التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة |
|
أدوات الموضوع | انواع عرض الموضوع |
#1
|
|||||||||||
|
|||||||||||
ياKeekophrenia
غير مسجلالحرية,,, هل هي مطلق التصرف كما تريد ,,, إذن ما هي الفوضي,,, وهل نحن احرار مطلق الحرية ام للحرية حدود؟؟؟
تساءلت بيني وبين نفسي فجأة وكما يقول الخواجات ,,,آوت اوف ذا بلو,,, هل يمكن ان تكون حر مطلق الحرية,,, طبعا انا لا اتحدث عن الحرية التي يتحدث عنها السياسيون,, فهم ابعد من ان يفهمها او يريدها,,,, كل الساسة ولا اسثني احد بداية من جورج بوش وانتهاء بحسين عبدالله او محمد يسن عضو اللجنة الشعبية بقرية قوز علي شرق النهود,,,;;كلهم يتحدثون عنها ولا يعرفونها ولا يريدونها . طار بي الخيال{ الذي ليس هو حر} مناحي شتي بدءا من فطام الرضيع,, الذي هو منع وحجر علي حريته,,في المواصلة علي الرضاع الي ما شاء الله لو تركوه كما يحب ,,, وهل الحرية هي فعل كل ما تحب,,, ومن هو اصلا الذي وضع تعريف للحرية,,,؟؟ ومن استشار ومن وافق او لم يوافق علي التعريف,,, !!وهب اني لم اوافق علي تعريف وعندي تعريف وحدي,, أحسه ولا اعرفه؟ هل انا حر فيما ساقوله او ساحجب بعضا مما افكر فيه لانه قد يمس البعض؟ شطحة: معليش خليكم معاي,,, في الغربة تجلس كثيرا مع نفسك ولذلك قد تنتابك في بعض الاحيان,, حالات من الخيال,,والخبال وان كان عاطفيا,,, في بعدك عن ناسك واهلك ومن تحب,, وقد يكون عقلانيا ,{ ودا ممكن يوديك في ستين داهية فما بوصيكم به} ما اعنيه , انني اكتب ما اكتب الان وانا واثق تماما انني ماكنت لاكتب ما اكتب لو كنت ببلدي,, هل هذا اثر ايجابي ام سلبي للغربة؟ما يدفعك إلي ذلك أنك تبحث عن أحد تتحدث معه .. ليس أي أحد إنما صاحبك فردتك الذي يفهمك من غير أن تقول حتى من خلال ما ساطرحه قد تجدون الاجابة, وقد لا تجدون,,, المهم انني سأحاول مناقشة موضوع الحرية وكل ما يتعلق ويطرأ علي لساني وعقلي وسأمارس الحرية لأفكاري وستجدون تناقضا وتباينا لأكثر من ثلاثة اشخاص هم ,, انا ,أنا,أنا وأنا{ حيقوم واحد يقول لي انفصام شخصية وما شخصية,,, ما علينا,, هو الواحد وعندو شخصية واحدة منو اليومين دي؟؟} كانت هذي مقدمة لبوست بمنتدى أصحاب جد كوم حاولت نقله ليس كما هو ولكن بتصرف ... أردته أن يكون مقدمة لهذا البوست الذي يرحب بجميع المتداخلين .. ستكون فيه إطلالة شبه يومية ... سنكتب فيه في السياسة وفي القانون والرياضة والفن والوطن والغربة والرجل والمرأة ... مش كيكوفرانيا keekophrenia وعلي كيفي؟؟؟ إلي اللقاء غدا. |
07-06-2010, 06:37 AM | #2 |
أبو إسراء
|
الكييك تاني ما تسأل نفسك براك ولا بنقول الزول دا بدا يلقط ورق بمعني آخر اخد حريتوا للآخر شفت دي جات كيف يالكييك حتي البياخد حريتوا للآخر يعني ضرب من ضروب الجنون مايعني هنا انه لاتوجد حاجة اسمها حرية فقط فالحرية لايمكن فهمها الا علي ضوء نقيضها نعلم جيدا انها حق طبيعي لكل انسان ولكن في نفس الوقت يخضع لإكراهات وحتميات مفروضة يعني بإختصار الضرورة انظر للحياة من يوم ان يؤذن وتقام الصلاة علي إذنيه الي يوم أن يصلي عليه وان حسبها بالورقة والقلم سيجد ان الاوقات التي جلسها اوقضاها بحرية مطلقة وأطلق العنان هنا لكلمة مطلقة لن تتعدي أصابع اليد إن وجدت في بعض أحلام يقظته لاتوجد حرية مطلقة وهي كلمة جوفاء ليس لها معني كل حاجة ماشة بي نظام ونحنا زاتنا كهلالاب اي حاجة عندنا بي نظام ضرب من ضروب الحرية جات معاي كدا يالكييك مش كيكوفرانيا keekophrenia وعلي كيفي؟؟؟
|
|
07-06-2010, 09:20 AM | #3 |
|
الكييك يا صاحب
هو بداية لبوست حتما سيكون رائع واصل يا جميل ..... والكتابة عن الحرية هي رهان كبير في زمن مكبل محبتي |
الى كل من وهبنى جرحا وتجربه عصيبه شكرا جزيلا
|
07-06-2010, 10:44 PM | #4 | |||||||||
ود الزبيدي
|
اقتباس:
البرنس / كيف حالك ؟؟ نحن بنلقّط في الفيش لينا 12 سنة وتحديدا من 22/5/ 1998 يوم وصولي الرياض ... وهم الحرية يؤرق الجميع ... دعنا نخرج بهذه القناعة إلي يقين ونرتاح .. أو تظل وهما يؤرقنا حتى يحين موعد سباتنا على الجانب الأيمن في شقٍ من الأرض... يسعدني التواصل معك.. فتعال دائما. |
|||||||||
|
07-06-2010, 10:49 PM | #5 | |||||||||
ود الزبيدي
|
اقتباس:
