دي حقت منو ؟؟؟؟؟؟؟؟؟؟؟؟؟

الحين وصلني هذا البوست وحقيقه لا اعرف كثيرا عن موضوع هذة التقاوي لان البرياني ولله الحمد باكلو من عند نور النبي البنغالي صاحبي ابوجضوم..........
لكن قالو الحاله وقفت تك وابت تمش وشغلت الراي العام والخاص
ومشكور اخي محمد ان اسعفتني بهذا البوست بعد غياب طال قال البعض منهم العرس واخرون يأولون الحديث عن بعض موضعه ولكن لسان الذي يرمون اليه الودع ابكراوي وهذا لسان .........بس
والموضوع وصل لحدي وين الله اعلم


الفساد خشم بيوت .. منه ما يرى بالعين المجرده ومنه ما لا يري حتى بأعتى وأضخم (التلسكوبات).. منه ما يكون فردياً ومنه ما تقوم به مجموعة (فساد جماعي) ، منه ما لا يأخذ إرتكابه زمناً ولا تظهر نتائجه (كومشن ودخل البنك أها تانى شنو؟)ومنه ما تظهر نتائجه ولو علي المدى البعيد.. وقصة التقاوي الفاسدة التى تتصدر الصحف والمجالس مؤخراً هى من النوع الأخير التقاوي تزرع ثم تنبت ثم تحصد فإذا لم يحدث ذلك فالموضوع بلا أدنى شك (فيهو إنّ.
لقد دهشت (إن كان في هذا الزمن الردئ ما يدهش( لوزير الزراعة الذى يحاول في إستماتة أن يقول أن كل شئ عادى وإنو المسألة تمام (مية المية) وإنو الحديث عن فساد في هذا الأمر وراهو قصد سياسي !
طيب خلونا نقول (زي ما السيد الوزير بيقول) إنو كل شئ عادى والحاجات (كوووولها) مشت بالطرق السليمة وإنو ناس البنك الزراعي، وإدارة التقاوي والوقاية والحجر الزراعي في وزارة الزراعة وناس المواصفات وناس الجمارك كل الناس دى إشتغلت صاح وحسب اللوائح والقوانين والتقاوى سليمة وليست مصابة بنوع من الفطريات يضعف الإنتاجية ويتسبب في سرطان الكبد للإنسان .. وخلونا نقول إنو نسبة الإنبات فيها 100% .. وخلونا برضو نقول إنها لم تتسبب في فشل الموسم الزراعي والمزارعين زرعوها و(ما كتبوهم إقرارات ولا حاجة( وإنو التقاوي قامت زى الفل وحققت أعلى إنتاجية .. فلنفترض إنو الكلام ده (كووولو صاح) طيب السؤال الذى يفرض نفسه وكل الشعب السودني الفضل عاوز يعرف إجابتو هو :
كيف يمكن لشركة (هارفست) التي قامت بإستيراد هذه التقاوي بدون عطاء أو يحزنون أن يتم تسجيلها بعد عام من الصفقة التي تبلغ حوالي 6 ملايين يورو!! (كما جاء في تقرير اللجنة).
الشعب السوداني الفضل عاوز يعرف الشركة دي بتاعت منو؟ والطريقة الخلت المسئولين (عن القصة البايخة دي) يدوهو الصفقة دى بدون عطاء ولا منافسة شنو؟ وكيفن يسمحوا ليهو وهو (وقتها) ما عندو شركة مسجلة بإنو يستورد التقاوي دى؟
كثير من كبار المسئولين (شابكننا) العندو إثبات على الفساد يجيبو .. العندو إثبات على الفساد يجيبو .. طيب أهو الإثبات (جانا لحدت عندنا) يلا ورونا سيد الشركة (البتستورد قبلما تتسجل) ده منو؟ !! جيبو لينا صورتو فى الجرايد عشان نعرف الناس (البتنهش في البلد دي منو).. الناس العاوزه تغني بأى طريقه حتي لو يموت تلت المواطنين ويفضلو التلاته أرباع (أو كما قال أحدهم) !
قد تكون التقاوى صالحة وقد لا تكون هذه أشياء علمية لا يفقه العبد لله فيها شيئاً وقد يختلف العلماء في نسبة فسادها وما تسببه من الضرر ... لكن حكاية إنو الزول يستورد وبعدين يعمل الشركة دى ما أدونا ليها !! وهي توضح تمااااما بأن هنالك (فسادا جماعيا) وبالله إذا كانت بداية (الصفقة) من أولها تجاوزات للقوانين و(إستيراد بدون تسجيل) يعني بالعقل كده بس كيفن( (التقاوى) تكون سليمة والقصة من بدايتها (لولوة) !
قال لي صديقى الذي يجلس امامي وأنا أقوم بكتابة هذا العمود (لو قالوا ليك إتخيل سيد الشركة دى يكون شكلو كيف).
أجبته:
طويل القامة عريض المنكبين.. وضئ الوجه.. تشع منه الأنوار. ذو كرش ممدود (من اللغف طبعآ) .. إذا تحدث تحدث همساً (عشان الصفقات السرية وكده).. لا يجيد المضغ (بيبلع طوااالي) وبيكون أكيد قاعد يلبس الساعة باليمين عشان الشيطان (مع إنو الشيطان ذاااتو ما ممكن يستورد وبعدين يسجل الشركة) !
كسرة :
خلونا من (نسبة الإنبات) والشنو ما عارف! الشعب يريد أن يعرف (الشركة دي بتاعت منو)
وسؤال اخييييييير هل هذة التقاوي لها تاثير في النسل القادم والانجاب والتشوهات الجينيه عشان نقدر من هسع نعرف

