رابطة مشجعي المريخ الزعيم بالمنتدي

نجم السعد

السر أحمد قدور




نجم السعد
انواره هلت في البلد
مريخينا عالى ومعتمد
وقالوا الهلال في الخط رقد
والحظ همد
وبقت حكايته (حمد لبد)
بالفرحة ما طال الامد
ايام قليلة بلا عدد
يوم الخميس جاه النكد
لم ينتظر يوم الاحد

جمهوره جقلب ما صمد
ومرق من الاستاد شرد
قالوا الثقاة اهل البلد
شافوه فى حلة حمد

مريخنا دائما معتمد
تاج النصر
بطل البلد
ما جاب حكم بيهو انسند
وابطاله في الميدان سند
ما بخلى تاره الى الابد
ويفوز على الخصم الالد
بالقوة بالفن والجلد

جمهوره يهتف كالرعد
ثابت معاه وما ابتعد
اما الهلال قام او قعد
مريخينا بالاصرار صعد
فوق الجميع
والكل بعد
مريخينا بالقمة انفرد
ساب الحسار لى غيره
للافراح ورد
واصحابنا شوف حيلن برد
وكان الدرس قاسى
ما اب زرد

من بدري ناديكم هجد
فتشنا واحد ما اتوجد
ومريخينا طول تاريخه جد
وراكم الفن الاجد

شارع فرحكم اتوصد
خسران حسابكم واترصد
وفريقنا حقق ما قصد
في اخر الموسم حصد
مريخنا زينه دفاعه سد
وهجومه اشبال الاسد
يا زيكو تسلم يا ولد
قونك مؤكد معتمد
ما فيه سرقه ولمس يد

ننشيد قلعة الأبطال

كلمات : لواء حقوقى عبد المنعم النذير 1984م



عشت يامريخ يا مشرق التأريخ

عشت للأجيال ياقلعة الابطال

ياروعة في الايقاع يا قمة الابداع

بعلمك الخفاق ونجمة البراق

يا تحفة في الانجاز ياقمة في الاعجاز

يامنارة الافذاذ بنورك الآخاذ

ياحبنا الوحيد يا مجدنا التليد

بعزمنا الأكيد نحقق المزيد

نسير في حداك نصبو إلى علاك

نذود عن حماك أرواحنا فداك

بالبذل والعطاء شيدت المنشآت

بالفن والاداء ترفرف الرايات

عشت يامريخ يا مشرق التأريخ

عشت للاجيال ياصانع الابطال

هذه القصيدة تم تقديمها في عيد المريخ الماسي
وقام بتلحينها وأداها فرقة المريخ الغنائية.




الشاعر عمر بشير- بمناسبة فوز المريخ بكأس سيكافا في عام 1986م :





مريخنا في وضَحَ النهار حقق لامتنا انتصار

أسرج خيول إصراره طامح في سما إفريقيا طار

صمم على النصر وحطَم بروج النحس عنوة و اقتدار

مريخنا سيل عارم عنيف خاويهو ما بيرجاهو عار

مريخ عنيد مريخ حديد نفسه بتعاف الانكسار

النجمة كانت يا مونزا وهج منير وسياجه نار

بي فرقته الماسية صلفج عزَّة سيمفونية عزِّة وافتخار

مثلت سوداننا الحبيب أكدت إنك ابن بار

يانجمة الفال الحسن أكسبني من رقشك إزار

هللنا كم وقدلنا بيك والقدلة كانت في إطار

سودان موحد بي هواك ونبضه من خلفك جدار

نلقاك كيف مريخنا فاق ترحابنا ضاقت بيه الديار

يانجمة خيلك عركسن أزكيتي روح حب الوطن

أيقظتي في قلوبنا الشجن عاد بينا نصرك لي زمن

فرسانه في ساح الوغى ناذرين حياتم غير تمن

عاصمتنا سارت في جموع ونحاسنا بي حبك رطن

عليتي راية إسمنا وحليتي ماكان مرتهن

النجمة ضوت في النفوس إشراق يلالي على السحن

مريخنا من شيكان ومن شعبان ومن وقفة كرن

مريخينا العظيم

فرح عوض





مريخينا العظيم امتعت لي روادك والعجب العجيب كل يوم تزيد في عنادك

كل صبحا جديد زايد كمان إعدادك زي جيش الوطن سالك طريق أجدادك

مريخنا العظيم مرحب حبابك ميه جددت الأمل بي روح عظيمة وحيه

سافر بالسلامة ممثلا سودانك وبالفن والجهاد والله نلت مكانك

أطربت الجميع في اللعبة بي الحانك والنصر المؤزر ديمه في امكانك

شوف سامي البطل دينمو الفريق وعميده كلما طل يوم تلقاه زاد في رصيده

كل ما هل عام سامي بيزيد تجديده باصه بنظمها والعجب كمان تسديده

سانتو والدحيش والله ما بنقدرو لما يشقو اخطر من سلاح لو تدرو

بدر الدين بطل ثورتنا ساطع بدرو سكسك يلعبها والناس بتعرف قدرو

يا حامد يمين قطعا حرست عرينك وطبقت العمل بي همة في تمرينك

صديت كل شاردة وواردة بي تفنينك فالتحي وتعيش وأن شاء الله يعينك

كمال وجمال بلاكم اصلوا ما شئ بتم إبراهيم ود عطا جرعة عقود السم

ود القوز اجيك للكورة متبسم مرات باليمين مرات شماله يقسم

رئسنا الهمام أفعاله ديمه حميدة مخلص ومجتهد ومعاه نخبة رشيدة

كم زلل صعاب واقدم على تنفيذها والمريخ معاك اصبح حياته سعيدة

في ختام القصيدة بذكر كمان شاخور ركازة الفريق ازمان ثم دهور

مخلص ومجتهد قائم بأعظم دور كم خدم الرياضة وعلم الجمهور

هاك مني التحية الصادقة يا شاخور يا ريس السفينة اللي الصعاب مدخور

عهدك عهد خير جواد تفيض كبحور والمريخ بعرفك من سنين ودهور

سيده فرح أغنية المريخ الخالدة

الشاعر الزبير عوض الكريم







يا بت فرح

الليلة لو شفتي الإسم

كيف أضحى مصدر للفرح

كيف أضحى للعشاق حبيب

يحلو الغزل فيه ويصح

أصبح شعار في كل دار

وفوق للسحاب مختال سرح

آه من صفارو العسجدي

ماخد البريق من قوس قزح

آه من كؤوسو المنزلة

مين غيرو يقدر ينزلا

ويهدي البلاد أجمل فرح

......