أين الفاعل في مكبل ؟ ... أم تريد أن تقول أننا نحن المكبلين وليس الزمن ؟ أسألني دبل .... وما تغيب عليك الله. |
|||||||||
|
07-06-2010, 11:02 PM | #6 | |||||||||
ود الزبيدي
|
وهم الحرية 2
قال الرجل: وللحرية الحمراء باب بكل يد مضرجة يدق,,,!! رايكم شنو؟ قال الشاب: القال منو؟ وهو كونوا يكون في دم معناها في اعتداء علي آخر ,ومعناه انتقاص الحرية لآخر... حريته في العيش وهي أعظم الحريات. الرجل:يعني انت معاي في انو الحرية هي فعل ماتحب اوما تريد دون الاعتداء علي حرية الاخرين! الشاب:ليس مطلقا,, وما هي حدود حرية الاخرين,, يعني الاخرين ديل عايزين شنو وقدر شنو! ما اقصده انو ممكن الاخرين يغالوا كثيرا في حدود حرياتهم. الرجل: ما عشان كده الناس بقوموا يعملوا شرائعهم لتحدد حدود حرياتهم وبالتالي يعرف المعتدي. الشاب: اقول ليك حاجة يا عمك حكاية تحدد دي زاتها المشكلة ومن يحدد وكيف ومتين,, وتحديد في يعني مافي حرية. الرجل: روق المنقة وما تلخبط ,, البتقول فيهو دي الفوضي,, والفوضي,,, قاطعه الشاب: يا عمنا خليك من القوالب البالية دي,, انا لو بعمل حاجة ما بتضرر منها زول بصورة ملموسة...و. الشابة: قول كلامك دا تاني. الشاب: طيب يا ستي, لو بعمل حاجة ما بتضرر منها زول بصورة ملموسة. الشابة: بس اقيف !! ملموسة دي كم وبقيسوها كيف بي الملوة ولا بي الكيلو ؟؟ الرجل: الله يفتح عليك يا بتي. الشاب:يعني عايزيني اقول ليكم الاضرار الملموسة في كل افعال الدنيا وعلي كل زول لوحده؟؟ الرجل: تقدر؟ الشاب : طبعا لا. الشابة: طيب الحل شنو؟؟ الرجل: حتمشي وتجي لي كلامي الاول,,ان حدود الحريات تقف عند المساس بحريات الاخرين,, وحريات الاخرين كمجموع يمكن الاتفاق عليها أكثر من حريات الافراد ,, اي انه يمكن ضبطها وتعيينها,,, وطبعا دا بيكون بالاتفاق او الاجماع ان وجد,, وكل مجتمع او مجموعة من الناس ليهم محظوراتهم حسب معتقداتهم.. أي يمكن التشريع إلهي الشاب: يا عمنا كده حتزوغ لينا من الموضوع وحتدخلنا في الموضوع بتاع الشرائع والقوانين ونقعد نلت ونعجن البيعملها منو؟ وكيف؟ والبفوضو منو؟ وكيف؟ وتقوم تدخلنا في ساس ويسوس,, ونحن وكان البرلمان,, واسماعيل الازهري ,, ويمقراطية وست منستر,والدولة الإسلامية وخلافة وشورى, ولجان القذافي الشعبية والصادق المهدي وهلم جرا ,, ونحن ما فاضين لي دا. الرجل: طيب الفاضين ليهو شنو؟ الشاب: فاضين لمناقشة الحرية بعيدا عن ساس يسوس الشابة: وكيف نناقش الحرية من غير ساس يسوس؟ ونتقابل باكر كان بقينا حيين |
|||||||||
|
07-06-2010, 11:05 PM | #7 |
|
د. الكييك البوست يدينا احساس بان الجاي حايكون احلي وحتي ما نقيد حريتك في الكلام في البوست بتاعك ما في تعليق غير منتظرين الجاي
تعبتني تعب قدر ما افتش في الدكشنري ما لقيت كيكوفرينيا دي ههههههههههه |
واعمل لدار رضوان خازنها والجار احمد والرحمن بانيها قصوروها ذهب والمسك طينتها والزعفران حشيش نابت فيها .* .* .* .* .* .* .* .* http://www.quranflash.com/quranflash.html |
07-07-2010, 06:14 AM | #8 |
|
حبيبنا الكيك لك التحية علي هذا البوست الجميل
كدي الناخدها معــاك حتة حتة الحرية هي ذاتها شنو ؟ وهل اتفق حول تعريفها النــــاس ؟ وهل يمكن ان نربط بين خيرية الأنسان المطلقة كما قــال بذلك واصل بن عطاء ( المعتزلة ) ؟ اتخيل لي عشــــان نحدد الشئ ده لابد أول أن نقتنع انه مـــافي حرية مطلقة لأن في ذلك مسئولية كـــاملة حتي من الأقــدار التي يمكن ان تصيبــــــنا دون ارادتنا وده امكن ارجعنا لنقاشات الجهمية والأشعرية وإبن رشد في مسائل الأنسان اصلآ مخير ام مسير عشان كده خلونا في المبدأ الأول نتفق انه مافي حرية مطلقة عشان نأسس لنقاش صحيح ’’’’’’’’’’’’’’’ بعد كده حدود الحرية في الحياة مقايسها وين وقبول الأخر لحريتي الشخصية ايضآ في رأي مقيدة بسلوك عام وقد يكون سلوك جمعي خطــــــأ ولكنه اصبح عادة اعتاد عليها المجتمع ........المهم النقاش كتير والأفكار اكتر وعشان ما اصب الناس نخلي النقاش امشي شوية وبجيك صادي ذي البرنس ( الكلمة ايضآ جديدة علينا ) . |
|
07-07-2010, 06:37 PM | #9 |
|
دكتورنا سلامات يا خي
