التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة |
|
أدوات الموضوع | انواع عرض الموضوع |
#1
|
||||||
|
||||||
جهاز الامن يمنع عضو المنتدى الشاعر ازهرى محمد على من السفر
الراكوبة - الخرطوم حظر جهاز امن البشير الشاعر ازهري من السفر خارج البلاد، وذلك على خلفية قصيدتة التى انتقد فيها ترشيح البشير لولاية رئاسية جديدة. واخطر جهاز امن البشير شاعر "وضاحة" رسميا بانه ممنوع من السفر خارج السودان، وذلك بعد ان قام باستدعائه الى مباني الجهاز امس. ونشر الشاعر ازهري محمد علي قصيدة بصورته، بعد ان رشح المؤتمر الوطني رئيسه عمر البشير لدورة رئاسية جديدة. وسبق ان كتب ازهري قصائد ناقدة للنظام ابرزها "عفوا سيدي الحجاج"، التي يقول مطعلها "عفوا سيدي الحجاج.. كلابك والافاعي الحايمة من روتانا لي امواج.. كاورت البلد بي حالا ما خلت فضل في حاجة لي محتاج.. ولا لقت البيقولها جر" رابط القصيده على المنتدى http://www.alhasahisa.net/vb/showthread.php?t=24950 |
12-11-2014, 07:24 AM | #3 | |
|
س
اقتباس:
|
|
|
12-12-2014, 04:40 AM | #4 |
|
وياااااااا بلد الكرام طااااااالت عليك الكرسة والجوك في الضلام سرقوا المباهج خلسة تبكي وتستغيث لا زول سمع لا; حسا نتاح الضرس الما بتحلو الجرسة يديك السهر يقعد يتاورك لسة تاريهو الوجع بين اللسان واللثة والداير القلع احسن تلخلخو هسة |
التعديل الأخير تم بواسطة ابو امجد ; 12-12-2014 الساعة 08:55 AM
|
12-12-2014, 05:26 AM | #6 |
مونتي
|
كتب الشاعر ازهري محمد علي
خمسة سنين كمان لي شنو نشيلك هم على هم القراية امدق ودي لا بتحوق ولابتلحق تلبس عورة الباطل تياب الحق كفاك أرحل دي خمسة ولا بتسوي زلط رقصت على الخماسي سنين أمانه عليك كم في الخط خطاوي على الوجع عديتا في السكه البديتا غلط شعائر اقمتها وصليتا لا نزلت عليك خيرات ولااخضرت مشاعرك قط رهاف قامو الولاد الهجعة ولطاف مرقن بنات الوجعة لعبن حجلة جمب الشط وقعدن يشخبطن في الرجعة ورسمن في الغمام لوحات ملامح لى وطن طيب ونكران ذات وبت في الغيمة بتمشط براحات الغنا الواسعات وكتبن في الهوا وشطبن تلات تسعات 999 اتمغى البحر في الميعة واتحين سحاب العينة في لهات التراب نقط مرابي وعسكري منقط منقط ومن هنا منقط وناعم والكلام طاعم يبين تحت التبن أرقط ينوم فوق الجرح منحل ويقوم زي الحبن منحل دحين يا ورطة كيف الحل كيف الحل وكم في الخط ؟ مفخخ وخطبتو الملغومة تشي لا تصلحا الحيكومة تصدق كضبتا الموهومة تزيد في غيها المنحط تزيد في غينا المنحط غيبوبة دوار السلطة والهوس العلينا هبط سكرانا المنابر طينة سكرانه المدائن هايصة وأشباح القرى المسكينة سكران التراب والموية والسهله ودواهي الغابة وأحزاب الهوى الكضابة والحيكومة وقفت لط وقف خاطر البلد مجروح وقفنا على الجرح غافلين نحن سلالة الواطة وولاد الطين بقينا على خشاش الارض محل قامت صلاة الغلة نتوضى نشوفك في المنافي رهاب تلاويح ايدك البضة وداعا يا حبيب الروح وداع والسامر انفض مرقنا على مدائن التيه خفاف كان نابا كان نرضى مرقنا ودمنا اتفرق ولد شلناهو للأيام مسك شارع المطار شرق لمحناو زي خبر عاجل وزي رفة حمام زاجل ويا منسلي من ضلف الضلام في الليل تعاااال بالباب أكان راجل واركز واوعى تدرق من القبلي السحابو ربط من العبادي يوم ينصر في وش السما وينمط وكم في الخط نحن بنحب شاي الصباح الشقلة والديم والجخيس والثورة وامبدة السبيل بالعكسي ومحجوب الشريف ال بالمكارم مكسي ادانا الطريق الما عتر في يخسي انت رجفت واتحسست وضع الكرسي ونحن نزفنا مهر الثورة بين البوت وضهر البوكسي نحن هتفنا يااااا ليل السجون اسمعنا ياخي اسمعنا ليه ايش معنى ؟؟ نحن مرقنا قدمنا الشعوب الحرة في درب النضال ورجعنا ونحن نزلنا لي اخر درك وطلعنا اجمل من ملائكة رحمة فجينا الضلام ولعنا قلنا الجاتنا في وليداتنا جاتنا ان شاء الله تنفعنا نحن بكينا يوم بيت القزاز جدعنا لا ادتنا الشوارع عين لا; صابت نفوسنا اللعنة علمناك عناق اللهفة والحرف البراود المعنى علمنا الثبات والوقفة وعلم نصلك المسنون يعلم فجة الطعنة وكم في الخط مشينا على الجرح سيرة وكل ما فحط الدفار تطير من العيار طلقة وتطرق حسها مهيرة ينمل جلدك المدبوغ على العلقة سياط العسكري الطيرة ونحن على الدوام نغفر نسامح وخيرا في غيرا سماحات الزمان الفات زمان الدنيا بى خيرا رزاز الونسة والضحكات مطيرة تزفها مطيرة على شديرة الغنا الحتت خلاس تاني المطر شالت خلاس تاني المطر ختت وبركة وخير وبركة أخير براك يالاهي سميتا براك فتحتها النيران على الناس الطلع زيتا كمل رايا وفلت من ايدا راس خيتا على الهملة وقطعة الراس وقع فوق راسا راس بيتا وهيا ريتا لو شافوك في النايبات مشمر في الوحل جيتا وجيدا يا مطر جيتا وجيدليها البلاد بالجاتا جلابة الجن والجنادب والجراد وجلجلة الجلالات والجنود والجنجويد نبكي ونعيد كل السماحات كل السماحات روحت خلتنا لى باس الحديد كل المصائب في أمان هل من مزيد هل من بوادر رجعة للماضي البعيد ؟؟؟؟؟ هل من قصائد أو مكائد أو مصائد تاني للدقشو الصعيد وياااااااا بلد الكرام طااااااالت عليك الكرسة والجوك في الضلام سرقوا المباهج خلسة تبكي وتستغيث لا زول سمع لا; حسا نتاح الضرس الما بتحلو الجرسة يديك السهر يقعد يتاورك لسة تاريهو الوجع بين اللسان واللثة والداير القلع احسن تلخلخو هسة قبل الطير تقوم يا الما بتعرف الخسة في الطابور تنود وتدقس تنوم في الحصة غاااايتو على العموم خلست خلاس القصة ماااااات بطل الفلم وطلعت حبيبتو اللصة وطلعت شعاراتكم وهم وطلعت حكاياتكم ملوص فايرين تعوسو بلا فهم ساسقتو بين ساسا ويسوس فقرا ولصوص ساقونا لى اخر درك وباعوونا بى وسخ الفلوس كم من نفوس خانت نفوس بيناتا قاسم مشترك صلت على نار المجوس حاولنا نتحاشى الشرك ووقعنا في فخ النصوص قاتلنا في غير معترك ودهستنا غارات البسوس وأمانة عليك كم في الخط وأمانة عليك يا بلد السماح سامحيني مجبور مرقتك من دماي لليل بدهجهك السقط ريح العوارض تلفحك ومن ايدي تمشي سقط لقط وخمسة سنين كمان في شنو ؟؟ |
اشهد ان لا اله الا الله محمد رسول الله
التعديل الأخير تم بواسطة ابوعمر ; 12-12-2014 الساعة 05:35 AM
|
12-12-2014, 09:51 AM | #7 |
|
لي شنو ؟
هل منع الاخ والحبيب والشاعر ازهري محمد علي من السفر هو عقاب !!! ام ماذا ؟ وهل منع السفر سيمنع الشاعر من الكتابة والقول والابداع |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
مكتبة الشاعر ازهرى محمد على | ازهرى محمد على | «۩۞۩-قسم المكتبات والتوثيق -۩۞۩» | 198 | 02-13-2015 04:51 PM |
موقع الشاعر/ازهرى محمد على | ابوعمر | «۩۞۩-منتدى الحصاحيصا الحر-۩۞۩» | 5 | 09-03-2014 10:04 AM |
تعذيب عبد الله عضو قرفنا من جهاز الامن صور وفيديو | بكري حاج احمد | «۩۞۩-المنتدي الاجتماعى-۩۞۩» | 2 | 03-18-2010 01:47 PM |
(لو بخمسة )(الصفر..لازم يستمر)ازهري محمد على والبقية تاتى..(2من5) | waail yosif | «۩۞۩-المنتدى الرياضى-۩۞۩» | 0 | 10-06-2009 01:46 PM |
من روائع الشاعر ازهري محمد علي | omran | «۩۞۩-منتدى الادب والثقافة-۩۞۩» | 0 | 05-08-2007 10:19 AM |