ابو ذر يا غالى
بركه الشفناك طيب .
يا عزيزى اسأل واسأل حتى تمل السؤال
ولن تجد اجابه
فالاسئله فى مثل هذه المواضع ليست لها اجابه
فقديماً وجهت اصابع الاتهام للسيد على الحاج بالفساد
فى طيب الزكر طريق الانقاذ الغربى
فغضب الرجل غضبه مضريه وارغى وازبد
ووعد وتوعد
ثم هدد
بان التبحت فى هذا الامر سيخلق صراع افيال وسيتعفص الكثيرون
فلبد الجماعه خوف التعفص
وفتحوا له ممر آمن
افضى به الى باريس
فيا عزيزى
لا تسألوا عن اشياء ان تبد لكم تسؤكم
فهم لن يحاسبوا احد
ولن يخسروا احد يرتدى عباءتهم
اخى ابو ذر
دعنى اضيف بعض الاسئله
كاداء واجب (ولن اعشم فى اجوبه )
هل سنحترم الحكومه التى لا تحترم جهازها الرقابى والتشريعى ؟
ماذا فعل البرلمان تجاه اساءة وسباب (المتعافن) لاعضائه ؟
ماذا نرجو من حكومه لا يحترمها اعضاؤها ؟
متى سيتفعل ديوان النائب العام ووزارة العدل ؟
ماذا فعلوا لمهربى المخدرات بعربة امتحانات الشهاده السودانيه ؟
ماذا فعلوا لمن اعترف بالتزوير فى مشروع نظافة العاصمه (طواعية )؟
وسؤال اخير
متى سننتهج ادب الاستقاله ؟؟؟؟؟!!!!!!!!!!!!!

السسسسسسسسسسسسسسسسسسسؤال
الواحد عشان اغني لازم اموت الناس

الاخ ابوذر الحمد لله علي السلامه
هي الشركه دي براها بتاعة منو !!
نحن بعد السامعنه ده مفروض نسأل
السودان ده بتاع منو !!
اذا كانو باعوا مشروع يأوي آلاف الاسر
ويفتح مئات البيوت من غير ما يحرك فيهم
ساكن ....هل تقاوي فاسده او شركه يعني لهم
أي شئ ..لا أعتقد...ومن الممكن ان يكون هنالك
عشرات المشاريع تستورد كل يوم ومن غير ما تكون
مسجله رسميآ ولكن لا أحد يعلم عنها شئ ....
السلطه مرض والضمائر ماتت بموت الانسانيه

المشاركة الأصلية كتبت بواسطة ابوذر حسن طه

الحين وصلني هذا البوست وحقيقه لا اعرف كثيرا عن موضوع هذة التقاوي لان البرياني ولله الحمد باكلو من عند نور النبي البنغالي صاحبي ابوجضوم..........
لكن قالو الحاله وقفت تك وابت تمش وشغلت الراي العام والخاص
ومشكور اخي محمد ان اسعفتني بهذا البوست بعد غياب طال قال البعض منهم العرس واخرون يأولون الحديث عن بعض موضعه ولكن لسان الذي يرمون اليه الودع ابكراوي وهذا لسان .........بس
والموضوع وصل لحدي وين الله اعلم