يا سيده لو شفتي الإسم

كيف أضحى للإبداع شرف

الماوجد في الدار مكان

ندمان وللدمعات زرف

الكابلي يشدو بعد سرور

وفتح الله يخطو خطى كرف

وساقية حمد لسع تدور

ماغاب غناهو ولا وقف

والروعة في ود الأمين

لو كان ترنم أو عزف

ما ديل مثال

إيجاز مصغر مقتضب

أصلو المحال كل المحال

حصر الرموز

يا سيده في الفن والأدب

في الإذاعة والصحافة في

المسارح والرتب

الساحة تذخر بالكوادر

بالنوابغ والنخب

.......

يا سيده لو شفتيهو كيف

فارق بلادنا وانتشر

في كينيا معروف والخليج

في آسيا والصين والمجر

تاريخ مطرز بالفخار

من عهد قرعم لي صخر

تاريخ مطرز بالذهب

من شرفي لي برعي وطلب

وكمال وجقدول والعجب

أيامنا من بعدك بقت

يا سيده في بهجة وطرب

..........

يا سيده لو شفتي الإسم

كيف أضحي معشوق الألوف

زغرودة في ثغر الحسان

ورسوم تزين أحلى

الكفوف

صفقة وأغاني ونقرشه

الحان وإيقاعات دفوف

تشجي المسامع والبدن

يا سيده مريخك دوام

بالصفوة محروس

محتضن

بالكلمة والحرف

الأنيق

أرقى الوصف بيهو

اقترن

مين يعلو في دنيا الأدب

قامة التجاني وحاج

حسن

ود بانقا والمك علي

والمبدعات أخوات مزن

......

