ما تعتذر

[align=justify]

يا حبيبي يا قاسي جفاءك
عطره في دنياي فاح
بعد ابه جيتني تعتذر
وتطلب من ي السماح
انا هواك نسيته
من زمااان بكل صراح
نسيتك زي ما نسيتني
وحدي نازف للجراح
سلكت درباً دونك
لبست غيرك وشاح
حررت قلبك من اسرك
اعطيته العنان والصراح
نثرت ماضيك الاليم
يا قاسي للعواطف والرياح
كسرت قيد هواك
ودعته ليلك والنواح
حقيقة نسيت هواك
وما بجدي العفو والسماح
ما تحلم اعود ليك
وصوت حريتي صاح
خطانا افترقت دروبه
وزمان فرقتنا لاح
حقيقة الانسان بيحصد
ما زرع في الفساح
والحاضر دوام بكون
انعكاس الماضي اللراح
انت زرعت الليل
ولقلبي زدت الجراح
وجيتني بعد سنين
عشمان تحصد للصباح
بعد ايه بتعتذر
وتطلب من قلبي السماح
انا هواك نسيته
وعرفت دونك افراح
انساني زي ما نسيتك
هواك ودعني راح
الليلة اشرب مما سقيتني
كاس حميمة فاح
واعرف انه الحب
تبادل للمشاعر وتضميد للجراح
ولو ما سقيته بالوصال
والحنين والشوق والسماح
بيموت في رحم الزمن
وما بشرق ليه صباح
جفاءك يا حبيب يا قاسي
عطره في دنياك فاح
لؤي 24/1 / 1996
شتره
لو كنا بنريدك جد ما بنفتش ليك لعذر

ومساءااات
-------
الي لؤي الصادق او اي ما كان اسمه --
دمعة احتجاج
----------------------
ماتبقي انتا والزمن
اديني بس فرصة اعتذار
عارف عيوني بكن
وزماني قسا واستدار
اديني باقة امل
حول لي رصيد عشم
كفايه الدهر غدار
لابقدر اشكيك
ولا بكفيني ابكيك
باعني المحن
ومنك ولا لحظة انتظار
حسابي معاك كشف
وقلبي الحنين رجف
ولا يوم جاني ظن
اني اكون عديم مقدار
لييه ما بتقبل عذر
والسماء والنيل والبدر
وشواهد ريدنا سًجًن
ارحم حبيب لو استجار
عايز بس اذكرك
وحالة الدهشه وتنكرك
كم عبرنا بالريد مدن
وحطمن بالحب اسوار
ازرعني في كبد الريد
ونادني لو بقيت بعيد
القوافي الليك شجن
تقول ليك اقبل اعتذار
-------------------
الفقراوي 8/4/214

يالها من ثنائية
استاذ لؤى واستاذ الفقراوى انحنى إجلالا واحتراما لاحرفكما فاينما هطلت اينع الجمال واعذرونى ان تواضعت حروفى فهى عاجزة ان تطول مقاماتكم

المشاركة الأصلية كتبت بواسطة يوليسا

يالها من ثنائية
استاذ لؤى واستاذ الفقراوى انحنى إجلالا واحتراما لاحرفكما فاينما هطلت اينع الجمال واعذرونى ان تواضعت حروفى فهى عاجزة ان تطول مقاماتكم

سعداء بمرورك الاخت يوليسا
نحن هنا نتفيا ظلال حروفكم
مرورك يمنح المكان اريج خاص

الي الفقراوي او اي ما كان اسمه --
ما تعتذر
اصلي ما بقبل ليك عذر
امسك عليك الاعتذار
خلاص سكنته هواك القبر
وأعلن جواي الاحتضار

عن ياتو نيل والغرام
انت الليلة جاي تحكي
اني استجدي لعواطفك
وتحت اقدامك ابكي
واني ممكون وصابر
وفي سري ما قادر اشكي
ولحظة ما مليت الصبر
وعمري كله في الانتظار
اصلي ما بقبل ليك عذر
امسك عليك الاعتذار

كم وكم وكم اتمنيتك
ولو بخداع لي تواعد
اقرب منك لحظة
وسنين مني انت تباعد
ولغرامي كيف وكيف تتنكر
ولي الف شاهد وشاهد
قميصك المقدود من دبر
ودموعي السالن غزار
ما بقبل ليك عذر
امسك عليك الاعتذار

كنت كايس لي رضاك
وأنت زايد افتراء
الحب ما نصر وهزيمة
والدنيا كوره مدورة
الحب من رب العباد
ما سلعة للبيع والشراء
والريده ما بتجي بالجبر
والعشق ما بعني الانكسار
ما بقبل ليك عذر
امسك عليك الاعتذار

عشان اطولك ما خليته سكة
دقيت لقلبك الف باب
ولا اعتبرتني حتى ضيف
وقلت لي مرحب حباب
وبرضي كنت راضي
اصله في الريد العذاب
حافي اتوطيت الجمر
وأنت بتعذيبي زائد افتخار
ما بقبل ليك عذر
امسك عليك الاعتذار

انت بس كان تأمر امر
وتشوف غرامي في الاختبار
10/ 4/ 2014
شتره
الريده جات متاخره
[/align]

امسك عليك الاعتذار
خلاص سكنته هواك القبر
وأعلن جواي الاحتضار
..........
قسوة شديييييد ة ولا نقول زعل
البيريد قلبو رهيييف بيسامح
جميل كالمعتاد في انتظار المزيد
منكم الفقراوي ولؤي الصادق
كونو بخير

مساءااات
---------
الي لؤي الصادق .
.. لو يجدي نفعا ...
رد الرساله ...
.................
ساشكو لنجم المساء
وريح الحسره حينما تجاسرت
وتبعثرت الخطي وتفارقت
عن حب هوي الي السحيق

هل ذنبي باني عاشق
ادمنتك حبا .. وجزيتني راشق
يا لي قلوب العشاق ان تامرت
هي الضرم وكل الحريق

كنت طوق نجاتي واسفاه
كنت بردا ورشفة ماااه
ياسؤالا اجابته تلاشت
كيف لا لا تنجد الغريق

ما للعذر من وطن
ترجمانه اباحا وناحا ورطن
قارورة عطر تناثرت
اعتذاري صندل كالهواء الطليق

عجبت من رعشة الفارس
ان خان الامانة الحارس
قمم الشجن لو تقاصرت
وعجز النوارس عن التحليق

هز وعدي طول الغياب
وشج قلبي افول المااب
وعيونا ريثما تباصرت
باغتها الامر الحقيق

سأفرد لعذرييك جناح
لا بوابة صد بلا مفتاح
رئتي تنفستك وتناصرت
فالمنافي غدت لاتليق

الافاق بون لاتنحسر
الحب ليس خاسر ومنتصر
أجرمت ان هي سافرت
والعشاق لاتمل طول الطريق

مد وجزر يمسح الرمال
والضياء يغمر ظلال التلال
والنفس لولا بالسماح تعاذرت
كيف تلوح حلل البريق

الدمع النازف ربما يجيب
والحزن العازف طبيب
وأيام البين ان تكاشرت
فالاسي يبدو خير رفيق

الاشواق بحر رغًم اليباب
وللاعذار سر والف باب
فسامح ولو عليك تآامرت
وصدرك الحاني لا يضيق

..............................
الفقراوي 13/4/2014