الفساد خشم بيوت .. منه ما يرى بالعين المجرده ومنه ما لا يري حتى بأعتى وأضخم (التلسكوبات).. منه ما يكون فردياً ومنه ما تقوم به مجموعة (فساد جماعي) ، منه ما لا يأخذ إرتكابه زمناً ولا تظهر نتائجه (كومشن ودخل البنك أها تانى شنو؟)ومنه ما تظهر نتائجه ولو علي المدى البعيد.. وقصة التقاوي الفاسدة التى تتصدر الصحف والمجالس مؤخراً هى من النوع الأخير التقاوي تزرع ثم تنبت ثم تحصد فإذا لم يحدث ذلك فالموضوع بلا أدنى شك (فيهو إنّ.
لقد دهشت (إن كان في هذا الزمن الردئ ما يدهش( لوزير الزراعة الذى يحاول في إستماتة أن يقول أن كل شئ عادى وإنو المسألة تمام (مية المية) وإنو الحديث عن فساد في هذا الأمر وراهو قصد سياسي !
طيب خلونا نقول (زي ما السيد الوزير بيقول) إنو كل شئ عادى والحاجات (كوووولها) مشت بالطرق السليمة وإنو ناس البنك الزراعي، وإدارة التقاوي والوقاية والحجر الزراعي في وزارة الزراعة وناس المواصفات وناس الجمارك كل الناس دى إشتغلت صاح وحسب اللوائح والقوانين والتقاوى سليمة وليست مصابة بنوع من الفطريات يضعف الإنتاجية ويتسبب في سرطان الكبد للإنسان .. وخلونا نقول إنو نسبة الإنبات فيها 100% .. وخلونا برضو نقول إنها لم تتسبب في فشل الموسم الزراعي والمزارعين زرعوها و(ما كتبوهم إقرارات ولا حاجة( وإنو التقاوي قامت زى الفل وحققت أعلى إنتاجية .. فلنفترض إنو الكلام ده (كووولو صاح) طيب السؤال الذى يفرض نفسه وكل الشعب السودني الفضل عاوز يعرف إجابتو هو :
كيف يمكن لشركة (هارفست) التي قامت بإستيراد هذه التقاوي بدون عطاء أو يحزنون أن يتم تسجيلها بعد عام من الصفقة التي تبلغ حوالي 6 ملايين يورو!! (كما جاء في تقرير اللجنة).
الشعب السوداني الفضل عاوز يعرف الشركة دي بتاعت منو؟ والطريقة الخلت المسئولين (عن القصة البايخة دي) يدوهو الصفقة دى بدون عطاء ولا منافسة شنو؟ وكيفن يسمحوا ليهو وهو (وقتها) ما عندو شركة مسجلة بإنو يستورد التقاوي دى؟
كثير من كبار المسئولين (شابكننا) العندو إثبات على الفساد يجيبو .. العندو إثبات على الفساد يجيبو .. طيب أهو الإثبات (جانا لحدت عندنا) يلا ورونا سيد الشركة (البتستورد قبلما تتسجل) ده منو؟ !! جيبو لينا صورتو فى الجرايد عشان نعرف الناس (البتنهش في البلد دي منو).. الناس العاوزه تغني بأى طريقه حتي لو يموت تلت المواطنين ويفضلو التلاته أرباع (أو كما قال أحدهم) !
قد تكون التقاوى صالحة وقد لا تكون هذه أشياء علمية لا يفقه العبد لله فيها شيئاً وقد يختلف العلماء في نسبة فسادها وما تسببه من الضرر ... لكن حكاية إنو الزول يستورد وبعدين يعمل الشركة دى ما أدونا ليها !! وهي توضح تمااااما بأن هنالك (فسادا جماعيا) وبالله إذا كانت بداية (الصفقة) من أولها تجاوزات للقوانين و(إستيراد بدون تسجيل) يعني بالعقل كده بس كيفن( (التقاوى) تكون سليمة والقصة من بدايتها (لولوة) !
قال لي صديقى الذي يجلس امامي وأنا أقوم بكتابة هذا العمود (لو قالوا ليك إتخيل سيد الشركة دى يكون شكلو كيف).
أجبته:
طويل القامة عريض المنكبين.. وضئ الوجه.. تشع منه الأنوار. ذو كرش ممدود (من اللغف طبعآ) .. إذا تحدث تحدث همساً (عشان الصفقات السرية وكده).. لا يجيد المضغ (بيبلع طوااالي) وبيكون أكيد قاعد يلبس الساعة باليمين عشان الشيطان (مع إنو الشيطان ذاااتو ما ممكن يستورد وبعدين يسجل الشركة) !
كسرة :
خلونا من (نسبة الإنبات) والشنو ما عارف! الشعب يريد أن يعرف (الشركة دي بتاعت منو)
وسؤال اخييييييير هل هذة التقاوي لها تاثير في النسل القادم والانجاب والتشوهات الجينيه عشان نقدر من هسع نعرف

(أحدهم كان اول التلت المات)

وفى هذاالزمن ليست هناك
اي احتمالات إجابة
!!!!!!!
؟؟؟؟؟ظ

ابوامجد ويييييينك ياحبيب عساك بخير
والله احترنا نعمل شنو لكن ربك يمهل ولا يهمل
قول يالطيف بس
مشكور حبيبنا مهدي بكش عساك بخير والاولاد
الغاليه حبوبه تسلمي يارب من كل تقاوي فاسدة
اركمانيه الله يخليك ستي وانتي كمان ربنا يسلمك من كل تقاوي فاسدة ويجعل زرعك اخضر كايامك
وتسلمو شباب
لحين العودة بمهل لاني طالع شغل ميدان

السلام عليكم جميعا" يا أخوانا كلمة حق هم أول من فتح موضوع التقاوي ومباشرة أمام البرلمان وبصراحة دي تعتبر محمدة كبيرة وهم مصممين على العقاب لكل من يثبت تورطه مهما كان فما علينا إلا الصبر حتى لا نظلم أحدا وجزاكم الله خيرا