يا سيده يكفيكي افتخار

ما شفنا أحلى من

النجوم

في الكون شعار

منظر يريح كل العيون

بهجة ومسرة وانبهار

والحكمة عند

الإنتصار

الدنيا ترقص وتنتشي

والظلمة تتبدل نهار

ما أحلى ساعة

الإنتصار

لما البلد تهدأ وتروق

ويهتف الجمع الخلوق

مريخنا فوق مريخنا فوق

أ
صبح النقد بعيدا عن معايير الأدب

الزبير عوض الكريم



لا شـــئ يدعـــو للتـــزمر والغـــــرابة والعـــــجب

قــدر المــنافس أن يســـاء ويستهـــان ويستـــسب

مادام كــل مهنــدم قــد عــد رمــزا في الــــخب

سيــان أن يعــلو الهـتاف ويملؤ الكون الصـخب

لا فــرق عــند القــوم أختــل النــظام أو أستـتب

فالنصر يحلو طالما اختلط الضجيج مع الشغب

ونـــال كـــل مــــنازل قــزفا وتجريحا وســـــب

عندمــا وجــــد انتــماءا كــل مــن هــــــب ودب

فالعــذر مقــبول إذا طـــفح الغـــثاء ومانـــــضب

لــو صــار للتــجريح طــرحا مستــساغا مستــحب

أو أصــبح النــقد بعــــيدا عــن معـــــــــايير الأدب

فرحنا الكان وسط الترحاب

محمد حسين التوم



فرحنا الكان وسط الترحاب

ما بين خلوتنا والمحراب

فرحك يا اريج فرحك يا ايهاب

زرعنا سعيد خسر الغتاب

سببه نزاع من غير اسباب

عاشو ا الشتم وعاشوا سباب

فرحت اطفال فرح السودان فرخنا شباب

العزه لمين؟

للمريخاب

هلالنا الهل بدون اسباب

بعد ما بشر نكس وغاب

بعد ما غاب اتلاشي وغاب

امله الصبح كله سراب

المريخاب احبه صحاب

وغيرنا تعاب

وبرضو بتسال العزة لمين

نشيله دهب نخلي نحاس

والمريخ مرفوع الراس

والمريخ عزة واخلاص

والمريخ استلم الكاس

فاروق جبره العجب الناس

جندي نميري ابو الفراس

عمار مكي زعيم حراس

الضؤ عبد الله جلاس

كلامنا هنا في الممتاز

وكلامنا هناك في مدينه فاس

والمريخ مرفوع الراس

حسبو دفاع جاغوم احراز

المريخ حاضر مستقبل ناريخ واساس

ونسعد بي ود الياس

ونسعد بي عيد الماس

والمريخ ما اصلو الماس

والمريخ مرفوغ الراس

وبرضو جاي تسال؟

كمال سيد وبكري مكين

فرح المريخ واسي الملايين

ليه الحقد يا ملايين؟

خسد وغل وخقد دفين

ابعد من خمر الشياطين

المريخاب ابطال اشداد

نقهر شمس الاتحاد

ونرفع رايه اتحاد

نصون الماضي والامجاد

ندك حصون قيصر شداد

والمريخ قوة ميلاد

ويكفي المريخ بطل السودان

وجآي وتسال؟

راح الغراب يسال عنبطاقه المهندس

راح الغراب يسال ولراسه منكس

المهندس يا ظابط الايفاع

من غيره قد ساند الهجوم والدفاغ

من غيره قد امن الهواء في الشراع

من غيره قد ترك الفنات للضباع

عهدنا المريخ لا يباع

والمهندس فتي شجاع

الا ندري يا غراب نحن في المريخ لانخون؟

الاتدري يا غراب نحن في المريخ لا نهاب؟

نحن في المريخ صخر نحن في المريخ

بحر نحن في المريخ غاب؟

وبرضو جاي تسال؟

وبرضو تصدق اي جبان؟

وبرضو تصدق اي هوان؟

وقلبك بنجوم ولهان؟

وجأي وتسال

انا منذ صغري يقتلني الحنين

انا منذ كبري يقتلني التسنين

الحمي والسهاد والانين

في راسي الصداع والطنين

الهلال ارنب وبين ثعلبين

الهلال واقف وبين لافتتين

المريخ بطلا والمريخ نجمتين

المريخ قوة والمريخ قوتين

حبه توسد البطين

غرامه توسد الاذين

من النحيل والبدين؟

من الضعيف والسمين؟

قوة يزيدني الحنين

صلابه تزيدني السنين

وآ خساره العراب المراهق اللعين

وبرضو جاي تسال انه نحنا مين؟

النجـمة

سرالختم تاج السر علي





يا الـنجمة الآســر جمــالك وحبُـك لـى قلـوبنا مـالك

بره و جوه نخـوض المعـارك و يا أمدرمان كيف حال هلالك



يا النجـمة كؤوسـك حلالك بالعرق والدم شـامخات قبالك

تقــول للعــالم فِعــالك و تقـول لأم دُر ليه نام هــلالك



شـمال و جنوب معروف قتالك شرقاً و غرباً فاتكات نبالك

نورك ضـوى المسـالك و هلال أم دُر في ظلامو حالك



يا النجمـة المعـدوم مثـالك و العـالم شَـاهَِد نضـالك

صدى السودان معروف خِلالك و يا أمدرمان كيف حال هلالك



يا النجــمة ولادك فــوارس وللكاسـات فاتحين مدارس

بره و جـوه نَدُكُ الـمنافس و هلال أم دُر في العرضة جالس



يا النجـمة رياحك قواصـف و تيمك في هجومو عاصـف

ضـِّوك في الدنيا لاصـف و(هلال العظمة ) محلي واقف



يا النجـمة ولادك فـواتك وفي النازلات هُـم حُمــاتك

تيمـك لى عـدوك هـاتك والســودان يهتف بى حياتك



يا النجـمة فعـالك خصـالك و في السـاحات كاسيك جلالك

أكـيد من لاقـاك هـالك و هـلال أم درطـايع مشــالك



يا النجـمة هـواك فينا سرمد و تيمـك في السـاحـة غـرد

لى صـياغة كـورتنا جـدد و للـجمهـور بى فـنو أسـعد



يا النجـمة غـرامك كفاية وحـبك يا النـجمة غـاية

ذِكـرك فـي الـدنيا آيــة و في القـرآن مـذكور هـداية



يا النجـمة هـواك فينا ثابت لأنك .......خـير المـنابت

يا النجـمة مـبادئك ثوابت وهـلال أم در خليتى صامت



يا النجـمة كؤوسك مواكب وتيمـك لى فـنو سـاكب

آيــة و زينة الكـواكـب ويا (أبو الهل ) لمتين تواكب

قصيدة نجمة المريخ
د. مصطفى مزمل أبوالريش

يا نجمة المريخ مزقت الظلام فهوت الكواكب خاشعة لك باحترام

صارخة الألوان نجمة سعدي تتوجين هامة الكون و تفجرين الإلهام

في احمرارك من جهنم جذوة و في اصفرارك للعدى الموت الزؤام

تتوهجين بعيدة للناظرين و في دروب العشق منا لك المحبة و الهيام

فتيانك السمر الأشاوس دائما شهب جوامح تطلب الصعب المرام

كم من معارك خالدات سجلوها بالنصر تدوي طبولهم و هم الكرام

بل كم من هزائم باديات بدلوها لليأس في جنحاتهم ما من مقام

كم أبدعوا و على الميادين تألقوا و على روائع إيقاعاتهم رقص الأنام

قد أذهل التاريخ كثرة إنجازاتهم فشدت بك كل الأمم فإلى الأمام

قمم العلا يا مهجتي شيدت أنت مكانها يا نجمة المريخ طاب لك المقام

فالشكر و التبجيل موصول لما أبدعته يا نجمة المريخ نقرئك السلام

قصيدة النجم الثاقب

د. مصطفى مزمل أبوالريش

يا نجما سمق منعة و فتوة فتعالى
فأسكر الكون مجده حتى الثمالة
كم متعبد بمحراب فنك اصطلى
و كم انتشى طربا و غنى و مال
ثاقب الضوء يا صعب المراس
زانك المجد حلية فازددت جمالا
أحمر اللون نجمي عند التلاقي
طويل اليد سطوة رهيب النزال
أين من روعتك الصغار الطوافي
لما جدلت من الأصفر الفاقع هالة
يا كثير المريدين رفقا بقلب محب
جن في هواك صبابة رفقا بحاله
ويح قومك إن غبت عنهم ليوم
بنت صارخا فالآخرين الظلال

قصيدة قلعة المريخ الشماء
د. مصطفى مزمل أبوالريش

كيفن عاد بخافوا عليك يا مريخنا بالله و إنت الدود تسد القيف علي الواردين؟
حَمار عينيك مرعب منه يا ستار! شراره نجوم و شهب ترجم معاقل العادين

