االشاعر أزهري محمد علي ,,

الشاعر أزهري محمد علي ,,
,,
و نص جديد /

..

زخة رصاص في الراس
من سلطة معطوبة
ما بتثني عزم الناس
لو عزا مطلوبا
في دولة الرصاص
كم خيمة منصوبة
حرس الرئيس الخاص
متغطي بي توبا
ولدا رضي و وناس
شايلنو لي حوبة
في ليلك اب كباس
شاهد خراب سوبا
شاهد وطن بنداس
عينيهو معصوبة
في يوم شديد الباس
والدنيا مقلوبة
مجبور رمي الكراس
دنقر رفع طوبة
شاف لحية القناص
بي دمو مخضوبة
تمتم قري الاخلاص
كتب الخلاص بالدم
طلع القمر بوبا

التحية للاستاذ والقامة الشاعر ازهري محمد علي

التحية لكل شعراء بلادي

التحية لشهداء بلادي

وربنا يتقبلهم جميعا