغ صغير...بداية
التقي عدد من الاشخاص المعاقين حركيا في مركزلتركيب
الاطراف الصناعية فاخذ كل منهم يحكي قصته مع الاعاق فحكي احدهم
قائلا :(اصلي كنت زول طرب وحفلات مرت كنت كاتل لي حفلة
في حلة بعيدة من حلتنا متفق مع جماعة نرجع سوا لكن الجماعة باعونى
قمت لقيت لوري ماشى حلتنا قلت اركب مع ناس اللوري اللوري كان
مستف نسوان واتاريهو العريس وعروسه راكبين مع السواق وانا ما جايب خبر
مالقيت مكان الا فوق للسيخ وكنكشته زي القرد انا الراجل الوحيد
واللوري مليان نسوان كله اللوري اتحرك والبنات والنسوان يسون
فى الزغاريدوالدلوكه رابه اول غنية كانت :(الجلابية بيضاء مكوية)
عاينت لجلابيتي لقيتها بيضاء ومكويه سيف قلت انا المعنى وانا ماعارف
الجماعة ديل قاصدين العريس الراكب قدام الاغنية التانية(راجل المراه)
قلت ديل اكيد قاصدنى ما فضل ليهن الااقولن اسمى عديل.
قعدت ابشر(ابشرن ابشرن ) بعد داك غنو :ا(بركةالجيت بركة الجيت
عسل انت وبسكويت)
طبعا انا عارف روحي عسل وبسكويت قعدت ابشر(ابشرن ابشرن)
انفعلت وقلت يا ود اديها عرضه وكمل الرجاله رحت فكيت ايدي
وكريعاتي لقيت روحي مكسر
ومقطع تحت اللوري والنسوان بدل الغناء قلبنها ثكلى.
اهه من ديك وتوبه
الغناء فى الاذاعة ما بسمعو وصيوان عرس وحتي كان بقى
صيوان بكاء ما بخشو
والعسل والبسكويت اكان كتبوهن لى دواء ما بوديهن على خشمى
نقطه اخيرة ....البركة في النوبة
اخرنقطة ....مع السلامة