متين هنت يا المريخ تشمت في أعادينا و توزع في الكرامات زي رضى الوالدين؟

حلفنا يمين و اسمع كيف يمين بتحق نرجع كل مواقعنا و نسبق الفاتوا و الجايين

تكون نبراس يضوي حماره يهدي الضال مكانه قمما عالية ما بصلوها ناس خاملين

يمين أولادك أسود الغاب و صقور الجو نجوم مريخنا سنداله و ما هنت عليهم حين

قدر بس صاب وحياتك دي كانت عين و عتره تصلح مسيرة المشوار لى القادرين

و كان يومها القدر لي ديارنا بالمرصاد و كان الموت مكشر وشه كايس لي الميتين

رفرف بي جنحاته فوق رؤوس التيم و من بينهم شال زينة النوار و رجال سمحين

و رغم فداحة المأساة و وضاعة الحال و من وسط الدموع و الحزن الشديد و مهين

جات الرحمة لى ديارنا و جونا رجال يهزوا و يرزوا ما بياكلوا الخبوب و الطين

شباب في صفحة التاريخ و بمداد نور سطروا الأمجاد بى براعه نثروهم شمال و يمين

جمال الوالي و أخوانه الشموخ بالذات يخضر ربي ضرعاتهم و يزيدهم قولوا بس آمين

بقوا غنوة للمريخ و بشارة جمال الفال و كانوا رجال و أسود فوق الأسود زايدين

شمروا للسواعد و ما خافوا ولا عافوا برزت صدورهم الشابة و دقوها بالإيدين

بنوك يا عظمة الإستاد بى دقة في يومين كمان لي بناية تيماً جديد و رهيب عازمين

عملوا النفرة للمريخي الكريم و جواد اتجلت عظمة المريخ و رجاله البيملوا العين

كبَّ مطر الجود انهمر والله و بسم الله و ظهر في سمانا أملا كان شحيح و ضنين

المريخاب البخوضوا الحاره و ضاقوا المرة نسوا الأحزان و الأضغان اتصافوا متسامحين

بى روعة فوارس تراهم بانوا و اتجلوا بهلوا الشي الكتير و شالوا الشيلة متسابقين

شعارهم فداك جميعنا يا مريخ. نحقق لي هدف ميمون حلمنابه و رجيناه سنين و سنين

حنبني النادي و توابعه و نكمل الإستاد و نخليك والله مريخا رفيعا يذهل الشامتين

رجليك في ساس الوطن راسيه و فوق السحاب هامتك يشع نوره و يضوي جبين

تقع أقزام تتطاول تحاول بس تأشر ليك يطولوك كيف حلم جيعان و قول جاهلين

أظنه خلاص الخرف صابهم و نساهم و يمين الحق شماتك قريب يوم حسابهم شين

أهلنا زمان ما قالوا العرجه لي مراحه نجومك في صفار الموت و تيمك للكبار تنين

يكون البأس و يوم الحاره سيف و نحاس يدق يهوس و يشق صفوف العدى الخايرين

يدوي و يصم صوته سمع الرعد ذاته و يدخل الخوف لي قلوب الصخور راجفين

كأس جوبا:-

أول كاس جويه محمولة جواً
المناسبة: افتتاح جامعة جوبا
المـكان : مدينة جوبا جنوب السودان
التاريخ :1977م
أنتصر المريخ على نده التقليدي الهلال 1/صفر، احرز الهدف سامي عزالدين
في الدقيقة 89 (باقي دقيقه سامي يجبيها) وكانت كل التكهنات قبل المباراة تشير
الى فوز الهلال نسبة الى سفر حارس مرمي المريخ الدولي الطيب سند المفاجئ
الى دولة الامارات العربيه المتحدة ولعب المريخ بحارسه الاحتياطي الهادي سليم
وابلى بلاء حسنا وهتفت الجماهير بعد المباراة (مريخنا عظيم بالهادي سليم) وكان
وقتها فريق الهلال يضم المع النجوم في خط هجومه الدحيش ، على قاقرين ، متوكل
عبدالسلام، ولكن فتية المريخ الاشاوس كانوا عند حسن الظن بهم وقدموا عرضاً
رائعاً استحقوا به كأس المباراة وتسلموا الكأس من الرئيس جعفر نميري وعادوا به للخرطوم

كاس الشارقة

المناسبة : دورة الشارقة الدولية
المكان : مدينة الشارقة دولة الامارت العربية المتحدة
التاريخ : 16 يناير 1999م
في ليلة السبت السعيد أشرق نجم السعد في سماوات الشارقة ليلتها كان المريخ
السودان ، المريخ الذي نعرف والمريخ الذي نريد،في تلك الليلة المباركة ليلة
التاسع والعشرين من رمضان المبارك حلق المريخ بعيداً في المدى ، طاف
لاعبوه أرض الملعب شبراً شبراً فرسموا لوحة رائعة للابداع وزرعوا الفرح في النفوس





نالها عام 1999
المناسبة:- مهرجان اعتزال نجم الوصل فهد عبد الرحمن.
المكان:- مدينة دبي دولة الامارت العربية المتحدة.
التاريخ:- الجمعة 30 أبريل 1999م.

فاز المريخ بكأس الوصل بعد فوزه في المباراة التي جمعته بفريق الوصل
المطعم بنجوم الامارات والخليج والعرب ... واستطاع المريخ الفوز على
الوصل بهدفين دون مقابل سجلهما على مدار الشوطين اسامة مصطفى
وفيصل العجب.... وقد شارك الى جانب الوصل في هذه التظاهرة المهرجانية
الهويدي من الكويت وهاني الضابط من عمان وخميس عيد من البحرين
ورشيد بن محمود ومبارك مصطفى من قطر وعبدالرحمن ابراهيم لاعب
الشعب وصالح اسماعيل لاعب بني ياس وحسن سعيد لاعب كلباء.

والي المريخ سفيراً للنوايا الحسنة



اختارت منظمة IINSAM المراسل الدائم لدى جمعية الامم المتحدة
والمجلس الاقتصادي والإجتماعي السيد جمال الدين محمد عبدالله الوالي
سفيرا فوق العادة للنوايا الحسنة وتم منحه الجواز والشهادة بذلك بواسطة
د.سلمان الفهيم رئيس نادي بورتسموث الانجليزي والسفير فوق العادة للمنظمة
بجانب رينقو مارادونا مدير المنظمة والسفير شاريار رحمي نائب مدير المنظمة
والوفد المرافق له في الاحتفائية التي نظمت ظهر امس بقاعة الصداقة بالخرطوم
بحضور الوفود المشاركة في بطولة سيكافا وعدد من قيادات واقطاب ورموز المريخ.

