التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الادب والثقافة-۩۞۩» يهتم بالأدب و المواضيع الثقافية و الفنية |
|
أدوات الموضوع | انواع عرض الموضوع |
#1
|
|||||||
|
|||||||
قصه مؤثره عن بر الوالدين!!!!
كان هناك أب في ال 85 من عمره وابنه في ال 45 وكانا في غرفة المعيشة وإذ بغراب يطير من القرب من النافذة ويصيح فسأل الأب أبنه الأب: ما هذا ؟ الابن: غراب وبعد دقائق عاد الأب وسأل للمرة الثانية الأب: ما هذا؟ الابن بإستغراب : انه غراب !! ودقائق أخرى عاد الأب وسأل للمرة الثالثة الأب: ما هذا؟ الابن وقد ارتفع صوته: انه غراب غراب يا أبي !!! ودقائق أخرى عاد الأب وسأل للمرة الرابعة الأب: ما هذا؟ فلم يحتمل الابن هذا و أشتاط غضبا وارتفع صوته أكثر وقال: اففففففففف تعيد علي نفس السؤال فقد قلت لك انه غراب هل هذا صعب عليك فهمه؟ عندئذ قام الأب وذهب لغرفته ثم عاد بعد دقائق ومعه بعض أوراق شبه ممزقة وقديمة من مذكراته اليومية ثم أعطاه لإينه وقال له أقرأها بدأ الابن يقرأ : اليوم أكمل ابني 3 سنوات وها هو يمرح ويركض من هنا وهناك وإذ بغراب يصيح في الحديقة فسألني ابني ما هذا فقلت له انه غراب وعاد وسألني نفس السؤال ل 23 مرة وأنا أجبته ل 23 مرة فحضنته وقبلته وضحكنا معا حتى تعب فحملته وذهبنا فجلسنا ...... سبحان الله ... قال الله تعالى في القرآن الكريم : ( وَقَضَى رَبُّكَ أَلاّ َتَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَن عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَا أُفٍّ وَلا تَنْهَرْهُمَا وَقُل لَّهُمَا قَوْلاً كَرِيمًا ّ وَاخْفِضْ لَهُمَا جَنَاحَ الذُّلِّ مِنَ الرَّحْمَة وَقُل رَّبِّ ارْحَمْهُمَا كَمَا رَبَّيَانِي صَغِيرًا ) |
05-31-2009, 08:34 AM | #2 |
|
يعني هسع يا ود السر.. العيب من الولد ولا الأبو
الولد صعلوك وعاق، لكن كمان الأبو ما يسوقا عشان يكهرب لمبات الولد بس عشان ينتقم ويقول وحدة بوحدة.. يمكن العيب من الشغالة عشان ما كنست ورق المذكرات القديم.. وجايز الغراب متفق مع الأبو!! فهمتو؟؟!! بر الوالدين ما محتاج لمسلسل نور ومهند دا يا عمنا!!!! |
ســلام يالبقعـة مبروكـة الإلـه والديـن
حبــــاب الحرروك، لا إنتمــــاء لا ديــن حباب السودنوك، خلوك سمارة وزيـن حبـاب الأزهري النكَـس ذرا العلميــن حبــاب الرايـة هفهافـة وتكيل العيــن قولوا معــاي تبارك، أقول دقأر ياعيـن |
05-31-2009, 10:38 AM | #3 |
|
بر الوالدين ما محتاج لمسلسل نور ومهند دا يا عمنا
حقيقه يادكتور محمد اسعدني مرورك كما اسعدني تعقيبك ولا استطيع انا ارد عليك فانت طبيب متعلم وانا اعبر عن بر الوالدين بفصص ليس لها علاقة بذلك وشكر على النصيحه الغاليه ياسيد البلد حسب النظريه الفيزيائيه الانا ماعارفه ولا استطيع الا ان اقول لك (القلم مابزيل بلم) مثل شعبي لوما فهمتو ارجع للفيزياء احتمال تلقى ليهو تفسير لك تحيااااااااااااااااتي كلللللللللل الود |
|
05-31-2009, 10:50 AM | #4 |
|
صدقت: القلم عمرو ما يزيل بلم يا عمنا!!
