بسم الله نفتح المسدار

البرنس الانيق ماجبت خبراً شين
العجب العجيب حاشاهوا صد الدٌين
من عرف اللعب اخلاق وكورة ودِين
مابرضي الحقارة لو حتي من وافدين

اللقطة الجبتها كيفن اتغابيت القبلها حصل
عشان نعرفوا الغلطان مين الوقع ولا البطل
ده فارس السودان في الحديث والازل
مابغلط وحاتك بدون سسباً جلل

الغلط قدامك ياعارف بتقلبوا صاح
جابولها تلات حكام ورابعم مرتاح
لوكان الشغل ايديا كان سمعت تاح تررراح
العجب غلطان والا كل فريق يبقي عندو سلاح

سلام يا غالين وحلوين كمان
شوقنا شديد للمسدار ومليان تحنان
البرنس ورافقو الديمة حنان
اذيكم وايش اخباركم انشاء الله امان

في اليوم السعيد الليلة جانا الخبر
فارسنا الاصيل في يوغندا ديك انتصر
اسد اب كريق حاشاه تب ما انقدر
جوه وبره رياحو ترمي الشجر

مريخنا العظيم بالفوز ده صدّ وجانا
شائل الفرح للكل بي فوزوا إترجانا
نجمتنا البقت فوق للثريا مكانة
عقبال الهلال في الفرحة يبقي ورانا

المشاركة الأصلية كتبت بواسطة البرنس

الغلط قدامك ياعارف بتقلبوا صاح
جابولها تلات حكام ورابعم مرتاح
لوكان الشغل ايديا كان سمعت تاح تررراح
العجب غلطان والا كل فريق يبقي عندو سلاح

العجب الحبيب بالجد ده عندوا سلاح
بس لكن سلاحوا في لعب الكورة صاح
تلقاهوا في الميدان جمع وضرب وطراح
ده الخلي البرنس فقد للمنطق والافصاح

اهلاً بى ناتاليا وبى طلتا الواحشانا
مرحبتين حبابك حاشاك ما ناسيانا
بس اوع من الغياب البزيد لشقانا
دايرين نشوفك يود والساحة بيك عمرانة

ناس المسدار عيدكم مبارك

غالبية الناس للمال بقت متبعة
بي نهما شديد ما معاه ابدا شبعة
عارفين الانتخابات طلعت وليد جنه سبعه
لكن المنفرد دائما بتاكلو الضبعة