[IMG][/IMG]
ثقفني وتفنن يا ابو سفيان
والله حراااااام علينا الرشاشات ديل كان نخليهم شوية ياتعرفوا علي تاريخ الكرة السودانية من خلال المريخ
والا رايكم شنو؟

نزيدك من الشعر بيت
[[]

مطربون عشقوا المريخ وغنوا له

ابراهيم الكاشف

ابراهيم عوض

عبدالعزيز داؤد

خضر بشير

عبدالكريم الكابلي

محمد الامين

سيد خليفة

محمد أحمد عوض

حمد الريح

زيدان ابراهيم

النور الجيلاني

عبدالقادر سالم

أحمد الجابري

عبدالوهاب الصادق

مصطفى سيد أحمد

الامين البنا

محمود عبدالعزيز

الفاتح قميحة

أسامة الشيخ

ابوطالب

عصام محمد نور

عابده الشيخ

نجوم المريخ عبر التاريخ

الزين الشفيع
الزين هيبة
شرفي وداحمدية
عبدالرحمن شاخور
عصمت معني
طه صالح شريف
عوض ابوزيد
حسن محمد عبدالله
مهدي الفكي
ابراهيم جلك
عبدالله ابوهيوت
طلعت فريد
فريد طوبيا
مختار حمد
عبدالله عجب
على ابوحسيس
أسماعيل برجل
بشرى كنب
الشيخ فريوه
محمد عثمان قرعم
محمد عثمان ودالعمه
ابراهيم شيخ سعيد
ويني خرستفلوس
فهمي سليمان
عثمان حاكم
مصطفي حمد
الياس عبدالرحمن
جعفر نميري
محمد علي نديم
سنهوري محمد الامين
ابوزيد العبد
دركسون
بكري موسى نوري
امين بابكر
دفع الله جحجوم
حسن صباحي
مصطفي احمد مصطفى
على بلية
كوستى بابا دبلس
صديق حسن خليل
ادم برسم
رابح رمضان
ابراهيم محمد علي ابراهومة
عبدالماجد احمد عثمان
بشرى ابوكريشه
عبدالله عبدالباسط ماماو
برعي أحمد البشير
سيد سليم
منصور رمضان
خوجلي ابوالجاز
عبدالرحيم الشيخ
جعفر قاقرين
طلب مدني
صديق محمد احمد
عبدالعزيز وزه
اسامة احمد اغا
خوجلى الصغير
لوممبا
أحمد عبدالله
امام
حسنين جمعة
بوكاسا
كمال سينا
بلاش
الجنيد صافي الدين
هاشم أحمد
مصطفى أحمد مصطفى
عبدالعزيز عبدالله
حسن العبد
عبدالوهاب عبدالفضيل جقدول
فتحي شيتا
عثمان كلول
رفعت نجم الدين
الزبير عوض ابوزيد
مصطفى ترتار
عبدالقادرمرجان قدورة
محمد عابدين
عباس شاويش
ابو الريش
سليمان عبدالقادر
محمد حسن ودعلي
عبدالمنعم محمد مبروك
بكري موسى التقر
عوض الله عبدالله شبر
صلاح ادم مشكلة
سعد دبيبة
عبدالرحمن زيدان
صديق محمد أحمد
عبدالله عباس
بشرى وهبة
حسن محمد عثمان دقنو
التجاني احمد على
بشارة عبدالنضيف
اسماعيل بخيت
السر كاوندا
ودالحسين
سيد بطة
كمال عبدالوهاب
حموري الكبير
كمال بني
محمد سيد أحمد
محمد عبدالصادق سانتو
شرف أحمد موسى
حمدي خاطر
ود الحسين
الطيب سند
جادالله خير السيد
هشام السليني
الفاضل سانتو
الجيلي عبدالخير
عمر احمد حسين
محسن العطا
أحمد سالم
فيصل كوري
نوح ادم
سري محمد علي
حمزه الطيب
محمد عبدالله مازدا
عادل ابوجريشه
عزالدين خورشيد
صلاح عباس
برعي الصغير
على صمغة
عبدالهادي الشايقي
الهادي سليم
جعفر رمضان
عثمان شجر
بومبيدو
خوجلي الصغير
عمر العلمين
معتصم حموري
الزاكي زيكو
محمد علي بخيت
عبده ساتي
عمار خالد
محمد عبدالمجيد حمامه
السحار
محمد احمد ادريس جقاوه
سامي عزالدين
عماد العمدة
السر زغبير
كمال عبدالغني
أحمودي
طارق تكل
حامد بريمة
عاطف القوز
ابراهيم العطا
عبده الشيخ
علي عبدالعزيز
مامون صابون
عبدالوهاب وهبة
ابراهيم الحاج ابراهومة
فتحي فرج الله
مرتضى قلة
صديق العمدة
بدرالدين بخيت
سانتو المناقل
عيسىصباح الخير
خالد عبدالرحمن سيكا
عبدالسلام حميدة
حمري
اسامة الطيب
كمال نوار
فتح الرحمن سانتو
الطاهر هواري
كمال شناق
عادل ادم
عبدالرحمن لاميدو
جمال ابوعنجه
عبدالقادرقدورة
بابكر الحلو
اسامه ادم ريحان سكسك
عوض الله انور
عطا ابوالقاسم
عبدالعظيم قاقرين
شنان خضر
عصام الدحيش
عادل عطا
خالد أحمد المصطفى
ابراهيم حسين ابراهومة
عادل امين
حمد الجريف
محمد موسى
اسامه محمد العوض ام دوم
حسن دحدوح
التاج حسن
فاروق جبرة
امير كاريكا
الجيو
ياسر قورماهيا
فيصل العجب
نجم الدين ابوحشيش
عبدالعظيم الدش
نميري أحمد سعيد
ميرغني كنيد
عبدالمجيد جعفر
عبدالمنعم كاكوم
الضوء قدم الخير
امير دامر
معتز فضل المولى
منتصر الزاكي زيكو
معاويه كاوندا
محمد رابح
ياسر شيخ الدين
حاتم محمد أحمد
اسامة بريش
حموده أحمد البشير
عمار مكي
عبدالاله بشرى
جندي نميبري
جورج لادو
خضر عبدالرحمن
عثمان زكي
أحمد السيد
هاشم عبدالهادي
حسام حسن
وجدي دفع الله
بهاء الدين
وليد كانو
شيخ الدين الشبح
بكري مكين
أحمد بكري هندسة
عبدالله صباحي
عبدالله شروط
هيثم الرشيد
رامي أحمد المهدية
محمد خليفة
اسامة مصطفي
حسين النسر
عصام عموش
حاتم جمال الدين
طارق جاديكا
شيبه عثمان شيبه
حسين الضو
بولس
عاطف منصور
محمد عبدالقادر
عصام جوليت
سليمان مكين
الزين ادم
نزار خليفة
جون
علاءالدين فوزي
حبني
ابو الروس
خالد برشم
طيفور
احمد ابكر
أحمد عباس
محمد طه
هيثم شوشه
صلاح الامين
نورالدائم
الطاهر مالك
امجد الرابطة
حموري الاشبال
عامر عموش
عبدالناصر
ياسر خميس
عمر عطا
جعفر محمد عباس
عبدالله طوكراوي
اباذر الشريف
جلال كباتا
متوكل احيمر
ابراهيم هارون
نزار الشعب
جعفر عبدالفراج
عبدالله جلاس
سالم الابيض
الاطرش
ادريس الجريف
ياسر فريني
كروم
عادل القرود
امين السيد
حسين وداعه
جمال حسن
فيصل الخنان
محمد العطا
الشيخ محمد الحسن
عمر الابيض
ابراهيم سيد أحمد
الريح مصطفى كاريكا
سليمان مكين
رضوان الصحافة
عمار منصور
هيثم الطيب
عبدالغني الجمصي
سيف الجنيد
مصطفي ابو
فيصل ابوسعد
منصور سبت
مجذوب عبدالعال
عطا حسب الرسول
عبدالرحيم لمعي
اسعد التوم
كامل شبيكه
ضحية كوستي
نصرالدين كوستي
كمال فضل
حمام بيت المال
عمار أبوكدوك
كمال الحاج
جمال عبدالناصر
الجاقوم
جنكيز حسبو
كمال سيد
صديق العربي
عادل كريمه
محمد حسن حداد
صخر شمس الدين
عبدالحميد السعودي
النور ابراهيم
محمد علي الخضر سفاري
محمد علي البعيو
اكرم الهادي سليم

