رشا عثمان مطر

كنت دايره اتمو معاك كلامي لكن سبقني القدر يارشا يابت عثمان مطر

كنت دايره اكون قريبه ليك في كل لحظه انادي ليك القاك جنب قلبي البعدك ختر
******
ياريتني لو اقدر ارجع الزمن
واقعد معاك نتادرس المحن
لكن عشم ابليس قصاد جنة عدن
**************
رحلتي خليتني براي بدون انزار ولا اللون البرتقالي في اشارة المرور ظهر
من اخضر كان الاحمر كفن

يانجمه دساها القدر
يانوارة الفريق
يااحلي زول في عيله مطر
ياريت لو كنتي فيي كان عشتي معاي
كل تفاصيل الحصل
ياريت لو اقدر ارجع الزمن
كنت حكيت ليك كل الكلام الحصل والماحصل
****************
مسختي علي حي الموظفين والحي الاوسط بعدك نجمو جفل
انتي الجمال انتي الكمال انتي الادب انت الملاك ماخلي فيك شي
بعدك تروح الناس هدر

رب العباد دساكي ليهو
لانو عارفك خساره تكوني في دنيا الغجر
انتي الحور العين ختو ليك كرسي جنبهم في
جنة الخلد المافيها زول غيرك ممكن يصل

أسأل الله الرحمه والمغفره لفقيدة الشباب رشا ولشقيقها خالد عثمان مطر واللذان رحلا بغتة مبكيا علي شبابهم الغض وفقدهم الجلل فكانت الفاجعه تفوق الوصف وهما يرحلان عن هذه الفانيه تباعا وفي غضون عدة أشهر..أسأل الله ان يغفر لهما ويسكنهما فسيح جناته وان يجعل قبريهما رياضا من الجنه وأن يثيب أهلهما وذويهما الصابرين..وأن يصبرنا أختي علي فقدهما وأرجو من الجميع الا ينسوهما من الدعاء.

اللهم ارحمهما واغفر لهما وتقبلهم قبولاً حسنا

مشيتي فتي مني بعيد
وانا جايه أحكي ليك الحدث الجديد
بيك أتيتم استاذ عثمان وعاليه سعيد
انتي ياالسمه فستان زفافك خاتنو للعرس في العيد
لكن كان القدر وانا جايه جنب المسيد
‏_‏

نسال الله ان يتغمدها بواسع رحمته
ويسكنها فسيح جناته مع الشهداء والصديقين ويبدل سيئآتها حسنات ويجعل قبرها روضة من رياض الجنة
ولشقيقها الذي رحل ايضا الاخ الصديق خالد نسال الله ان يتقبله قبولاً حسن
ويعوضهما عن شبابهما خيراً

الهم اميييييييييييييييييييييين

اللهم اغفرلها وانزلها عندك منزلة طيبه

والزم اهلها وزويها الصبر الجميل والف

رحمه ونور ينزل علي قبرها الطاهر

الهم امين يارب العالمين

رشا ياست البنات
رشا يانوارة الفريق
رشا يابندوله ساعة الضيق
رشا يااحلي واجمل صديق
******
رشا يانوارة الحي
من بعدك الدنيا ضاقت بي
رشا يانجمه فوق في السما
تاني وين اللمه
رشا انت الادب كان ليك سما
انت الزوق شلتيهو بالرزمه
انتي العفاف لابسه من الطرحه للجزمه
انتي السمحه انتي اللمحه مع الملاك ليك لمه

لو كنت عارفه القدر وش داسي ليك
كان خليت الطب والقرايه وجيت في الحصاحيصا قعت ليك
كان بت جنب الكبري عشان من الصباح اجي اصبح عليك
كان خليتها القرايه والامتحانات وفضيت ليك
كان خليتو الجري ورا الدنيا الزايله وجيت قعدت قصاد عينيك
لكن ده القدر خلاني ابعد ابعد وماالم فيك حتي لمن اكون مشتاقه ليك

يارشا ماشفيني قدر شنو اشتقت ليك
يارشا ماشفتيني بقيت بجي الحصاحيصا وبقبل من
بيتكم ورا عشان مااتخيل بسمتك ونظرة عينيك
يارشا بالجد اشتقت ليك

الحمد لله علي كل حال

نسأل الله العلى القدير الرحمة والمغفرة للاخت رشا مطر
ولاخيها العزيز الغالى المرحوم خالد

الهم اغفر لهما وارحمهما وادخلهما فسيح جناتك واجعلهما مع الصديقين والشهدا والصالحين وحسن اولئك رفيقا