عموما شايفك لسع معلق في الفيزياء دي كتير، لو غالبك نتوسط ليك عند ود عمي (هاني) نديك ليها درس عصر في حوش مدرستو بحي الزهور!! عموما كما قلت بر الوالدين فطرة قبل تكون واجب. برضو متحير وما لقيت اجابة لسؤالي: العيب من منو في المسلسل!! الأبو ولا الولد ولا الشغالة ولا الغراب. والسؤال التاني، (معليش حأتعبك معاي لو سمحت): ريش الغراب لونو فوشي ولا تركواز؟؟ وهل هو نفس الغراب السياحي الفاخر السأل منو الولد أبوه قبل سنين!! وشكرا يا لذيذ يا رايق!! مغ التحية يا عمنا |
ســلام يالبقعـة مبروكـة الإلـه والديـن
حبــــاب الحرروك، لا إنتمــــاء لا ديــن حباب السودنوك، خلوك سمارة وزيـن حبـاب الأزهري النكَـس ذرا العلميــن حبــاب الرايـة هفهافـة وتكيل العيــن قولوا معــاي تبارك، أقول دقأر ياعيـن |
05-31-2009, 11:23 AM | #5 |
|
شكرا للمرور والتعقيب مره تانيه يا دكتور
وريش الغراب لونو فوشي طبعا عمرك شفت ليك ريش غراب لونو تركوازي وبالمناسبه هاني ود خالتك ده ربنا يطراهو بالخير بعرفني كويس وحوش مدرستو البتقول عليهو ده يادكتور يا ريت لو تمشي انت قدامي وانا بحصلك هناك لانو شكلك احوج مني للدروس بس مافي الفيزياء طبعا في مواد اهم من الفيزياء وما اظن بدرسوها في كلية الطب!!!!!!!!!!! وانا مستعد لاي استفثار تاني عن شكل الغراب لو عندك اي سؤال ما تتردد يا دكتور ويا ريت لو كان عن بر الوالدين الفطري يا حبيبناااااااااااااااااااا لك تحياتي مع خالص وووووووووووودي |
|
05-31-2009, 11:27 AM | #6 |
|
لا كان كدي خلاس!!
لك التحية يا عمنا.. |
ســلام يالبقعـة مبروكـة الإلـه والديـن
حبــــاب الحرروك، لا إنتمــــاء لا ديــن حباب السودنوك، خلوك سمارة وزيـن حبـاب الأزهري النكَـس ذرا العلميــن حبــاب الرايـة هفهافـة وتكيل العيــن قولوا معــاي تبارك، أقول دقأر ياعيـن |
05-31-2009, 12:11 PM | #7 |
|
لا كان كدي خلاس!!
شكرا للمرور والتعقيب يا دكتور
للمره الثالثه وملحوظه بسيطه ما اظن انو جملة (لا كان كدي خلاس) تكفي للرد على موضوع يتعلق ببر الوالدين وبالزات لمن يكون الرد من الدكتور محمد( سيد البلد) ولك تحياتي ومع خالص ووووووووودي |
|
05-31-2009, 12:40 PM | #8 |
|
زي ما قلت ليك يا ولدنا.. بر الوالدين فطرة قبل الواجب.
يعني ما هو الموضوع البيكتبو فيهو سرد حلقات مسلسل مهند ونور.. بل هو أصل الانسانية في الكون، وآية العلاقات الإجتماعية، وأساس التربية الإجتماعيىة السليمة. كما لا يفوتك يا ولدنا أن الأصل في العلاقات هو سلامة التبادل ونفعية التركيب السيمنتي للأس الإنساني المعجزة.. فالإنسان (بخلاياه وأعضائه وعقله وأمواج بحره النفسي والعصبي) -الذي جعله الله آية اعجازه العلمي في القرآن، ومضرب التحدي للمشركين- بفطرته يميل للجماعة والمجتمع والتجمع، الذي يكون أصله من الأسرة. وبالضرورة بر الوالدين مع تثبيت الآباء لحق الأبناء عليهم، إن تمت بالصورة المطلوبة، فهي منتجة لأسرة صحيحة تقوم بدورها الإسنادي لمجتمع صحيح. ولا يفوتك مقولة سيدنا عمر بن الخطاب حين أرجع الأب الذي شكى من عقوق ولده، وقال له : أوف حق ولدك، قبل أن تسأل عن حق الوالد!! فإن أردنا أن نتحدث عن بر الوالدين، لزمنا ندوة علمية عديل كدا، بتاعت دكاترة طب ودين وعلوم نفس واجتماع لأيام حتى ندرك خيطا من خيوط ماهية وأهمية هذا البناء!! |
ســلام يالبقعـة مبروكـة الإلـه والديـن
حبــــاب الحرروك، لا إنتمــــاء لا ديــن حباب السودنوك، خلوك سمارة وزيـن حبـاب الأزهري النكَـس ذرا العلميــن حبــاب الرايـة هفهافـة وتكيل العيــن قولوا معــاي تبارك، أقول دقأر ياعيـن
التعديل الأخير تم بواسطة د.محمد الطاهر ; 05-31-2009 الساعة 12:44 PM
|
05-31-2009, 01:26 PM | #9 |
|
فإن أردنا أن نتحدث عن بر الوالدين، لزمنا ندوة علمية عديل كدا، بتاعت دكاترة طب ودين وعلوم نفس واجتماع لأيام حتى ندرك خيطا من خيوط ماهية وأهمية هذا البناء!!