المشاركة الأصلية كتبت بواسطة ابوسفيان ابراهيم احمد

الزعيم محمد المنصوري
كل عام وانت بالف خير
من الان انت الرئيس لهذه الرابطه
فلا تحرمنا من مشاركاتك وافكارك

اولآ شكرآ علي الزعامة يازعيم بس معقولة وانت ابوها نشاركك ياريس
شكرآ ليك وأنت تسقينا من هذا الشراب الصافي وتشبعنا حبآ وانتماءآ لهذا
العشق الجميل ******* مزيد من التوثيق مزيد من الابداع فنحن ياصديقي
لدينا ماننسند عليه إن تكدرت لنا الايام يومآ وجعلنا لغيرنا احلام يكذبها الواقع
والتاريخ سأعود لك هنا مرات ومرات نتسامر معك في رحاب من نهوي

ايداهــــــــــــــــــــــــــــــــــــــــــور

المشاركة الأصلية كتبت بواسطة ابوسفيان ابراهيم احمد

ايداهــــــــــــــــــــــــــــــــــــــــــور

الضرب بالدوور

gلك كل التحايا اخونا ابوسفيان
وما خليت لينا تب حاجة نعقب عليها ,, وانت تتحفنا بكل معلومة عن المعشوق ,,
وانا عندى اقتراح ,,, ندعى الناس الحشريين ديك يزورونا
ولة رايك ما بيجوا دخلين ؟؟

الاسم : فيصل العجب سيدو تية

من مواليد مدينة كوبر بالخرطوم بحري

هو الخامس بين اشقاءه موسي«لعب للتحرير البحراوي-
حسن- الرشيد- محمد»

العمر :31 سنة

المراحل التعليمية : كوبر الجديدة الابتدائية- كوبر الحكومية المتوسطة
«حالياً تعرف بمدرسة الشهيد عثمان حسن احمد البشير»

اللقب : كوري واطلقه عليه والده تيمناً بلاعب المريخ فيصل كوري

انضم لفريق كوبر عام 1993م من رابطة المنتصر بكوبر وكان قريباً من التوقيع لنادي بري واجري معه عدة تدريبات إلا ان الاخوان بلال وتاج السر حولا مساره لنادي كوبر..

كيفية الانضمام للمريخ :

العميد مدني الحارث يروي تفاصيل تسجيل العجب للمريخ

في هذه المساحة يسرد العميد مدني الحارث السكرتير السابق لنادي المريخ و مهندس صفقة انتقال العجب للمريخ التفاصيل الكاملة لهذه العملية حتي تقف عليها الاجيال المريخية وتدرك حجم هذا النادي وعظمة رجالاته

· بدأ العميد مدني الحارث حديثه بأن نادي كوبر عام 1997 كان لا يقل عن ناديا القمة سواء في الدخل او المستوي الفني.. وقال انه تلقي دعوة لحضور مباراة كوبر باستاد الخرطوم في دوري الاولي لمشاهدة فيصل العجب. وقال لقد تملكني العجب فقد كان الاستاد ممتلئا عن اخره واضطررت للجلوس علي الارض لمشاهدة المباراة وقد شاهدت العجب يتلاعب بالخصم ويتحرك بمهارة غير عادية خلقت لدي احساس بان هذا اللاعب فلتة لن تتكرر وان وجوده في المريخ مسألة مهمة..