نحن كبشر وجدنا علي هذه البسيطه (بأمر الله ) بسبب (خرمة حريه) او عدم التقيد بشرط البقاء في الجنه ( حيث ان امنا حواء لم تقتنع بكل مساحات الحريه التي افردت لها في الجنه واردات ان تمارس حريتها في تزوق الثمره تلك) فانزلنا الله الي الحياة الدنيا ووضع لنا شروطاً وظروفاً اقسى ان التزمناها عدنا الي ارض منشانا الاول في جنته وان اطلقنا العنان للحريات (غير المشروطه ) قيدنا انفسنا بسلاسل في اودية جنهم الي الابد . لذا اخي نحن الان ان تحدثنا عن الحريه يجب علينا تناولها في اعتقادي في اطار القوانين الالهيه والتي بالضروره تلزمنا اتجاه واحد وصولا لمرضاة الله عزوجل . والحرية ككل امر من امور الحياة تعتبر ( نسبيه ) شكلاً وموضوعاً في المجتمعات الاسلاميه او تلك التي لا تلتزم الاوامر الإلهيه. نلاحظ ان قوانين الحريات وكيقية ممارستها تختلف من بلد الي اخر وذلك من خلال الموروث الثقافي للمجتمع المعين في البلد المعين وكذلك القوانين التي تحكمه تخريمه نطالب الاخوه في الاداره بمنحنا فرمان حريه لنكتب على هذا البوست بكيف كيفنا ( مش على كيفنا ؟ ) يللا قولوا معاي : كيكنا معنا وما همانا ..... |
|
07-08-2010, 02:00 PM | #10 | |||||||||
ود الزبيدي
|
اقتباس:
حبوبة / كيف حالك؟ طلتك بي الدنيا.... فتشي في الالمانية تلقيها في صفحة الكييك ومشتقاتها ... مطلوب التداخل يا حبوبة وبشدة عشان كل مرة تطلع نقطة تثري النقاش ... لك الود. |
|||||||||
|
07-08-2010, 02:07 PM | #11 | |||||||||
ود الزبيدي
|
المنصوري/ البرنس طبعا حنكش صاد" إلي صادي"... يقول أهلنا بجيك صاد .... حاولت مناقشة كلمة الحرية بعيدا عن القوالب المعروفة لفلاسفة وكتاب وساسة .. ونظرة الدين ...وطبعا ما إختلفنا كثير ... وصراحة يسعدني حضورك لإثراء الموضوع .. مرحبا بك دائما... لك ودي
|
|||||||||
|
07-08-2010, 02:16 PM | #12 | |||||||||
ود الزبيدي
|
اقتباس:
أخونا / الطيب عبده ....كيف حالك ؟ يا أخي ألف مرحب بيك .... لم نحاول إقصاء الدين .. ولكن وجدنا أن مناقشة الحرية ليس بعيدا عن إطار الدين والمناهج الفلسفية .. ولكن بمعيتها أكثر حرية ... ولكن لا بأس يمكن للمتداخلين مناقشة الأمر من مختلف منطلقاتهم الفلسفية أو الدينية ... وبالله ما تقيف .. أضف ما شئت ونحن سامعون .... لك ودي. |
|||||||||
|
07-08-2010, 02:18 PM | #13 | |||||||||
ود الزبيدي
|
وهم الحرية "3"
الشاب: الحرية يمكن مناقشتها بمعزل عن السياسة لكن السياسة,,, قابضة قوي في موضوع الحرية وعاملاهو موضوعها,,, طيب انا عايز اقول شنو:مثلا انا لم اختار امشي المدرسة وودوني اهلي ,, ومؤكد استفدت من التجربة ولولاها لما كنت ما عليه انا,,, بمنظور الاخرين ,,, لكن لو خلوني وما ودوني المدرسة كنت اكيد حاشوف مهنة امتهنها واكيد حتكون في مزاجي ,, وحابدع فيها,, وكنت حاعيش سعيد جدا وانا متصالح مع رقبتي والدنيا. الرجل: شوف يا بني الكلام البتقول فيهو دا تنظير وافتراضات,,ساكت ,,, يعني لو ما لقيت زول يقول ليك ما تبول في السرير كنت حتبول لي يوم الليلة ,, بنفس منطقك بتاع الرضاعة ,, اكيد في اشياء لا تحب القيام بها في فترة من عمرك وكنت تؤديها علي مضض الان انت سعيد بانك اديتها,, بمعني انو اطلاق الحرية دا زي ما قلته ما بيمشي معانا كبني ادمين ,,, في غرائز يا بني بيشذبها لينا المجتمع والناس والابوين والمدرسة عشان يكون في فرق بيننا وبين الحيوانات التي تتبع غرائزها وحاجتها البيولوجية وتنساق وراءها دون اعتبار للاخرين,, وحتي الحيوانات دي القاعد في الغابة منها مقيد باشياء حوله ,,, يمكن ان تكون قيوده اقل ولكن هي قيود علي اية حال,,, حتي النسيم او الهواء الطاير البتقولو حر دا,,,, ما حر,, في الحوائط في العوائق وفي اماكن الهواء ما بخشها ولا بشمها,,, للمرة التانية البتتكلم عنو دا فوضي ما حرية ,, وعشان النقاش يكون فيهو فايدة خلينا نناقش بي روقة انو منو العندو الحق يحدد الضوايط ويمنع الاعتداءات علي حقوق الاخرين ,, في وجود الحرية النسبية . الشاب : والله يا عمك معاك حق ,,, طيب السلطة دي نديها منو؟ قال ماكس فيبر السلطة هي انفاذ القوة في حق الاخرين ,{ قال هذا وهوينظر في عيون الشابة عشان يشوف موضوع ماكس فايبر الحشرو بي القوة دا},منو دا البنديهو الحق دا؟؟؟ انا عن نفسي لو كان لي خيار لما اعطيت اي شخص هذا الحق. الشابة: ما عشان كده الدنيا قايمة وقاعده,,, البوهيميون والمبدعون بالاخص هم اعداء السلطة ايا كانت ,, في حين انو لو قعدو في الواطة ,,, هي شر لا بد منه ,, تاخذ جزء من حقوقك لتمنع تعدي الاخرين عليك ,, زي رؤساء العصابات ياخذون منك اتاوة ويحمونك من اذي الاخرين,,, الفرق بين دي ودي انك بتدفع قروش هناك وهنا بتدفع جزء من حريتك طائعا مختارا. الرجل : عشان كده الناس وهي ماشه عشان تنتخب اي زول في اي حته لو فكرت شوية في انها بتدي في الزول البتختارو ما صوت بس ,, لكن بتديهو الحق في جزء من حريتها ,,, مش عاش ابو هاشم ولا ابو فلان بس . الشاب : هسه الجاب ابو هاشم شنو؟ الرجل: انا لا اقصد الرجل بس بقصد الممارسة وانا بفتكر انو لو ابو هاشم بيرضي بانو الناس يديهو اصوات صم بكم وهم لا يدرون,,,تكون مصيبة ,,, ولكن هي الممارسة للاسف في بلدنا وليست قاصرة عليه ,,,, وبعدين الكلام دا في امريكا ذاتها ,, اول حاجة انت يا جمهوري يا ديمقراطي ,, محصور في الاختيارين الضيقين ديل بس وكل ما يفعله الجمهوريون صحيح بالنسبة لمعظم الجمهوريين وليس كلهم ,,,, والديمقراطي ديمقراطي لامن يموت,,, زي هلال مريخ,, وهيثم طمبل احسن من هيثم مصطفي الشاب: شنو يا عمك خليناك تسرح في السياسة عايز تقلبها لينا كورة,,, وهيثم طمبل دا ما رشاكم في الكاس هيثم دا سوا ليكم شنو؟ الرجل: اول حاجة انا كنت بشجع المريخ زمان يعني لو عندي ميول حاكون مريخابي ,,, وكنت اتحادي وبرضو انتقدت حكاية عاش ابو هاشم دي من غير تفكير.,,, وبعدين القال ليك الكورة ما سياسة منو؟ ما شايف صلاح ادريس منصب نفسه مناضلا اعظم ويمثل المعارضة ,,, والكلام التحت تحت البيتقال علي قروش جمال الوالي . مساكين نحن والله.!! |
|||||||||
|
07-08-2010, 02:42 PM | #14 |
|
دكتور
لك الاعزاز اينما حللت الحرية افكر فى انها نقيض للعبودية ... افكر اذا انقضت العبودية وهي تماما كذلك هل تنقضى الحرية اذا استخدمناها بمفهوم المخالفة ... افكر ايضا فى المعني اللفظي ودلالة الكلمة كما افكر فى المعني العاطفى او المعنوي .. حديثك يفتح شهيتي للتداخل انت حر ولكن حريتك تقف عند التعدي علي حريات الاخرين انا اختلف مع فى الراي ولكني امنحك كل الفرص المتاحة لابداء رائك هذه رؤوس اقلام هل بالامكان اخذها مجري الحديث .. فالحديث شيق وذو شجون ومعك يطيب المقام |
|
07-08-2010, 02:57 PM | #15 |
أبو إسراء
|
الكييك جيتك صاد من غير حنكشة
انتا عارف لي يوميين بفكر في الكلمة دي ومالقيت ليها اي معني لامجازي ولاحقيقي واعتبرت كلمة حرية اطلقت في غير محلها بحثت في دفاتر اليوميات فوجدت نفسي مكبلا من كل جانب وحبيت اقول ليك الكلام دا هنا وهو المكان الوحيد الذي وجدت نفسي فيه غير مكبلا وماعارف ممكن تجي يالكييك وتقيد حريتنا في هذا المكان مثلا ان لي كم سنة بقول خلاص كفاية غربة لكن وين ظني ان المقام سيطول وحتما مابكيفي ولكن ذلك نقيض للحرية التي ابحث عنها وقد خيل لي انها هنا ومابين هنا وهناك عواصف وأتربة تجتاحني كل فينة واخري تارة أبحث عن نفسي وأخري أبحث عن الآخرين حتي لاتضيع حقوقي وفي نفس اللحظة لا أهضم حقوق الآخرين المعادلة صعبة جدا وحتي تكون معادلة صحيحة لابد ان تتساوي الكفتين ويساوي هنا بالضبط الحرية هل وفقت اخي الكييك في هذا التشبيه ان كانت الاجابة نعم فلنبحث سويا عن معادلة النتيجة فتصبح تساوي لها قيمة معينة وان كانت الاجابة لا دعني ارجع لأوهامي وتخيلاتي عسي ولعل اجد طريقا آخر وبجيك صاد بي حنكشة |
|
07-09-2010, 02:20 PM | #16 |
|
الكييك اخوي دراج المحن
حريه ايه اللي انت جاي تقول عليها نحن اتبعنا واسترقنا ( من رقيق ) حتي انتفض ابوالدقيق من دقيقه لا الدقيق رجع ولا ابوالدقيق نضف بس اكتب عسي ولعلا ان ياتي من يعتقنا لوجه الله ويتصدق بنا ومودتي لك |
كيف اللحاق بركب نعيك والشوامخ لا تطال
|
07-10-2010, 12:15 AM | #17 |
|
د. الكييك جيتك تاني راجعة ( مابعرف يعني شنو صاد غير انها حرف ابجدي هههههههه)