شكرا دكتور محمد على المرور للمره الرابعه
وكلنا طبعا متفقين على انو بر الوالدين شي فطري يعني الواحد من ما يفتح بكون عايشو قبل ما يقرا الطب او علم النفس او الاجتماع وسبحان الخالق فقد تجد امي لايعرف القراءه ولا الكتابه وهو ابر بوالديه من عالم او طبيب اومهندس فبر الوالدين لا علاقة له بالعلم يا دكتره وبالمناسبه ده اللون التركوازي بتاع الغراب مع تحياتي ولك وووووووووووودي |
|
05-31-2009, 01:35 PM | #10 |
|
ما بردت ناري يا ولدنا..
يعني ساكيني ليك ساعة عشان أرد ليك، ولمن أرد بكلام علمي على أمل إنو نتناقش نقاش جاد نجذب به الأعضاء حول أهمية الأساس الإجتماعي والأسري، تجي توريني اللون التركواز.. أقول ليك: كما لا يفوتك يا ولدنا أن الأصل في العلاقات هو سلامة التبادل ونفعية التركيب السيمنتي للأس الإنساني المعجزة.. فالإنسان (بخلاياه وأعضائه وعقله وأمواج بحره النفسي والعصبي) -الذي جعله الله آية اعجازه العلمي في القرآن، ومضرب التحدي للمشركين- بفطرته يميل للجماعة والمجتمع والتجمع، الذي يكون أصله من الأسرة. وبالضرورة بر الوالدين مع تثبيت الآباء لحق الأبناء عليهم، إن تمت بالصورة المطلوبة، فهي منتجة لأسرة صحيحة تقوم بدورها الإسنادي لمجتمع صحيح.. تقول لي: ننادي أمي، وغراب تركواز!! ورمت فشفاشي ياخي.. تفتكر لو دايرين كلام يفيد بينادوك تاني يا جنى. عموما.. خليك لقصص غراب. مرضتني الله .... يجزيك بغراب فوشي لذيذ زيك كدا يا لذيذ. |
ســلام يالبقعـة مبروكـة الإلـه والديـن
حبــــاب الحرروك، لا إنتمــــاء لا ديــن حباب السودنوك، خلوك سمارة وزيـن حبـاب الأزهري النكَـس ذرا العلميــن حبــاب الرايـة هفهافـة وتكيل العيــن قولوا معــاي تبارك، أقول دقأر ياعيـن
التعديل الأخير تم بواسطة د.محمد الطاهر ; 05-31-2009 الساعة 01:38 PM
|
05-31-2009, 01:47 PM | #11 |
|
شكرا على المرور للمره الخامسه
دكتور حماده وبقول ليك النقاش بيني وبينك انت ما بنفع لانو انت ما شاء الله طبيب (وسيد بلد)وحافظ ليك شوية كلمتين كده فاقع بيهم مرارتنا وبعدين ما عندك غير السيمنتي والاسي دي شوف لينا غيرها لانو حفظناها خلاص وبعدين انت لو متعلم فعلا ما بتهاجم ليك ميت قبل ما يندفن وسبحان الله دكاترة الزمن ده بقو يمرضو بدل يعالجو ولك وووووودي |
|
05-31-2009, 01:58 PM | #12 | |
|
اقتباس:
وبعدين أنت الدكترة دي حارقاك ولا شنو؟؟ أوع تكون من ناس العقد ولا حارقاك سيد البلد.. دي ما بقدر أغيرها، ولا أجيك بالباب أشرحا ليك كمان. ولا حرقتك السيمنتية.. كان كدي أمسحا في وشي.. وتاني يا عبس عليك الله المهاترة دي ماعندي زمن ليها.. يا نقاش على وزن سيمنتي وأسي، ولا أفتش ليك وأجيك تعزمني جبنة وشاي ونشوف أحلى الفوشي ولا التركواز |