· عقب المباراة توجهت الي منزلي في حي الشاطئ وبعد خمس دقائق طرق الباب مزمل حسن صديق ومولانا ازهري ابشر وتحدثنا عن فيصل ومفاوضته وقررنا الدخول في مفاوضة رسمية بعد ان تلاقت رؤانا والمجلس بقيادة عصام الحاج وماهل ابو جنة.. واتفقنا علي احضار العجب من عطبرة وادخاله الغرفة.. وفي اليوم التالي اجتمعنا بمنزل الاخ مولانا ازهري ابشر بحضور الاخوة نادر مالك- العميد احمد يوسف- العميد سيف النصر اسماعيل- محمد خير عبد الرحمن- محمد المرتضي- مزمل حسن صديق- واسفر الاجتماع عن تكليفي بالسفر الي عطبرة وكان ذلك يوم الثلاثاء.. وغادرت بالفعل الي عطبرة لحضور مباراة كوبر والوادي عطبرة وكان برفتي الاخ كمال شقاق ووصلنا في بداية الشوط الثاني عقب المباراة تحدد مصير كوبر بعدم التأهل الي الممتاز.. وكان علينا ان ان نراعي وجود العجب مع فريقه وعدم خطفه وبالفعل سارت الامور بشكل عادي جدا ولم تكن هناك مضايقات او مفاوضات او محاولة خطف.. توجهنا بعد ذلك الي سلاح المدفعية حيث تعسكر كوبر .. صلينا المغرب وتحاورنا مع العجب وتناقشنا معه ثم عدنا الي الخرطوم باتفاق علي اكمال العملية عقب عودة كوبر الي الخرطوم اطلعنا الاخوة في الخرطوم بما تم وامنوا علي كافة الخطوات وتم الاتفاق علي احضار العجب الي منزلي.. وفي يوم الخميس وهو اليوم المحدد لعودة كوبر ودخوله الغرفة جاءني الاخوان محمد المرتضي ومزمل حسن صديق ومحمد خير وبرفقتهم العجب والزين ادم. وبعد ان استلمتهما قلت لهما توكلوا علي الله ومهمتكم انتهت.. وبات العجب والزين في منزلي في حي الشاطئ.. وفي يوم الجمعة كنا مشغولين بمباراة القمة التي كان محددا لها مساء السبت واتفقنا علي تحويلهم للخرطوم لمنزل سيف الدين حسن بابكر وانضم اليهم في ذات اليوم لاعب العباسية جعفر الامين.. عشية السبت انتصر المريخ بهدف نميري وقررنا الذهاب الي منزل اللاعبين بالصافية ومن ثم الذهاب للاحتفال بالكأس في منزل سيف الدين حسن بابكر وكان معنا خالد احمد المصطفي- ابراهومة- امير كاريكا- نميري احمد سعيد- بالاضافة الي نادر مالك وشباب النهضة.. واحتفل معنا العجب والزين بالكاس ثم خلدوا للنوم بمنزل سيف الدين حسن بابكر.

· في اليوم التالي الاحد نقلناهم الي شقة في حي الزهور صاحبها عمرو توفيق ومكثوا فيها يومين.. وفي يوم الاثنين اتصل بي الاخ العاص واخطرني ان جعفر الامين مصر علي الخروج ومقابلتي وقال ان الهلال اتصل به وقال انه يريد مقابلة شقيقه في بنك السودان.

· سمحنا لجعفر الامين بمقابلة شقيقه وفي ذات الوقت حولنا الغرفة الي شقة عوض حسين.. وزيادة في الاطمئنان اتصلنا بالاخ عصام الحاج الذي بدوره اتصل بفتحي ابراهم عيسي الذي قبل استضافتهم ومكثوا معه يوم بحي ابي روف.

· ومن الغرائب ان شقة عوض حسين تعرضت لعملية مداهمة من الهلالاب بعد تحويل اللاعبين بربع ساعة فقط. وفي اليوم التالي حولناهم الي شقة في حي الصفا واضفنا اليهم نجم الدين ابو حشيش لاعب حي العرب وعصام عموش.. في هذا الوقت حصلت مداهمات ومطاردات ومغامرات بسبب اخوة فيصل العجب فقد جند الهلالاب قوات متعددة لمعرفة مكان العجب وزادوا عليه بعرض حافز للذي يدلي بمعلومة تفيد بمعرفة مكانهما.

· ايضا في هذا الوقت حدثت تدخلات حكومية.. واستدعوا شقيق العجب عدة مرات وطلبوا منه في الاخر مقابلة رئيس الجمهورية وكان ذلك بايعاز وتدبير من رئيس نادي كوبر (جلاس) ايضا تدخل نادي السد القطري..

· قال حسن شقيق العجب رئيس الجمهورية واكد له ان عرض النادي القطري اضعف من عرض المريخ بمراحل.

· ولمجابهة كل هذه التحديات عقدنا اجتماع مع الاعلام المريخي وحضره مزمل ابو القاسم- مجذوب حميدة- اسماعيل حسن- وشباب النهضة رسمنا الخطة الاعلامية واكدنا لهم ان العملية لا تحتمل الفشل.

· في اليوم التالي اتصل بي الاخ عصام الحاج واتفقنا علي ان الوضع اصبح خطير للغاية ومحرجا واخطرنا اللواء فيصل بالوضع وطلبنا منه استضافة العجب في منزله ووافق. واذكر انه انضم للغرفة اللاعب ريتشارد جاستن الذي احضره الاخ فتح الله ابراهيم.

· في هذه الفترة اصبح الغليان والتوتر يسود كل الاوساط وتم استدعائي بواسطة رئاسني ومساءلتي عن تحركاتي في العجب واخطرتهم بان هذا عمل اجتماعي وكان بالاحر استدعاء ومساءلة العميد سليمان محمد سليمان سفير السودان بسوريا الذي سخر قدرات سفارة السودان في دمشق لخدمة الهلال وحول السفارة الي غرفة تسجيلات.

· وبعد عدة ايام من تحويل اللاعبين الي منزل اللواء فيصل اتصل بي الاخ عصام واكد ان الغرفة اصبحت مكشوفة وان محمد عبد الله اتصل به واخبره بمكان اللاعبين.. وبدون استشارة اللواء فيصل فقمت بتحويل العجب والزين الي منزل الاخ حسن مصطفي بالحلفايا وابقينا علي ريتشارد جاستن وابو حشيش ومتوكل احيمر بمنزل اللواء فيصل.

· قبل التسجيل بيوم كانت هناك مباراة بين المريخ وبيت المال وكان الاتفاق علي التحرك عقب المباراة مباشرة وقضي الاتفاق بالعودة الي منزل اللواء فيصل وتناول العشاء عنده مع بقية اللاعبين واقطاب المريخ وقد وضعنا خطة محكمة لمجابهة تحركات الهلال وكوبر والدولة ووضعنا تحوطات كبيرة.