مفهوم الحريه اليوم يختلف عن زمان خليني اتكلم بي طريقتي ( مش انا حره في كتاباتي ) انا اقصد حريه اماتنا وحبوباتنا زمان كانت الواحده ما بتقدر تقول لي اخوها الاصغر منها غير حاضر لانها حريتها مقصوره علي رضا الاخوان والوالد منها في كل تصرف من تصرفات حياتها لكن هسه ( زمنكم عجيب ) شوف معني الحريه عند المرأة اختلف تماما ولكن برضو مقيده يعني لو كتبت اي موضوع لازم يكون مقيد بي ضوابط كتيره حتي لو الكلام كان بسيط ومفهوم بس لازم تعمل حساب الناس البتفهم غلط والا صندوق الرسائل الخاصة يتملي بي ( كتاباتك بتعجبني وبعد داك سلامات عليك الله اضيفيني للماسنجر بتاعك او شفتك قلت اسلم عليك ) وعشان نتحاشي كل ده بتقيد حريتنا في الكتابه وده ابسط مثال عشان انا ما بعرف للكلام الكبار بتاعكم ده انت ومنصوري والبرنس .........وبرضو تقول لي حريه واصل في كيكوفرونيا لانها جميله وممتعة بجد |
واعمل لدار رضوان خازنها والجار احمد والرحمن بانيها قصوروها ذهب والمسك طينتها والزعفران حشيش نابت فيها .* .* .* .* .* .* .* .* http://www.quranflash.com/quranflash.html |
07-10-2010, 07:19 AM | #18 | |||||||||||||||||||
|
اقتباس:
|
|||||||||||||||||||
|
07-10-2010, 08:52 AM | #19 | |
|
دكتور/ الكيك
كل المتداخلين لكم التحية وانتم تدلون بافكاركم عن الحرية. ويبدو لي انه لاتوجد حرية مطلقة بل لا بد ان تكون مقيدة بتقاليد واعراف وشرائع، واذا كان كل انسان حر في كل افعاله لما كان هنالك معني للقانون، ولو كان الانسان حر في كل افعاله لساد الدنيا الفوضى والفساد بحجة الحرية. ولا بد في الحرية مراعاة المصلحة العامة والحفاظ على الكليات الخمسة للشريعة الاسلامية وهي المحافظة على الدين ،العقل، النفس،النسل والمال ، والمحافظة على هذه الضروريات الخمسة في نظري هي حدود الحرية طالما اثبتنا انها غير مطلقة ومقيدة. وان الحرية عبارة عن قدرة الانسان على السعي، وراء مصلحته التي يراها، بحسب منظوره، بشرط ان لا تؤدي الى ضرر الاخرين والمجتمع.و الحرية هي حرية العقل والفكر لا حرية التفسخ والانحلال كما يعتقد البعض ، فالانسان حر في تفكيره يما يمليه عليه عقله وحر في آرائه ومفاهيمه لما يرى من أمور دون أن يمس معتقدات وثوابت الامه ، وعقل الانسان محدود التفكير لذا يقدم النقل والشرع على العقل ومن هنا كانت الحرية مقيدة بالتعاليم الربانية والتي هي حق ولا تخطي ابداً، فما كان مستحيلاً قبل مئات السنوات عندما قال فرح وتكـــتوك ( اخر الزمن يبقى الكلام بالخيوط والسفر بالبيوت) اصبح واقعاً بل اصبح الكلام من غير خيوط بل عبر الاثير اصبح الكلام بدلاً من التلفونات والشبكات اصبح بالجوالات عبر الاثير والثريا بالاقمار الصناعية . والانسان حر في اختياره لعمله وملبسه ومشربه ومأكله دون يخالف في ذلك عادات وتقاليد مجتمعه السليمه لا الباليه التي يدندن عليها البعض ويصادرون على الاخرين أرائهم بحجة تلك الموروثات القديم المخالفة للشرع .يجب ان نستعرف بأن مفهوم الحرية مفهوم يلفه بعض الغموض، للاسف فهناك من يستعمل هذا المصطلح ليبيح لنفسه كل شيء،فالحرية تختلف من بلد لاخر ومن مجتمع لآخر فمثلا الحرية في الغرب ليست هي الحرية في الشرق لان ما يناسب المجتمع الغربي ليس بالضرورة يناسب المجتمع الاسلامي،ثم إن مفهوم الحرية لا يعني أن يفعل الانسان ما يشاء لان الحرية بهذ المعنى تضع الانسان في مرتبة الحيوان مع ان الانسان ميزه الله عن باقي الحيونات الاخرى بالعقل. ولكم التحية احبتي ولي عودة ان شاء الله |
|
التعديل الأخير تم بواسطة نورالدائم الطيب يوسف ; 07-10-2010 الساعة 08:56 AM
|
07-11-2010, 06:47 AM | #20 | |||||||||
ود الزبيدي
|
اقتباس:
بركة الجيت ..وما بسكويت ...يا حليلك .. مشتاقين؟ العبودية نقيض الحرية لأن الحرية هي الأصل ...لم أجد فيما قلت مايشوب .. لذلك أفتعلت حكاية الأصل بتاعة الحرية دي .. علي طريقة نقاش المثقفاتية .. أتفق معك تماما..ودائما تعال ومعاك أحلام !!.. لك ودي. |
|||||||||
|
07-11-2010, 06:57 AM | #21 | |||||||||
ود الزبيدي
|
اقتباس:
ينسب إلي بعض من مواطني الجزيرة العربية في الحاضر من قال : الحمد لله الذي أبدلنا الرق بالكفالة ... أين زمان أبي بكر منا, ليفك رقاب بعض منا؟ .. تأكد أن ما تحسه قاسم مشترك بيننا..تعال صاد.. لك الود. |
|||||||||
|
07-11-2010, 07:12 AM | #22 | |||||||||
ود الزبيدي
|
اقتباس:
الأخ / أبا ذر ....ليته بيننا سلفك الغفاري الذي صرح بالقول أمام الذين يكنزون الذهب والفضة ... "وبنى معاوية الخضراء بدمشق، فقال : يا معاوية، إن كانت هذه الدار من مال الله ؟ فهي الخيانة، وان كانت من مالك ؟ فهذا الاسراف. فسكت معاوية، وكان أبو ذر يقول : والله لقد حدثت أعمال ما أعرفها، والله ما هي في كتاب الله، ولا سنة نبيه. والله اني لأرى حقا يطفأ، وباطلا يحيى، وصادقا يكذب، وأثرة بغير تقى، وصالحا مستأثرا عليه. فقال حبيب بن مسلمة لمعاوية : ان أبا ذر مفسد عليك الشام، فتدارك أهله إن كانت لكم به حاجة. فكتب معاوية إلى عثمان فيه." فسيره الخليفة إلي الربذة ,فقال : الله أكبر، صدق رسول الله قد أخبرني بكل ما أنا لاق. قال : عثمان : وما قال لك ؟ قال : أخبرني بأني أمنع عن مكة، والمدينة، وأموت بالربذة، ويتولى مواراتي نفر ممن يردون من العراق نحو الحجاز." ... رحم الله أبا ذر الغفاري ... وفك أسارنا وإسارك ,,, متفاءل كثيرا أن أصبح حرا بعد طول رق .. تفاءل معي. |
|||||||||
|
07-11-2010, 07:34 AM | #23 | |||||||||
ود الزبيدي
|
اقتباس:
|
|||||||||
|
07-11-2010, 07:47 AM | #24 | |||||||||||||||||||
ود الزبيدي
|
اقتباس:
تعرف يا منصوري كان في واحد صاحبنا بيحب الباسطة حب شديد جدا .. وإي حاجة تعجبه يقول ليك " باسطة بس " كان يدلل على هذا بأن القليل منها ممتع والكثير منها حتى حد الشبع ممتع أيضا ويتمنى أن يكون ببطنه سعة لأكل المزيد .... ياأخي أنت باسطة بس ... كسرة : لو لاحظت في السرد هناك ثلاثة أشخاص بإهتمامات متباينة الرجل , الشاب والفتاة ... ليس بالضرورة أن يكون كل ما يقال في الحوار صحيحا ,, إنما هي وجهات نظر متباينة كما أتخيلها ,,, عرضتها في هذا الحوار فكان لا بد للقارئي الفطن أن يرى ما هوأقرب للمنطق كالجزء الذي إخترته... ...سعدت بأن ما أردت قوله قد وصل... لك ودي. |
|||||||||||||||||||
|
07-11-2010, 08:16 AM | #25 | |||||||||
ود الزبيدي
|
اقتباس:
الأخ / نور الدائم الطيب ... كيف حالك ياأخي ....؟؟ عندما أبتدرنا هذا الحوار إفترضنا مسلمات الدين والإعتقاد متوافرة للجميع ... كما إفترضنا الإيمان بالثوابت منها ... ولم يغب عنا الحديث الكثير عن النقل والعقل , وهذا موضوع آخر ... حاولنا نقاش الحرية داخل مسلمات العقيدة.... إن القول بالاعتماد على العقل فقط - أى دون النقل ، الذى هو الوحى الإلهى ، فى بلاغه القرآنى وبيانه النبوى -.. واستخدام العقل وحده أداة لإعادة النظر فى كل ما تعتبره الأمة من المسلمات.. هو قول يحتاج إلى ضبط.. وإلى تصويب.. ويمكن أن يتم ذلك من خلال إشارات إلى عدد من الحقائق: أولاها: أن مقام العقل فى الإسلام هو مكان عال وفريد ، ولا نظير له فى الشرائع السابقة على الشريعة الإسلامية الخاتمة.. فالعقل فى الإسلام هو مناط التكليف بكل فرائض وأحكام الإسلام.. أى شرط التدين بدين الإسلام. وثانيتها: أن النقل الإسلامى - وخاصة معجزته القرآنية - هو معجزة عقلية ، قد ارتضت العقل حكمًا فى فهمها وفى التصديق بها ، وفى التمييز بين المحكم والمتشابه فى آياتها ، وأيضًا فى تفسير هذه الآيات.. فليس للقرآن كهنوت يحتكر تفسيره ، وإنما هو ثمرة لنظر عقول العلماء المفسرين.. وعلى حين كانت معجزات الرسالات السابقة معجزات مادية ، تدهش العقول ، فتشلها عن التفكير والتعقل ، جاءت معجزة الإسلام - القرآن الكريم - معجزة عقلية ، تستنفر العقل كى يتعقل ويتفكر ويتدبر ، وتحتكم إليه باعتباره القاضى فى تفسير آياتها.. فكان النقل الإسلامى سبيلاً لتنمية العقلانية الإسلامية.. وكان هذا التطور فى طبيعة المعجزة متناسبًا ومتسقًا مع مرحلة النضج التى بلغتها الإنسانية ، ومع ختم السماء سلسلة الرسالات والوحى إلى الأنبياء والرسل وأمم الرسالات.. وثالثتها: أن العقل - فى الإسلام - هو سبيل الإيمان بوجود الله ووحدانيته وصفاته.. لأن الإيمان بالله سابق على التصديق بالرسول وبالكتاب الذى جاء به الرسول ، لأنه شرط لهما ، ومقدم عليهما ، فالتصديق بالكتاب - النقل - متوقف على صدق الرسول الذى أتى به ، والتصديق بالرسول متوقف على وجود الإله الذى أرسل هذا الرسول وأوحى إليه.. والعقل هو سبيل الإيمان بوجود الله - سبحانه وتعالى - وذلك عن طريق تأمل وتدبر بديع نظام وانتظام المصنوعات الشاهدة على وجود الصانع المبدع لنظام وانتظام هذه المصنوعات.. فالعقل - فى الإسلام - هو أداة الإيمان بجوهر الدين - الألوهية - وبعبارة الإمام محمد عبده: ".. فأول أساس وضع عليه الإسلام هو النظر العقلى ، والنظر عنده هو وسيلة الإيمان الصحيح ، فقد أقامك منه على سبيل الحُجة ، وقاضاك إلى العقل ، ومن قاضاك إلى حاكم فقد أذعن إلى سلطته.. " . وذلك على حين كان العقل غريبًا ومستبعدًا من سبل الإيمان فى حقب الرسالات السابقة على الإسلام.. أى أن الدنيا.. مفتوحة على مصاريعها أمام العقل وأمام التجربة - بالنسبة للإنسان - فإن هناك ميادين - وخاصة فى معارف عالم الغيب - سبيل معرفتها النقل - أى الوحى - والوجدان - القلب والإلهام - فالهدايات التى يهتدى بها الإنسان هى " العقل " و " النقل " و " التجربة " و " الوجدان ".. وليست العقل وحده دون سواه.. وبتنوع الهدايات وسبل المعرفة الإنسانية ، مع تنوع مصادر المعرفة الإنسانية - الوحى وآيات الله المسطورة ، مع الكون وآيات الله المنظورة - تتكامل وتتوازن المعرفة الإنسانية - وهذه هى نظرية المعرفة الإسلامية - بينما يختل توازن هذه المعرفة إذا هى وقفت - فى المصادر - عند الكون وعالم الشهادة وحده - وفى الوسائل وإدراك المعرفة عند العقل وحده ، أو العقل والتجربة وحدهما ، دون النقل والوجدان.. ولقد عبر عن هذا التكامل والتوازن فى - نظرية المعرفة الإسلامية الإمام محمد عبده عندما تحدث - فى تفسيره لآية (اهدنا الصراط المستقيم)- من سورة الفاتحة - عن " الهدايات الأربع " - العقل ، والنقل ، والتجربة ، والوجدان كما عبر عن التلازم الضرورى بين العقل والنقل ، لتكامل المعرفة الإسلامية عندما قال: ".. فالعقل هو ينبوع اليقين فى الإيمان بالله ، وعلمه وقدرته ، والتصديق بالرسالة.. أما النقل ، فهو الينبوع فيما بعد ذلك من علم الغيب ، كأحوال الآخرة والعبادات.. والقرآن - وهو المعجز الخارق - دعا الإسلامُ الناس إلى النظر فيه بعقولهم.. فهو معجزة عُرضت على العقل ، وعرفته القاضى فيها ، وأطلقت له حق النظر فى أنحائها ، ونشر ما انطوى فى أثنائها.. وإذا قدّرنا عقل البشر قدره ، وجدنا غاية ما ينتهى إليه كماله إنما هو الوصول إلى معرفة عوارض بعض الكائنات التى تقع تحت الإدراك الإنسانى.. أما الوصول إلى كنه حقيقته فمما لا تبلغه قوته.. ومن أحوال الحياة الأخرى ما لا يمكن لعقل بشرى أن يصل إليه وحده.. لهذا كان العقل محتاجًا إلى مُعين يستعين به فى وسائل السعادة فى الدنيا والآخرة.. " أوردت هذه المقتطفات لنضع أساسا متفق عليه للحوار ,, أي أنني أتفق معك في كل ما قلت ,, ولكن الطرح أتى كحوار بين أشخاص مختلفة مشاربهم , أعمارهم وتجاربهم ولكن كلهم مسلمون, ولكن داخل هذا الإطار تختلف عقولهم وبالتالي أفكارهم ومن ثم تجاربهم , وحتى طريقتهم في الحوار , أنظر كيف يتحدث الشاب والشابة والرجل ,,, أسعدني حضورك وتواجدك ,,وأنا على مرمى حجر منك في الخفجي , وأطمع إلي مزيد من التواصل,,, لك كل الود. |
|||||||||
|
07-11-2010, 08:44 AM | #26 | |||||||||
ود الزبيدي
|
قال الشاب وهو ينفث دخان البرنجية: يا عمك,,,, هل انا حر فيما البس واكل واشرب.
الرجل: انت حر يا سيدنا في كل شئ ,,, بشرط الا تتعدي علي حرية الاخرين... قال هذا وهويعني " يعني تدخينك معانا في الغرفة المقفلة دي تعدي واضح" فات ذلك على فطنة الشاب!! الشاب: تاني جاب سيرة البحر. الرجل: ما لازم يا ولدي,,, وانا مصر علي التعريف البدينا بيهو النقاش ,, والا بنودر في زمننا ساكت,, في جدل بيزنطي ليس منه طائل. الشابة: انا مع عمك... وعشان ما نضيع الوقت,,, نمشي لي النقطة الوقفنا فيها قبل كده,,, منو نفوض عشان يضع الحدود ويحرسها من تعدي الاخرين. الشاب: انا غايتو السياسيين بتاعنا ديل ما بثق فيهم. الرجل: شوف يا سيد,,, السياسي المحترف,,, رجل سيئ!! الشابة: سيئ عديل كده.؟ الرجل: والله يابتي انا ما بحب الاطلاق في اي شيئ ولكن,,, تعالوا نقعد في الواطة دي ,, ونمسك السياسي دا من الاول بقي سياسي كيف ,, وخلي اي حاجة وبقت شغلتو.؟ الشاب: يعني يا عمك انت عايز سياسي وشغال شغلانة تانية. الشابة : وليه لا,,, انا شايف الوظائف الوزارية او الدستورية العايزه تفرغ كامل ,, لا تعد علي اصابع اليد,, لكن امشي محافظة واحدة في السودان دا وشوفي فيها كم متفرغ للعمل السياسي؟ الشاب: طيب نرجع للزول البقي سياسي متفرغ بس للسياسة بقي كيف؟ الرجل: شوف البدايات غالبا بتكون يا إما زول من جواهو,, مقتنع بتوجه او حزب,, وانضم ليهو,, او واحد عندو غاية معينة ان كانت شخصية او قبلية او خلافه ووجد ان الحزب المعني سيخدمها,,, او زول الله خلقو سلطوي وعايز سلطة وديل تلقاهم علي قفا من يشيل,أو زول ما كعب لكن شايف نفسه ممكن يصلح الحال العام وهو إما أنه مؤهل لذلك أو لا,, فإذا كان مؤهلا خير وبركة وكان لا الرماد كال حماد وكالنا معاهو,تجدون كثيرا من هذه الأمثلة, ابتداء من اللجان الشعبية في الاحياء او الروابط ايا كانت في الجامعات او المدارس او الاحياء او حتي في الاندية الرياضية,,, وديل طبعا جواهم بيكونوا شايفين نفسهم هم احق بالتحكم في عباد الله لمعرفتهم بالحياة والقوانين ودهاليز السلطة,, وممكن يكون مدخلهم الثراء او الحسب والنسب,, يعني مثلا واحد تاجر في الحي يقوموا يعملوهوا رئيس لجنة فريق كرة القدم عشان يدفع,,, وبعدها يستحلي الموضوع ويصدق أنو هو المخلص وما فيكي يا دنيا إلا أنا وتلقاهو في كل اللجان,,, في صنف رابع,, عارف انو السياسة دي بتحقق ليهو حاجات شخصية وداخل الموضوع علي طمع,,, لذلك تجده اليوم يمين وبكرة شمال. الشاب: السلطة ما مرضة يا عمك,, يعني لو بقيت وزير مثلا بكرة بترضي تكون قاعد ساكت ولا هيلمانة,, ولا زيطة ولا عربات قدامك وحرس ودنيا قايمة وقاعده,,, منوالبرضي بي كده؟ ... ونحن البيفاقم المشكلة عندنا انو الان في السودان في مليون وزير سابق ,, وكلهم ضد الوزراء الحاليين,,, لو ما عديل تحت,,تحت الرجل : دقائق امشي واجيكم. |
|||||||||
|
07-14-2010, 10:18 AM | #27 | |||||||||
ود الزبيدي
|
كلام مجانين ومافي زول يقول لي البتقول فيهو دا شنو؟؟
يا السايق البوباي الاشارة جاي ولا جاي ورينا سوق جاي جاي ,,, ورينا سوق جاييييييييييييي علي كشكش,,, واحد من الجماعة شلتنا يعني حالج صامولة زينا وكده. وجد ثلاثة نساء بالضفة الشرقية في حيرة من أمرهن ,, إذ كن يردن العبور للغرب ,, ولم يجدن صاحب المركب ,,, وبينما هن علي هذي الحال ,أتي علي كشكش مترنما بالأغنية سابقة الذكر,, سألن علي كشكش ( وكن لا يعرفنه) إن بأمكانه قيادة المركب والعبور بهن الي الغرب , لقاء أجر معلوم .... وافق علي كشكش وبدأ الابحار بهن غربا ,,, وبينما هن في منتصف النيل ,, لا حظت النسوة أن علي كشكش قد بدأ بخلع ثيابه ,, العراقي المتسخ ثم السروال الأكثر إتساخا ,, وقام بلفها جميعا حول رأسه ,,, سألنه : ماذا تفعل؟؟ رد علي كشكش: والله يا جماعة أنا الإرادة مودياني شرق,, ثم وثب إلي وسط النيل عائما. بدأت النساء بالصياح والعويل ,, حتي تنبه لهن بعض من ذوي النخوة وقاموا بإنقاذهن ,,, ليس علي طريقة الترابي والبشير ؟ أتذكر علي كشكش ,,, في كل خطوة تقوم بها حكومتنا الرشيدة ..بدينا بي لا ولاء لغير الله ,, ونحن ما معروفين هسه واقعين لي الصين في عبها ولا بارين أمريكا وماسكين طرف توبها,, زي الشافع الباري أمو ليل ونهار ,,, كنا نسميه وقتها( بطول) والمعني واضح إن شاء الله. أتذكر كشكش :زمن النار ولعت ,, ورائحة الجنة وأخوات نسيبة ,, وزمن ياسر عرمان وباقان أموم. أتذكر كشكش: زمن نأكل مما نزرع ونلبس مما نصنع ,,, والفلل الآن علي النيل تمتلئ بما لذ وطاب ,, وأتذكر شنو ولا شنو.؟؟ وجاييكم كان الارادة جابتنا. |
|||||||||
|
07-15-2010, 07:17 AM | #28 |
أبو إسراء
|
الدخان يتصاعد ويتصاعد ليس دخان سيجارة برنجية
الكل إتجه صوب ذلك الدخان . في شنو ياجماعة والله الزول دا حرق ليهو لستك في شنو يازول انشاء الله خير والله ياجامة لقيت نفسي مغبون وحرقت الستك دا هسع في زمتك دي سخانة يحرقوا فيها لستك اللساتك دي كان بحرقوها زمان زمن البرد الشديد هي براها مولعة داير تسخنها زيادة طفي يازول اللستك دا الاطفال ينتشرون ويزيدون الصيحات فرحين بهذا الدخان الاسود الغاتم وينظرون اليه وهو يتصاعد ويتصاعد ويتصاعد وسرعان ماخمدت النار اصلها الدنيا مسخنة خلينا نمشي نشتري لينا كهرباء بي عشرة ونشغل المكيف داك ونفتح قناة اسبيس توون لكن برضوا داير احرق لي لستك عشان الشفع يلعبوا |
|
07-15-2010, 09:18 AM | #29 |
|
اخى الفاضل استاذ الكييك
يديك العافية وقريت ...ومتابعه وبرجع قلت اسلم عليك عبر البوست الذى سوف استفيد منه وبلا شك تحياتى مجددا احترامى |
|
07-15-2010, 11:47 AM | #30 | |||||||||
ود الزبيدي
|
البرنس واصل,,, لكن أنا كلمت الجماعة في التيجاني الماحي .. السرير جاهز بس إنت واصل.. لك الود.
|
|||||||||
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|