|
ســلام يالبقعـة مبروكـة الإلـه والديـن
حبــــاب الحرروك، لا إنتمــــاء لا ديــن حباب السودنوك، خلوك سمارة وزيـن حبـاب الأزهري النكَـس ذرا العلميــن حبــاب الرايـة هفهافـة وتكيل العيــن قولوا معــاي تبارك، أقول دقأر ياعيـن |
05-31-2009, 04:21 PM | #13 |
|
والله يا دكتور لو جيتني ولبستا بلدي
وعزمتك جبنه وشاي كان احسن ليك من الوهم بتاع الطب العايش فيهو ده وبعدين المنتدى ده فيهو علماء وشعراء وفنانين ونقاد وادباء وحكماء بالرغم من ذلك لم نسمع يوما شخص يقول انا فلان الفلاني اذا كان (سيد بلد ) كما تقول او شي تاني فهو منتدى للنقاش والتعارف بين ابناء العملاقه الحصاحيصا التي من اجلها اشتركنا في هذا المنتدى الذي تحت ظله عرفتك وعرفتني واختلاف الراي لا يفسد للود قضيه وسنظل في النهايه ابناء منطقه واحده وهذه خلافات عاديه تحصل في ارقى المجتمعات وبرضو ما تنسى انا عازمك شاي وجبنه عشان اوريك الفرق بين الفوشي والتركوازي يا دكتره لك تحيااتي مع خااااااااااالص ووووووووووووودي |
|
05-31-2009, 05:09 PM | #14 | |||
|
اقتباس:
إنت برضو بتقول كدا.. كلامك دا ما يقولو عاقل. لكن مغليش يا جنى.. اقتباس:
لكن يا جنى فلان الفلاني دي كانت نوع من التقديم، ولم أجد من نظر لها نظرة كنظرتك.. ما أظنو النسب يخبى، ولا أظنو ناقص الأصل يسمو!! اقتباس:
شكلو جبنتك ما بتتفوت، بس جبنة كاربة وما خمج بتاعت أسياد بلد يا جنى!! |
|||
ســلام يالبقعـة مبروكـة الإلـه والديـن
حبــــاب الحرروك، لا إنتمــــاء لا ديــن حباب السودنوك، خلوك سمارة وزيـن حبـاب الأزهري النكَـس ذرا العلميــن حبــاب الرايـة هفهافـة وتكيل العيــن قولوا معــاي تبارك، أقول دقأر ياعيـن |
05-31-2009, 10:09 PM | #15 |
|
ابشر يا دكتور والله جبنه خمج وبتاعت
اسياد بلد يا دكتره ولي عظيم الشرف ان نجلس انا وانت تحت راكوبه واحده ونشرب الجبنه ونتقهوه زي ما بقولو اهلنا زمان وانا والله ما حاسدك علي دكترتك وانت في النهايه من ابناء الحصاحيصا وحيجي يوم افتخر بيك اقول والله دكتور محمد الطاهر ده من الحصاحيصا بس لكن شويه شويه علينا يا دكتور وعاملنا على حسب عقلنا !!!!!!!!!!1 يا دكتور ولك التحايا ومع خالص ووووودي |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصيده ثمينه في بر الوالدين | بنت أمها | «۩۞۩-المنتدى الاسلامى-۩۞۩» | 1 | 12-20-2008 08:11 PM |
عقوق الوالدين | بنت أمها | «۩۞۩-المنتدى الاسلامى-۩۞۩» | 2 | 10-10-2008 12:47 AM |
بر الوالدين | قيس جمال الدين | «۩۞۩-المنتدى الاسلامى-۩۞۩» | 3 | 06-01-2007 10:20 PM |