· تأخرنا في منزل الاخ حسن مصطفي وانتاب القلق اعضاء مجلس الادارة الذين تواجدوا بمنزل اللواء فيصل وسرت شائعات ان العجب والزين خطفا بواسطة الهلال وللاسف صدق بعض اعضاء المجلس وعاشوا في توتر وقلق وغضب الي ان حضرنا ولحظة دخولنا تحول منزل اللواء فيصل الي ساحة احتفال ضخم واعترت الفرحة وجوه جميع من تواجدوا هناك. عقب العشاء تحركنا بمعية اعضاء الغرفة وتركنا فيصل والزين في منزل اللواء فيصل ونسقت مع الاخ مزمل حسن صديق وكانت مهمتنا احضار بقية اللاعبين وسألني عن وجهتي فقلت : افعل ما قلته لك فقط, فوجهتي لا يعلم بها احد سواي.. وفي الساعة الرابعة صباحا عدت الي منزل اللواء فيصل واصطحبت فيصل والزين وعند تقاطع بانت شعرت ان هناك عربات تسير خلفنا. توقفت وانتظرت وسط ترقب شديد واكتشفت انهم ابناء المريخ مجدي كمبارس وخالد ليمونة واخطروني انهم جاءوا ورائي كنوع من الحماية فشكرتهم وطلبت منهم العودة حتي لا يثيروا الانتباه..

· وصلنا الي استاد الخرطوم وكان هناك تنسيق مسبق مع احد موظفي الاتحاد الذي كان ينتظرنا وفتح لنا غرفة في المقصورة وكان ذلك في الساعة الرابعة والنصف صباحا..

· انتظرنا في الغرفة حوالي الساعتين ونزلت عند الساعة السادسة صباحا والنصف واشتريت شاي والمياه الغازية والعصائر بالاضافة الي ذلك احضرت الشعار من العربة..

· استاد الخرطوم علي غير العادة كان ممتلئا للغاية وبحركة سريعة قمنا بتحويل العجب والزين الي غرفة مقابلة لغرفة التسجيلات..

· عند الساعة التاسعة صباحا حضر مزمل حسن صديق وبصحبته نجم الدين ابو حشيش وعصام عموش وقام باكمال اجراءات التسجيل للرباعي عموش- ابو حشيش- العجب- الزين.

· في تلك اللحظة كانت اتيام الهلال تملأ حظيرة الاستاد وتمشط الاتحاد من الداخل في انتظار حضور العجب ايضا كانت لهم فرقة عند المدخل. وكان كان موجو الامين البرير بصحبة بعض الهلالاب قرب البوابة يثير القلق والمخاوف ورأيت الاخوين فقيري وعادل ابو جريشة وطلبت منهما شغل الامين البرير لدقائق معدودة وابعاده عن الباب وبالفعل نجحا في ذلك.

· عقب اشارة الاخ مزمل خرج العجب من الغرفة المجاورة لمكتب التسجيلات وقام بالتوقيع سريعا. وعقب التوقيع خرجنا من مكاتب الاتحاد وعايشنا الدهشة وسط الهلالاب والفرحة وسط المريخاب..

· العجب والزين قضيا 40 يوما في غرفة التسجيلات تنقلا من مكان الي مكان ومن حي الي اخر.

· لتأمين الغرفة اطلقنا شائعات بسفرهما الي نيجيريا وصدقها الجميع.

· شيخ العرب عبد الله محمد محمد عبد الله كان له دور مؤثر في شراء قطعة الارض والبناء.

· ايضا هناك مزمل حسن صديق-ماهل ابو جنة- محمد المرتضي- محمد خير- ازهري ابشر- سيف النصر- العميد احمد يوسف- يوسف زين العابدين كان صاحب كلمة مؤثرة وسط اسرة اللاعب وكان حلقة الوصل بين المريخ واسرة فيصل.

· اما المرحوم الزين ابو شريعة فقد كان له اليد الطولي في الناحية الامنية فقد ترك اسرته وفرغ نفسه لمرافقة العجب وحمايته..

بحضور الوالي وقريش وهمد

تدشين موقع قائد المريخ فيصل العجب في حفل مصغر بداندس

18 مايو 2007

دشن قائد المريخ فيصل العجب رسمياً مساء أمس موقعه الشخصي على شبكة الانترنت www.faisalagab.com وسط حضور كبير تقدمه رئيس نادي المريخ جمال الوالي والأمين العام محمد جعفر قريش ومساعد الرئيس عبدالقادر همد وعدد من الاقطاب على رأسهم محمد الياس محجوب والعميد مدني الحارث وأمين عبدالقادر ومتوكل احمد علي وفياض اسماعيل والاستاذ حاتم عبدالغفار.. وعقب تدشين الموقع تحدث رئيس نادي المريخ السيد جمال الوالي وقال ان هذا أقل ما يمكن تقديمه للنجم الكبير فيصل العجب وتمنى ان يكون هذا الموقع فألاً حسناً لهذا اللاعب في مباراة اليوم حتى يسهم في قيادة فريقه للفوز لان العجب يعتبر حالياً من أفضل اللاعبين في السودان وتمنى ان يوثق هذا الموقع لانجازات هذا اللاعب الذي وضع نفسه مع أفضل اللاعبين في القارة السمراء وتمنى الانتصار للمريخ في مباراة اليوم.. اعقبه بالحديث العميد مدني الحارث والذي أشاد بالجهد الكبير الذي بذل في الموقع وقال انه سرد في الموقع القصة الكاملة لتسجيل فيصل العجب في المريخ حتى لا ينسب له هذا الانجاز لوحده لان هناك اشخاص يعشقون المريخ ويخدمونه سراً لعبوا دوراً مؤثراً في تسجيله للمريخ وخص الاستاذ مزمل حسن صديق والراحل الزين ابوشريعة وغيرهم.. واشاد مدني بفيصل العجب وقال ان هذا اللاعب ظل يقدم عطاءً مميزاً للمريخ ويقدم النموذج الحقيقي للقائد المخلص لناديه..